Sport

Komiteti i UEFA-së mblidhet sot për të miratuar formatin e ri të Champions League

Published

5 years ago

April 16, 2021

Betim Gashi

Komiteti i konkurrencës së UEFA-së do të mblidhet të premten për të miratuar formatin e ri për Ligën e Kampionëve që do të jetë në fuqi nga 2024 deri në 2027.

Ndryshimet e propozuara në formatin e garës duhet të ratifikohen gjatë kongresit të së martës.

Siç ka raportuar MARCA, numri i skuadrave pjesëmarrëse është vendosur të rritet nga 32 në 36 skuadra.

Gjithsej 100 ndeshje në një sezon

Fituesi eventual i Ligës së Kampionëve do të duhet të luajë 17 ndeshje në formatin e ri të stilit zviceran. Në total do të shtohet numri i ndeshjeve.

Ndihma për klubet më të vogla

Sistemi i ri do të jetë i dobishëm për ekipet më pak në famë që garojnë në Ligën e Kampionëve dhe me sa duket do t’i ndihmojë ato të luftojnë për trofeun.

Format i ri

Secila skuadër do të luajë 10 ndeshje në formatin e ri, duke luajtur pesë ndeshje në shtëpi dhe pesë jashtë, kundër kundërshtarëve me forca të ndryshme. Sigurisht, jo çdo ekip do të përballet me njëri-tjetrin dhe kjo mund të shkaktojë pakënaqësi.

Tabela

Në vend që të ndahen në grupe me nga katër klube, klubet do të ndahen në katër vazo bazuar në pozicionet e tyre në ligat e tyre të brendshme. Në Ligën e Kampionëve, ata do të renditen në një tabelë nga vendi i parë 1 deri në vendin e 36-të. Aty do të lëvizin poshtë-lartë siç bëjnë në renditjet në kampionatin vendas.

Koeficientët

Ekipet me renditjen më të lartë do të takohen me dy ekipe të tjera të nivelit të tyre dhe tre nga një nivel më poshtë. Po ashtu do të luajnë me tre ndeshje me klube vazos së tretë, dhe pastaj dy ndeshje me vazon më e ulët.

Rruga për në finale

Pasi secila skuadër të ketë luajtur 10 ndeshjet e tyre fillestare, tetë ekipet që janë më mirë në renditje do të kalojnë në Raundin e 16. Ata nga e nënta në të 16-tën do të përballen në një playoff, kundër atyre të pozicionuar midis vendeve 17 dhe 24 për Raundin e 1/16, ku mbesin edhe tetë vende për tu plotësuar.

Superliga

Shumë nga klubet e mëdha të Evropës ende shpresojnë që SuperLiga e Evropës do të vijë në jetë. Kjo, sidoqoftë, do të organizohet jashtë UEFA-s , por organi drejtues i futbollit evropian shpreson ta shmangë këtë garë me këtë Ligë të Kampionëve që do të ketë pamje të re.

Related Topics:UEFA Champions League Marca UBTSPORT

Up Next

Nga karrigia me rrota në koleg të Messit

Don't Miss

Lampard kandidat potencial për t’u emëruar trajner i grupmoshave U21 të Kombëtares së Anglisë

Sport

Premier League, La Liga dhe Bundesliga sjellin ndeshje të zjarrta

Published

2 days ago

April 24, 2026

UBTNews

Fundjava sjell një agjendë të ngjeshur me ndeshje interesante në ligat kryesore evropiane, ku vëmendja do të jetë te përballjet në Premier League, La Liga dhe Bundesliga.

Të shtunën, në Premier League, dita hapet me ndeshjen mes Fulham FC dhe Aston Villa FC në orën 13:30. Në orën 16:00 zhvillohen disa takime njëkohësisht: Liverpool FC përballet me Crystal Palace FC, West Ham United FC pret Everton FC, ndërsa Wolverhampton Wanderers FC luan ndaj Tottenham Hotspur FC. Në mbrëmje, nga ora 18:30, spikat derbi mes Arsenal FC dhe Newcastle United FC.

Në La Liga, po të shtunën, Deportivo Alavés përballet me RCD Mallorca në orën 14:00, ndërsa në 16:15 Getafe CF luan ndaj FC Barcelona. Në mbrëmje, Valencia CF ndeshet me Girona FC në 18:30, ndërsa në 21:00 zhvillohet dueli mes Atlético Madrid dhe Athletic Club.

Nga Bundesliga, të shtunën në 15:30 1. FSV Mainz 05 pret FC Bayern Munich, ndërsa në 18:30 Hamburger SV përballet me TSG Hoffenheim.

Të dielën, në La Liga, programi nis me Rayo Vallecano ndaj Real Sociedad në orën 14:00. Në 16:15 luhet sfida Real Oviedo – Elche CF, ndërsa në 18:30 CA Osasuna pret Sevilla FC. Dita mbyllet me ndeshjen Villarreal CF – Celta Vigo në orën 21:00.

