Magazinë

Konflikti ligjor i Blake Lively, gjykata urdhëron dorëzimin e videove të lindjes

Published

1 hour ago

on

Një gjykatës federal në SHBA ka vendosur në favor të aktores Blake Lively, duke urdhëruar producentin e filmit It Ends With Us, Jamey Heath, të dorëzojë të gjithë materialin filmik që tregon bashkëshorten e tij, Natasha, gjatë lindjes.

Sipas dokumenteve të depozituara më 17 nëntor, gjykatësi Lewis J. Liman theksoi se pamjet “duhej të ishin dorëzuar” në kuadër të  urdhërit të mëparshëm për zbulimin e provave dhe se çdo video që dokumenton momentin e lindjes “mund të mbështesë pretendimet e Lively-t”.

Për shkak të natyrës së ndjeshme të materialit, pamjet do të mbeten të vulosura dhe të mbrojtura nga urdhri gjyqësor.

Lively, 38 vjeç, kishte kërkuar sanksione ndaj Heath për mosdorëzimin e plotë të videove dhe për të ndaluar atë të dëshmojë mbi pamjet që ajo pretendon se i janë treguar. Gjykatësi Liman refuzoi vendosjen e sanksioneve, duke argumentuar se keqinterpretimi i urdhrit nga Heath nuk përbën shkelje të qëllimshme. Ai urdhëroi që të gjithë materialet shtesë të dorëzohen deri më 20 nëntor.

Sipas dokumenteve të paraqitura nga ekipi i Lively-t, Heath kishte dorëzuar vetëm fragment të videos, aktorja ka “kundërshtuar vazhdimisht” se ai përputhet me atë që i është shfaqur asaj dhe asistentes së saj në set.

Ajo pretendon se për javë të tëra pala e Heath këmbëngulte se nuk ekzistonte material tjetër, derisa pranoi në depozitë se posedon më shumë video. Videoja e lindjes është në qendër të padisë së Lively-t, ku ajo akuzon regjisorin Justin Baldoni dhe Heath për sjellje “të shqetësuese” dhe “joprofesionale”.

Pala e Baldoni dhe Wayfarer mohon pretendimet, duke e cilësuar videon si moment “të bukur” familjar, i ndarë me pëlqimin e Natasha-s. /A.Z/UBT News/

Related Topics:
Continue Reading

Magazinë

Koncert nën masa të rrepta, Kanye West mund të arrestohet për çdo referencë ndaj nazizmit

Published

3 hours ago

on

November 20, 2025

By

Kanye West është paralajmëruar se do të arrestohet nëse përmend nazistët gjatë koncertit të ardhshëm në Sao Paulo.

Edhe pse ai ka shprehur keqardhje për deklaratat antisemite, autoritetet e qytetit nuk duan të rrezikojnë kur West të ngjitet në skenë më 29 nëntor në pistën e hipodromit Interlagos.

Kryebashkiaku i Sao Paulos, Ricardo Nunes, deklaroi se çdo referencë ndaj nazizmit a regjimeve fashiste çon në arrestim të menjëhershëm.

“Askush që promovon nazizmin nuk do të luajë apo këndojë në hapësira publike që i përkasin qytetit. Do të marrim çdo masë të nevojshme për të siguruar që askush që nxit nazizëm të mos zhvillojë aktivitete në Sao Paulo”, u shpreh ai.

Organizatorët, Guilherme Cavalcante dhe Jean Fabrício Ramos, janë paralajmëruar se përballen me arrestim nëse artisti shkel rregullat.

Këshilltarja Cris Monteiro ka paraqitur ankesë në Zyrën e Prokurorit të Përgjithshëm të Shtetit të Sao Paulos për këngën “Heil Hitler”.

Si pasojë, prokurorja Ana Beatriz Pereira de Souza Frontini ka lëshuar një urdhër që ndalon shfaqjen e çdo materiali nazist apo të lidhur me simbole si svastika gjatë performancës së West. /A.Z/UBT News/

Continue Reading

Magazinë

Leonardo DiCaprio triumfon në Palm Springs me çmimin Desert Palm

Published

1 day ago

on

November 19, 2025

By

Leonardo DiCaprio do të nderohet me një nga çmimet më prestigjioze të Festivalit Ndërkombëtar të Filmit në Palm Springs.

Aktori do të marrë Çmimin Desert Palm Achievement Award, i cili i jepet artistëve që kanë shënuar arritje të madhe në kinematografi.

Lajmin e bëri të ditur kryetari i festivalit, Natchatar Singh Chandi, i cili vlerësoi performancën e DiCaprios në “One Battle After Another”.

“Në filmin ‘One Battle After Another’, Leonardo DiCaprio ofron një performancë bindëse dhe të ngarkuar emocionalisht, duke portretizuar një njeri të shtyrë deri në kufijtë e tij përballë vështirësive të mëdha”, tha Chandi.

Ai shtoi se gjatë gjithë karrierës së tij, DiCaprio ka sfiduar kufijtë e mundësive të aktrimit, duke sjellë gama emocionale, integritet artistik dhe përkushtim të palëkundur në çdo rol.

Filmi, i shkruar, drejtuar dhe prodhuar nga Paul Thomas Anderson, ndjek historinë e Bob Ferguson, një ish-rebel që përballet me harresën dhe pasivitetin e jetës së tij.

Kur armiku i tij i betuar, i interpretuar nga Sean Penn, rikthehet pas 16 vitesh dhe vajza e tij zhduket, Ferguson nis një udhëtim të dëshpëruar për ta gjetur. Ngjarjet e detyrojnë babanë dhe vajzën të përballen me trauma të vjetra që nuk i kanë kapërcyer kurrë.

