Sport

Agjenti i Diaz: Interesimi nga Liverpooli dhe Chelsea është gjë normale

“Ky interesim është gjë normale”, tha Van Strahalen.

Published

5 years ago

November 19, 2021

UBT news

Agjenti i Luis Diaz ka thënë që është normale që sulmuesi anësorë i Portos është duke tërhequr vëmendje nga gjigandët evropianë, veçanërisht nga dy skuadrat angleze Liverpool dhe Chelsea.

Që prej se u transferua nga skuadra kolumbiane Junior te Porto në korrik të vitit 2019, Diaz ka shënuar 21 gola dhe ka regjistruar nëntë asistime, duke krijuar gjithsej 59 raste në Premier Ligën e Portugalisë.

24 vjeçari në kontratën e tij ka një klauzolë lirimi prej 80 milionë eurosh, ku dy gjigandët e Premier Ligës angleze Liverpool dhe Chelsea janë duke përgatitur oferta për të siguruar shërbimet e sulmuesit kolumbian, përcjell KosovaPress.

Rreth këtij interesimi ka folur agjenti i Diaz Carlos Van Strahalen, duke thënë që bazuar në formën e klientit të tij ishte pritur interesimi nga gjigandët evropianë.

“Është normale. Nëse një lojtar luan mirë, nëse fillon të tregojë kualitetet e tij, nëse shumica e konsideron si lojtarin më të mirë në ligën portugeze, nëse ai është golashënuesi më i mirë dhe tregon paraqitje tejet të mira në Ligën e Kampionëve, ky interesim është gjë normale”, tha Van Strahalen.

“A do të largohet ai nga Porto? Nuk e di”, shtoi agjenti i Diaz.

Në këtë sezon, Diaz ka arritur të shënojë nëntë gola në 11 paraqitje, ku momentalisht është golashënuesi më i mirë në ligën portugeze.

Related Topics:Chelsea Liverpool luis diaz

Up Next

Brozovic reagon pas spekulimeve mbi të ardhmen e tij

Don't Miss

Klopp: Do ta përcjellë nga afër Aston Villan

Vendi

Akil Gjakova mbyll garën pa medalje në Abu Dhabi

Published

11 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

11 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

13 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/