Lajmet nga UBT

Konferenca Ndërkombëtare e Muzikës Moderne solli shumë të gjetura shkencore në fushën e muzikës

Tema të shumta e pasuruan këtë konferencë.

Published

on

Hulumtues të shumtë, ekspertë në fushën e muzikës kanë prezantuar punimet tejet profesionale në këtë fushë, në kuadër të edicionit të njëmbëdhjetë të Konferencës Ndërkombëtare për Shkencë, Teknologji, Biznes dhe Inovacion.

Për veprat e krijuara nga Inteligjenca Artificiale (AI) në lidhje me Ligjin për të Drejtën e Autorit dhe të drejtat e përafërta në Kosovë, tingulli i qetësisë – çiftëzimi i heshtjes me imazhet e palëvizshme në filmat e Samir Karahodës, probleme me zërin e këngëtareve, zhvillimi i kulturës së ansambleve korale në Kosovë, është diskutuar në Konferencën Ndërkombëtare të UBT-së për Muzikë Moderne, Prodhimi Digjital dhe Menaxhimi.

Temat dhe prezantuesit që e pasuruan fushën e Muzikës Moderne në këtë konferencë ishin:

Sesioni i parë

Chair : PhD. Liburn Jupolli

Keynote Speaker – PhD. Liburn Jupolli

  • “The sound of stillness – pairing silence with still images in movies of Samir Karahoda”, Liburn Jupolli.
  • “Singer Voice problems”, Adelina Thaqi.
  • “The figure of Gjergj Kastriot – Skenderbeu in Albanian music”, Yllnor Kurti.
  • “Music practices in Kosovo (before 1950s): On the background of amateurism and cultural-artistic societies activity’s”, Kristina Perkola.
  • “Development of the culture of choral ensembles in Kosovo”, Lindita Isufi.
  • “Works created by Artificial Intelligence (AI) in relation to the Law on copyright and related rights in Kosovo”, Msc. Sadije Topojani.

Sesioni i dytë

Chair : PhD.Liburn Jupolli

Msc.Leutrina Pireva – Digitalisation in Music

  • “Chamber Works (Volume 1) The composition process and the idea”, Artan Hasani.
  • “Interpretation on the clarinet in the relationship betWeen classical and folk – Traditional music”. Blerim Emërllahu.
  • “Crisis as a main change instigator: A practice based approach of a multi-case study in Kosovo firms”, Lekaj – Diana
  • “The contribution of the Cultural Educational Organisation “Shkelzeni” to the musical life in Kosovo”, Nexhat Çoçaj.
  • “- Mihal Ciko-The first Albanian lyrical singer (1902, August 29, 2022-On the 120th anniversary of the birth of Mihal Ciko 1902-1986)”, Behar Arllati, MSc. Aida Gjikolli.
  • “Faust – CH. Gounod – Analysis libretto and role of Margherite”, Besa Llugiqi.

Lajmet nga UBT

UBT uron 4 Korrikun – Ditën e Pavarësisë së Shteteve të Bashkuara të Amerikës

Published

on

By

4 Korriku i vitit 1776 shënon momentin historik të shpalljes së Pavarësisë së Shteteve të Bashkuara të Amerikës – një akt që vendosi themelet e demokracisë moderne dhe që sot frymëzon shumë kombe anembanë botës. Në këtë ditë të rëndësishme, vlerat universale të lirisë, barazisë dhe drejtësisë kremtohen jo vetëm në SHBA, por edhe nga miqtë dhe aleatët e saj.

Në këtë ditë të veçantë, rektori i UBT-së, Prof. Dr. Edmond Hajrizi, ka uruar popullin amerikan për Ditën e Pavarësisë, duke theksuar rëndësinë e kultivimit dhe forcimit të lidhjeve të forta mes popullit shqiptar dhe atij amerikan.

Sot, teksa Shtetet e Bashkuara festojnë pavarësinë e tyre, ne i bashkohemi kësaj feste me respekt dhe mirënjohje. Miqësia mes shqiptarëve dhe amerikanëve është e vërtetë, e thellë dhe e ndërtuar mbi vlera të përbashkëta që transmetohen brez pas brezi,” është shprehur rektori Hajrizi.

