Lajmet

​Komisioni për Arsim miraton Projektligjin për testin e maturës shtetërore

Në bazë të këtij projektligji do të ndryshojë mënyra e mbajtjes dhe kushtet provimi të maturës.

Publikuar

2 javë më parë

më

Në Komisionin për Arsim, Shkencë, Teknologji, Inovacion, Kulturë, Rini dhe Sport është miratuar projektligji për provimin e maturës shtetërore.

Në bazë të këtij projektligji do të ndryshojë mënyra e mbajtjes dhe kushtet provimi të maturës, do të fuqizohet komisioni shtetëror si dhe do të rregullohen kundërvajtjet dhe shkeljet e mundshme gjatë zhvillimit të këtij testimi.

Propozimin e këtij projektligji e bëri Ministrja e Arsimit, Arbërie Nagavci, për të cilin tha se ky projektligj do të ndryshojë cilësinë dhe do të rrisë rezultatet e provimit shtetëror.

“Ministria ka finalizuar këtë projektligj dhe i njëjti është aprovuar nga qeveria me 2 prill të vitit 2024. Kemi paraparë disa ndryshime në këtë projektligj, përfshirë statutin e strukturave përgjegjëse, riformulimin dhe plotësimin e statusit të provimit të maturës, ndryshimin dhe fuqizimin e përbërjes së komisionit me anëtarë profesional, rregullimin dhe procesit të kundërvajtjeve dhe shkeljeve disiplinore me përputhje me legjislacionin. Ky projektligj do të ndikojë në cilësinë e provimit të maturës në të cilat dimensionet e këtij procesi dhe në vijim do të vazhdojë të organizohet më mirë. Kemi filluar digjitalizimin në aspekt të aplikimit online të sistemimit online të sistemimit të nxënësve në mënyrën se si ata do të vendosen në klasa, d.m.th. nuk do të jenë të njëjtit nxënës në klasa por do të shpërndahen në klasa të ndryshme për të mos lejuar të bisedojnë ose të kopjojnë. Para dy viteve kanë qenë 16 administrues ndaj të cilëve ministra ka filluar marrjen e masave në komuna, sepse komunat janë ato që organizojnë dhe duhet të marrin masa ndaj atyre që bëjnë shkelje. Ne jemi duke synuar që të bëjmë aplikim online të maturantëve, të bëjmë sistemimin e tyre dhe të dhënat t’i kenë në mënyrë elektronike, po synojmë që rezultatet të bëhen në mënyrë publike me printim të certifikatës së maturantëve”, theksoi Nagavci.

Projektligjin e prezantuar nga Ministrja Nagavaci, e ka përkrahur edhe deputeti i Lëvizjes Vetëvendosje, Jahja Kokaj, njëherësh anëtar i këtij komisioni, i cili tha se duhet të shtohet vigjilencë në përdorimin e teknologjisë nga maturantët, sepse për ata është shumë lehtë për të kaluar testin pa dije.

“Me kënaqësi konstatoj se meriton të aprovohet dhe me shpresë që niveli i vigjilencës sidomos problematika është në shekullin e teknologjisë informative është shumë e lehtë për njerëzit të cilët mendojnë të kontrabandojnë kalimin e testit pa dije, besoj që në këtë aspekt do të ketë kujdes sepse ligji është në rregull, por në implementimin dhe realizimin të tij do të bëhet e mundur të rritet vigjilenca dhe të arrihen rezultate pozitive”, tha Kokaj.

Ndërkaq, Arijeta Rexhepi, anëtare e Komisionit për Arsim theksoi se duhet të analizohet përqindja e cila merret për bazë si rezultat i maturantëve për pranim në shkolla profesionale.

“Në ligjin aktual është vendosur përqindja për pranimin e nxënësve në arsimin e lartë, duke pasur prapë një 30% në shkollën e mesme të lartë, 30% nga testi i maturës dhe 40% nga testi i cili parashtrohet nga arsimi i lartë apo nga njësia akademike ku ata aplikojnë. Sa e keni analizuar këto përqindje duke pas parasysh po të ishte shumë real testi maturës do të kishte arsyetim të mirë, por se si ka shkuar deri tash a kemi nevojë të ndërhymë në përqindjen e tij”, potencoi Rexhepi.

