Lajmet

Komisioni Ad-Hoc fton katër kandidatë për intervistim për anëtarë të bordit të RTK-së

Published

1 year ago

on

Është mbajtur mbledhja konstituive e Komisionit ad-hoc për përzgjedhjen e kandidatëve për një anëtar të Bordit të RTK-së në të cilën u bë edhe shqyrtimi i listës së kandidatëve të propozuar për anëtarë të Bordit të RTK-së.

Me këtë rast, me shumicë votash, katër kandidatë u vendosë që të thirren për intervistim, ku dy prej tyre do të shkojnë në seancë për votim.

Kryetarja e këtij Komisioni Adelina Grainca, tha se kanë pranuar aplikacionet e 5 kandidatëve nga radhët e komunitetit shqiptarë për anëtar të bordit të RTK-së. Ajo tha se nga 5 kandidatët një kandidate nuk i ka plotësuar kushtet e kërkuara në konkurs.

“Aplikacionet e kandidatëve janë proceduar në formë të rregullt nga RTK për në Kuvend. Kuvendi ka pranuar aplikacionet e 5 kandidatë nga radhët e komunitetit shqiptarë për anëtar të bordit të RTK-së. Ne si komision nga 5 kandidat duhet të përzgjedhim dy kandidat për seancë plenare. Kandidatët Besa Maxhuni, Ilir Bytyqi, Bul Salihu dhe Fatime Buzolli i kanë plotësuar kushtet, ndërsa Vlera Kastrati nuk i ka plotësuar kushtet sepse nuk i sjellë dëshmitë e kualifikimeve dhe dëshmitë që nuk është nën hetime”, ka thënë ajo.

Deputeti i LDK-së, Agim Veliu, ka thënë se kandidati i cili nuk ka plotësuar kushte nuk duhet që t’i jepet kohë shtesë pasi ka pasur kohë të mjaftueshme për të dorëzuar dokumentet.

“Katër kandidatët i kanë plotësuar kushtet, jam i mendimit që ti procedojmë tutje. Ndërsa kandidati i 5 që nuk i ka plotësuar, mendoj që nuk është e nevojshme që ti japim kohë pasi ka pasur kohë të mjaftueshme që t’i plotësojnë kushtet”, ka thënë ai.

Me propozimin e Veliut u pajtuan edhe një pjesë e anëtarëve të mazhorancës. E ndryshe nga shumica e anëtarëve u shpreh deputeti i VV Besim Muzaqi, i cili tha se kandidates që nuk ka plotësuar kushtet duhet t’i jepet kohë shtesë.

“Unë për dallim nga kolegët mendoj që duhet që të i jepet një afat kështu kemi vepruar. Megjithatë mendimi im është që t’i jepen edhe 24 orë mundësi nëse dëshiron që ti sjell ato dokumente”, ka thënë ai.

Deputetja e AAK-së Time Kadrijaj, tha se kandidati i 5 nuk është dashur që të vendoset fare në listë pasi nuk i ka plotësuar kushtet. Ajo ka shtuar se kandidatët kanë pasur kohë të mjaftueshme për të kompletuar aplikacionet dhe se nuk duhet që të jepet kohë shtesë.

“Unë mendoj që kur hapte konkursi për pranim është një afat kohor edhe është e mjaftueshme për me i dorëzuar dokumentet. Nëse nuk ka mundur për dy javë me i plotësuar kushtet”, ka thënë ajo.

Në fund me shumicë votash Komisioni vendosi që kandidati, i cili nuk plotësoi kushtet të mos ftohet për procesin e intervistimit. Po ashtu në këtë mbledhje u vendos që me datën 25 qershor të mabhet mbledhja ku do të intervistohen kandidatët, të cilët do të intervestohen rreth 20 minuta.

Related Topics:
Continue Reading

Lajmet

​FIFA po e mendon një propozim që mund të ndryshojë futbollin

Published

52 seconds ago

on

September 25, 2025

By

Edicioni i 100-vjetorit të Kupës së Botës, që do të zhvillohet në vitin 2030, mund të sjellë një risi të madhe me pjesëmarrjen e 64 ekipeve.

Sipas The Athletic, ideja tashmë nuk është vetëm një spekulim, por një propozim konkret i diskutuar në një takim të mbajtur në selinë amerikane të FIFA-s në Trump Tower, New York.

Në samit morën pjesë presidenti i FIFA-s, Gianni Infantino, sekretari i përgjithshëm Mattias Grafstrom dhe një delegacion i nivelit të lartë nga Amerika e Jugut, i kryesuar nga presidenti i CONMEBOL-it, Alejandro Domínguez.

Të pranishëm ishin gjithashtu presidentët e Paraguait dhe Uruguait, si dhe krerët e federatave të futbollit të Argjentinës, Paraguait dhe Uruguait.

Presidenti argjentinas Javier Milei mungoi për shkak të një takimi me Donald Trump.

