Aktualitet

Koreja e Veriut teston raketën e re me rreze të gjatë veprimi, shqetësohet Japonia

Published

5 years ago

September 13, 2021

Betim Gashi

Koreja e Veriut ka testuar një raketë të re me rreze të gjatë veprimi të aftë të godasë pjesën më të madhe të Japonisë, thanë mediat shtetërore të hënën.

Në testet e kryera gjatë fundjavës raketat udhëtuan deri në 1.500 km larg, sipas KCNA.

Ato nuk shkelin rezolutat e Këshillit të Sigurimit të OKB –së, që në të kaluarën kanë çuar në sanksione të ashpra ndaj Koresë së Veriut, por tregon se vendi është ende i aftë të zhvillojë armë pavarësisht mungesës së ushqimit dhe krizës ekonomike.

Testi siguron “domethënie strategjike të posedimit të një mjeti tjetër parandalues efektiv për garantimin më të besueshëm të sigurisë së shtetit tonë dhe përmbajtjen e fortë të manovrave ushtarake të forcave armiqësore,” tha KCNA.

Sipas analistëve të Koresë së Veriut, kjo është raketa e parë lundruese me rreze të gjatë të vendit që mund të mbajë një kokë bërthamore.

Ky veprim i Koresë së Veriut ka shqetësuar qeverinë japoneze, e cila deklaroi se po punonte me SHBA dhe Korenë e Jugut për të monitoruar zgjidhjen.

Ushtria amerikane ka reaguar gjithashtu, duke thënë se testi tregoi “fokusin e vazhdueshëm të Koresë së Veriut në zhvillimin e programit të saj ushtarak dhe kërcënimet që paraqesin për fqinjët e saj dhe bashkësinë ndërkombëtare. Angazhimi i Shteteve të Bashkuara për të mbrojtur aleatët Korenë e Jugut dhe Japoninë mbetet i hekurt”.

Zyrtarë të nivelit të lartë nga të tre vendet do të takohen këtë javë për të diskutuar procesin e denuklearizimit të Koresë së Veriut.

Lajmet

Kaq kushton nafta sot në Kosovë

Published

15 minutes ago

May 5, 2026

UBTNews

Ministria e Industrisë, Ndërmarrësisë dhe Tregtisë ka caktuar çmimet tavan për shitjen e derivateve për 24 orët e ardhshme.

Sipas njoftimit zyrtar, çmimi maksimal i lejuar për naftë është 1.68 euro për litër, për benzinë 1.49 euro, ndërsa për gaz 0.82 cent.

Kjo rritje e çmimeve vjen si pasojë e tensioneve të fundit në Lindjen e Mesme dhe pasigurisë në tregjet globale.

Edhe pse javë më parë u shënua një rënie e lehtë, situata gjeopolitike mes SHBA-së dhe Iranit ka bërë që çmimet e naftës të shënojnë përsëri trend rritës.

Lajmet

Raportohet e zhdukur një grua në Prizren

Published

34 minutes ago

May 5, 2026

UBTNews

Në raportin 24-orësh të Policisë së Kosovës njoftohet për zhdukjen e një gruaje në Prizren.

Sipas raportimit të familjarëve, viktima është larguar nga shtëpia që nga pasditja e së dielës dhe nuk është kthyer më.

Njësitet policore kanë nisur hetimet për gjetjen e saj dhe po punojnë për zbardhjen e rrethanave të këtij rasti.

Kronikë e zezë

Shtetasi i Serbisë godet me veturë një këmbësor në Mitrovicën e Veriut

Published

37 minutes ago

May 5, 2026

UBTNews

Në raportin 24-orësh të Policisë së Kosovës njoftohet për një aksident trafiku me lëndime në Mitrovicën e Veriut, ku një shtetas i Serbisë ka goditur një këmbësor kosovar.

Sipas informacioneve të para, aksidenti dyshohet se ka ndodhur nga pakujdesia e drejtuesit të mjetit.

Viktima është dërguar menjëherë për tretman mjekësor në Spitalin e Mitrovicës së Veriut. Lidhur me rastin është njoftuar prokurori, me vendimin e të cilit procesi ka kaluar në procedurë të rregullt hetimore.

Lajmet

Arrestohet një person në Prishtinë për ngacmim seksual

Published

43 minutes ago

May 5, 2026

UBTNews

Në raportin 24-orësh të Policisë së Kosovës është bërë e ditur se është arrestuar një person në Prishtinë, nën dyshimin për veprën penale të ngacmimit seksual.

Sipas Policisë, i dyshuari ka ngacmuar seksualisht viktimën, ndërsa detajet e mëtejshme rreth rrethanave të ngjarjes nuk janë bërë të ditura.

Pas intervistimit, me vendim të prokurorit, i dyshuari është dërguar në mbajtje për procedura të mëtejshme ligjore.