Lajmet

​Koci beson që Supremja do të ketë opinion pozitiv për gjykimin në mungesë për rastin e “Banjskës”

Published

1 year ago

on

Pas shtyrjes së seancës për shqyrtimin fillestar në rastin e sulmit terrorist në Banjskë u deklaruan avokatët e palës së dëmtuar por edhe ata të të akuzuarve.

Avokati i familjes së rreshterit, Afrim Bunjaku, Arianit Koci beson që Gjykata Supreme do të jap përgjigje pozitive përmes të cilët do të mundësohet gjykimi në mungesë për 42 të akuzuarit që nuk është siguruar prania e tyre.

E avokatët mbrojtës të tre të akuzuarve që janë në paraburgim për sulmin terrorist në Banjskë e kanë konsideruar vendim të drejtë vendimin e gjyqtarit për shtyrje të seancës së shqyrtimit fillestar i cili nisi sot në Gjykatën Themelore në Prishtinë.

Avokati i familjes së rreshterit, Afrim Bunjaku, Arianit Koci duke e konsideruar gjykimin në rastin e “Banjskës” si kompleks, deklaroi se lajmi i mirë është se 42 të akuzuarit të cilët janë në arrati tashmë janë në kërkim të Interpolit.

“Lajmi i mirë është se gjithë këta 42 persona janë në kërkesën e kuqe të Interpolit dhe asnjëri prej tyre nuk mund ta lëshoj Serbinë, përndryshe do të arrestohet menjëherë, tash vazhdojmë me gjykim mbrojtja i patë disa kërkesa rreth printimit apo shtypjes së dokumenteve besoj që Prokuroria nuk ka bërë asnjë gabim në këtë drejtim. Në anën tjetër që të ec mirë ky gjykim e ftoj Prokurorinë që sa më pak të deklarohet për këtë rast për shkak se po i pengon vetë procesit…..50:57 Besoj që Gjykata Supreme do ta jap mendimin pozitiv sidoqoftë çfarë lloj vendimi të jep gjykata ne jemi të obliguar që t’i bindemi atij mendimi”, tha Koci.

Mbrojtësi i të akuzuarit, Blagoje Spasojeviq, Ljubomir Pantoviq, konsideroi se si mbrojtje nuk kanë arritur të përgatitën për të ushtruar mbrojtjen e tyre në mënyrë efikase.

“Prokuroria Speciale mbrojtjen e ka sjell në një situatë të pafavorshme, që aktakuzën që përmban 158 faqe e mijëra faqe materiale, të na e jep pothuajse vetëm një ditë e gjysmë para fillimit të këtij gjykimi fillestar, kjo nuk është një fazë e parëndësishme e procedurës penale, përkundrazi, është shumë e rëndësishme dhe thjesht nuk ishte e mundur për ne, që të përgatitemi për këtë kohën kaq të shkurtër për një çështje të rëndësishme që duhet të diskutohej sot dhe ajo që dëgjuat edhe të pandehurve, atyre që po gjykohen atyre të cilët rrezikojnë të dënohen me dënime të larta nuk ju kanë dorëzuar aktakuzën deri më sot, kështu që ata nuk e dinë se për çfarë akuzohen, mendoj se gjyqtari nuk ka bërë gabim që e shtyu këtë gjykim fillestar”, deklaroi avokati i të akuzuarit Spasojeviq.

Edhe mbrojtësi i të pandehurit Vladimir Toliq, Milos Deleviq deklaroi se nuk ka pas kohë të mjaftueshme të konsulohet me klientin e tij. Ai deklaron se tashmë kanë kohë të mjaftueshme për përgatitje.

“Nuk kemi pasur kohë të mjaftueshme për t’u konsultuar me të pandehurit tanë, këtë mund t’ju them, seanca është shtyrë ……… do të kemi kohë të mjaftueshme për të studiuar dokumentet dhe të deklarohemi për fajësinë, gjegjësisht të deklarohen të mbrojturit tonë”, theksoi ai.

