Lajmet

KMDLNj: Refuzimi i shërbimit të pjesëtarëve të komuniteteve në lokale, racizëm i kulluar

KMDLNj ka ftuar policinë të fillojë hetimet lidhur me këtë rast.

Published

3 years ago

on

Këshilli për Mbrojtjen e të Drejtave dhe Lirive të Njeriut, ka reaguar pas postimit të ministrit Elbert Krasniqi, se një lokal në Gjakovë nuk iu ka shërbyer disa pjesëtarëve të komuniteteve.

KMDLNj e ka quajtur ‘racizëm të kulluar’ rastin në fjalë.

Po ashtu, KMDLNj ka ftuar policinë të fillojë hetimet lidhur me këtë rast dhe në rast se sigurohen prova, të merren masa ligjore ndaj atyre që kanë refuzuar t’iu shërbejnë komuniteteve.

“Refuzimi i shërbimit të pjesëtarëve të komuniteteve në lokale, racizëm i kulluar! Sipas një informate të postuar nga ministri Engelbert Krasniqi , disa lokale gastronomike në Gjakovë paskan refuzuar t’i shërbejnë pjesëtarët e komuniteteve dhe , për këtë arsye ministri Krasniqi ka propozuar që të bojkotohen këto lokale nga qytetarët tjerë . KMDLNj nuk ka informata të verifikuara që e mbështesin këtë deklaratë të ministrit Krasniqi prandaj thërret Policinë e Kosovës që, mbështetur në deklaratën publike të një zyrtari të lartë institucional, të fillojë hetimet pas së cilave , nëse sigurohen prova , do të merreshin masa ligjore ndaj atyre që , duke refuzuar të shërbejnë pjesëtarët e komuniteteve bëjnë shkelje të të drejtave të njeriut të garantuara me Kushtetutën e Kosovës”, thuhet në reagim.

Related Topics:
Continue Reading

Lajmet

NATO me sytë nga Trump për Ballkanin Perëndimor

Published

2 minutes ago

on

February 24, 2025

By

Sekretari i Përgjithshëm i NATO-s, Mark Rutte, ka theksuar nga Bratislava se stabiliteti në Kosovë është në interes të të gjithëve, duke komentuar situatën në Ballkanin Perëndimor. Ai ka adresuar shqetësimet lidhur me mundësinë që Presidenti Trump të tërheqë trupat amerikane nga rajoni, duke thënë se nuk ka arsye për të besuar se do të ketë ndryshime dramatike në angazhimin amerikan ndaj NATO-s.

Rutte ka shtuar se Shtetet e Bashkuara mbeten të përkushtuara ndaj aleancës dhe angazhimeve të saj aktuale, por është e nevojshme të monitorohet nga afër situata në Ballkan. Ai ka komentuar gjithashtu zgjedhjet parlamentare në Kosovë, ku rezultati ende nuk është finalizuar, por ka theksuar se partia kryesore mund të ketë nevojë për të formuar një koalicion qeverisës. Rutte ka theksuar rëndësinë e stabilitetit në Kosovë, Bosnje dhe Serbi.

NATO ka pasur një mision paqeruajtës në Kosovë që nga përfundimi i luftës, dhe aktualisht ka mbi 4600 trupa nga 28 shtete të dislokuara në kuadër të KFOR-it. Trupat më të shumta vijnë nga Italia, pasuar nga Shtetet e Bashkuara, Hungaria dhe Turqia. Prania e NATO-s u rrit në vitin 2023 pas tensioneve të rritura në veri të Kosovës./UBTNews/

Continue Reading

Bota

Komisioni Evropian hap hetim për subvencionet shtetërore të Kroacisë për pyjet dhe kompanitë e drurit

Published

4 minutes ago

on

February 24, 2025

By

Komisioni Evropian ka hapur një hetim të detajuar mbi subvencionet shtetërore që ka marrë kompanisë kroate të pyjeve, Hrvatske šume (HŠ), dhe disa kompanive të përpunimit të drurit. Hetimi po shqyrton nëse këto subvencione përbëjnë ndihmë të paligjshme dhe nëse janë në kundërshtim me rregullat e tregut të brendshëm të BE-së.

Subvencionet dyshohet se janë dhënë për të shmangur që HŠ të paguante shtetit kroat për të drejtën ekskluzive për të menaxhuar pyjet publike të Kroacisë. Po ashtu, Komisioni po heton nëse HŠ ka ofruar çmime jo të tregut për disa kompani të përpunimit të drurit, duke i dhënë atyre një avantazh të padrejtë ekonomik. HŠ është një kompani 100% shtetërore, që ka të drejtën ekskluzive për shfrytëzimin komercial të pyjeve publike të Kroacisë që nga viti 1990.

Komisioni ka bërë të qartë se hapja e hetimit nuk do të thotë se ka ndodhur ndihmë të paligjshme, dhe palët e interesuara do të kenë mundësinë të paraqesin komentet e tyre./UBTNews/

Continue Reading

Lajmet

​Shefi i EULEX-it nderon punën e Bajram Qerkinit në kërkimin të të zhdukurve

Published

5 minutes ago

on

February 24, 2025

By

Shefi i misionit të EULEX-it në Kosovë, Giovanni Pietro Barbano ka reaguar pas vdekjes së Bajram Qerkini, drejtor i Qendrës Burimore të Personave të Zhdukur, duke thënë se nderon punën e tij të pandërprerë në kërkimin e së vërtetës për fatin e të gjithë personave të zhdukur në luftën e Kosovës.

Ai ka rikonfirmuar angazhimin e EULEX për të mbështetur trashëgiminë e tij në mbështetjen e institucioneve në këtë kauzë fisnike.

Qerkini vdiq pas një sëmundje që e mbajti shtrirë që disa muaj. Kështu është bërë me dije nga familja e tij.

Varrimi i tij do të bëhet ditën e martë, më 25 shkurt 2025, në orën 12:00, në varrezat e qytetit në Shipol të Mitrovicës.

Për rreth 25 vite Qerkini është përpjekur për të ditur fatin e djalit të tij dhe të personave të tjerë të pagjetur nga lufta në Kosovë.

Continue Reading

Lajmet

Zgjedhja e kryetarit të ri në Novi Sad shkakton protesta dhe përplasje me policinë

Published

8 minutes ago

on

February 24, 2025

By

Në Novi Sad, Këshilltarët e Kuvendit të Komunës kanë zgjedhur Žarko Mićin si kryetarin e ri të bashkisë, një kandidat nga lista “Aleksandar Vuçiq Novi Sad Tomorrow”.

Ky zhvillim ka shkaktuar protesta të opozitës, e cila e kundërshton këtë zgjedhje, duke deklaruar se pushteti aktual ka humbur legjitimitetin dhe nuk ka të drejtë morale të zgjedhë kryetarin e bashkisë. Opozita i ka bërë thirrje qytetarëve që të mblidhen para Kuvendit për të shprehur pakënaqësinë e tyre.

Mëngjesin e sotëm, një numër i madh protestuesish janë mbledhur përpara Kuvendit, ku ka pasur përplasje fizike me policinë, dhe disa persona janë plagosur. Protestuesit hodhën vezë në drejtim të godinës së Kuvendit. Këto ngjarje pasojnë një periudhë tensioni në Serbi pas tragjedisë në Novi Sad më 1 nëntor 2024, ku humbën jetën 15 persona. Ky aksident dhe pasoja e tij kanë nxitur një valë protestash, duke përfshirë kërkesa për dorëheqjen e liderëve dhe përmirësimin e funksionimit të institucioneve./UBTNews/

Continue Reading

Të kërkuara