Sport

Kosova e dyta në Ballkanikun e të Amputuarve në futboll

Published

2 years ago

October 18, 2024

UBTnews

Turneu ballkanik i futbollit të amputuarve uli siparin ditën e sotme, pasi u zhvillua ndeshja e fundit mes Shqipërisë dhe Kosovës. Takimi përfundoi me fitoren e ekipit përfaqësues të Kosovës me rezultatin 2-0.

Në “Shtëpinë e Futbollit” u zhvilluan në total 3 ndeshje dhe pas grumbullimit të pikëve ekipi kampion u shpall Turqia, që triumfoi ndaj Shqipërisë dhe Kosovës.

Turneu “Balkan Region Amputee Tournament” u zhvillua nën kujdesin e FSHF-së në bashkëpunim me UEFA dhe ky aktivitet i strategjisë së përgjegjësisë sociale kishte si qëllim të përçonte mesazhin që futbolli është për të gjithë.

Pas përfundimit të ndeshjes u organizua ceremonia e turneut dhe u ndanë kupat. Anëtari i Komitetit Ekzekutiv të FSHF-së, Abdyl Kuriu, i dorëzoi kupën ekipit kampion të Turqisë, kupën e vendit të dytë Kosovës dhe kupën fair-play skuadrës së Shqipërisë.

Balkan Region Amputee Tournament:

Shqipëri – Turqi 0-11

Turqi – Kosovë 12-0

Shqipëri – Kosovë 0-2

Related Topics:KOSOVA Ballkan Amputuarve në futboll

Up Next

Paul Pogba kthehet në fushë pas pezullimit për doping: “Nuk jam mashtrues”

Don't Miss

Interi në ankth: Ylli i ekipit në radarët e gjigantëve Evropianë

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/