Sport

Koeman flet për situatën me Messin

Published

5 years ago

January 4, 2021

Betim Gashi

Trajneri i Barcelonës, Ronald Koeman, tha se askush në klub nuk është nervoz për shkak të pasigurisë për qëndrimin e Lionel Messi.

Barcelona, sipas standardeve të tyre, e filloi sezonin dobët, pasi aktualisht janë në pozitën e gjashtë në tabelë me 25 pikë dhe u nevojiten rezultate të mira në vazhdimin e sezonit.

Koeman njoftoi se Messi, i cili humbi ndeshjen e fundit të “Blaugrana”, më në fund mund të luante.

“Messi është mirë, ai u stërvit më 30 dhe 31 dhjetor, kur të tjerët kishin festime. Ai ndihet mirë, nuk ka shqetësime. Është i gatshëm dhe i lumtur, ka një dëshirë të madhe për të luajtur,” tha Koeman.

Një seri e re e pyetjeve në lidhje me argjentinasin dhe nëse ai do të qëndrojë në “Camp Nou” ishte e pashmangshme.

“Ne duhet të shohim të gjithë situatën, intervistën në të cilën ai tha se nuk dëshiron të marrë vendime tani. Si çdo lojtar të cilit i skadon kontrata, ai është i lirë të vendosë siç dëshiron. Unë nuk shoh një problem nëse ai nuk vendos tani. E respektoj çdo vendim, nuk kam pse duhet të jemi nervozë dhe të shqetësuar për këtë”, shtoi holandezi.

Janari shënoi gjithashtu fillimin e afatit kalimtar të dimrit dhe pyetja është kush do t’i bashkohet Barcelonës.

“Nuk do të zhgënjehesha nëse askush nuk do të vinte. E vetmja gjë që bëj janë planet për të ardhmen. Unë flas në klub për lojtarë të ri, për pozicione që mendoj se duhet t’i forcojmë. Nga ana tjetër, ne gjithashtu kemi lojtarë që mendojmë se do të ishin. Ata duhet të shkojnë atje ku do të luanin më shumë. Ata janë në një pozitë të vështirë dhe ne duam të forcohemi. Do të ishte mirë për ata që nuk kanë të ardhme këtu, të ndryshojnë mjedisin,” shtoi Ronald Koeman.

Eksperti holandez gjithashtu tha se ai “nuk pendohet që lëshoi Luis Suarez” dhe shtoi se Barcelona nuk duhet të humbasë më ndeshje nëse synon të përfshihet më aktivisht në luftën për kreun e La Ligës.

Related Topics:Lionel Messi La Liga UBTSPORT Ronald Koeman

Up Next

Alaba mes Realit dhe Bayernit

Don't Miss

Pa fitues në derbin e Andaluzisë

Sport

Champions League, City dhe Chelsea luftojnë për rikthim

Published

9 hours ago

March 17, 2026

UBTNews

Manchester City dhe Chelsea, përballen me një mision shumë të vështirë për të siguruar kualifikimin në çerekfinale të UEFA Champions League.

Të dy skuadrat pësuan humbje të thella në ndeshjet e para, City u mposht 3:0 nga Real Madrid në “Santiago Bernabeu”, ndërsa Chelsea humbi 5:2 ndaj Paris Saint-Germain në Paris. Ndeshjet e kthimit zhvillohen sot nga ora 21:00.

Përmbysja e disavantazheve të tilla ndaj skuadrave si Real Madridi dhe PSG konsiderohet shumë e vështirë, duke pasur parasysh cilësinë dhe përvojën e tyre në garat evropiane. Megjithatë, te City mbizotëron besimi. Kapiteni Bernardo Silva theksoi se skuadra do të luftojë deri në fund, pavarësisht rezultatit të parë negativ.

Nga ana tjetër, Chelsea synon reagim në shtëpi, edhe pse përballet me mungesën e kapitenit Reece James për shkak të lëndimit. Trajneri Liam Rosenior ka kërkuar përqendrim maksimal dhe shmangie të gabimeve ndaj kampionit në fuqi.

