

Sport
Klubet e Rusisë dhe Ukrainës “njohin” Kosovën në Antalia
Published
5 years agoon
By
Betim GashiPrej dhjetë skuadrave të Superligës së Kosovës në futboll, pesë po e kryejnë fazën e fundit përgatitore në Antalia të Turqisë. Drita, Ballkani, Prishtina, Arbëria e Llapi janë ekipet të cilat krahas përgatitjeve, i kanë luajtur edhe disa ndeshje miqësore.
Përballja e ekipeve kosovare në qytetin bregdetar turk ka qenë kryesisht me skuadrat nga Rusia e Ukraina, dy vende këto që nuk e kanë njohur pavarësinë e shtetit të Kosovës. Në veçanti, Rusia ka qenë ndër shtetet që ka paraqitur vazhdimisht pengesa për sportistët, ekipet dhe përfaqësuesen e Kosovës në konkurrencën e femrave. Federata e Futbollit e Rusisë nuk pranoi ta priste Kosovën në vendin e saj e as nuk udhëtoi drejt Prishtinës, duke preferuar që ndeshjet të luhen në terren neutral vitin e kaluar.
Kosova luajti si vendase në Gjermani, kurse Rusia zgjodhi Turqinë për dy takimet që i fitoi në kuadër të kualifikimeve për Kampionatin Evropian. Probleme kishte edhe në miqësore vitin e kaluar. Skuadra e Gjilanit e kishte mposhtur Yeniseyn nga Rusia 1:0. Ndeshja ishte transmetuar në kanalin “Youtube” dhe ekipi kosovar ishte paraqitur si ekip nga Serbia, ndërkohë në marrëveshje ishte shkruar si duel mes ekipeve nga Kosova e Rusia. Reagimi i Gjilanit kishte bërë që të përmirësohej “gabimi”.
Përderisa në ndeshjet zyrtare ekipet dhe sportistët kosovarë kanë pasur probleme me shtetet që nuk e njohin Kosovën, një gjë e tillë nuk mund të thuhet për duelet miqësore që po zhvillohen këtë vit. Në Antalia, ekipet kosovare pothuajse të gjitha ndeshjet i kanë luajtur kundër skuadrave ruse dhe ukrainase. Shtatë ndeshje ishin kundër ekipeve nga Rusia, katër nga Ukraina një nga Polonia dhe dy me skuadrat turke.
Organizator i të gjitha ndeshjeve miqësore të ekipeve kosovare në Antalia është Amir Prepolli. Prepolli ka qenë edhe organizator i ndeshjes së Superkupës së Kosovës ndërmjet Dritës dhe Prishtinës, që u luajt në Antalia dhe përfundoi me fitoren e ekipit nga kryeqyteti (3:1). Prepolli ka thënë për KOHËN se nuk ka pasur asnjë rast që ekipet ruse, ukrainase apo polake kanë refuzuar të luajnë me skuadrat kosovare. Ai thotë se shpeshherë ka ndodhur që ato vetë të kërkojnë përballje me ekipet kosovare.
“Nuk kemi pasur raste që kanë refuzuar të luajnë ndaj ekipeve nga Kosova. Gjithçka ka shkuar pa ndonjë problem deri më tani. Ka pasur edhe raste kur ekipet nga Rusia, Ukraina dhe Polonia më kanë kontaktuar dhe kanë kërkuar që të luajnë me skuadrat nga Kosova. Raportet janë shumë të mira dhe nuk ka asnjë problem. Pjesa politike nuk iu intereson fare. Këto janë ndeshje miqësore”, tha Prepolli.
Ballkani nga Suhareka ia ka dalë ta mposhtë Vorskla Potlavë e Ukrainës (2:1), CSKA Moskën U21 (3:0) dhe Jagiellonian e Polonisë (2:1). Kapiteni i Ballkanit, Visar Berisha, ka thënë për KOHËN se mosnjohja e Kosovës nga vendet e ekipeve me të cilat janë përballur nuk ka ndikuar aspak në luajtjen e këtyre miqësoreve.
