Lajmet

Komuna e Prizrenit mban konsultim publik me qytetarët për projekt-buxhetin e vitit 2023

Hapja e konsultimit është bërë nga Antigona Bytyqi, kryesuese e Kuvendit Komunal të Prizrenit.

Published

3 years ago

June 17, 2022

Betim Gashi

Në sallën e mbledhjeve të Kuvendit Komunal të Prizrenit është mbajtur sot konsultim publik me qytetarë për projekt-buxhetin e komunës së Prizrenit për vitin 2023. Të pranishëm, përveç qytetarëve, ishin edhe Kryetari i Komunës Shaqir Totaj, kryesuesja e Kuvendit Komunal, Antigona Bytyqi, anëtarët e Komitetit për Politikë dhe Financa, si dhe drejtori për Ekonomi e Financa, Sulltan Badalli.

Hapja e konsultimit është bërë nga Antigona Bytyqi, kryesuese e Kuvendit Komunal të Prizrenit, e cila ka thënë se organizimi i këtij konsultimi me qytetarë është mbështetur në Ligjin për Vetëqeverisje Lokale të Kosovës Nr.03/L-040, Statutin e Komunës së Prizrenit Nr. 01/011-5643 të 15 tetorit 2008 si dhe nenit 6 pika 1.2 Udhëzimit Administrativ (MAPL) Nr.06/2018 për Standardet Minimale të Konsultimit Publik në Komuna dhe se një konsultim i tillë në Komunën e Prizrenit është duke u mbajtur për herë të parë.

Në pika të shkurtra prezantimin e limiteve fillestare të bazuar në qarkoren e parë buxhetore Nr.2023/1 të Ministrisë së Financave, Punës dhe Transfereve e ka bërë Sulltan Badalli, drejtor për Ekonomi dhe Financa duke thënë se granti qeveritar do të jetë 49,088,386, të hyrat vetanake 8,403,558, kurse totali i buxhetit është 57,491,944. Njoftojmë se projeksionet buxhetore mund të lëvizin deri në mbajtjen e dëgjimeve publike për Kornizen Afatmesme Buxhetore për vitet 2023-2025, dëgjime buxhetore do të mbahen pasi që të vie qarkorja e dytë buxhetore dhe përgatitja e KAB-it komunal. Njoftimet për organizimin e këtyre degjimeve do t’i merrni me kohë.

Kryetari i Komunës, Shaqir Totaj ka thënë se “Mirë është që po mbajmë takime dhe pjesmarrja po më duket inkurajuese dhe se kjo është tregues që ka qytetarë që janë të interesuar të kontribuojnë për interes publik. E vërteta është se nevoja e qytetarëve të Komunës së Prizrenit, janë shumë më të mëdha se sa që janë mundësitë buxhetore të komunës, por megjithatë ne si qeveri lokale kemi obligim dhe detyrë që t’i marrim të gjitha kërkesat dhe t’i trajtojmë me prioritet në harmoni me mundësitë buxhetore”.

Qytetarët e pranishëm në këtë konsultim publik, fillimisht i falenderuan, Kryetarin dhe Kryesuesen e Kuvendit për organizimin e këtij konsultimi, pasi, sipas tyre, mirë është që të ketë më shumë konsultime që atyre, si qytetarë, t’u jepet mundësia të bëjmë pyetje dhe përgjigjet t’i marrin nga Kryetari dhe zyrtarët përgjegjës, në kohë reale. Pyetjet e qyteraërve kishin të bënin kryesisht me: rregullimin e infrastrukturës rrugore, rregullimin e ndriçimit publik, rregullimin e kanalizimeve, ujit të pijes, shëndetësisë, arsimit, vendosjen e shportave për mbeturina, mbështetjen e OJQ-ve për realizimin e projekteve të ndyshme, rregullimin e terreneve sportive si dhe rregullimin e kanaleve kulluese.

“Ky është takimi i parë dhe natyrisht do ketë përsëri konsultime, bisedime dhe do t’i analizojmë të gjitha kërkesat në mënyrë gjithë përfshirëse dhe do t’i shohim se cilat janë me të vërtetë pritoritet që prekin interesat e një numri më të madh të banorëve dhe futjen e tyre në buxhet, do të arrijmë të kontribuojmë apo të prekim një spektër më të gjerë të banorëve të territorit të Komunës së Prizrenit. Gjatë përgatitjes së buxhetit për vitin 2023, nuk do të ketë veprime preferenciale, por do të ketë veprime korrekte dhe do të udhëhiqemi me kritere, standarde të cilat kanë të bëjnë me caktimin e relevancës pse një projekt duhet të realizohet dhe pse një tjetër duhet të pres. Jam i sigurt që do të kem mirkuptim edhe nga ana juaj dhe gjithmonë do të jemi të hapur për trajtimin e kërkesave tuaja”, ka thënë kryetari Totaj.

Në fillimit të këtij konsultimi, zyrtarët nga drejtoria për Ekonomi dhe Financa, u shpërndanë materialin, në formë fizike, të projekt-buxhetit të Komunës së Prizrenit për vitin 2023, qytetarëve që ishin të pranishëm në këtë takim.

Rajoni

Rektori Hajrizi viziton UniMarconi në Romë

Published

11 hours ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Lajmet

Bellingham dhe Foden rikthehen në kombëtaren e Anglisë

Published

1 day ago

November 7, 2025

UBT News

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Sport

Vdes në moshën 24 vjeçare lojtari i Cowboys, Marshawn Kneeland

Published

1 day ago

November 7, 2025

UBT News

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

Rajoni

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

1 day ago

November 7, 2025

Driton Iseni

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.