Lajmet

Koreja e Jugut shton masa për të parandaluar vetëvrasjet e të famshëmve

Plani u njoftua të premten, disa ditë pasi ministritë mbajtën takim të përbashkët për problemin.

Published

5 years ago

October 4, 2021

UBT news

Qeveria e Koresë së Jugut ka zbuluar një plan për të ndihmuar në parandalimin e vdekjeve të njerëzve të famshëm nga vetëvrasja dhe vdekjet potenciale të njejta të fansave të tyre, transmeton UBT News.

Plani u njoftua të premten, disa ditë pasi Ministria e Arsimit, ajo e Shëndetsisë dhe Mirëqenies, mbajtën një takim të përbashkët për problemin.

Ndonëse tani për tani Koreja po shijon suksesin e K-pop, serialeve dramë televizive dhe filmave artistikë, industria këtë sukses po e arrin përmes një sistemi me presion të lartë ku shkalla e dështimit është tejet e lartë, dhe suksesi vjen me një kontroll intensiv në internet.

Vitet e fundit, disa të famshëm koreanë dhe personalitete të mediave kanë vrarë veten, me arsye që besohet se përfshijnë depresionin, fajin, turpin dhe ngacmimet kibernetike. Vetëvrasja e Jonghyun, anëtar i grupit ‘SHINee’, ishte një nga më të publikuarit e viteve 2017/18.

Pastaj, vetëvrasja e interpretueseve Sulli dhe Goo Hara sollën tronditje të tjera në industri, duke ngritur shqetësimet për shëndetin mendor të yjeve të K-pop.

Plani i parandalimit të vetëvrasjeve synon të eliminoj disa pika në menaxhimin e shëndetit mendor të të famshëmve dhe artistëve koreanë nga agjentët dhe menaxherët.

Parashihet që të rritet numri i konsultimeve psikologjike të kryera nga Agjencia Koreane e Përmbajtjes Kreative (KOCCA) nga 900 këtë vit në 1,300 në 2022.

Shërbimi i shëndetit mendor të vendit do të dërgojë një autobus për të vizituar më shumë aktorë filmash.

Ndërsa shkaku dhe pasojat janë vështirë të vërtetueshme, dihet se fansat që vranë veten u janë referuar formave të njejta të artistëve që admironin, gjerësisht si lëvizja #MeToo ose skandali i ‘The Burning Sun’ i lidhur me Seungri të BigBang.

D. Withawat Siriprachai në vitin 2017, pati shkruar se se ai do të donte që publiku të kuptonte se vetëvrasja e kopjuar është një problem i vërtetë!

Ai gjithashtu kishte shtuar se është vërtetuar shkencërisht se shkalla e vetëvrasjeve rritet ndjeshëm për një periudhë kohe pasi një person i famshëm merr jetën e tij ose të saj./UBTNews

Lajmet

Kuvendi i Kosovës ratifikon katër marrëveshje ndërkombëtare të kredisë

Published

6 hours ago

April 10, 2026

UBTNews

Në seancën e mbajtur të premten, deputetët e Kuvendit të Kosovës kanë miratuar disa projektligje që mundësojnë ratifikimin e marrëveshjeve të kredisë me institucione të rëndësishme ndërkombëtare.

Projektligjet e miratuara, të cilat u përfaqësuan nga Ministria e Financave, përfshijnë:

Zhvillimi i Sektorit Financiar: Marrëveshja me Asociacionin Ndërkombëtar për Zhvillim (IDA) për mbështetjen e projektit të sektorit financiar në vend.

Energjia dhe Klima: Marrëveshja me bankën gjermane KfW për programin e kredisë që synon reformat në sektorin e energjisë dhe mbrojtjen e klimës.

Politika Publike: Marrëveshja me Agjencinë Franceze për Zhvillim (AFD) për programin e kredisë të bazuar në politikat e përgjithshme shtetërore.

Tregtia dhe Transporti: Marrëveshja me Asociacionin Ndërkombëtar për Zhvillim për projektin “Lehtësimi i Tregtisë dhe Transportit në Ballkanin Perëndimor 2.0”.

Këto marrëveshje synojnë të forcojnë infrastrukturën ekonomike dhe të lehtësojnë integrimin rajonal përmes investimeve në sektorë strategjikë për Kosovën.