“Normalisht, sporti është ambasadori më i mirë i çdo shteti dhe nuk besoj që ka ndikuar në asnjë ndeshje mosnjohja e shtetit tonë nga shtetet e tjera. Ndeshjet kanë shkuar pa më të voglin problem”, u shpreh Berisha.
“Është e vërtetë që kemi bërë disa ndeshje miqësore, kryesisht me ekipet ruse, polake e ukrainase. Ndeshjet kanë shkuar shumë mirë, si për nga organizimi, ashtu edhe nga vetë zhvillimi i tyre. Ne si ekip kemi qenë shumë të motivuar dhe të organizuar në çdo ndeshje, pasi kemi luajtur kundër ekipeve me nam në ligat evropiane”, ka thënë ai.
Ekipi tjetër kosovar që është përballur në miqësore me skuadra nga vendet që nuk e njohin Kosovën është Llapi i trajnerit Tahir Batatina. Por llapjanët kanë luajtur edhe dy miqësore ndaj ekipeve nga Turqia. Llapi e ka mposhtur Obolonin e Ukrainës (2:0), kurse ka pësuar nga Tom Tomsku i Rusisë (2:0). Trajneri i Llapit, Batatina, ka insistuar se duelet në Antalia ishin shumë pozitive për ekipin e tij.
“Kemi kaluar shumë mirë. Na kanë pritur mirë, kemi shkëmbyer përvoja të mira me ekipet kundërshtare. Kjo na ndihmon shumë që kur të jemi në garat evropiane ta dimë se çka na pret. Ata janë befasuar me progresin e arritur në Kosovë për një kohë të shkurtër”, tha Batatina, duke shtuar se ekipit rus ashtu edhe atij ukrainas as që iu ka interesuar çështja politike.
Prishtina është përballur me ekipin rus Chayka, nga i cili ka pësuar humbje 1:0.
Edhe Drita është dashur të luajë ndaj skuadrës nga Rusia, Nizhny Novgorod, por ndeshja është anuluar të mërkurën shkaku i të reshurave të shiut. Sipas njoftimit të Dritës, takimi do të zhvillohet të enjten. Arbëria i ka luajtur dy ndeshje miqësore, kurse e treta është ndërprerë shkaku i të reshurave të shiut.
Ka humbur nga Akhmat Grozny i Rusisë (3:1), klub për të cilin luajti edhe futbollisti i Kosovës, Bernard Berisha. Ndërsa ka triumfuar ndaj Lokomotivës B të Moskës (5:0). Dueli ndaj ekipit Minaj nga Ukraina u ndërpre në fund të pjesëlojës së parë shkaku i motit dhe deri ato momente, rezultati ishte në favor të Arbërisë (1:0).
Deri më tani, vetëm Llapi është kthyer në Kosovë, ndërkaq në ditët në vazhdim pritet edhe ardhja e ekipeve të tjera nga Antalia.
Sport
Nga Serie A te Liga e Kampionëve, Allegri zbulon objektivat e Milanit këtë sezon
Published
9 hours agoon
August 23, 2025By
UBT News
Massimiliano Allegri ka komentuar mbi objektivat e Milanit për sezonin. Fjalët e trajnerit theksojnë nevojën për qëndrueshmëri dhe stabilitet.
Filozofia e Allegrit për të ruajtur një qasje të qëndrueshme dhe të ekuilibruar konsiderohet thelbësore, pasi Milani synon të ndërtojë mbi suksesin e tyre të fundit dhe të sigurojë një vend në katër vendet e para në një Serie A konkurruese.
“Unë besoj se e vetmja gjë që duhet bërë është të përpiqemi për maksimumin”, ka thënë fillimisht Allegri në konferencën e tij për shtyp.
“Gjithmonë them se liga është si një udhëtim me anije. Nuk duhet të ketë ulje-ngritje. Do të ketë momente të mira, shpresojmë shumë, por do të ketë edhe momente të vështira”.