Edhe kryetari i Komisionit për Arsim, Ardian Gola, tha se duhet të rivlerësohet shpërndarja e përqindjeve të shkollës, testit dhe ato të testit pranues duhet të shpërndahen në një mënyrë më të saktë. Sipas tij, këtu është pika kyçe e zgjidhjes së problemit të rezultatit final.

“Në pikën në të cilën duhet ri menduar pikërisht rishpërndaja e përqindjes së nxënësve për të sistemuar në arsimin e lartë ashtu siç u tha. Komplet suksesi është 30% dhe 40% është testi pranues këtu duhet fokusuar më shumë sepse këtu është gjeneza e problemeve kyçe, sistemimi i nxënësve i gabuar në sistemin e arsimit të lartë. Studentët janë gabimisht edhe nga ambiciet duke u futur në sistem pa pasur përgatitje paraprake, përgatitjet të cilat marrin formë të vlerësimit në bazë të përqindjes, këtu mund të behët një shpërndarje e mire dhe mund të zgjidhet një problem i madh”, shtoi Gola.

Projektligji për testin e maturës i prezantuar nga Ministrja Nagavci është votuar nga të gjithë deputetët e opozitës dhe pozitës, pa asnjë votë kundër.

Etiketa
Vazhdo të lexosh

Lajmet

​BE: Rezultatet në procesin e dialogut nuk janë dështim i Lajçakut, por i palëve

Publikuar

4 orë më parë

më

29 Prill, 2024

nga

Përfaqësues të Bashkimit Evropian për Politikë të Jashtme e Siguri, kanë deklaruar të hënën se progresi i vogël në normalizimin e marrëdhënieve Kosovë – Serbi, nuk është dështim i përfaqësuesit special për dialogun, në këtë rast i Miroslav Lajçak, por është dështim i palëve.

Zëdhënësi i BE-së, Peter Stano në një konferencë për media theksoi se emisari Lajçak dhe përfaqësuesi i Lartë për Politikë të Jashtme dhe Siguri, Josep Borrell, kanë përkrahjen e plotë të shteteve anëtare sa i përket dialogut Kosovë – Serbi.

Ai tha se nëse palët nuk duan të lëvizin në rrugën drejt BE-s, atëherë askush nuk mund t’i detyrojë ata.

“Çfarë gjëra kemi mësuar? Ka një mësim shumë të qartë, se nëse palët nuk janë të gatshme të lëvizin, sigurisht që askush nuk do të jetë në gjendje t’i detyrojë ato. Roli ynë si lehtësues i BE-së në dialogun e Beogradi-Prishtinë është t’i lehtësojmë, t’i ndihmojmë ata të bëhen evropianë, t’i ndihmojmë ata të fillojnë të sillen në mënyrë evropiane dhe të gjejnë zgjidhje kompromisi për çështje të rëndësishme për qytetarët e tyre. Fakti që ata nuk ishin në gjendje ta bënin deri më tani dhe të ecnin përpara në procesin e normalizimit nuk është për shkak të dështimeve të perceptuara apo të supozuara të BE-së si lehtësues, është për shkak të dështimit të tyre për bërë pjesën e tyre”, theksoi ai.

Më tej Stano shtoi se nuk është e saktë të thuhet se ka dështim për faktin se palët nuk e kanë nënshkruar Marrëveshjen e Ohrit.

“Pra, sigurisht që nuk është e vërtetë të paraqesim rezultatet e pakta të deritanishme si një dështim të zotrit Lajçak. Ai bëri më të mirën në emër të Përfaqësuesit të Lartë, në emër të Bashkimit Evropian, me mbështetjen e plotë të 27 shteteve anëtare të Bashkimit Evropian. Nuk është faktikisht e saktë të thuhet se ka dështuar për të arritur diçka sepse ishin të dyja palët që nuk e kanë caktuar marrëveshjen e Ohrit. Sërish, me herë të panumërta e kemi shpjeguar se asnjëherë nuk ka qenë çështje nënshkrimi për ne, kjo marrëveshje është ligjërisht e detyrueshme dhe nuk ka shprehje më të mirë të faktit se meqë është ligjërisht e detyrueshme ajo u bë pjesë integrale e pjesës së anëtarësimit të të dyjave, të Serbisë dhe Kosovës, kështu që nëse nuk ka lëvizje në zbatimi, palët po dëmtojnë veten, të ardhmen e tyre evropiane dhe përfitimet nga të cilat qytetarët e tyre do të mund të korrin nga ecja përpara dhe avancimi i dialogut. Kështu që ne do të vazhdojmë, BE-ja ka një rol të mandatuar ndërkombëtarisht në këtë. Përfaqësuesi i Lartë është lehtësuesi dhe ai do të vazhdojë, qoftë nëse do të quhet Joseph Borel apo kushdo tjetër që do të vijë”, theksoi Stano.

