Lajmet

​Konjufca, Bislimi, Sveçla e Gërvalla bëjnë homazhe te lapidari i policëve të rënë në krye të detyrës

Published

6 months ago

on

Janë bërë homazhe shtetërore pranë lapidarit të policëve të rënë në kryerje të detyrës, pranë Drejtorisë së Përgjithshme të Policisë në Prishtinë.

Të pranishëm ishin kryetari i Kuvendit të Kosovës, Glauk Konjufca, zëvendëskryeministri Besnik Bislimi, ministri i Punëve të Brendshme Xhelal Sveçla dhe ministrja e Punëve të Jashtme, Donika Gërvalla.

Ndërsa në ora 11:00 kryetari Glauk Konjufca do të vizitojë familjet e Enver Zymberit dhe të Afrim Bunjakut. Kurse në ora 13:00 Glauk Konjufca dhe zyrtarë të tjerë bëjnë homazhe para pllakës përkujtimore në vendin e rënies së Enver Zymberit.

Ndërsa nga ora 14:00 mbahet gara profesionale e kërcimit në nderim të policëve të rënë në kryerje të detyrës – Liqeni i Ujmanit – Ura e parë.

26 korriku është data kur është vrarë polici Enver Zymeri, gjatë një aksioni në veri të vendit.

Derisa, gjatë homzhave nuk pati deklarim për media zyratrët shtetëor kanë zgjedhur rrjetet sociale që të kujtojnë policët e rënë në detyrë.

Kryeministri i Kosovës, Albin Kurti përmes një postimi në profilin e tij në rrjetin social Facebook, ka shkuar se sot janë bërë 13 vjet që kur polici Enver Zymeri është vrarë në veri të vendit.

Kryeministri Albin Kurti, thotë se në këtë përvjetor Zymberit, sovraniteti shtetëror dhe tërësia territoriale, sundimi i ligjit dhe rendi publik në veri të vendit, janë në një nivel krejt tjetër.

“Kjo falë këmbënguljes së institucioneve të Republikës së Kosovës në realizimin e të drejtës së saj dhe angazhimit të paepur e profesional të kolegëve të Enverit, pjesëtarëve të Policisë së Kosovës”, ka shkruar kryeministri Albin Kurti.

Ndërkohë, në rrjetin social Facebook ministri i Punëve të Brendhsme, Xhelal Sveçla ka kujtuar heroin Enver Zymeri, në 13-vjetorin e rënies së tij heroike.

Ministri Xhelal Sveçla, po ashtu ka kujtuar edhe policin Afrin Bunjaku i cili u vra në sulmin terrorist të Serbisë në Banjskë më 24 shtator, dhe policët e tjerë të rënë në kryerje të detyrës.

“Në nderim të sakrificës sublime të Hero Enver Zymerit, prej tre vitesh 26 korrikun e shënojmë si Ditën memoriale të policëve të rënë në kryerje të detyrës. Listës së të rënëve, shokëve të tij të lavdisë, këtë vit i është shtuar Heroi Afrim Bunjaku, i vrarë në sulmin terrorist të Serbisë në Banjskë me 24 shtator”, ka shkruar Sveçla.

Related Topics:
Continue Reading

Lajmet

AIP kërkon nga partitë mbrojtjen e të dhënave personale gjatë fushatës zgjedhore

Published

9 minutes ago

on

January 21, 2025

By

Agjencia për Informim dhe Privatësi (AIP) ka kërkuar nga Partitë Politike mbrojtjen e të dhënave personale gjatë fushatës zgjedhore për zgjedhjet e datës 9 shkurt 2025.

Sipas një komunikate të lëshuar për media, në mbikëqyrje të zbatimit të ligjit, përkatësisht mbrojtjen e të dhënave personale të qytetarëve, Agjencia për Informim dhe Privatësi në vitet e fundit ka pranuar ankesa të adresuara nga qytetarët ndaj partive politike për përdorimin e të dhënave personale të qytetarëve në mënyrë të paautorizuar, duke aplikuar marketingun e drejtpërdrejtë, të cilat raste, janë trajtuar përkitazi me ligjin.

“Për të siguruar zbatimin e ligjit, për mbrojtjen e të dhënave personale dhe njëkohësisht për të shmangur çdo veprim të Agjencisë kundrejt Partive Politike dhe subjekteve të përfshira në procesin e fushatës elektorale, Agjencia kërkon nga Partitë Politike zbatimin e detyrimeve ligjore për mbrojtjen e të dhënave personale të qytetarëve duke mos ekspozuar të dhënat personale gjatë komunikimit nëpërmjet postës elektronike (e-mail), mesazhet (SMS) dhe thirrjet telefonike, pa pëlqim paraprak”, thuhet në njoftim.