Në kast përfshihen Regina Hall, Teyana Taylor, Alana Haim dhe Benicio del Toro. Filmi është xhiruar me VistaVision 35 mm, duke i dhënë një estetikë klasike dhe vizuale të fuqishme, kryesisht në Kaliforni dhe El Paso, Teksas.

Performanca ka marrë vlerësime nga kritika,filmi ka pasur sukses komercial, duke grumbulluar mbi 200 milionë dollarë në mbarë botën.

Festivali Ndërkombëtar i Filmit në Palm Springs, i themeluar më 1990, është bërë një nga eventet më të rëndësishme kinematografike.

Edicioni i ardhshëm zhvillohet nga 2 deri më 11 janar 2026, ndërsa ceremonia e ndarjes së çmimeve do të mbahet më 3 janar në Qendrën e Konventave të Palm Springs. Nderimi i DiCaprios pritet të jetë një nga momentet më të spikatura të festivalit, duke theksuar edhe njëherë statusin e tij si një nga aktorët më të vlerësuar të gjeneratës së tij. /A.Z/UBT News/

Continue Reading

Magazinë

Liev Schreiber në urgjencë për shqetësime shëndetësore

Published

1 day ago

on

November 19, 2025

By

Ajo që filloi me një dhimbje të fortë koke për Liev Schreiber përfundoi me një shtrim urgjent në spital.

Të dielën, më 16 nëntor, aktori kontaktoi mjekun e tij, i cili, shqetësuar nga simptomat, i rekomandoi menjëherë të shkonte në spital.

Sipas TMZ, Schreiber kaloi natën në një spital të Nju Jorkut nën vëzhgim, duke pritur rezultatet e analizave për të sqaruar gjendjen e tij shëndetësore. Burime pranë aktorit konfirmuan se, megjithëse vuante nga dhimbja e kokës, aftësitë e tij njohëse nuk u prekën.

Ai mund të fliste dhe të ecte normalisht  por gjendja konsiderohet shqetësuese për shkak të historisë së tij mjekësore.

Më parë, Schreiber ka përjetuar një gjendje të rrallë të quajtur amnezi globale kalimtare, gjatë një paraqitjeje në “Late Night with Seth Meyers” dhe gjatë shfaqjes “Doubt: a Parable” në Broadway. Ai rrëfeu:

“Isha në dhomën e zhveshjes e pata dhimbje koke të tmerrshme. Mendova se ishte një dhimbje e zakonshme, por ishte më e fortë se kaq.”

Paniku arriti kur aktori nuk mundi të kujtonte emrin e bashkë-aktores së tij, Amy Ryan: “Shfaqja u fshi nga mendja ime… E di që jam në një shfaqje, por nuk e di se në cilën.”

Pas këtij episodi, Schreiber u diagnostikua me amnezi globale kalimtare, edhe pse vetë ai dyshoi për një goditje të pazbuluar në tru, duke shtuar me humor: “Si një hebre i mirë hipokondriak, jam i bindur se kam pësuar një goditje në tru dhe ata thjesht nuk e kanë zbuluar.”

Amnezia globale kalimtare kalon vetë brenda 24 orëve e mund të shkaktohet nga stresi, migrena e fortë ose ndryshimet e papritura të temperaturës. Dhimbja e kokës që përjetoi aktori ka ngritur shqetësime tek mjeku i tij, duke e bërë situatën emergjente. /A.Z/UBT News/

Continue Reading

Magazinë

Eminem në betejë ligjore për markën tregtare “Slim Shady”

Published

1 day ago

on

November 19, 2025

By

Reperi amerikan Eminem ka paditur një kompani australiane të veshjeve të quajtur Swim Shady, duke pretenduar se emri i saj është tepër i ngjashëm me pseudonimin e tij të mbrojtur si markë tregtare, Slim Shady.

Sipas BBC-së, në shtator Eminem, emri i vërtetë i të cilit është Marshall B. Mathers III — dorëzoi një kërkesë zyrtare në Zyrën Amerikane të Patentave dhe Markave Tregtare, me të cilën kërkonte anulimin e një marke tregtare të miratuar për kompaninë australiane.

Ligji amerikan kërkon që kompania t’i përgjigjet kërkesës brenda javës së ardhshme.

Avokatët e reperit e akuzojnë markën me bazë në Sydney për përvetësimin e ngjashmërisë së emrit të tij të njohur. Nga ana tjetër, menaxhmenti i Swim Shady i tha BBC-së se do të “mbrojë pronën e tyre të vlefshme”.

Emri i kompanisë u regjistrua në Australi në shtator 2023 dhe fillimisht u lansua si Slim Shade. Zyrtarisht u prezantua në vitin 2024, dhe marka shet çadra, çanta si dhe pajisje të tjera plazhi. Më herët këtë vit, kompania aplikoi për të regjistruar markën Swim Shady në SHBA, kërkesë që u miratua fillimisht.

Pak pas kësaj, ekipi ligjor i Eminem paraqiti një mocion për anulimin e saj. Reperi ka depozituar gjithashtu një ankesë të ngjashme edhe ndaj regjistrimit të markës në Australi.

Dokumentet tregojnë se Eminem e regjistroi Slim Shady si markë tregtare në SHBA më 1999, me publikimin e albumit me të njëjtin titull. /A.Z/UBT News/

 

 

Continue Reading

Të kërkuara