Vazhdo të lexosh

Lajmet

Vrasja e Marigona Osmanit, në maj nis rigjykimi ndaj Krivaqës e Sejdiut

Publikuar

5 orë më parë

më

29 Prill, 2024

nga

Më 16 maj të këtij viti do të mbahet rigjykimi për vrasjen e Marigona Osmanit në Ferizaj. Gjykata Themelore në Ferizaj njofton se më 16 maj nis seanca gjyqësore në çështjen penale kundër të pandehurit Dardan Krivaqa.

Sipas njoftimit, për vrasjen e Marigona Osmanit akuzohen Dardan Krivaqa dhe Arbër Sejdiu.

“Ju njoftojmë se më 16 maj 2024, duke filluar nga ora 10:00, është planifikuar të mbahet seanca gjyqësore në çështjen penale kundër të pandehurit D.K., i akuzuar për shkak të veprave penale dhunimi nga neni 227 paragrafi 4 lidhur me paragrafin 1 të KPRK-së dhe veprës penale në bashkëkryejre vrasja e rëndë nga neni 173 paragrafi 1 nën paragrafi 1.3, 1.4 dhe 1.7 lidhur me nenin 31 të KPRK-së, si dhe të pandehurit A.S., i akuzuar për shkak të veprave penale në bashkëkryejre vrasja e rëndë nga neni 173 paragrafi 1 nën paragrafi 1.3, 1.4 dhe 1.7 lidhur me nenin 31 të KPRK-së dhe veprën penale ndihma në kryerjen e veprës penale të dhunimit nga neni 227 paragrafi 4 nën paragrafi 4.1 lidhur me paragrafin 1 lidhur me nenin 28 të KPRK-së”, thuhet në njoftim.

Seanca do të mbahet në sallën e gjykimit I, në objektin të Gjykatës Themelore në Ferizaj dhe është e hapur për publikun.

Marigona Osmani është vrarë më 22 gusht të vitit 2021 në banesën e të akuzuarit kryesor, Dardan Krivaqa në Ferizaj.

Tetë muaj më parë, për vrasjen e Marigona Osmanit, Gjykata Themelore në Ferizaj ka dënuar me burgim të përjetshëm Dardan Krivaqën, për veprën penale “vrasje e rëndë”. Ndërkaq, Arbër Sejdiu është dënuar me 15 vjet burgim, për veprën penale “ndihmë në kryerjen e vrasjes së rëndë”. Ndërsa, Gjykata e Apelit e ktheu rastin në rigjykim.

Vazhdo të lexosh

Lajmet

Sfidat e bizneseve diskutohen në takimin e zëvendësministrit Sallahu dhe Dhomën e Tregtisë

Publikuar

5 orë më parë

më

29 Prill, 2024

nga

Problemet e bizneseve me procedurat e përmbarimit, numri i ulët i gjykatësve si dhe vonesat në trajtim të rasteve në Gjykatën Komerciale ishin disa nga çështjet e diskutuara në takimin e realizuar ndërmjet përfaqësuesve të Dhomës së Tregtisë dhe Industrisë Kosovë me Zëvendësministrin e Drejtësisë, Blerim Sallahu.

Problemet e bizneseve me procedurat e përmbarimit, numri i ulët i gjykatësve si dhe vonesat në trajtim të rasteve në Gjykatën Komerciale ishin disa nga çështjet e diskutuara në takimin e realizuar ndërmjet përfaqësuesve të Dhomës së Tregtisë dhe Industrisë Kosovë me Zëvendësministrin e Drejtësisë, Blerim Sallahu.

Zana Beqiri, Drejtore e Dhomës së Tregtisë dhe Industrisë Kosovë falënderoi Zëvendësministrin Sallahu për takimin dhe theksoi që një ndër ankesat e cila ka të bëjë me mos funksionimin e përmbaruesve si rrjedhojë e mundësisë së ankesës në Gjykatë nga ana e bizneseve, ani pse ekziston si dëshmi kontrata dhe fatura e rregullt e nënshkruar nga po ata.

