Lajmet

Konfirmohet aktakuza për korrupsion ndaj ish-sekretarit të Ministrisë së Infrastrukturës

Publikuar

Gjykata e Apelit ka konfirmuar aktakuzën ndaj ish-sekretarit të Ministrisë së Infrastrukturës (MI), Betim Reçica dhe tre zyrtarëve të tjerë, Isa Berisha, Leonora Limani dhe Mirdit Emini, lidhur me akuzat për keqpërdorime në tenderin për autostradën e Gjilanit.

Gjykata Themelore në Prishtinë, Departamenti Special në qershor të këtij viti, kishte refuzuar kërkesat për hudhje të aktakuzës dhe kundërshtim të provave të ushtruar nga mbrojtësit e të akuzuarve Reçica, Berisha, Limani dhe Emini.

Kundër këtij vendimi, mbrojtja brenda afatit ligjor kishte parashtruar ankesë në Gjykatën e Apelit, me ç’rast kjo e fundit e ka refuzuar ankesat si të pabazuara.

Në vendimin e siguruar nga “Betimi për Drejtësi” thuhet se janë refuzuar ankesat e mbrojtësve të të akuzuarve, dhe se vendimi i Gjykatës Themelore për konfirmim të aktakuzës është vërtetuar.

Në njërën nga paragrafët e këtij vendimi thuhet se “Gjykata e shkallës së parë ka vepruar drejt kur ka refuzuar kërkesat e mbrojtësve të të akuzuarve për hedhjen e aktakuzës si të pabazuara”.

Sipas këtij vendimi, gjykata e shkallës së parë ka vepruar drejtë kur ka refuzuar kërkesat e mbrojtësve të të akuzuarve për hudhje të aktakuzës.

Ndryshe, seancat e radhës për këtë rast janë caktuar me 22 dhe 23 shtator 2021. Sipas aktakuzës së ngritur nga PSRK-ja më 15 shkurt 2021, Betim Reçica po akuzohet se në cilësinë e Ushtruesit së detyrës së Drejtorit te Prokurimit Publik në Ministrinë e Infrastrukturës gjatë vitit 2017, me qëllim të përfitimit financiar për kompaninë “Gjoka Konstruktion” nga Tirana, ushtroi ndikim të drejtpërdrejt te Isa Berisha, Kryetar i Komisionít Rivlerësues dhe Leonora Limani e Mirdit Emini, anëtar të këtij komisioni, që ishin vartës të tij, duke i vënë në presion kohor që rivlerësimin e tenderit për ndërtimin e Autoudhës së Gjilanit ta kryejnë për 10 ditë.

Gjithnjë sipas aktakuzës së PSRK-së, i akuzuari Reçica kishte kërkuar nga anëtarët e këtij komisioni që të vijnë në takim me ministrin Pal Lekaj, e që pastaj ta shpallin fitues Operatorin Ekonomik “Gjoka Konstruktion” edhe pse nuk i përmbushte kriteret e tenderit më mirë se OE & GP& “Papënburg Ardiani”, që e kishte rekomanduar Komisioni Rivlerësuese, i cili për shumën prej 1,630,487.45 Euro kishte ofruar çmim më të ulët se “Gjoka Konstruktion”, me çka për këtë shumë ka dëmtuar buxhetin e Kosovës.Me këto veprime, PSRK-ja e ngarkon të akuzuarin Reçica se ka kryer veprën penale “ushtrimi i ndikimit”, nga neni 431 par.1 i KPK-së.

Betim Reçica po akuzohet nga PSRK-ja edhe se më 2 tetor 2019 në cilësinë e Sekretarit të Përgjithshëm në Ministrinë e Infrastrukturës, kishte nxjerrë vendim me qëllim që në mënyrë të kundërligjshme të bëhet kompensimi financiar (shtesa në pagë) për 14 zyrtarë të kësaj ministrie, edhe pse të njëjtit ishin të angazhuar në detyra të rregullta zyrtare, duke e dëmtuar buxhetin e Republikës së Kosovës në shumën prej 9,049.8 euro.

