Lajmet

​Konstituohet Komisioni Hetimor për zyrtarët e MPJD-së

Mirëpo për shkak mungesës të disa deputetëve të këtij komisioni që ndodhën jashtë vendit, nuk pati diskutime tjera.

Published

2 years ago

on

Është bërë konstituimi i Komisionit Hetimor Parlamentar lidhur me nivelin e menaxhimit të marrëdhënies së punës të anëtarëve të Shërbimit të Jashtëm dhe zyrtarëve të Ministrisë së Punëve të Jashtme dhe Diasporës. Mirëpo për shkak mungesës të disa deputetëve të këtij komisioni që ndodhën jashtë vendit, nuk pati diskutime tjera.

Kryesuesja e këtij komisioni, Time Kadrijaj, tha se do e bëjnë planin e punës bashkërisht dhe do të vazhdojnë me punë në këtë drejtim gjatë ditëve në vazhdim.

“Me ketë përbërje, meqenëse komisioni është prej 11 anëtarëve, jemi gjashtë prezent, mundemi të konstatojmë konstituimin e komisionit hetimor”, tha Kadrijaj.

Ndërkaq deputeti Haxhi Avdyli tha se qasja e deputeteve që nuk janë në mbledhje, është jo serioze.

“E kuptojmë plotësisht edhe angazhimin e deputetëve nëpër mbledhje tjera, por ata të cilët e kanë thirrur duhet së paku të planifikojnë kur janë në Kosovë dhe të bëjmë konstituimin. Kjo qasje, është shumë jo serioze, sepse oraret kanë qenë, janë të ditura edhe planifikimet, sepse gjithmonë ka takime të papritura, por jo kështu kaq të planifikuara. Përndryshe, është një koincidencë që edhe dita e themelimit të këtij komisioni, ka qenë në ditën kur është mbajt debati në Kuvend, ndërsa kryeministri kanë qenë në takim në seancën e Kombeve të Bashkuara, ku është diskutuar çështja e Kosovës dhe ka pas debate mes kryeministrit Kurtit dhe Aleksandër Vuçiq, në të njëjtën kohë edhe ky grup po formohet në ditën kur Kosova po shënon rezultate të mëdha dhe është në fazën përfundimtare të anëtarësimin në Këshillin e Evropës”, tha Avdyli.

Ndërsa deputetja Kadrijaj në replikë tha sot nuk dëshiron të bëjë debat politik, megjithatë tha se opozita ka lobuar çdoherë për avancimin e anëtarësimit të Kosovës në Këshill të Evropës.

“Nuk kam dashtë të bëj debat politik, sepse do të kemi rast të vazhdojmë me debate politike…Është votuar në Kuvend e ka aprovuar kryesia, në bazë të atij vendimi ne do të vazhdojmë me procedura siç i kanë dhe me rregulla siç i kanë. Ajo që ka qenë iniciuese është në Këshill të Evropë, është një grup në përbërje të të gjitha partive politike që po lobon shumë për anëtarësim të Kosovës në KE…Në këtë drejtim sa i përket politikave të jashtme, asnjë hezitim nuk e ka pas asnjë deputet i opozitës për me qenë zë i fuqishëm për Kosovën”, tha Kadriaj.

Në përbërje të këtij komisioni janë 11 deputetë, Ariana Musliu-Shoshi, Haxhi Avdyli, Arbëresha Kryeziu-Hyseni, Jeta Statovci, Gazmend Gjyshinca, Fitore Pacolli, Hisen Berisha, Rrezarta Krasniqi, Vlora Dumoshi dhe Erxhan Galushi.

Related Topics:
Continue Reading

Lajmet

​Atalanta e Gjimshitit zgjat agoninë e Fiorentinës

Published

1 minute ago

on

December 1, 2025

By

Futbollistët e Atalantës mposhtën Fiorentinën me rezultat 2:0, në xhiron e 13-të të Serie A, ku ndeshja u dominua nga skuadra vendase, e cila tregoi edhe një herë dëshpërimin që Fiorentina ka ofruar këtë sezon.

Skuadra e Berat Gjimshitit kaloi në epërsi në minutën e 41-të me anë të Kossounou, me një asistim nga De Ketelaere.

Në pjesën e dytë pamë një tjetër gol, përsëri në portën e “Viola”, dhe shënuesi i golit të dytë për ekipin vendas ishte Lookman në minutën e 51-të.

Atalanta është e 11-ta në tabelë me 16 pikë, ndërsa Fiorentina e parafundit me vetëm gjashtë pikë./S.K/KP/

Continue Reading

Lajmet

Parashikimi i motit

Published

6 minutes ago

on

December 1, 2025

By

Këtë të hënë parashihet të mbajë mot me diell dhe pjesërisht i vranët.

Temperaturat minimale do të lëvizin ndërmjet -1 deri 2 gradë Celsius, ndërsa maksimalet e ditës parashihen të lëvizin ndërmjet 8-11 gradë Celsius.