“Brenda Milanit duhet të mbizotërojë ekuilibri. Qëllimi ynë është të arrijmë në Ligën e Kampionëve”, përfundoi trajneri italian.
Ndryshe, Rossonerët e nisin edicionin 2025/26 në Serie A sot, pasi presin në “San Siro” ekipin e promovuar Cremonese.
Sport
“S’kam pasur kurrë dyshime, doja të qëndroja”, Dumfries tregon besnikëri ndaj Interit
Published
1 day agoon
August 22, 2025By
UBT News
Denzel Dumfries ka konfirmuar edhe njëherë vendosmërinë e tij për të vazhduar aventurën me Interin.
Në një intervistë për DAZN, mbrojtësi holandez theksoi se gjatë verës nuk ka menduar kurrë për një largim, pavarësisht spekulimeve të shumta në tregun transferimeve.
“Për mua ka qenë e qartë: doja të qëndroja te Interi dhe e di që edhe klubi mendonte njësoj. Shumë kanë folur për një transferim timin, por unë nuk kam pasur kurrë dyshime. Jam shumë i lumtur këtu dhe dua të vazhdoj në Milano”, tha Dumfries.
Tutje, Dumfries ka folur për sezonin e kaluar, të cilin e ka cilësuar si të vështirë.
“Ishte një vit i vështirë, bëmë gjithçka për të fituar sa më shumë trofe. U ndalëm ndaj PSG-së pas një rruge të madhe, por atë mbrëmje ata ishin më të mirë. Jemi krenarë për atë që arritëm dhe tani duhet të nisim sërish nga aty”.
Dumfries foli edhe për konkurrencën në krahë me prurjen e re, Luis Henrique, si dhe ardhjen e trajnerit Christian Chivu.
“Luis Henrique është i shpejtë, dinamik dhe i fortë. Te Interi konkurrenca nuk mungon kurrë: e kam pasur me Darmian, Cuadrado dhe Buchanan. Është e vështirë, por kjo të bën të japësh maksimumin për skuadrën”.
“Po punojmë më shumë se më parë, seancat janë më të gjata. Është herët për krahasime me Inzaghin, por jam i impresionuar: është pranë lojtarëve dhe flet shumë me grupin, një gjë që e adhuroj. Mezi pres të punoj me të, është i ri dhe i talentuar”, nënvizoi holandezi.
Holandezi zbuloi raportin e dy bashkëlojtarëve, Lautaro Martinez dhe Hakan Calhanoglun, teksa tha disa fjalë edhe për sezonin e ri që fillon këtë fundjavë.
“Isha i qetë, e di që të dy janë lojtarë me mentalitet fitues dhe konkurrues. Ata u sqaruan mes tyre dhe me grupin. Ne jemi të bashkuar si familje. Te Interi nuk mjafton të mos fitosh tituj, ndaj po punojmë për ta ngritur nivelin”.
“Sezoni i ri? Sipas meje, jemi favoritët sepse jemi një skuadër e madhe. Vitin e kaluar humbëm disa raste të rëndësishme, por kemi mësuar. Tani duhet ta tregojmë forcën tonë dhe të përdorim urinë për të arritur te titulli i kampionit”, përfundoi mbrojtësi i Interit.
Sport
Klubi i Ligës Premier me ofertë prej 80 milionë eurosh për Nico Paz
Published
1 day agoon
August 22, 2025By
UBT News
Tottenham Hotspur po përgatit ofertë prej 80 milionë eurosh për të transferuar mesfushorin argjentinas Nico Paz, i cili luan te Como në Serie A.
Klubi londinez kërkon të përforcojë repartin sulmues pas dëmtimit serioz të James Maddison, organizatorit kryesor të skuadrës.
Pas dështimeve për të nënshkruar me Eberechi Eze dhe Morgan Gibbs-Ëhite, Tottenham tani e ka kthyer vëmendjen nga Nico Paz.