Zgjerimi mendohet si një mënyrë për të nderuar edicionin e parë të Botërorit, i zhvilluar në Uruguaj më 1930, duke i dhënë më shumë peshë vendeve të Amerikës së Jugut- Argjentinës, Paraguait dhe Uruguait që aktualisht parashikohet të organizojnë vetëm nga një ndeshje hapëse, përpara se turneu të zhvendoset në Spanjë, Portugali dhe Marok.

Megjithëse po shqyrtohet për herë të parë në mënyrë zyrtare, që ideja është hedhur që në mars nga kreu i Federatës së Uruguait, Ignacio Alonso, në një mbledhje të Këshillit të FIFA-s.

Por jo të gjithë e shohin pozitivisht këtë mundësi. Presidenti i UEFA-s, Aleksander Ceferin, e ka cilësuar si “të tmerrshme”, ndërsa kreu i CONCACAF-it, Victor Montagliani, shprehu rezerva duke kujtuar se ende nuk është zhvilluar as Botërori i parë me 48 ekipe.

Vendimi final do të varet nga balancimi i interesave sportive, financiare dhe organizative mes FIFA-s dhe konfederatave kontinentale.

Nëse miratohet, Botërori i vitit 2030 do të hyjë në histori jo vetëm për jubileun e tij të 100-vjetorit, por edhe si turneu më i madh ndonjëherë në futbollin botëror./S.K/KP/

Continue Reading

Lajmet

​Messi shkëlqen me dy gola, Inter Miami siguron fazën eliminatore në MLS

Published

1 hour ago

on

September 25, 2025

By

Lionel Messi ishte protagonist absolut i Inter Miamit në fitoren bindëse 4-0 ndaj New York City FC, duke e dërguar skuadrën nga Florida zyrtarisht në fazën “play-off” të Kupës MLS.

Superylli argjentinas shënoi dy gola dhe asistoi në një tjetër, duke e çuar në 24 numrin e golave këtë sezon në 23 ndeshje, dy më shumë se rivali Denis Bouanga i LAFC, duke kryesuar kështu listën e golashënuesve të kampionatit amerikan.

Luis Suarez u rikthye pas një pezullimi prej tre ndeshjesh dhe gjeti rrugën e rrjetës nga penalltia, ndërsa Baltazar Rodriguez shënoi golin e parë për Miamin në minutën e 43-të, pas një aksioni të kombinuar me Messin dhe Sergio Busquets.

Messi vulosi suksesin me dy perla personale në minutat e 74-t dhe 86-të, duke treguar sërish klasin e tij në stadiumin “City Field” të Nju Jorkut.

Miami aktualisht mban vendin e tretë në Konferencën Lindore, pesë pikë pas liderit Philadelphia, por me dy ndeshje më pak të luajtura, duke mbetur ende në garë për trofeun “Supporters’ Shield”.

Messi, që do të luajë për herë të dytë në “play-off”-et e MLS, ka shënuar dhe asistuar në tri ndeshje radhazi, duke forcuar kandidaturën e tij për çmimin Lojtari më i Vlefshëm i vitit 2025./S.K/KP/

Continue Reading

Lajmet

Kurti udhëton për në SHBA, merr pjesë në Javën e Nivelit të Lartë të Asamblesë së Përgjithshme të OKB-së

Published

2 hours ago

on

September 25, 2025

By

Kryeministri në detyrë i Republikës së Kosovës, Albin Kurti, ka udhëtuar për në Neë York të Shteteve të Bashkuara të Amerikës, ku do të zhvillojë takime bilaterale me liderë në kuadër të Javës së Nivelit të Lartë të Sesionit të 80-të të Asamblesë së Përgjithshme të Kombeve të Bashkuara.

Gjatë qëndrimit atje, Kurti gjithashtu do të takojë pjesëtarë të komunitetit shqiptar në ShBA dhe përfaqësues të shoqatave të diasporës.

Përmes pjesëmarrjes në Javën e Nivelit të Lartë dhe takimeve të parapara synohet thellimi i raporteve bilaterale me vende partnere, fuqizimi i mëtejmë i subjektivitetit ndërkombëtar të shtetit në raport me vendet mosnjohëse dhe prezantimi i mundësive dhe përparësive që Republika e Kosovës ofron për investitorë të huaj./D.B/KP

Continue Reading

Botë

Sarkozy shpallet fajtor për komplot kriminal në lidhje me fondet e Gaddafit

Published

2 hours ago

on

September 25, 2025

By

Ish-presidenti francez Nicolas Sarkozy është shpallur fajtor për komplot kriminal në një rast që lidhet me marrjen e miliona eurove fonde të paligjshme nga lideri i ndjerë libian, Koloneli Muammar Gaddafi.

Gjykata e Parisit e liroi atë nga të gjitha akuzat e tjera, përfshirë korrupsionin pasiv dhe financimin e paligjshëm të fushatës elektorale.

Sarkozy mohon akuzat dhe i quan ato të motivuara politikisht./D.B/EO

Continue Reading

Të kërkuara