Gjithashtu, do të fryjë erë me shpejtësi nga 7 deri 20 km/h./S.K./KP/

Continue Reading

Lajmet

Greva e Trafikut Urban vazhdon edhe sot

Published

8 minutes ago

on

December 1, 2025

By

Transporti publik dhe privat në Prishtinë do të qëndrojë i bllokuar edhe sot pasi punëtorët e “Trafikut Urban” dhe operatorët privatë po vazhdojnë protestat për shkak të mospagesave dhe bllokimit të buxhetit të Komunës.

Kryesindikalisti Elmi Gashi konfirmoi se protesta do të rifillojë nga ora 10:00 deri në 12:00, duke bllokuar aksin nga ndërtesa e Qeverisë deri te Komuna e Prishtinës.

Gashi shtoi se demonstratat nuk do të ndalen derisa fondet të kalojnë në llogaritë e ndërmarrjes dhe operatorëve privatë. Bllokimi i buxhetit ka shkaktuar krizë të thellë në transportin publik.

Që nga 24 nëntori, “Trafiku Urban” ka ndalur punën në shenjë pakënaqësie ndaj mosshlyerjes së pagave të punëtorëve dhe borxheve ndaj furnitorëve, situatë që erdhi si pasojë e moszhbllokimit të buxhetit komunal nga Ministria e Financave.

Javën e kaluar, punëtorët dhe kryetari i Prishtinës, Përparim Rama marshuan drejt Qeverisë për të kërkuar zhbllokimin e financave të kryeqytetit.

Ndërkohë, Asambleja Komunale votoi pro bartjes së 28 milionë eurove nga viti 2024 në 2025.

Kryetari Rama i ka kërkuar ministrit në detyrë të Financave, Hekuran Murati, lirimin e të hyrave vetanake dhe granteve komunale, të cilat arrijnë në 35 milionë euro./S.K/EO/

Continue Reading

Lajmet

Dita Botërore e Luftës Kundër HIV/AIDS

Published

10 minutes ago

on

December 1, 2025

By

Dita Botërore e Luftës Kundër HIV/AIDS organizohet çdo vit më 1 dhjetor për të rritur ndërgjegjësimin në lidhje me HIV/AIDS-in, dhe për të demonstruar solidaritetin ndërkombëtar në përballimin e kësaj pandemie.

Kjo ditë është një mundësi për të shpërndarë informacion lidhur me situatën e kësaj pandemie dhe për të inkurajuar përparimin në parandalimin, trajtimin dhe kujdesin ndaj HIV/AIDS-it në të gjithë botën, veçanërisht në vendet me prevalencë të lartë.

E themeluar në vitin 1988, Dita Botërore e Luftës Kundër HIV/AIDS-it ishte dita e parë shëndetësore globale.
Dita Botërore e Luftës Kundër HIV/AIDS-it u propozua fillimisht në muajin gusht të vitit 1987 nga Thomas Netter dhe James W. Bunn, të dy zyrtarë të informimit publik për Programin Global të HIV/AIDS-it në Organizatën Botërore të Shëndetësisë, në Gjenevë.

Ata kishin ndarë idenë e tyre për ditën e HIV/AIDS-it meJonathan Mann (drejtor i Programit Global të HIV/AIDS-it), i cili e kishte miratuar idenë dhe rekomandoi respektimin e Ditës Botërore të Luftës Kundër HIV/AIDS-it më 1 dhjetor të vitit 1988.

Kombet e Bashkuara kanë ngritur një Program të Përbashkët për HIV/AIDS-in, i njohur si UNAIDS. Programi filloi veprimtarinë në vitin 1996 duke promovuar në mbarë botën aktivitete të lidhura me HIV/AIDS-in.
Në vitet e para, temat e Ditës Botërore të Luftës Kundër HIV/AIDS-it ishin fokusuar vetëm te fëmijët dhe të rinjtë.

Nga viti 1998 e deri më sot, Dita Botërore e Luftës Kundër HIV/AIDS-it organizohet nën slogane të ndryshme.

Dita Botërore e Luftës Kundër HIV/AIDS-it simbolizohet nga fjongoja e kuqe, simboli global i solidaritetit me njerëzit HIV pozitiv dhe ata që jetojnë me AIDS.

Ideja për krijimin e një simboli global në luftën kundër HIV/AIDS-it lindi në fillim të vitit 1991 në Nju Jork. Ky është një simbol për solidaritet dhe tolerancë për njerëzit që jetojnë me HIV/AIDS dhe që shpesh diskriminohen nga publiku.

Në Evropë simboli i fjongos së kuqe përkoi fillimisht me të Hënën e Pashkëve të vitit 1992, kur më shumë se 100.000 fjongo të kuqe u shpërndanë gjatë koncertit për ndërgjegjësim të Freddie Mercury në stadiumin “Wembley” të Londrës. Po këtë ditë u themelua Fjongoja e Kuqe Internacionale në Londër.

Fjongoja e kuqe bashkon njerëzit në luftën e përbashkët ndaj kësaj sëmundjeje./S.K/EO/

Continue Reading

Të kërkuara