Sport

Koeman arsyeton formën e dobët të Barcelonës

“Fillimi ynë jo i mirë na e bëri punën më të vështirë”, u shpreh ai.

Published

on

Ronald Koeman tregoi që goli i hershëm i Granadas dhe burimet e limituara që ai i ka te Barcelona, nënkuptuan që ata nuk mund të luajnë “tiki-taka”, dhe duhej që të luftonin për barazim mbrëmë.

Që nga humbja 3:0 në Ligën e Kampionëve kundër Bayern Munich, Barcelona mbrëmë regjistroi barazim me rezultat 1:1 kundër Granadas, ku heroi tek “Blaugranët” ishte mbrojtësi Ronald Araujo i cili shënoi golin e barazimit në minutën e 90’ të ndeshjes, përcjell KosovaPress.

“Fillimi ynë jo i mirë na e bëri punën më të vështirë. Ishte një ndeshje me dy ose tre aksione në të cilat nuk u treguam të mirë, dhe më pas erdhi një harkim i mirë e pas tij edhe goli”, tha Koeman.

“Barcelona e sotme nuk është si Barcelona që ishte para tetë vitesh. Nuk është kjo ndeshja që ne e kemi dëshiruar, por nuk kemi lojtarë që mund të luajnë një kundër një. Coutinho dhe Yusuf Demir janë lojtarë të tipit që hynë më shumë drejt zonës”, shtoi Koeman.

Barcelona nuk është duke treguar paraqitje të mira këtë sezon, ku në katër ndeshje të La Ligas, ka regjistruar dy fitore dhe dy barazime, duke u pozicionuar në vendin e shtatë në tabelë me gjithsej tetë pikë, por me një ndeshje më pak të zhvilluar.

Sport

Gjakova dhe Cena garojnë sot në Evropianin e xhudos

Published

on

By

Pas suksesit madhështor të Distria Krasniqit, e cila një ditë më parë u shpall kampione e Evropës, sot vëmendja e sportit kosovar është sërish në Podgoricë, ku Akil Gjakova dhe Dardan Cena do të zbresin në tatami për të përfaqësuar Kosovën në Kampionatin Evropian të xhudos.

Të dy xhudistët janë në formë të mirë dhe parashikimet janë premtuese – pritjet janë që të sjellin edhe ata medalje për Kosovën, duke vazhduar traditën e artë të këtij sporti që tashmë është bërë krenaria kombëtare.

Nën drejtimin e trajnerit Driton Kuka, xhudoja kosovare ka kthyer në zakon sukseset në arenën ndërkombëtare, dhe ky kampionat duket se po vulos një tjetër kapitull të ndritur për ekipin tonë.

Continue Reading

Rajoni

​Ylli rizgjidhet president i Komitetit Olimpik Shqiptar

Published

on

By

Fidel Ylli është rizgjedhur Presidentit i Komitetit Olimpik Kombëtar Shqiptar (KOKSH) edhe për 4 vitet e ardhshme. Në Asamblenë e 31-të të Përgjithshme Zgjedhore të mbajtur në Tiranë, Ylli ka marr besimin për të drejtuar Komitetin Olimpik Kombëtar Shqiptar për një tjetër mandat.

Gjatë punimeve të Asamblesë është votuar edhe për zv Presidentin e Komitetit Olimpik. Erli Pellumbi mori besimin nga asambleja dhe u ri zgjodh si zv President i Komitetit Olimpik.

Asambleja votoi dhe për Komitetin Ekzekutiv të KOKSH, që do të përbëhet nga Alfred Tahiraj, Enkeleda Caushi, Florend Kalivopuli, Julinda Dhame, Izmir Smajlaj, Krenar Dila, Leonard Luli, Pavlina Evro.

Siç është bërë traditë në çdo Asamble të KOKSH, janë dorëzuar Urdhrat Olimpikë, për figura që kanë dhënë kontribut ndër vite në sportin shqiptar, që përkonin me emrat e Theodhori Driza, Emin Lishi, Mustafa Fagu, Krenar Luto dhe Sytki Tafili.

Continue Reading

Sport

Marcus Rashford ‘nuk dëshiron’ të luajë sërish nën drejtimin e Ruben Amorimit

Published

on

Sipas BBC, Marcus Rashford nuk pritet të luajë përsëri për Manchester United, ndërsa Ruben Amorim mbetet në krye. 

27-vjeçari, aktualisht i huazuar në Aston Villa , ka rizbuluar formën me katër gola që nga transferimi i tij në shkurt – duke përfshirë një në humbjen e fundit 2-1 ndaj Manchester City.

Megjithatë, pavarësisht se ka kontratë me Man United deri në vitin 2028, marrëdhënia e Rashford me Amorim duket e tensionuar.

Edhe pse Rashford besohet të jetë i hapur për një rikthim në “Old Trafford”, ai nuk dëshiron të luajë nën drejtimin e Ruben Amorim.

Amorim e përjashtoi Rashfordin nga skuadra në dhjetor dhe nuk e ka përzgjedhur atë në skuadrën e ndeshjes, përveçse e emëroi atë një zëvendësues të papërdorur në humbjen ndaj Newcastle.

Continue Reading

Sport

Mbrëmje vendimtare në “Fadil Vokrri”: Prishtina në kërkim të biletës për finalen e Kupës së Kosovës

Published

on

Emocione të mëdha priten sonte në kryeqytet, ku Prishtina do të përballet me Dritën në ndeshjen e kthimit të gjysmëfinales së Kupës së Kosovës.

Dueli zhvillohet në stadiumin “Fadil Vokrri” dhe nis në orën 20:00 – një përballje që pritet të vendosë se cila skuadër do ta shohë veten në finalen e madhe.

Të përzgjedhurit e Arsim Thaqit vijnë me një epërsi të lehtë, por të vlefshme, falë fitores minimale 0:1 në ndeshjen e parë në Gjilan.

Heroi i asaj sfide ishte Ardian Muja, i cili realizoi golin e vetëm të takimit në minutën e 6-të, duke i dhënë Prishtinës avantazhin e parë drejt trofeut.

Tani, me mbështetjen e publikut vendas dhe me një këmbë në finalen e ëndërruar, bardhekaltrit do të kërkojnë të mbyllin llogaritë me Dritën dhe të shkruajnë një tjetër faqe suksesi në këtë sezon.

Do të jetë një natë që premton tension, spektakël dhe ndoshta – një vend në histori.

Continue Reading

Të kërkuara