Ndërsa sipas Mazllum Baraliu, Konsulent në Dhomën e Tregtisë dhe Industrisë Kosovë, vlerë e shtuar për DHTIK është komuniteti i bizneseve që ajo përfaqëson.

“Prandaj është mëse e nevojshme që të përfshihet në grupet punuese për Projektligjin për Përmbarim, ashtu që në draftin final të merren në konsideratë dhe të përfshihen edhe komentet e bizneseve vendore. Ai tutje shtoi që Dhoma e Tregtisë që në fazën e hartimit të Ligjit për Gjykatën Komerciale ka rekomanduar që duhet të parashihet numër më i madh i gjykatësve, mungesa e të cilëve sot po ndikon që lëndët e kësaj Gjykate të kenë dinamikë të ulët të trajtimit”, thuhet në komunikatë.

Zëvendësministri i Drejtësisë, Blerim Sallahu, theksoi që bashkëpunimi me komunitetin e bizneseve është i domosdoshëm, sepse vetëm në këtë mënyrë sipas tij do të sigurohet që draftet finale të ligjeve të jenë gjithë përfshirëse.

Sipas Zëvendësministrit Sallahu, Ministria e Drejtësisë është duke trajtuar këto çështje, me theks të veçantë problemin e përmbaruesve, ndërsa për rastet e shumta dhe të pa trajtuara në Gjykatën Komerciale shtoi që aktualisht është duke u finalizuar Ligji për Gjykatën Administrative e që në mënyrë direkte do të ndikoj në uljen e rasteve të Gjykatës Komerciale.

Vazhdo të lexosh

Lajmet

​Kurti bisedë tefelonike me kancelarin Scholz, i kërkon mbështetje për anëtarësim në KiE

Publikuar

7 orë më parë

më

29 Prill, 2024

nga

Kryeministri i Kosovës, Albin Kurti ka zhvilluar një bisedë telefonike me Kancelarin e Gjermanisë, Olaf Scholz. Në njoftim thuhet se marrëdhëniet ndërshtetërore dhe integrimi evropian i Kosovës, përkatësisht anëtarësimi i Kosovës në Këshillin e Evropës ishin temat kryesore të bisedës.

Në komunikatën e Zyrës së Kryeministrit thuhet se kryeministri Kurti e ka njoftuar kancelarin gjerman për progresin e arritur socio-ekonomik në këto tri vjet qeverisje në Kosovë: për zhvillimin e ekonomisë dhe përmirësimin në indikatorët e demokracisë e të sundimit të ligjit.

“Me kornizën më të avancuar në Evropë për të drejtat dhe mbrojtjen e komuniteteve joshumicë, të theksuara edhe nga raporti i Juristëve Eminent të Këshillit të Evropës, rezultatet në demokraci, sundim të ligjit dhe të drejtave të njeriut, pranimi i Kosovës në Këshill të Evropës është veprimi i drejtë dhe vendimi i duhur në promovimin e vlerave të vetë Këshillit dhe avancimin e demokracisë, theksoi kryeministri gjatë diskutimit mbi procesin e anëtarësimit të Kosovës në këtë organizatë, teksa kërkoi nga kancelari mbështetjen e Gjermanisë deri në anëtarësim e plotë të Kosovës”, thuhet në komunikatë.

Më tej thuhet se Këshilli i Evropës, mbi bazën e raportit të raportueses, Dora Bakoyannis, i cili brenda kishte edhe rekomandimet e Juristëve Eminent të Këshillit të Evropës, u votua me 82% të votave nga Asambleja Parlamentare e Këshillit të Evropës.

“Opinioni i Asamblesë së Këshillit të Evropës kërkon nga Komiteti i Ministrave që pa parakushte e kushte shtesë të pranojë Kosovën si anëtaren më të re të saj e që njëherësh është shteti i vetëm demokratik evropian që ende nuk është pjesë e kësaj organizate të rëndësishme. Pranimi i Kosovës në Këshill të Evropës forcon të drejtat e njeriut dhe të drejtat e komuniteteve joshumicë pasi ju garanton qasje në Gjykatën Evropiane për të Drejtat e Njeriut”, thuhet më tutje në komunikatë.

Vazhdo të lexosh

Të kërkuara