Aktualitet

Kojnufca: Kujdesi ndaj fëmijëve duhet të jetë çdo ditë, jo vetëm më 1 Qershor

Published

5 years ago

June 1, 2021

Betim Gashi

Ditën Ndërkombëtare të Fëmijëve, kryetari i Kuvendit të Kosovës, Glauk Konjufca e ka kaluar më fëmijët në Sos Fshatra dhe ata të Qendrës Burimore “Përparimi”. Aty, Konjufca ka thënë se investimi për fëmijët është investim për një të ardhme më të mirë, për çka ka thënë se ka shumë punë përpara në këtë drejtim.

Kryetari i Kuvendit, u ka shpërndarë dhurata fëmijëve në Sos Fshatra, ku ka thënë se të rriturit duhet të jenë të vetëdijesuar për të drejtat e fëmijëve.

Sipas Konjufcës, kujdesi ndaj fëmijëve duhet të jetë çdo ditë, jo vetëm më 1 qershor.

“Kur e shohim që ka fëmijë që ndoshta nuk e kanë ushqimin e mjaftueshëm, ka fëmijë të cilët nuk e kanë shkollën, ka fëmijë të cilët nuk kanë libra, ka fëmijë të cilët nëpër vende të ndryshme të botës edhe luftojnë. Ka fëmijë të cilët edhe lypin për shkak se nuk i kanë të ardhurat e mjaftueshme për me jetua. Të gjitha këto që i thash na bëjnë më të vetëdijshëm që ka shumë punë përpara dhe është një punë që nuk kryhet kurrë, që duhet të bëhet në baza të përditshme e jo vetëm kur është 1 qershori”, ka thënë Konjufca.

Ai ka thënë se investimi për fëmijët nënkupton një të ardhme më të mirë për të gjithë.

Pasi ka ndarë dhurata për fëmijët në Sos Fshatra dhe u njoh prej afër me gjendjen në këtë institucion ku strehohen fëmijë të cilëve u ka munguar përkujdesja familjare, ose janë ballafaquar me kushte të rënda socio-ekonomike, Konjufca ka vizituar nxënësit e Qendrës Burimore për Mësim dhe Këshillim, “Përparimi”.

Lajmet

Konjufca: Vendim i padrejtë dhe i pamerituar

Published

1 hour ago

September 16, 2026

UBTNews

Ministri i Jashtëm i Kosovës, Glauk Konjufca, e ka cilësuar aktgjykimin ndaj katër ish-krerëve të UÇK-së si “të trishtueshëm”.

“Është një vendim vërtet i trishtueshëm, i padrejtë, i pamerituar për katërshen udhëheqëse të UÇK-së”, tha Konjufca pas shpalljes së aktgjykimit në Hagë.

Lajmet

Shokuese: Haga dënon rëndë Thaçin, Krasniqin, Veselin dhe Selimin

Published

2 hours ago

September 16, 2026

UBTNews

Dhomat e specializuara në Hagë shpallën verdiktin në procesin kundër krerëve të UÇK-së.

Ish-presidenti i Kosovës, Hashim Thaçi dhe ish-kryeparlamentari Jakup Krasniqi janë shpallur fajtorë dhe u janë shqiptuar dënime me 25 vjet burgim.

Kadri Veseli, ish-kryeparlamentar i Kosovës është dënuar me 18 vjet burg.

Ndërsa, Rexhep Selimi, ish-deputet, u dënua me 13 vjet burg.

Lajmet

Ekstradohet nga Gjermania i Kërkuari për Droga, i Dorëzohet Policisë në Mitrovicë

Published

4 hours ago

September 16, 2026

UBTNews

Drejtoria për Bashkëpunim Ndërkombëtar Policor në kuadër të Policisë së Kosovës, në koordinim me njësitet kompetente dhe organet e drejtësisë, ka realizuar me sukses ekstradimin e një shtetasi të Kosovës nga Gjermania.

I dyshuari kërkohej me urdhërarrest ndërkombëtar për veprën penale “blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Pas përfundimit të procedurave të ekstradimit më 15 shtator, i arrestuari u është dorëzuar njësitit përkatës të Policisë në Drejtorinë Rajonale në Mitrovicën Jugore për të vazhduar me hapat e mëtejshëm ligjorë. /E.A/

Aktualitet

Arabia Saudite rrëzon dronin pranë Mekës, reagime të ashpra ndaj Houthve

Published

5 hours ago

September 16, 2026

UBTNews

Arabia Saudite ka njoftuar se ka rrëzuar një dron të rebelëve Houthi në periferi të Mekës, duke shënuar herën e parë në pothuajse një dekadë që shënjestrohet qyteti më i shenjtë i Islamit. Ndonëse rebelët jemenas të mbështetur nga Irani e kanë mohuar sulmin, ngjarja ka nxitur reagime dhe dënime të ashpra rajonale.

Zëdhënësi i Koalicionit Saudit, Turki al-Maliki, e quajti ngjarjen një provokim ndaj ndjenjave të miliona myslimanëve dhe u zotua për masa parandaluese. Gjithashtu, Organizata e Bashkëpunimit Islamik (OIC) e dënoi ashpër veprimin, duke e cilësuar si shkelje të shenjtërisë së vendeve të shenjta. Ky incident rrit tensionet dhe rrezikon ta përfshijë Arabinë Saudite më thellë në një konflikt të gjerë rajonal.

Meka mbetet qendra më e rëndësishme shpirtërore për botën islame si vendlindja e Profetit Muhamed, ku miliona pelegrinë udhëtojnë çdo vit për të kryer obligimet fetare. Shënjestrimi i një zone me një peshë të tillë simbole administrative dhe fetare konsiderohet një vijë e kuqe e kapërcyer, gjë që shton presionin mbi Riadin për të reaguar ushtarakisht dhe rrit gjasat për një përshkallëzim të ri në luftën mes SHBA-së dhe Iranit.