UBT, si një institucion lider në arsimin e lartë në Kosovë, vazhdon të ndërtojë ura bashkëpunimi me institucionet arsimore në SHBA. Këto partneritete synojnë shkëmbimin e ideve dhe përvojave inovative, në funksion të zhvillimit të një sistemi modern dhe cilësor të arsimit në vend.

Continue Reading

Lajmet nga UBT

Hajrizi: UBT, institucioni i parë akademik në Evropë me bazë të plotë në Inteligjencë Artificiale

Published

on

By

Rektori dhe themeluesi i UBT-së, Prof. Dr. Edmond Hajrizi, ka deklaruar se UBT tashmë është institucioni i parë akademik në Evropë që funksionon tërësisht mbi bazën e Inteligjencës Artificiale (AI), duke përfshirë të gjitha proceset, nga arsimi dhe kërkimi shkencor deri te trajnimi dhe integrimi në tregun e punës.

Gjatë intervistës në Debat Plus, Hajrizi theksoi se ky hap jo vetëm që përfaqëson një arritje të madhe për institucionin që ai udhëheq, por edhe një transformim strategjik për Kosovën, duke e pozicionuar si një qendër novatore në nivel global.

Sot jemi duke fol për Inteligjencën Artificiale. Emiratet kanë krijuar, (Universiteti ‘Mohammed Bin Zayed’) ka bërë AI University. Çka kam me prit unë. Jo ne do ta bëjmë të njëjtën, dhe do të jemi të parët në Evropë. Dhe do ta bëjmë universitetin e parë, institucione e parë akademik në Evropë, i cili është i bazuar i tërë me AI. Dhe e kemi arritur. Sot mund të deklaroj zyrtarisht dhe publikisht se jemi institucioni më i parë, i cili në mënyrë të plotë, tërësore të gjitha veprimet akademike, prej edukimit deri te pjesa shkencore, inovacioni, ndërmarrësi, mentorimi, trajnimi, certifikim, aftësimi dhe t ë vendi i punës është i mbështetur me AI… Ne faktikisht do të marrim një rol të tillë.”, ka thënë Hajrizi.

Hajrizi ka shtuar se UBT ka investuar miliona në këtë drejtim dhe se përfitimet nuk do të kufizohen vetëm për studentët e UBT-së, por edhe për çdo qytetar dhe punëtor në Kosovë që kërkon aftësim për të përballuar sfidat e tregut modern.

Kemi investuar me miliona, për të cilën dëshirojmë të ia japim çdo qytetari, jo vetëm atyre që janë në UBT. Çdo punëtori që ka nevojë të aftësohet të ia japim një vegës që i kushton shumë pak, por që i ndihmon shumë. Dhe ka një cilësi dhe aftësi për të ia transformuar aftësitë, dijet dhe të jetë i gatshëm për tu përshtatur me rrethanat e reja që i kemi. Dhe unë mendoj që kjo edhe për Kosovën është shumë e madhe, se na pozicionon në një vend q është model, inovativ, kreativ. Jo në një vend që ne shkojmë pas dikujt. Por një vend që është në venin e grupeve më inovative në botë”, ka shtuar Hajrizi./Dukagjini

Continue Reading

Lajmet nga UBT

UBT hap Akademinë Verore për Ekonomi, Financa, Banka dhe Sigurime

Published

on

By

Fakulteti i Menaxhmentit, Biznesit dhe Ekonomisë në UBT ka hapur zyrtarisht Akademinë Verore për Ekonomi, Financa, Banka dhe Sigurime, e cila po zhvillohet në kuadër të aktiviteteve edukative dhe shkencore që synojnë thellimin e njohurive të studentëve dhe profesionistëve mbi zhvillimet më të fundit në ekonominë moderne.