19-vjeçari ka shkëlqyer në Itali nën drejtimin e Cesc Fabregas, duke shënuar 9 gola dhe dhënë 6 asistime në 35 ndeshje, është cilësuar si një nga talentet më premtues në Evropë. Megjithëse Como ka të drejtën për të negociuar, Real Madrid mban ende kontroll mbi të ardhmen e lojtarit.
Klubi spanjoll ka përfshirë në marrëveshjen e shitjes klauzola që i japin të drejtë rikthimi apo ndërhyrjeje në çdo transferim të mundshëm.
Presidenti Florentino Perez e sheh Pazin si projekt afatmesëm për Realin, çdo lëvizje nga Tottenhami mund të hasë rezistencë. Përveç Tottenhamit, edhe Juventusi dhe Atletico Madridi kanë shfaqur interes për Nico Paz, por nuk kanë bërë lëvizje konkrete deri tani.
Tottenhami është klubi më i vendosur për ta marrë lojtarin, për shkak të nevojës për një mesfushor krijues para mbylljes së afatit kalimtar.
Klubi londinez po shpreson që me ofertën e majme të bindë Comon dhe të vërë Real Madridin përballë një vendimi: të rikthejë Nico Pazin, apo ta lejojë të largohet përfundimisht në Ligën Premier. Marrëveshja nuk është e lehtë, por Tottenhami është i gatshëm të rrezikojë për të zëvendësuar Maddison e për të forcuar skuadrën për Ligën Premier dhe Ligën e Kampionëve.
Sport
Real Madridi ia vë syrin mesfushorit të Crystal Palace
Published
1 day agoon
August 22, 2025By
UBT News
Real Madrid është lidhur me një lëvizje për një mesfushor gjatë pjesës më të madhe të verës, pas mungesës së Toni Kroos që u ndje shumë sezonin e kaluar.
Me pak më shumë se një javë të mbetur nga mbyllja e merkatos, kjo ide është në faqen e parë të një prej mediave më të mëdha në kryeqytetin spanjoll.
“Los Blancos” dukeshin sikur e kishin mbyllur merkaton këtë verë, pas një investimi prej 165 milionë eurosh për Dean Huijsen, Alvaro Carreras, Trent Alexander-Arnold dhe Franco Mastantuono.
Megjithatë, në prapaskenë kanë qarkulluar raportime që sugjerojnë se trajneri Xabi Alonso do edhe një përforcim tjetër në mesfushë, me Rodri Hernandez-in e Manchester City-t që shpesh është përmendur si kandidati më i mundshëm, qoftë këtë verë apo verën e ardhshme.
Sipas Diario AS, Real Madrid po monitoron situatën e mesfushorit të Crystal Palace dhe Anglisë, Adam Wharton.
21-vjeçari përputhet me profilin e kërkuar në Valdebebas: një mesfushor më kontrollues, i aftë të vendosë ritmin e lojës dhe të organizojë skuadrën përreth tij.

Nuk dini çfarë të bëni në fundjavë? Ja disa sugjerime për ju!

Insta360 ka një kamerë të re aksioni Go Ultra

Një vit pas divorcit, ç’po ndodh me Jennifer Lopez?

Ekspertët tregojnë pse natyra e forcon përqendrimin

Zakoni i mëngjesit që ju ndihmon të reduktoni dhjamin rreth barkut

Zhvillohet pajisja e re me bazë diamanti që detekton më lehtë kancerin

Lidership, strategji dhe politika publike në një program të vetëm në Master në UBT

Taylor Swift nuk shkëlqen vetëm në skenë, Zoë Kravitz zbulon “dhuntinë e fshehtë” të saj

Nga Serie A te Liga e Kampionëve, Allegri zbulon objektivat e Milanit këtë sezon
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit