Sport

KOK-u nënshkruan kontrata me 24 bursistë të rinj

Published

5 years ago

April 8, 2021

Betim Gashi

Komiteti Olimpik i Kosovës (KOK) ka nënshkruar kontrata me 24 bursistë të rinj “Shpresa Olimpike 2021”, të cilët do të marrin bursa mujore.

Presidenti i KOK-ut, Ismet Krasniqi, tha se e kanë për qëllim t’i ndihmojnë sportistët për të arritur normën olimpike.

“Ky vendim që është marrë është vendim që është marr menjëherë në muajin shkurt dhe ne jemi tash bord i ri që sot vetëm e bëjmë marrëveshjen. Qëllimi jonë është sa më shumë t’i ndihmojmë sportistët që të kenë vullnet dhe të punojnë”, ka thënë Krasniqi.

Shasivar Haxhijaj, sekretar në KOK, tha se bursa për dy bursistë do të rritet nga 100 euro deri në 250 euro.

“Sot po i nënshkruajmë kontratat me bursistët olimpik për vitin 2021. Sot do ta në shkruajmë kontratën dy bursistë olimpik kjo bursë do të rritet prej 100 euro deri në 250 euro dhe do të nënshkruajmë kontrata me 24 shpresa olimpike që do të jenë bursistë vetëm për vitin 2021”.

“Kategoria e parë e bursistëve mbështeten me një shumë prej 150, kategoria e dytë 125 euro dhe kategoria e tretë me 100 euro. Qëllimi është që ju jepet mundësi sportistëve që të ardhmen të kenë në konkurrencë dhe të sigurojnë norman olimpike”, ka thënë Haxhijaj.

Elhami Shabani, bursist, tha se bursa që e ka marr më herët prej 100 euro nuk ka qenë e mjaftueshme për të.

“Bursa olimpike në fillim ka qenë 100 euro gjë që as për ujë të thjeshtë nuk besoj që del në stërvitje. Gjatë tërë ciklit olimpik nuk jam dorëzuar, por e vonuar pasi që kanë mbetur edhe dy muaj”, tha Shabani.

Edhe Albulena Guri, futbolliste, shpreson bursa t’u mundësojë që të vazhdojnë edhe më tutje.

Përderisa Kiara Kryeziu, skitare, ka falënderuar KOK-un për mbështetjen.

Up Next

Milani nuk është i interesuar për shkëmbimin Romagnoli-Bernardeschi

Don't Miss

FFK-ja përkrah Challandesin, por s’ia garanton gjatë vendin në stolin e Kosovës

Sport

Champions League: Arsenal dhe Atletico Madrid në “luftë” për biletën e finales

Published

14 hours ago

May 5, 2026

UBTNews

Sonte në orën 21:00, vëmendja e gjithë botës së futbollit do të jetë në Londër, ku Arsenali dhe Atletico Madridi do të zhvillojnë lojen e dytë të gjysmëfinales së Champions League. Pas barazimit 1-1 në ndeshjen e parë në Madrid, gjithçka mbetet e hapur për sa i përket skuadrës që do të sigurojë finalen e madhe.

Arsenali, nën drejtimin e Mikel Artetës, do të kërkojë të shfrytëzojë maksimalisht mbështetjen e tifozëve vendas për të thyer mbrojtjen e çeliktë të spanjollëve. Nga ana tjetër, skuadra e Diego Simeones njihet për eksperiencën në ndeshje të tilla vendimtare dhe vjen në Londër me synimin e qartë për të përsëritur sukseset e tyre evropiane.

Të dyja skuadrat pritet të zbresin në fushë me formacionet më të mira, duke premtuar emocione të jashtëzakonshme deri në minutën e fundit të kësaj beteje që përcakton fatin e sezonit.

Sport

Schmeichel kërkon Xhakën te Manchester United, Scholes e refuzon prerë

Published

15 hours ago

May 5, 2026

UBTNews

Ish-portieri i famshëm i Manchester United, Peter Schmeichel, ka befasuar duke propozuar transferimin e Granit Xhakës në “Old Trafford”.

Gjatë një podkasti, danezi argumentoi se mesfushori shqiptar është lideri që i duhet ekipit për të udhëhequr talentet e reja si Kobbie Mainoo.

“Shikoni çfarë ka bërë te Sunderland, ai është arsyeja pse ata janë të mrekullueshëm. Ka lidership dhe pushtet, gjë që na mungon,” deklaroi Schmeichel.

Megjithatë, kjo ide është kundërshtuar menjëherë nga Paul Scholes. Legjenda e mesfushës u shpreh skeptik, duke e krahasuar transferimin e mundshëm të Xhakës me situatën e Casemiros, duke lënë të kuptohet se Unitedit nuk i duhen më lojtarë veteranë, por energji e re.

Sport

Rekord i Wembanyama-s nuk mjafton, Spurs humbin ndaj Timberwolves

Published

18 hours ago

May 5, 2026

UBTNews

Rekord historik i Victor Wembanyama nuk mjaftoi për San Antonio Spurs, të cilët u mposhtën në ndeshjen e parë gjysmëfinale të Konferencës në plejof nga Minnesota Timberwolves me rezultat të ngushtë 104:102.

Ylli i Spurs, Victor Wembanyama, zhvilloi një paraqitje të jashtëzakonshme duke vendosur rekord të ri në plejofin e NBA-së me 12 bllokada. Përveç kësaj, ai kontribuoi edhe me 11 pikë dhe 15 kërcime, duke regjistruar gjithashtu një “triple-double” të rrallë me bllokada – duke u bërë vetëm lojtari i tretë në histori që arrin këtë arritje që nga viti 1973/74, kur NBA filloi t’i regjistronte bllokimet si statistikë zyrtare.

Megjithatë, performanca e tij nuk mjaftoi për fitore, pasi Minnesota arriti ta mbyllë ndeshjen në favor të saj në fundin e një dueli shumë të fortë.

“Duhet të jemi më të mirë”, deklaroi Wembanyama pas ndeshjes, duke pranuar nevojën për përmirësim në vazhdim të serisë.

Sport

City ndalet në garën për titull pas barazimit me Evertonin

Published

19 hours ago

May 5, 2026

UBTNews

Manchester City ka humbur hapin në garën për titullin e Premier League pas një barazimi dramatik 3:3 ndaj Everton FC, në një ndeshje të xhiros së 35-të.

Skuadra e Pep Guardiolës u ndal në këtë përballje të hënën mbrëma, duke mbetur tashmë pesë pikë prapa liderit Arsenal FC, i cili ka 76 pikë, ndërsa City është në vendin e dytë me 71 pikë, por me një ndeshje më pak të zhvilluar.

City shmangu humbjen në sekondat e fundit, kur Jeremy Doku realizoi golin e barazimit 3:3 në minutën e 97-të. Ai kishte shënuar edhe golin e parë për vendasit në minutën e 43-të. Gol tjetër për Cityn realizoi Erling Haaland në minutën e 83-të.

Nga ana tjetër, Evertoni përmbysi përkohësisht rezultatin në pjesën e dytë. Fillimisht barazoi me Thierno Barryn në minutën e 68-të, më pas kaloi në epërsi me Jake O’Brien në minutën e 73-të, ndërsa Barry shënoi edhe golin e tretë në minutën e 81-të.

Me këtë barazim, Evertoni mban vendin e 10-të me 48 pikë.