Në kampin e PSG-së, Ousmane Dembele theksoi se skuadra e tij do të hyjë në fushë për fitore, duke paralajmëruar një tjetër ndeshje të fortë ndaj londinezëve.

Në takimet e tjera, Sporting CP përballet me Bodo/Glimt, ku norvegjezët kanë epërsi 3:0 nga ndeshja e parë. Ndërkohë, Arsenal FC dhe Bayer Leverkusen nisin nga barazimi 1:1, duke lënë gjithçka të hapur për kualifikim.

Sport

Sfida e fortë në Romë për karatistët kosovarë

Published

12 hours ago

March 17, 2026

UBTNews

Ka përfunduar gara prestigjioze Karate 1 Premier League Rome 2026, e mbajtur në Romë, Itali, ku morën pjesë edhe përfaqësuesit e Federatës të Karatesë së Kosovës.

Në këtë turne të nivelit më të lartë botëror, ku garojnë vetëm 32 sportistët më të mirë në secilën kategori, Kosovën e përfaqësuan Islam Selmani në kategorinë -60 kg dhe Betim Maliqi në kategorinë -75 kg.

Selmani nuk arriti të vazhdojë garën për shkak të një lëndimi që pësoi gjatë fazës së grupeve, ndërsa Maliqi pati paraqitje solide, por nuk arriti të kalojë këtë fazë të garës.

Për të dy garuesit, kjo ishte hera e parë që merrnin pjesë në një kompeticion të këtij niveli. Në këtë aktivitet, ata u shoqëruan nga trajneri i përfaqësueses, Agron Tosuni.

Federata e Karatesë e Kosovës u ka uruar sportistëve suksese në garat e ardhshme dhe rezultate edhe më të mira në skenën ndërkombëtare.

Sport

Humbje për Agnesa Veselin në “Montenegro Cup”

Published

13 hours ago

March 17, 2026

UBTNews

Në kuadër të turneut ndërkombëtar Montenegro Cup, që po zhvillohet në Budva, Mali i Zi, boksierja Agnesa Veseli u paraqit në kategorinë 51 kg.

Ajo u përball me ukrainasen Sofia Turbnina, por nuk arriti të sigurojë fitore në këtë duel.

Turneu po mbledh boksierë të rinj nga vende të ndryshme të Evropës dhe shërben si një mundësi e rëndësishme për fitimin e përvojës ndërkombëtare dhe zhvillimin e tyre në arenën sportive.

Sport

Goditje për Neymarin, mbetet jashtë Brazilit

Published

13 hours ago

March 17, 2026

UBTNews

Neymar Jr ka reaguar me zhgënjim pasi nuk është përfshirë në listën e fundit të Kombëtarja e Brazilit.

Sulmuesi i Santos FC pranoi se ndihet i mërzitur dhe i trishtuar për këtë vendim, por theksoi se do të vazhdojë të punojë për t’u rikthyer në formën më të mirë.

Ish-lojtari i FC Barcelona dhe Paris Saint-Germain ndau një mesazh emocional, ku nënvizoi se përjashtimi nuk e ndryshon fokusin e tij. Ai u shpreh se do të vazhdojë të përqendrohet në përmirësimin e përditshëm përmes stërvitjes dhe ndeshjeve.

“Jam i mërzitur dhe i trishtuar që nuk jam thirrur, por fokusi mbetet i njëjtë: ditë pas dite, stërvitje pas stërvitjeje, ndeshje pas ndeshjeje,” është shprehur Neymar.

Mungesa e tij në listë lidhet kryesisht me problemet e fundit fizike dhe periudhën e gjatë të rikuperimit, të cilat kanë ndikuar në ritmin dhe formën e tij në fushë. Për këtë arsye, stafi teknik i Brazilit ka vendosur të mbështetet te lojtarët që aktualisht janë në formë optimale.

Ndërkohë, në përfaqësuesen braziliane po zhvillohet edhe një proces rinovimi, ku gjithnjë e më shumë hapësirë po u jepet futbollistëve të rinj, në funksion të ndërtimit të skuadrës për sfidat e ardhshme madhore.