Agjencia përmes një komunikate për media ka thënë se ofron bashkëpunim me subjektet politike për të siguruar respektimin e së drejtës për mbrojtjen e të dhënave personale të qytetarëve të Republikës së Kosovës dhe bën thirrje që çdo informacion personal i mbledhur gjatë procesit të regjistrimit të votuesve, për realizimin e komunikimit me qytetarët gjatë aktiviteteve të fushatës zgjedhore, të përdoret në përputhje me kërkesat ligjore.

Continue Reading

Bota

Trump shkarkon katër zyrtarë të lartë, paralajmëron se 1.000 të tjerë do të pasojnë

Published

11 minutes ago

on

January 21, 2025

By

Presidenti amerikan Donald Trump njoftoi sot se ka shkarkuar katër zyrtarë të lartë qeveritarë të emëruar nga paraardhësi i tij, Joe Biden. Ky veprim u bë publik përmes një postimi në rrjetin e tij social Truth Social, ku Trump paralajmëroi se mbi 1.000 zyrtarë të tjerë mund të kenë të njëjtin fat.

Në postim, Trump shkruante: “Zyra ime e personelit presidencial është duke identifikuar dhe hequr në mënyrë aktive më shumë se një mijë të emëruar nga administrata e mëparshme, të cilët nuk janë në përputhje me vizionin tonë për ta bërë Amerikën përsëri të madhe.”

Ky njoftim i Trump vjen pas një periudhe të shpejtë pas marrjes së detyrës dhe tregon angazhimin e tij për të pastruar administratën nga ata që ai i konsideron të papërshtatshëm për realizimin e objektivave të tij politike./UBTNews/

Continue Reading

Lajmet

​Osmani: Kosova e ka mbështetjen e plotë nga Administrata Trump

Published

15 minutes ago

on

January 21, 2025

By

Presidentja, Vjosa Osmani ka thënë se Kosova e ka mbështetjen e plotë nga Administrata Trump.

E para e vendit, duke folur për mungesën e saj në ceremoninë e inaugurimit të presidentit Trump, tha se ajo ka vepruar njëjtë si shumë liderë botërorë të cilët kanë autorizuar nivel më të ulët të përfaqësimit.

Megjithatë, ajo tha se ka pasur mundësinë më herët që të flas me presidentin e sapozgjedhur amerikan, Donald Trump, ku sipas saj ka zhvilluar bisedë përmbajtësore për Kosovën.

Continue Reading

Bota

Bitcoin arrin rekord të ri historik, tejkalon 109.000 dollarë

Published

1 hour ago

on

January 21, 2025

By

Çmimi i Bitcoin-it ka arritur një rekord të ri historik, duke tejkaluar për herë të parë nivelin e 109.000 dollarëve. Kriptomonedha më e madhe në botë ka shënuar një rritje të ndjeshme gjatë 24 orëve të fundit, duke u luhatur midis 99.400 dhe 109.110 dollarëve.

Për të kuptuar më mirë këtë rritje, vlen të theksohet se çmimi i Bitcoin-it ishte në rreth 70.000 dollarë para zgjedhjeve amerikane të nëntorit 2024. Që nga fitorja e Donald Trump në ato zgjedhje, çmimi ka pësuar një rritje prej rreth 55 për qind, duke reflektuar optimizmin e tregut lidhur me politikat e tij të kriptovalutave.

Pasi Trump fitoi zgjedhjet, pritet që zhvillimet pozitive për kriptovalutat të vazhdojnë, pasi ai e ka shpallur SHBA-në si “kryeqytet kripto” të planetit, duke dhënë një nxitje për investitorët dhe tregun në përgjithësi.

Aktualisht, madhësia e tregut të Bitcoin është rritur në 2,14 trilionë dollarë, ndërsa vëllimi i tregtisë 24-orëshe ka arritur në 111,5 miliardë dollarë, sipas të dhënave nga Coinmarketcap. Ky zhvillim i fuqishëm i tregut të Bitcoin tregon se kriptovalutat vazhdojnë të mbeten një faktor kyç në ekonominë globale./UBTNews/

 

Continue Reading

Të kërkuara