Në këtë pikë të aktakuzës, mbi Reçicën rëndojnë akuzat se në cilësinë e Sekretarit të Përgjithshëm në Ministrinë e Infrastrukturës, duke shfrytëzuar detyrën apo autoritetin zyrtar ka tejkaluar kompetencat e tij, me qëllim që përfitoj çfarëdo dobie për personin tjetër, duke nxjerrë dy vendime të kundërligjshme, me qëllim që të bëhet kompensimi financiar për dy zyrtarë të angazhuar në Komisione për realizimin e Projekteve kapitale në MI, Hysen Merovcin dhe Ardian Begaj.

Sipas aktit akuzues, me vendimin e nxjerrë nga Reçica të datës 11 qershor 2019, zyrtarët e MI, Hysen Merovci ishte kompensuar në vlerë prej 800 euro, ndërsa Ardian Begaj në vlerë prej 600 euro, në mënyrë retroaktive që nga data 7 qershor 2018, me ç’rast këta dy zyrtarë përfituan kundërligjshëm shumën prej 8,838 euro, e për këtë është dëmtuar edhe buxheti i Republikës së Kosovës.

Ndërsa, aktakuza thotë se me vendimin e nxjerrë nga Reçica të datës 14 gusht 2019, kundërligjshëm dy zyrtarët e MI Hysen Merovci e Ardian Begaj janë kompensuar financiarisht me shtesa në pagë, duke filluar që nga themelimi i marrëdhënies së punës, pra për Merovcin që nga muaji maj i vitit 2010, kur i njëjti është punësuar dhe për Begajn që nga fillimi i vitit 2010, kur ky po ashtu është punësuar, duke dëmtuar Buxhetin e Republikës së Kosovës në shumën prej 68,500.00 euro.

Me këto veprime, PSRK-ja e ngarkon të akuzuarin Reçica se ka kryer veprën penale të “Keqpërdorimit të pozitës apo autoritet zyrtar”, nga neni 414, par.1 lidhur me nenin 77 të KPRK-së.Po ashtu, aktakuza e PSRK-së e ngarkon Reçicën edhe për shpëlarje të parave, ngase ai akuzohet se gjatë vitit 2019, mjetet financiare të cilat i kishte përfituar nga aktiviteti kriminal, i cili ishte i ndërlidhur me veprat e sipërcituara, e me qëllim që këto para të kundërligjshme të duken si të ligjshme, ka blerë veturën “Audi F2 S7 Sportback”, të prodhuar në vitin 2019, të cilën veturë me qëllim të fshehjes së të ardhurave të krijuara me vepër penale e ka regjistruar në emër të vëllait të tij, Bekim Reçica.

Me këto veprime, prokuroria e ngarkon të akuzuarin Reçica se ka kryer veprën penale Shpëlarje e parave nga neni 308 të KPK-së, lidhur me nenin 56 par. 1 nën par. 1.1 të Ligjit për Parandalimin e Shpëlarjes së Parave dhe Financimin e Terrorizmit.

Të akuzuarit Isa Berisha, Leonora Limani dhe Mirdit Emini po akuzohen nga PSRK-ja se Isa Berisha, në cilësinë e Kryetarit të Komisionit Rivlerësues në MI, Leonora Limani dhe Mirdit Emini në cilësinë e anëtarëve të atij komisioni, të themeluar nga Sekretari i përhershëm i ministrisë, me dt. 21.11.2017, për rivlerësimin e ofertave të operatorëve ekonomik të paraqitura në tenderin për ndërtimin e Autoudhës së Gjilanit, nuk kanë përmbushur detyrat e tyre zyrtare për të shpallur fitues operatorët ekonomik që ofertuan çmimin më të ulët, që ishte kriteri kryesor për shpalljen e fituesve.

Gjithnjë sipas aktakuzës, ata akuzohet se kishin shpallur fitues për Lot I (një) Operatorin Ekonomik “Graniti Inginiering” && “Armendi & EX” që kishte ofertuar çmimin 18,468,426.58 Euro e jo Operatorin Ekonomik “AL TRADE” SHPK & “SALILLARI” që kishte ofertuar me çmimin 16,024,128.20 Euro, i cili ishte më i ulët për 2,444,298.38 euro, e pastaj për Lotin -II- (dy) shpallën fitues Operatorin Ekonomik “GP&Papengburg Ardiani” e jo Operatorin Ekonomik “2A group & Alko IMPEX&ex – FIX&2T”, që kishin ofertuar me çmimin 4,275,806.22 euro, i cili ishte më i ulët për 1,630,487.45 euro.

Gjithnjë sipas prokurorisë, të akuzuarit Berisha, Limani e Emini, kishin shpallur fitues për Lot IV (katër) Operatorin Ekonomik “2A GROUP” & “ALKO IMPEX” & “EX-FIX” & “2T”, që kishin ofertuar me çmimin 8,700,127.36 euro, e jo Operatorin Ekonomik ,,PEVLAKU & “BASE JOOS KRASNIQI” që kishin ofertuar me çmimin 7,784,756.72 euro, i cili ishte më i ulët për 915,370.64 euro, pastaj për Lot VI (giashtë) shpallën fitues “KAG ASPHALT & BENI COM” e jo Operatorin Ekonomik “SALLAHU”, i cili kishte ofruar dëshmi të mjaftueshme konform kërkesave të DT dhe njoftimit për kontratë.

Po ashtu, për Lot VII (shtatë) të akuzuarit e lartcekur shpallën fitues “AL TRADE SHPK” & “SALILLARI” që kishin ofertuar me çmimin 7,247,086.87 euro, e jo Operatorin Ekonomik “KAG ASPHALT” & “BENI COM” që kishin ofertuar me çmimin 6,147,674.16 euro, i cili ishte më i ulët për 1,099,412.71 euro, pastaj për Lot VIII (tetë) shpallën fitues Operatorin Ekonomik “JOOS KRASNIQI & PEVLAKU” që kishin ofertuar me çmimin 11,913,157.91 Euro, e jo Operatorin Ekonomik “RSM COMPANY” & “BENITA COMPANY”, që kishin ofertuar me çmimin 11,571,113,42 euro, i cili ishte më i ulët për 342,044.49 euro, ashtu që përfitimi në total i Operatorëve Ekonomik ishte 88,618,511.95 euro, nga e cila shumë buxheti i Republikës së Kosovës, u dëmtua për 6,200,313.13 euro.

Me këto veprime, PSRK-ja i ngarkon të akuzuarit Isa Berisha, Leonora Limani dhe Mirdit Emini se në bashkëveprim kanë kryer veprën penale Keqpërdorimi i detyrës apo autoritetit zyrtar nga neni 422 par.1 lidhur me nenin 31 të KPK-së.

Gjithnjë sipas PSRK-së, Betim Reçica akuzohet edhe se në cilësinë Ushtruesit të detyrës se Drejtorit të Prokurimit Publik në MI, me qëllim të përfitimit financiar për kompaninë “Gjoka Konstruktion’” nga Tirana, ka keqpërdorur detyrën zyrtare, duke tejkaluar kompetenca e përcaktuara me ligj, në atë mënyre që më 21.11.2017, ka ndryshuar raportin e Komisionit rivlerësues dhe OE “Gjoka Konstruktion’” e ka shpall të përgjegjshëm përkundër faktit se e ka ditur se ky operator nuk i ka plotësuar kushtet ligjore për tu shpallur i tillë dhe e ka ditur se OE “2Agroup & Alko IMPEX &EX FIS&2T” kanë ofertuar me çmim më të lirë, me ç’rast e ka dëmtuar buxhetin e Kosovës në shumë prej 1,630,487,45.

Me këto veprime, PSRK-ja e ngarkon të akuzuarin Betim Reçica se ka kryer veprën penale Keqpërdorimi i detyrës zyrtare apo autoritetit zyrtar nga neni 422 par.1 të KPRK-së.

Bota

BE masa kundër Francës dhe Italisë për nivele të larta të borxhit

Publikuar

nga

Komisioni Evropian ka nisur procedimet disiplinore kundër Francës, Italisë dhe pesë vendeve të tjera anëtare të BE-së për marrjen e borxhit të ri në nivele të larta, në kundërshtim me rregulloret e BE-së.

Belgjika, Hungaria, Malta, Polonia dhe Sllovakia janë kritikuar gjithashtu nga krahu ekzekutiv i Bashkimit Evropian për nivelin e borxhit të tyre kombëtar dhe deficitet buxhetore që ata kanë.

Vendimi i komisionit është hapi i parë në një proces të quajtur – procedura e deficitit të tepërt (EDP) – duke udhëzuar shtatë vendet e BE-së të reduktojnë shpenzimet e tyre publike. Ministrave të Financave të BE-së do t’u kërkohet të miratojnë vlerësimin e komisionit në korrik.

Më pas, nën mbikëqyrjen e komisionit, vendet që i nënshtrohen EDP-së duhet të paraqesin masa për të reduktuar borxhin dhe deficitin e tyre për katër vjet./UBTNews/

Vazhdo të lexosh

Bota

OKB: Përdorimi i bombave nga Izraeli mund të jetë një krim lufte

Publikuar

nga

Izraeli nuk i ka kushtuar vëmendje të mjaftueshme mbrojtjes së civilëve kur përdor bomba gjatë luftës në Gazë, tha sot Zyra e OKB-së për të Drejtat e Njeriut.

“Kërkesa për të zgjedhur mjetet dhe metodat e luftës që shmangin ose të paktën minimizojnë në çdo masë dëmin civil – duket se është shkelur vazhdimisht në fushatën e bombardimeve të Izraelit”, tha komisioneri i Lartë i OKB-së për të Drejtat e Njeriut, Volker Turk, në Gjenevë.

Zyra ka hetuar gjashtë sulme izraelite në Rripin e Gazës midis 9 tetorit dhe 2 dhjetorit. Supozohet se janë përdorur bomba të llojeve GBU-31, GBU-32 dhe GBU-39, të cilat mund të depërtojnë në beton dhe të shkatërrojnë disa kate të një ndërtese.

“Ato u përdorën për të sulmuar ndërtesat e banimit, një shkollë, një kamp refugjatësh dhe një treg”, tha agjencia.

Të paktën 218 persona ishin vrarë./UBTNews/

Vazhdo të lexosh

Lajmet

Filipinet fajësojnë Kinën për “lëndimin e personelit dhe dëmtimin e anijes” në përplasjen në Detin e Kinës Jugore

Publikuar

nga

Manila ka akuzuar Kinën për plagosjen e personelit filipinas dhe dëmtimin e anijeve filipinase gjatë një përplasjeje në Detin e Kinës Jugore në fillim të kësaj jave, ndërsa tensionet rriten mbi mosmarrëveshjet territoriale në rrugën ujore të pasur me burime dhe strategjikisht të rëndësishme.

Filipinet dhe Kina kanë fajësuar të dyja njëra-tjetrën për përplasjen të hënën pranë ‘Second Thomas Shoal’ në ishujt e kontestuar Spratly, me një deklaratë nga Departamenti i Punëve të Jashtme të Filipineve të mërkurën duke siguruar konfirmimin e parë zyrtar nga secila palë se janë pësuar lëndime dhe dëme. Ai vjen pas raporteve të shumta të lëndimeve të marinarëve filipinas të transmetuara në mediat lokale dhe nga zyrtarë amerikanë.

Departamenti i Punëve të Jashtme të Filipineve “dënon veprimet e paligjshme dhe agresive të autoriteteve kineze që rezultuan në lëndime të personelit dhe dëmtime të anijeve”, thuhej në deklaratë, pa specifikuar sa marinarë u plagosën apo duke dhënë ndonjë detaj për lëndimet e tyre.

Të paktën tetë filipinas u plagosën në incident – duke përfshirë një marinar që humbi gishtin e madh, raportoi AP të martën, duke cituar një zyrtar që foli në kushte anonimiteti.

CNN ka kontaktuar me Departamentin e Punëve të Jashtme, Forcat e Armatosura të Filipineve dhe Rojet Bregdetare Filipine për koment.

Tabloidi shtetëror kinez Global Times publikoi foto të incidentit në internet të mërkurën, duke treguar një varkë të vendosur në sanduiç midis një anijeje të madhe të Rojës Bregdetare të Kinës dhe të paktën tre varka të tjera kineze.

Kur u pyet për incidentin në një konferencë shtypi të mërkurën, zëdhënësi i Ministrisë së Jashtme kineze Lin Jian tha, “masat e zbatimit të ligjit të marra nga roja bregdetare kineze në vend ishin profesionale dhe të përmbajtura, që synonin ndalimin e peshkimit të paligjshëm nga anijet filipinase dhe asnjë masë e drejtpërdrejtë nuk u mor kundër personelit filipinas.”

Incidenti i së hënës është i fundit në një varg konfrontimesh midis anijeve kineze dhe filipinase që kanë rritur mundësinë që Deti i Kinës Jugore të kthehet në një pikë ndezjeje për konfliktin global. Vjen vetëm disa javë pasi presidenti i Filipineve Ferdinand “Bongbong” Marcos Jr. paralajmëroi se vdekja e çdo qytetari filipinas nga duart e një vendi tjetër në rrugë ujore do të ishte “shumë afër” një akti lufte.

Marcos ka kërkuar lidhje më të ngushta me SHBA-në, e cila ka theksuar në mënyrë të përsëritur “angazhimin e hekurt” të Uashingtonit ndaj një traktati të mbrojtjes reciproke të vitit 1951 midis SHBA dhe Filipineve, i cili përcakton se të dyja palët do të ndihmonin në mbrojtjen e njëra-tjetrës nëse njëra do të sulmohej nga një palë e tretë.

Kina pretendon “sovranitet të padiskutueshëm” mbi pothuajse të gjithë Detin e Kinës Jugore, dhe shumicën e ishujve dhe hekurave të rërës brenda tij, duke përfshirë shumë karakteristika që janë qindra milje nga Kina kontinentale. Qeveri të shumta, duke përfshirë Manilën, kanë pretendime konkurruese.

Në vitin 2016, një gjykatë ndërkombëtare në Hagë vendosi në favor të Filipineve në një mosmarrëveshje historike detare, e cila arriti në përfundimin se Kina nuk ka bazë ligjore për të kërkuar të drejta historike për pjesën më të madhe të Detit të Kinës Jugore.

Por Pekini e ka injoruar vendimin. Në vend të kësaj, ajo ka shtyrë gjithnjë e më shumë pretendimet e saj territoriale detare, me anijet e Rojës Bregdetare të Kinës – të përforcuara nga varkat e milicisë – të përfshira në përleshje të shumta gjatë vitit të kaluar që kanë dëmtuar anijet filipinase dhe kanë parë marinarët filipinas të plagosur nga topat e ujit.

I njohur si Ayungin Shoal në Filipine dhe Ren’ai Jiao në Kinë, Second Thomas Shoal është një shkëmb në formë loti i zhytur në ujë që ndodhet rreth 200 kilometra (125 milje) nga ishulli Filipine Palawan.

Ai shtrihet në Ishujt Spratly, një arkipelag kryesisht i pabanuar ku janë gjetur rezerva nafte dhe gazi dhe që pretendohet nga Kina, Filipinet, Vietnami, Malajzia, Brunei dhe Tajvani.

Filipinet mbajtën një rifurnizim të hënën për ushtarët e tyre të stacionuar në BRP Sierra Madre, një mjet fluturues i ndryshkur i Marinës Filipine, i ndërtuar nga SHBA, që u rrëzua qëllimisht në vitin 1999, me një flamur kombëtar të ngritur në bord, për të pohuar pretendimet territoriale të Manilës mbi Second Thomas Shop.

Roja Bregdetare e Kinës tha të hënën se një anije furnizimi filipinase “injoroi paralajmërimet e përsëritura solemne të Kinës” dhe “qëllimisht dhe në mënyrë të rrezikshme” iu afrua një anijeje kineze në “mënyrë joprofesionale”, duke rezultuar në një përplasje.

Një anije furnizimi dhe dy varka gome nga Filipinet kishin tentuar të dërgonin “ilegalisht” furnizime për anijen luftarake të bllokuar, tha zëdhënësi i Rojës Bregdetare të Kinës, Gan Yu.

Roja Bregdetare e Kinës tha gjithashtu se mori masa duke përfshirë “paralajmërime dhe përgjime, inspektime në bord dhe dëbime me forcë” kundër anijeve filipinase.

Shumë zyrtarë amerikanë kritikuan veprimet e Kinës të hënën dhe theksuan mbështetjen e Uashingtonit për Manilën.

“Shtetet e Bashkuara qëndrojnë me aleatin e tyre Filipinet dhe dënojnë veprimet përshkallëzuese dhe të papërgjegjshme” nga Kina, tha zëdhënësi i Departamentit të Shtetit të SHBA, Matthew Miller./CNN

Vazhdo të lexosh

Lajmet

UBT nënshkruan memorandum bashkëpunimi me “ISCTE Executive Education” të Portugalisë

Publikuar

nga

Në kuadër të Forumit të Parë të Biznesit Kosovë-Portugali, UBT dhe “ISCTE Executive Education” nga Portugalia kanë nënshkruar një marrëveshje bashkëpunimi, duke krijuar mundësi të reja në fushën e arsimit, kërkimit dhe trajnimeve. Ky memorandum synon të forcojë dhe të zgjerojë bashkëpunimin ekzistues kulturor dhe arsimor ndërmjet dy institucioneve.

Në ceremoninë e nënshkrimit, të mbajtur në ambientet e Forumit të Parë të Biznesit Kosovë-Portugali, të pranishëm ishin përfaqësues të lartë nga të dy institucionet, si dhe pjesëmarrës të tjerë të rëndësishëm nga sektori akademik dhe biznesi.

Marrëveshja e bashkëpunimit u nënshkrua nga rektori i UBT-së Prof.Dr Edmond Hajrizi dhe drejtori për zgjerimin global në “ISCTE Executive Education”, Rui Vinhas da Silva.

Ky memorandum bashkëpunimi parashikon zhvillimin e projekteve të përbashkëta kërkimore, organizimin e konferencave dhe seminareve shkencore, shkëmbimin e stafit akademik dhe studentëve, si dhe ofrimin e programeve të trajnimeve të avancuara. Marrëveshja përfshin gjithashtu mundësinë e krijimit të programeve të përbashkëta të studimeve dhe përfshirjen në rrjete ndërkombëtare të kërkimit dhe inovacionit.

Rektori i UBT-së, Prof.Dr Edmond Hajrizi, shprehu entuziazmin e tij për këtë bashkëpunim, duke theksuar se kjo marrëveshje do të kontribuojë në rritjen e cilësisë së arsimit dhe kërkimit shkencor në UBT, si dhe në zgjerimin e horizonteve për studentët dhe stafin akademik. Ai vuri në dukje rëndësinë e bashkëpunimeve ndërkombëtare në epokën e globalizimit dhe sfidave komplekse.

Ky bashkëpunim është një hap i rëndësishëm përpara në përpjekjet e UBT-së për të forcuar lidhjet e saj ndërkombëtare dhe për të ofruar një arsim cilësor dhe të integruar me standardet globale.

Vazhdo të lexosh

Të kërkuara