Sport

Klopp: Do ta përcjellë nga afër Aston Villan

Steven Gerrard shkëputi kontratën e tij me Rangers pas tre vite e gjysmë në udhëheqje të klubit skocez.

Published

4 years ago

November 19, 2021

Betim Gashi

Trajneri gjerman, Jurgen Klopp ka reaguar pas rikthimit të legjendës së Liverpoolit, Steven Gerrard, si trajner në Premier Ligë, duke thënë se tani do të përcjellë ndeshjet e Aston Villas nga afër.

Steven Gerrard shkëputi kontratën e tij me Rangers pas tre vite e gjysmë në udhëheqje të klubit skocez, vetëm për të marrë detyrën e trajnerit te Aston Villa javën e kaluar.

41-vjeçari, i cili udhëhoqi Rangers drejt titullit të parë të ligës pas një dekade, tani ka një punë të vështirë te Aston Villa, ku kjo e fundit renditet në vendin e 16 në Premier Ligën angleze pas 11 ndeshjeve, por trajneri i Liverpoolit Klopp beson që ai është njeriu i duhur që ta këndellë skuadrën angleze.

“E di që ai e dashuronte punën e tij te Rangers, por kjo është jeta. Kur të vjen mundësia që të punosh në Premier Ligë, atëherë sigurisht që çdo trajneri në botë do ta konsideronte atë. Me një klub të madh siç është Aston Villa, mund ta imagjinoj që ai është tejet i emocionuar. Është një mundësi shumë e mirë për të, dhe gjë e mirë për klubin”, tha Klopp në një intervistë për faqen zyrtare të Liverpoolit.

“Pas disa javësh ne do të përballemi kundër njëri-tjetrit. I kam shkruar dhe kemi pasur disa biseda. Është gjë e mirë dhe jam duke shikuar drejt saj. Që nga ky moment unë do të përcjellë ndeshjet e Aston Villas nga afër, por kur të përballemi do të jetë ndryshe. Për 95’ minuta të gjitha ndjenjat duhet lënë anash”, shtoi trajneri i Liverpoolit.

Jurgen Klopp u emërua trajner i Liverpoolit disa muaj pasi që Gerrard u largua nga klubi në vitin 2015, por ish-mesfushori i Liverpoolit kishte punuar me trajnerin gjerman kur kishte filluar hapat e parë të karrierës si trajner i akademisë së klubit.

Tani, të dy trajnerët ende vazhdojnë të kenë miqësi mes vete, ku edhe do të takohen në “Anfield Road” më 11 dhjetor pasi që Liverpooli e pret në shtëpi skuadrën e Gerrard Aston Villan.

Sport

Zyrtare: Ferizaj përforcohet në qendër të mbrojtjes, prezantojnë Ardit Iljazin

Published

2 days ago

June 5, 2025

Albina Zeneli

Ferizaj ka filluar me përforcime për sezonin e ri në Albi Mall Superligën e Kosovës në futboll.

‘Ujqit’ janë përforcuar në qendër të mbrojtjes, ku kanë nënshkruar me qendërmbrojtësin Ardit Iljazi.

24-vjeçari i bashkohet Ferizajt pasi më parë ka luajtur edhe për Gostivarin, Shkupin, Erzenin, Teutën dhe Voska Sport.

Njoftimi i plotë nga FC Ferizaj:

Zyrtare: Ardit Iljazi bashkohet me FC Ferizajn

FC Ferizaj ka kënaqësinë të prezantojë përforcimin më të ri në repartin defensiv Ardit Iljazin, i cili do të jetë pjesë e skuadrës bardhekaltër për sezonin e ri.

Arditi luan në pozitat qendër mbrojtës dhe mbrojtës i djathtë, ndërsa gjatë karrierës së tij ka qenë pjesë e disa klubeve të njohura si Erzeni, Shkupi dhe Voska, duke grumbulluar përvojë të vlefshme në futbollin rajonal.

Ardit Iljazi: “Është kënaqësi për mua t’i bashkohem FC Ferizajt. Jam i motivuar dhe i gatshëm të jap maksimumin për klubin dhe për tifozët.”

Mirë se erdhe Ardit, dhe shumë suksese me fanellën bardhekaltër!

Sport

FSHF: Vijon procesi i shpërndarjes së biletave përmes shortit elektronik për ndeshjen Shqipëri – Serbi

Published

2 days ago

June 5, 2025

UBTnews

Federata e Futbollit njoftoi sot se vijon procesi i shpërndarjes së biletave përmes shortit elektronik për ndeshjen Shqipëri – Serbi.

FSHF thekson se, të gjithë personat që janë shpallur fitues dhe kanë fituar të drejtën për të blerë bileta duhet të veprojnë sa më shpejt, pasi linku i dërguar është i vlefshëm vetëm për 24 orë nga momenti i marrjes.

Pas këtij afati, linku bëhet i pavlefshëm dhe biletat nuk mund të blihen.

Për këtë arsye, FSHF u bën thirrje të gjithë fituesve të përfundojnë procesin e blerjes brenda afatit, duke kryer pagesën përkatëse.

Ndeshja Shqipëri – Serbi, e vlefshme për kualifikueset e Kupës së Botës 2026, do të zhvillohet të shtunën, më 7 qershor, në orën 20:45, në stadiumin “Arena Kombëtare”. /atsh

Sport

Ardian Ismajli mund t’i bashkohet Rashicës te Besiktasi?

Published

2 days ago

June 5, 2025

Albina Zeneli

Mbrojtësi i Kombëtares së Shqipërisë, Ardian Ismajli do të largohet nga Empoli pas ndeshjeve ndërkombëtare.

28-vjeçari mbetet pa kontratë në fund të këtij muaji dhe tashmë ka filluar kërkimin e një klubi të ri.

Mediat e huaja raportojnë se lojtari “kuqezi” mund të transferohet në Superligën e Turqisë.

Besiktasi ku luan Ernest Muçi dhe Milot Rashica për momentin po i prinë garës për mbrojtësin shqiptar.

Ismajli është në grumbullim te Shqipëria për dy ndeshjet e muajit qershor, ndaj Serbisë dhe Letonisë.

Sport

Zyrtare: Inzaghi firmosi me Al-Hilalin

Published

2 days ago

June 5, 2025

Albina Zeneli

Tashmë është zyrtare. Trajneri i njohur italian, Simone Inzaghi ka firmosur me skuadrën arabe Al Hilal. Trajneri i deritashëm i Interit firmosi të mërkurën mbrëma për dy vjet e gjysmë.

Të hyrat vjetore për Inzaghin do të jenë 26 milionë euro neto.

Inzaghi ka firmosur në Paris, pasi i dha fund bashkëpunimit me Interin. Ai e udhëhoqi Interin deri në finale të Ligës së Kampionëve.

Inzaghi është prej trajnerëve më të vlerësuar në futboll.