Lajmet

KMDLNj: Jemi kundër veprimit plaçkitës të MF-së për tatimin në pronë

KMDLNj ka përkrahur kërkesat të cilat i ka quajtur të drejta dhe të arsyeshme të qytetarëve.

Published

3 years ago

January 26, 2023

UBT news

Këshilli për Mbrojtjen e të Drejtave e të Lirive të Njeriut ka përkrahur kërkesat të cilat i ka quajtur të drejta dhe të arsyeshme të qytetarëve kundër rritjes jonormale të faturave të tatimit në pronë.

KMDLNj thotë se iu janë drejtuar shumë qytetarë pas vendimit që faturat e tatimit në pronë, krahasuar me vitin 2022, janë rritur deri më 120 përqind më shumë.

KMDLNj është shprehur kundër veprimit plaçkitës të Ministrisë së Financave për tatimin në pronë e që është në kundërshtim të plotë me gjendjen aktuale ekonomike për shumicën e qytetarëve të Kosovës

Reagim i KMDLNj – së:

TATIMI NË PRONË APO LEGALIZIMI I PRONËSISË SË SHTETIT MBI PLAÇKITJEN E QYTETARËVE !

KMDLNj- së, i janë drejtuar shumë qytetarë pas vendimit që faturat e tatimit në pronë, krahasuar me vitin 2022 janë rritur deri më 120 përqind më shumë. Pas këtij veprimi prej kusarëve të Ministrisë së Financave, komunat i kanë bërë publike faturat e tatimit për pronë për vitin 2023, duke u arsyetuar se përgjegjësia bie mbi Ministrinë për Finanaca që e paska bërë rivlerësimin e pronave dhe se komunat janë të detyruara të zbatojnë vendimin e kësaj ministrie ndonëse, gjithnjë sipas deklaratave të kryetarëve të komunave, ata nuk qenkan pajtuar me këtë vendim. Qytetari i Kosovës është futur në gërshërë midis dy mashtruesve, Ministrisë së Financave dhe komunave të cilët ua hedhin përgjegjësinë njëra – tjetrës deri sa faturat janë me shifra të papërballueshme për shumicen e qytetarëve të Kosovës. Ministria e Financave nuk e ka bërë as veprimin simbolik për t’ua lehtësuar gjendjen e rënduar ekonomike pjesës më të madhe të qytetarëve të Kosovës në kohën kur inflacioni ka kaluar 12 % kurse çmimet e artikujve të domosdoshëm elementarë për shumicën e qytetarëve të Kosovës janë rritur mbi 50 %. Të gjitha shërbimet janë rritur që nga sigurimet e automjeteve, karburantet, shërbimet bankare, shërbimet shëndetësore, çmimet e barnave, biletat në trafik kurse, në anën tjetër nuk kemi rritje të pagave, pensionet janë më të ulëta në rajon, asistenca sociale që ofron qeveria është simbolike, bizneset kanë falimentuar apo janë buzë falimentimit ndërsa përkrahen, një herë në vit me nga 50 euro të punësuarit në sektorin publik kurse dhunohen të drejtat e të punësuarve në sektorin privat duke mos u përkrahë asnjëherë dhe, së fundi, në vend se të ketë lehtësira për këtë gjendje të rënduar ekonomike të qytetarëve, Ministria e Financave, pandershërisht godet qytetarët duke ua dyfishuar faturat e tatimit në pronë. Qytetarët kundërligjshëm detyrohen që tatimin në pronë ku përfshihet periudha një vjeçare, ta shlyejnë në afatin nëntë mujor dhe, nëse vonoheni për t’i paguar faturat në afatet e parapara, atëherë do të gjobiteni me shumë 0.65 centë për një ditë dhe 10 % nga vlera e faturës së tatimit në pronë.