Lajmet

Miratohet rezoluta për mbrojtjen e të vërtetës së luftës

Published

7 hours ago

April 10, 2026

UBTNews

Kuvendi i Kosovës ka miratuar me 90 vota pro dhe asnjë kundër- Rezolutën për mbrojtjen e historisë dhe të vërtetës së luftës në Kosovë.

Ky propozim i Partisë Demokratike të Kosovës (PDK) bëri bashkë pozitën dhe opozitën, të cilat votuan unanimisht për të mbrojtur vlerat e luftës çlirimtare dhe për të parandaluar tentativat për rishikimin e historisë.

Përmes këtij votimi, deputetët treguan unanimitet, duke vlerësuar se mbrojtja e sakrificës së popullit dhe e të vërtetës historike është një obligim kombëtar që qëndron mbi dallimet politike.

Lajmet

Super fundjavë futbolli në Evropë

Published

7 hours ago

April 10, 2026

UBTNews

Të shtunën në Premier League zhvillohen disa përballje interesante ku Arsenal FC pret AFC Bournemouth në ora 13:30, ndërsa në ora 16:00 luajnë Brentford FC kundër Everton FC dhe Burnley FC ndaj Brighton & Hove Albion, ndërsa në mbrëmje Liverpool FC përballet me Fulham FC në ora 18:30.

Në La Liga, Real Sociedad luan ndaj Deportivo Alavés në ora 14:00, Elche CF pret Valencia CF në ora 16:15, ndërsa derbi i madh mes FC Barcelona dhe RCD Espanyol luhet në ora 18:30, dhe në mbrëmje Sevilla FC përballet me Atlético Madrid.

Në Bundesliga, në orën 15:30 zhvillohen disa duele të forta ku Borussia Dortmund luan ndaj Bayer 04 Leverkusen, RB Leipzig pret Borussia Mönchengladbach, FC Heidenheim përballet me 1. FC Union Berlin dhe VfL Wolfsburg luan ndaj Eintracht Frankfurt, ndërsa në ora 18:30 FC St. Pauli pret Bayern Munich.

Të dielën në Premier League në ora 15:00 zhvillohen tri ndeshje ku Crystal Palace FC pret Newcastle United FC, Nottingham Forest FC luan ndaj Aston Villa FC dhe Sunderland AFC përballet me Tottenham Hotspur FC, ndërsa në ora 17:30 luhet superndeshja mes Chelsea FC dhe Manchester City FC.

Në La Liga, në ora 14:00 CA Osasuna pret Real Betis, në ora 16:15 RCD Mallorca luan ndaj Rayo Vallecano, në ora 18:30 RC Celta de Vigo përballet me Real Oviedo dhe në ora 21:00 Athletic Club luan ndaj Villarreal CF.

Në Bundesliga, në ora 15:30 1. FC Köln përballet me SV Werder Bremen dhe VfB Stuttgart luan ndaj Hamburger SV, ndërsa në ora 19:30 1. FSV Mainz 05 pret SC Freiburg.

Lajmet

Gjobitja e investitorit për shembjen e rrugës në kryeqytet: Përparim Rama kërkon edhe heqjen e licencave

Published

7 hours ago

April 10, 2026

UBTNews

Kryetari i Prishtinës, Përparim Rama, ka bërë të ditur se janë ndërmarrë masa ndëshkimore ndaj përgjegjësve për shkatërrimin e rrugës “Don Shtjefën Kurti”.

Sipas të parit të komunës, investitori ka shpërfillur urdhrin paraprak për mbylljen e gropës në sektorët 4 dhe 5, çka ka çuar në shqiptimin e gjobave të majme.

Për këtë shkelje, kompania investuese është ndëshkuar me 30 mijë euro, ndërsa personi përgjegjës ligjor me 3 mijë euro të tjera. Përveç sanksioneve financiare, Rama ka kërkuar masa edhe ndaj stafit teknik që ka mbikëqyrur punimet.

“Deri më sot nuk janë prezantuar vendimet e inxhinierëve mbikëqyrës, prandaj kërkojmë nga Oda e Inxhinierëve të Republikës së Kosovës, inicimin e procedurave për tërheqjen e licencave të inxhinierëve mbikëqyrës”, ka deklaruar Rama.

Kryetari theksoi se mungesa e raporteve dhe vendimeve nga inxhinierët mbikëqyrës është e papranueshme, duke insistuar që Oda e Inxhinierëve të reagojë menjëherë për të sanksionuar profesionalisht ata që lejuan këtë dëmtim të infrastrukturës publike.