Në Bundesliga, të dielën në 15:30 VfB Stuttgart përballet me Werder Bremen, ndërsa në 17:30 Borussia Dortmund luan ndaj SC Freiburg.

Fundjava premton spektakël dhe përballje interesante në tri nga ligat më të forta evropiane.

Sport

Drilon Hajrizi shkëlqen, udhëheq Trepçën drejt fitores ndaj Pejës

Published

2 days ago

April 24, 2026

UBTNews

Basketbollisti Drilon Hajrizi është shpallur MVP i publikut pas paraqitjes së tij vendimtare në fitoren e KB Trepça ndaj KB Peja në ndeshjen e parë.

Hajrizi ishte një nga lojtarët kyç të takimit, duke kontribuar me 17 pikë dhe 6 kërcime, ndërsa u dallua edhe për saktësinë në gjuajtjet për tri pikë, ku realizoi 3 nga 4 tentime.

Me performancën e tij, ai luajti rol të rëndësishëm në momentet vendimtare të ndeshjes, duke ndihmuar Trepçën të sigurojë fitoren e parë në këtë përballje.

Sport

UEFA dënon Prestiannin me gjashtë ndeshje për sjellje homofobike

Published

2 days ago

April 24, 2026

UBTNews

Futbollisti i SL Benfica, Gianluca Prestianni, është dënuar me gjashtë ndeshje pezullim nga UEFA për sjellje homofobike gjatë një ndeshjeje të Ligës së Kampionëve.

Incidenti kishte ndodhur në përballjen ndaj Real Madrid, në kuadër të plejofit të fazës nokaut në muajin shkurt. Ndeshja e zhvilluar në stadiumin Estádio da Luz ishte ndërprerë për rreth 10 minuta pas akuzave të bëra nga Vinícius Júnior.

Fillimisht, sulmuesi brazilian kishte pretenduar për fyerje raciste, ndërsa Prestianni i kishte mohuar këto akuza, duke thënë se situata ishte keqkuptuar.

Megjithatë, sipas mesfushorit të Real Madridit, Aurélien Tchouaméni, lojtari i Benficas kishte pranuar se komentet e tij kishin qenë me natyrë homofobike.

Pas shqyrtimit të rastit, UEFA ka vendosur ta ndëshkojë Prestiannin me gjashtë ndeshje pezullim, duke theksuar qëndrimin e saj kundër çdo forme diskriminimi në futboll.

Sport

E ardhmja e Zhegrovës te Juventusi në pikëpyetje pas paraqitjeve jo bindëse

Published

2 days ago

April 24, 2026

UBTNews

E ardhmja e Edon Zhegrova te Juventus është vënë në pikëpyetje, pasi paraqitjet e tij nuk kanë qenë në nivelin e pritur, raporton Calciomercato.

Sipas këtij burimi, drejtuesit e klubit po shqyrtojnë opsionet për të shmangur një humbje financiare, ndërsa ndeshja ndaj Bologna FC 1909 konsiderohet si një moment kyç. Zhegrova, i aktivizuar në minutën e 72-të në vend të Francisco Conceição, nuk arriti të bindë, duke humbur disa topa dhe duke marrë vendime të nxituara në fazën ofensive.

Raportohet se këto veprime nuk i kanë pëlqyer trajnerit Luciano Spalletti, pasi rrezikuan balancën e skuadrës dhe i dhanë mundësi kundërshtarit për kundërsulme.

Sezoni i tij deri tani ka qenë i kufizuar, me 22 paraqitje dhe vetëm 465 minuta në total, një mesatare prej rreth 21 minutash për ndeshje, çka tregon rolin e tij jo të qëndrueshëm në ekip.

Megjithatë, Zhegrova synon të ndryshojë këtë situatë. Sipas burimeve pranë lojtarit, ai u ka kërkuar agjentëve të mos nxitojnë me oferta, pasi dëshiron të fitojë më shumë minuta dhe të dëshmojë vlerën e tij te Juventusi.

Nga ana financiare, klubi torinez e kishte transferuar nga LOSC Lille për rreth 14.3 milionë euro, me bonuse që mund ta çojnë shumën deri në 18 milionë euro. Për të shmangur humbje, Juventusi duhet ta shesë për të paktën 11.4 milionë euro.

Drejtuesit nuk dyshojnë në cilësitë teknike të Zhegrovës, por shqetësimet lidhen me vendimmarrjen e tij në fushë dhe reagimin në momente kyçe.

Vendimi përfundimtar për të ardhmen e tij pritet në fund të sezonit, ndërsa çdo paraqitje e mbetur do të jetë vendimtare për qëndrimin e tij në Torino.