Tatimi në pronë sidomos ka treguar rritje jonormale në komunën e Prishtinës e cila edhe në fushat tjera ka krijuar mekanizma të kundërligjshëm për të plaçkitur qytetarët e Prishtinës dhe ata që e vizitojnë Prishtinën. Në Prishtinë vepron një njësi paramilitare që ishte formuar pa asnjë bazë ligjore nga qeveria paraprake komunale e quajtur “Prishtina Parking“ e cila, në kundërshtim të plotë me ligjin e merr rolin e inspektoriatit, të policisë së trafikut rrugor, të prokurorit dhe të gjykatësit ku, vet të dënon dhe vet të ekzekuton. Çmimet i kanë në nivel të kryeqendrave evropiane dhe botërore dhe kanë gllabëruar çdo hapësirë që janë të caktuara për qytetarët, madje edhe trotuaret ku kanë vendosur matësit e parkingut ndonëse me asgjë nuk ngjajnë një vendparkimi. Kjo dukuri është e theksuar sidomos në Dardani, Lagjen Bregu i Diellit dhe në Ulpianë ku edhe hapësirat për këmbësorë janë shndërruar në vendparkim. Pastaj, nëse qytetarët e Prishtinës janë të detyruar ta paguajnë tatimin enorm për pronë si dhe taksën rrugore, pse u dashka të paguajnë taksën për parkim për hapësirat që edhe ashtu tatimohen. Pastaj, çka ka investuar komuna e Prishtinës në këto hapësira që terrorizohen nga paramilitarët e Prishtina Parking për të vjelur një taksë ndëshkuese?!

KMDLNj –ë është kundër veprimit plaçkitës të Ministrisë së Financave për tatimin në pronë e që është në kundërshtim të plotë me gjendjen aktuale ekonomike për shumicën e qytetarëve të Kosovës sikur edhe kundër veprimeve arbitrare të Prishtina Parking që gjobit qytetarët e Prishtinës përtej mandatit që duhet ta kishte një kompani që ofron shërbime të kësaj natyre.

KMDLNj –ë përkrahë kërkesat e drejta dhe të arsyeshme të qytetarëve kundër rritjes jonormale të faturave të tatimit në pronë si dhe sjelljes arbitrare të Prishtina Parking dhe kërkon që urgjentisht të rishqyrtohet vendimi për rritje të tatimit në pronë.

Për këtë duhet të rritet aktivizmi qytetar i cili do të kërkonte nga deputetët e Kuvendit të Kosovës që në një interpelancë të veçantë të kërkojnë sqarime nga MF për këtë rritje si dhe rikthimin e tatimit në gjendje të mëparshme për aq kohë sa do ta kemi këtë gjendje të rënduar ekonomike.

Në të njëjtën kohë ky aktivizëm qytetar, i munguar por se mund dhe duhet të aktivizohet, duhet të bëjë presion dhe kërkojë që asambleistët e Komunës së Prishtinës të trajtojnë rastin e Prishtina Parking duke i disiplinuar që të sillen në përputhje me ligjin dhe duke marrë në përgjegjësi ata që sollën këtë situatë.

Mirëpo, nëse nuk do të kishte asnjë ndryshim, atëherë qytetarët duhet të vetorganizohen dhe të kërkojnë realizimin e të drejtave njerëzore të tyre përmes mosbindjes qytetare dhe kundërshtimeve tjera si protesta paqësore, marshe paqësore e që zbatohen në të gjitha vendet demokratike.

Aktualitet

Rektori i UBT-së, Prof. Dr. Edmond Hajrizi pranohet anëtar në Akademinë Evropiane të Shkencave (EurASc)

Published

11 hours ago

August 1, 2025

Driton Iseni

Themeluesi dhe Presidenti i UBT-së, Rektori, Prof. Dr. Edmond Hajrizi, është pranuar si anëtar në Akademinë Evropiane të Shkencave (European Academy of Sciences – EurASc).

European Academy of Sciences (EurASc) është një nga akademitë më prestigjioze në Evropë, që bashkon shkencëtarë dhe studiues të shquar nga e gjithë bota, me qëllim promovimin e ekselencës shkencore dhe teknologjike për të adresuar sfidat më të mëdha globale. Anëtarët e saj janë emra të njohur që kanë dhënë kontribute të mëdha në fushat përkatëse, përfshirë shumë fitues të çmimeve ndërkombëtare dhe nobelistë.

Ky është një vlerësim i rëndësishëm ndërkombëtar që njeh kontributin e jashtëzakonshëm të Prof. Hajrizit në fushën e arsimit të lartë, kërkimit shkencor, inovacionit dhe politikëbërjes në nivel rajonal dhe evropian.

“Pjesëmarrja ime si anëtar në Akademinë Evropiane të Shkencave është një vlerësim personal, por mbi të gjitha është një njohje për punën dhe përkushtimin afatgjatë të UBT-së në ndërtimin e një ekosistemi akademik dhe shkencor në përputhje me standardet evropiane. Ky është një hap i rëndësishëm drejt fuqizimit të rolit të Kosovës në hartën ndërkombëtare të dijes dhe inovacionit”, tha Rektori Hajrizi.

Akademia Evropiane e Shkencave (EurASc), në publikimin e saj në rrjetet sociale, ka vlerësuar lart kontributin e Prof. Dr. Edmond Hajrizi për përvojën e tij mbi dydekadëshe në ndërthurjen e akademisë me ekosistemet e inovacionit dhe zhvillimit ekonomik.

Nën udhëheqjen e tij strategjike dhe vizionare, UBT është konsoliduar si një nga institucionet më të avancuara të arsimit të lartë në Evropën Juglindore, duke u shndërruar në një qendër të rëndësishme për zhvillimin e inovacionit, teknologjisë dhe sipërmarrjes.

Si pjesë e angazhimeve të tij profesionale, Prof. Hajrizi ka udhëhequr me sukses dhjetëra projekte të financuara nga Bashkimi Evropian, si dhe ka kontribuar si këshilltar për institucione prestigjioze ndërkombëtare, duke promovuar transformimin digjital, prodhimin inteligjent dhe arsimin e orientuar drejt së ardhmes.

Ky pranim përfaqëson jo vetëm një sukses personal për Rektorin Hajrizi, por një arritje të rëndësishme për UBT-në dhe Kosovën në tërësi. Ai dëshmon se përkushtimi ndaj inovacionit, cilësisë akademike dhe vizionit global mund të sjellë njohje ndërkombëtare dhe ta vendosë Kosovën në hartën e qendrave të rëndësishme të dijes dhe teknologjisë.

Lajmet

Liga e Kampionëve 2025-2026, 29 klube të kualifikuara

Published

12 hours ago

August 1, 2025

UBT News

Ka ende kohë deri në fillimin e sezonit të ri të Ligës së Kampionëve, megjithatë vështirë se ka ndonjë garë që gjeneron aq shumë pritje sa ky kompeticion. Edhe para se faza e ligës të fillojë më 16 shtator, ka disa data të rëndësishme në axhendë.

UEFA ka planifikuar tashmë shortin për fazën e ligës. Ai do të zhvillohet më 28 gusht në Nyon. Siç ndodhi vitin e kaluar, një program kompjuterik do ta kryejë procesin, pasi një short manual në formatin revolucionar do të ishte përtej mundësive.

Klubet do të ndahen në katër vazo me nga tetë ekipe secila sipas koeficientit të klubit të tyre, me Paris Saint-Germain, si fitues të Ligës së Kampionëve, që tashmë janë të vendosur në vazon e parë. Bayern (i 2-ti), Leverkusen (i 7-ti) dhe Dortmund (i 8-ti) nga Bundesliga janë midis tetë ekipeve të para. Një ekip nga vazoja e parë duhet të luajë kundër një ekipi tjetër nga vazoja e parë dhe klubeve të dyta secila nga vazot e dyta, të treta dhe të katërta në fazën e ligës.

Liga e Kampionëve 2025/26: Cilat klube janë gati për shortin?

Anglia : Liverpool , Arsenal , Manchester City, Chelsea, Tottenham, Newcastle

Spanjë : Barcelona , Real Madrid , Atlético Madrid, Athletic Club, Villarreal

Italia : Napoli, Inter, Atalanta, Juventus

Gjermani : Bayern Munich, Bayer Leverkusen, Eintracht Frankfurt , Dortmund

Francë : Paris Saint-Germain, Marseille, Monaco

Holanda : PSV, Ajax

Portugalia : Sporting CP

Belgjikë : Union Saint-Gilloise

Turqi : Galatasaray

Republika Çeke : Slavia Pragë

Greqi : Olimpiakosi

29 klube janë kualifikuar tashmë për shortin e fazës së ligës. Anglia dhe Spanja kanë siguruar secila nga një vend shtesë përmes renditjes vjetore të UEFA-s, kështu që Newcastle dhe Villarreal do të përfaqësohen. Tottenham është kualifikuar si fitues i Europa League, që do të thotë se Premier League do të ketë gjashtë klube.

Liga e Kampionëve 2025/26: Si do të luhen vendet e mbetura?

Vendet e mbetura do të përcaktohen përmes fazës kualifikuese dhe eliminatoreve.

Raundi i 1-rë kualifikues: 8/9 dhe 15/16 korrik 2025

Raundi i dytë kualifikues: 22/23 dhe 29/30 korrik 2025

Raundi i 3-të kualifikues: 5/6 dhe 12 gusht 2025

Playoff-et: 19/20 dhe 26/27. Gusht 2025

Raundi i parë kualifikues është tashmë në kulmin e tij. Megjithatë, vetëm klubet nga ligat më të ulëta do të garojnë atje. Megjithatë, në raundin e dytë kualifikues do të marrin pjesë klube të njohura si FC Copenhagen dhe RB Salzburg.

Vendimi se cilat klube do të avancojnë në fazën e ligës do të merret më 26 dhe 27 gusht me ndeshjet e kthimit të fazës eliminatore.

Lajmet

Laporta për Yamalin: Ka personalitet të fortë si Messi, është i rrallë

Published

13 hours ago

August 1, 2025

UBT News

Presidenti i Barcelonës, Joan Laporta, ka bërë një deklaratë të fuqishme në lidhje me talentin e jashtëzakonshëm të Lamine Yamal, duke e krahasuar atë me Lionel Messin jo vetëm për cilësitë teknike, por edhe për karakterin e tij të veçantë.

Në një prononcim për mediat, Laporta u shpreh: “Lamine Yamal ka një personalitet shumë të fortë, njësoj siç kishte edhe Messi në kohën e tij. Ai nuk është thjesht një lojtar i talentuar, por është i rrallë, një prej atyre futbollistëve që lindin rrallëherë.”

Presidenti katalanas vazhdoi me vlerësimet duke theksuar nivelin elitar në të cilin tashmë ndodhet adoleshenti spanjoll:

“Yamal është një gjeni i vërtetë i futbollit. Ka arritur një nivel shumë të lartë për moshën që ka dhe kjo e bën edhe më të jashtëzakonshëm. Ne te Barcelona jemi shumë krenarë që kemi një lojtar si ai në radhët tona.”

Lamine Yamal, vetëm 18 vjeç, ka shpërthyer me paraqitjet e tij për Barçën dhe përfaqësuesen e Spanjës, duke u bërë një ndër emrat më premtues në futbollin botëror. Krahasimi me Messin nga vetë presidenti Laporta vetëm sa e forcon imazhin e tij si trashëgimtar potencial i legjendës argjentinase në “Camp Nou”.

Lajmet

Drita prezanton përforcimin e ri

Published

13 hours ago

August 1, 2025

UBT News

Drita ka bërë një goditje të rëndësishme në merkato duke siguruar shërbimet e sulmuesit të njohur Kristal Abazaj. Lojtari me përvojë të madhe dhe cilësi të spikatura do të jetë tashmë pjesë e repartit ofensiv, duke i shtuar më shumë forcë dhe alternativë skuadrës nga Gjilani.

Pas një pune të përkushtuar dhe negociatash të suksesshme, drejtori sportiv Valon Zymberi arriti të finalizojë marrëveshjen me Abazajn, i cili ka firmosur një kontratë dyvjeçare me klubin.

Abazaj pritet të jetë një armë e fuqishme në dispozicion të trajnerit Ramadani, duke sjellë me vete jo vetëm eksperiencë, por edhe potencial për të bërë diferencën në fushë.