Edhe avokatja, Jovana Filipoviq e cila mbron të akuzuarin, Dusan Maksimoviq e konsideroi të drejtë vendimin e gjykatës për shtyrje të seancës së sotme.

“Problemi më i madh se neve si mbrojtje që tani po rrjedh afati për të paraqitur ankesë në dëshmi dhe kërkesën hedhjen e aktakuzës dhe natyrisht nuk kemi mundur të vazhdojmë procedurë sot dhe mendoj se gjykata ka marrë një vendim të drejtë kur e ka ndërprerë këtë procedurë”, tha ajo.

Gjatës seancës së sotme fillestare për rastin e sulmit në Banjskë ndonëse nga Prokuroria e Specializuar e Kosovës u propozua që për 42 të akuzuarit që nuk është siguruar prani e tyre të zhvillohet gjykimi në mungesë, kryetari i trupit gjykues, Arben Hoti vendosi që të marr interpretim nga Gjykata Supreme se në rastin në fjalë a mund të aplikohet gjykimi në mungesë i paraparë në Kodin e Procedurës Penale.

Më 11 shtator 2024, Prokuroria Speciale e Kosovës ka ngritur aktakuzën për 45 persona, të cilët ngarkohen me veprat penale sulm terroristë, sulm kundër rendit kushtetues të Republikës së Kosovës, shpëlarje parash e lehtësim dhe financim në kryerjen e terrorizmit.

Related Topics:
Continue Reading

Lajmet

Kurti: Zgjedhjet nuk janë zgjidhje, ose “Kurti 2.5”, ose “Konjufca 1”

Published

10 hours ago

on

November 10, 2025

By

Deputeti i Lëvizjes Vetëvendosje, Albin Kurti ka deklaruar para mediave se nuk i rekomandon zgjedhjet e reja.

Kurti tha se duhet ketë Kurti 2.5 deri në dhjetor ose Glauk Konjufca 1 deri në prill.

“Ka ngelur edhe 10 ditë, mandati i është dhënë nga presidentja Osmani Konjufcës, ne urojmë për më të mirën. Ritheksojmë se nuk mendojmë që është punë e meçme të shkojmë të zgjedhje në dhjetor dhe sërish në prill, deputetët janë para përzgjedhje ose Kurti 2.5 deri dhjetor ose Konjufca 1 deri në prill, por pa asnjërën prej tyre duhet të përcaktohet prej njërën prej tyre”, tha Kurti.

Continue Reading

Lajmet

Kreshnik Uka merr çmimin ‘Ylli i javës’

Published

10 hours ago

on

November 10, 2025

By

Federata e Futbollit e Kosovës, në bashkëpunim me sponsorin zyrtar të Superligës, Albi Mall, vazhdon ndarjen e çmimit tradicional “Ylli i Javës”, i cili i dedikohet futbollistit më të dalluar të javës në Superligën e futbollit kosovar.

Për javën e trembëdhjetë të këtij edicioni, ky çmim i është ndarë futbollistit të FC Drenica, Kreshnik Uka, i cili pati një paraqitje individuale shumë të mirë për skuadrën e tij për 90 minuta të ndeshjes duke e shënuar edhe golin e dytë në fitoren e rëndësishme të skudrës së tij kunër FC Ballkanit 2:0.

Vlerësimi është bërë nga Komisioni i Veteranëve të Futbollit në përbërje të Avni Shala, Blerim Haxholli dhe Raif Nasufi.

Pasi mori këtë çmim, Uka u shpreh i lumtur që u vlerësua si lojtari më i mirë i javës:

“Ndeshjen e kemi përgatitur shumë mirë, duke pasur parasysh që kemi pasur një kundërshtar të fortë si FC Ballkani. Gjatë gjithë javës terreni ka qenë me shi dhe i rënduar, dhe njësoj ishte gjendja edhe gjatë ndeshjes, prandaj e kishim shumë të vështirë. Falënderoj bashkëlojtarët për punën që po bëjnë dhe tifozët “Shqiponjat e Zeza” për mbështetjen e vazhdueshme”, tha ai për faqen zyrtare të FFK-së./S.K/UBTNews/

Continue Reading

Lajmet

Dimal Basha takon sindikalistët e RTK-së: Thirrje deputetëve për mbështetje të Komisionit për Buxhet

Published

10 hours ago

on

November 10, 2025

By

Kryetari i Kuvendit të Kosovës, Dimal Basha, ka pritur përfaqësuesit e Sindikatës së Pavarur të RTK-së dhe Shoqatës Sindikale të Radios së Kosovës, pas protestës së mbajtur nga ta.

Ai tha se qëllimi i takimit ishte gjetja e një zgjidhjeje të drejtë për pagat e punëtorëve të RTK-së dhe për stabilitetin financiar të transmetuesit publik.

“Sot, gjatë protestës së Sindikatës së Pavarur të RTK-së dhe Shoqatës Sindikale të Radios së Kosovës, dola për t’i takuar nga afër protestuesit dhe më pas i mirëprita në takim përfaqësuesit e tyre në Kuvend. Biseda jonë u zhvillua me përkushtim dhe mirëkuptim, me synimin për të gjetur zgjidhje të drejtë për pagat e merituara të punëtorëve të RTK-së dhe për funksionimin e qëndrueshëm financiar të institucionit publik të transmetimit”, ka shkruar Basha në Facebook.

Ai ka theksuar se si kryetar i Kuvendit ka dhënë mbështetje të plotë për tejkalimin e kësaj situate dhe ka kërkuar funksionalizimin e trupave parlamentare për të mundësuar miratimin e raportit të RTK-së.

“Si Kryetar i Kuvendit, kam dhënë mbështetjen time të plotë për zgjidhjen e kësaj situate, pasi tashmë kemi një Kuvend funksional dhe ekziston mundësia ligjore për të vepruar në këtë drejtim. Të njëjtën qasje e kam mbajtur edhe në mbledhjen e parë të Kryesisë së Kuvendit, ku kam kërkuar formimin e trupave parlamentare, në mënyrë që të hapet rruga për Komisionin përkatës për Buxhet, i cili më pas do të mund të miratonte Raportin e Shpenzimeve të RTK-së dhe të mundësonte procedimin e mjeteve përmes Thesarit të Republikës së Kosovës”, tha ai.

Basha u ka bërë thirrje të gjithë deputetëve dhe subjekteve parlamentare që të mbështesin themelimin e Komisionit për Buxhet, duke theksuar se kjo nuk është çështje politike, por institucionale dhe humane.

“Prandaj, në frymë bashkëpunimi e mirëkuptimi, u bëj thirrje të gjithë deputetëve dhe subjekteve të tjera parlamentare që ta mbështesin këtë iniciativë, sepse votimi për komisione nuk është çështje politike, por çështje e funksionalizimit të institucionit publik të transmetimit dhe mirëqenies së rreth 700 familjeve që jetojnë nga puna dhe pagat e punëtorëve të RTK-së”, shtoi Basha./EO

Continue Reading

Lajmet

​Sali Berisha përjashtohet 10 ditë nga Kuvendi

Published

10 hours ago

on

November 10, 2025

By

Sekretariati për Procedurat, Votimet dhe Etikën u mblodh sot për të shqyrtuar kërkesat e grupit të PD për masë disiplinore ndaj Taulant Ballës dhe kërkesën e PS për masë disiplinore ndaj Sali Berishës.

Është vendosur që Sali Berisha të përjashtohet 10 ditë nga punimet e Kuvendit, pas deklaratës që kreu i PD bëri për qëndrimin e ambasadorit Silvio Gonzato ndaj ligjit për barazinë gjinore, raporton tch.

Ndërsa kërkesa e PD për Taulant Ballën është rrëzuar. PD kërkoi përjashtimin e tij me argumentin se ka përdorur gjuhë fyese dhe kërcënuese ndaj deputetëve të opozitës./KP

Continue Reading

Të kërkuara