Hapjen zyrtare të akademisë e bëri Prof. Kestrim Avdimetaj, i cili theksoi se ky aktivitet do të shërbejë si një platformë për analizimin e faktorëve kryesorë të ekonomisë dhe rritjes ekonomike, qëndrueshmërisë financiare, ambientit të investimeve dhe inovacioneve në sektorët financiar dhe bankar. Ai nënvizoi rëndësinë që do t’i kushtohet temave aktuale si tregjet e kapitalit, bankat digjitale, kriptovalutat dhe sfidat që paraqiten në sektorin e sigurimeve, duke krijuar një bashkëbisedim ndërmjet akademisë dhe sektorit privat.

Në vijim të programit, të pranishmit patën mundësinë të ndjekin prezantimin e Prof. Zef Dedaj, Drejtor i Përgjithshëm i KIESA-s (Agjencia Kosovare për Investime dhe Përkrahje të Ndërmarrjeve), i cili foli për ekosistemin e inovacionit dhe mundësitë e investimeve në Kosovë. Ai ndau të dhëna mbi mjedisin ekonomik dhe afarist të vendit, marrëveshjet ndërkombëtare të investimeve dhe tregtisë së lirë, si dhe sektorët më premtues industrialë. Një theks i veçantë iu kushtua përkrahjes për ndërmarrjet e vogla dhe të mesme, si shtyllë e zhvillimit ekonomik dhe gjenerimit të vendeve të reja të punës.

Në pjesën e dytë të akademisë, Prof. Ermal Lubishtani solli një analizë të thelluar mbi rëndësinë e institucioneve në tërheqjen e Investimeve të Huaja Direkte (FDI). Ai theksoi se mungesa e FDI-ve vazhdon të jetë një nga pengesat kryesore për rritjen ekonomike të qëndrueshme në Kosovë, ndërsa vuri në dukje se cilësia e institucioneve – si atyre formale ashtu edhe joformale – është thelbësore për krijimin e një ambienti të besueshëm dhe tërheqës për investitorët ndërkombëtarë.

Akademia Verore do të vazhdojë me sesione të tjera interaktive dhe ligjërata nga profesorë vendorë dhe ndërkombëtarë, duke krijuar një hapësirë për rrjetëzim, shkëmbim idesh dhe ndërtim të kompetencave profesionale për të rinjtë që synojnë karrierë në fushat e ekonomisë, financave, bankave dhe sigurimeve.

Continue Reading

Lajmet nga UBT

Mbahet ceremonia e shpërndarjes së certifikatave për pjesëmarrësit e nivelit të parë të UBT Startup School në Prizren

Published

on

By

Më 1 korrik 2025, në Parkun Inovativ të Prizrenit, u zhvillua ceremonia e shpërndarjes së certifikatave për pjesëmarrësit që përfunduan me sukses nivelin e parë të Shkollës së Ndërmarrësisë – UBT Startup School, organizuar nga UBT dhe Quality Kosova, me mbështetjen financiare të GIZ Gjermane.

Në këtë aktivitet, 24 studentë morën certifikatat e tyre, duke shënuar një hap të rëndësishëm në rrugëtimin e tyre drejt zhvillimit të aftësive ndërmarrëse dhe inovative.

Në emër të UBT-së, një fjalë rasti mbajti Dr. Besnik Skenderi, Drejtor për Produkte dhe Shërbime Profesionale në UBT, i cili theksoi rëndësinë e përkrahjes së të rinjve në ndërtimin e ideve dhe nismave të reja të biznesit.

Në ceremoni mori pjesë edhe Nehat Islami, këshilltar për Bashkëpunim Ekonomik dhe Zhvillim të Sektorit Privat nga GIZ Gjermane, i cili përgëzoi të rinjtë për angazhimin dhe entuziazmin e tyre.

Të pranishëm ishin gjithashtu edhe Dr. Zef Dedaj dhe Dr. Vehbi Sofiu, të cilët përkrahën iniciativën dhe ndanë vlerësime pozitive për nivelin dhe përmbajtjen e trajnimit.

Pjesëmarrësit u shprehën se trajnimi ka qenë shumë i vlefshëm dhe se njohuritë dhe aftësitë e fituara tashmë po i zbatojnë në mënyrë praktike në projektet e tyre personale dhe profesionale.

Continue Reading

Të kërkuara