Lajmet

Klinaku: Moslirimi me kusht i ish-krerëve të UÇK-së është çështje politike

Published

5 years ago

on

Ushtruesi i detyrës i kreut të OVL-UÇK-së, Faton Klinaku deklaroi se moslirimi me kusht i ish-krerëve të UÇK-së është çështje politike, ndërsa pret nga institucionet e reja që të ndërprenë punën e Gjykatës Speciale.

Në një intervistë për Ekonomia Online, Klinaku thotë se ftesat e dërguara nga Gjykata Speciale gjatë këtij viti, disa janë në cilësinë e të akuzuarit e disa në cilësinë e dëshmitarit.

“Ka shumë ftesa që kanë ardhur edhe vitin e kaluar, por vazhdojnë të vijnë edhe gjatë këtij vitit, d.m.th gjatë fillim vitit që ne na tregojnë pjesëtarët e Ushtrisë Çlirimtare të Kosovës, janë ftesat që disa prej tyre i kanë në cilësinë e të akuzuarit dhe disa në cilësinë e dëshmitarët që ju merren dëshmi. Nuk kemi çka i komentojmë ne sepse për ne kemi thënë vazhdimisht që kjo Gjykatë nuk është legale, por meqenëse Kuvendi i Kosovës neve nuk na dëgjoi që ne kemi kërkuar nga ta që ta ndryshojmë ligjin ose së paku ta dërgojnë në Gjykatë Kushtetuese për interpretim, kjo vazhdon kështu dhe kjo s’ka të bëjë kurrgjë me çështjet tjera, përveç që i merr dëshmi njerëzve që edhe ato dëshmi që merren mbi bazën e shpifjes që i ka bërë Serbia”, tha ai për EO.

Tutje, Klinaku ka vlerësuar se moslirimi me kusht i të akuzuarve nga Gjykata Speciale është çështje politike. Sipas tij, akuzat nga prokuroria po bëhen qëllimisht, në mënyrë  që të mos lirohen me kusht.

“Gjyqësori i procedurës paraprake nuk besoj që do ta lirojë dikë, por në kohën kur ata dalin në panel gjyqësor nga një panel gjyqësor, natyrisht që nëse kanë fakte që ata të lirohen e kusht, edhe pse nuk ka arsye që t’i mbajmë na kemi raste që u bënë dje katër muaj që i mbajnë edhe Hysni Gucatin edhe Nasim Haradinaj që s’kanë të bëjnë fare me çështje të krimeve të luftës, por gjoja që siç thonë ata për pengim të drejtësisë, gjë që për pengim të drejtësisë nuk ka as fakte as bazë që t’i akuzojnë këta, sepse ndonëse që ju kanë dal nga zyrat është dashtë që t’i ruajnë ata vet. Nuk është arsye që t’i mbajnë në paraburgim, ndërsa sa i përket moslirimit të tyre me kusht është çështje politike që ata nuk ndërmarrin këso masa sepse askush nga asnjë prej tyre të akuzuarve që qëndrojnë në burgun e Hagës normal që nuk do të largohej nga Kosova siç ata pretendojnë sepse qëllimisht i bëjnë këto akuza prokuroria për shkak të mos i lirojë me kusht”, u shpreh ai.

Megjithatë, Klinaku thotë se pa marr parasysh se kush vije në pushtet pas zgjedhjeve të 14 shkurtit, kërkesa e tyre për ndryshimin e Ligjit për Gjykatën Speciale, do të qëndrojë.

“Ne nuk kemi çka bisedojmë ne vetëm e dimë që qëndrimi jonë si organizatë e Veteranëve është edhe nëse zgjedhet Kuvendi i ri, edhe në qoftë se zgjedhën institucionet e reja të Kosovës, se kur do të zgjedhen ne nuk e dimë se kush do ta marrë, po ashtu ne nuk e dimë sepse është çështje e vullnetit qytetarë, kërkesat tona do t’i kenë qoftë për ndryshim të Ligjit për Gjykatën Speciale që duhet të gjykohen të gjitha krimet e luftës sepse në masë të madhe i ka bërë Serbia pushtuese dhe serbët kanë bërë masakra e gjenocid, do t’i kenë kërkesat tona për ndryshim tonin që të gjykohen edhe ata, qoftë se nuk e bëjnë këtë natyrisht që ne nuk e njohim si gjykatë e cila, gjykon vetëm pjesëtarët e UÇK-së ne nuk e njohim të tillë, këtu është dashur të merret drejtësia vendore me krimet që kanë ndodhë në Kosovë dhe Kuvendi i Kosovës në qoftë se nuk e ndryshon këtë ligj që të gjykohen të gjitha krimet në Kosovë është mirë që të bëjnë diçka për ndërprerjen e kësaj gjykate sepse nuk i duhet fare Kosovës”, përfundoi ai.

Related Topics:
Continue Reading

Aktualitet

Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis

Published

4 hours ago

on

August 25, 2025

By

Profesori i Fakultetit të Studimeve të Sigurisë në UBT, Bahri Gashi, është ftuar të kontribuojë si recensues i punimeve shkencore ndërkombëtare në një nga platformat më prestigjioze botërore të botimeve akademike, Taylor & Francis, me seli në Mbretërinë e Bashkuar.

Në këtë rol të rëndësishëm, profesori Gashi do të angazhohet në recensimin e artikujve shkencorë në fusha strategjike si:

  • Inteligjenca dhe Kundërinteligjenca;
  • Siguria Kombëtare;
  • Mbrojtja dhe Politikat e Sigurisë.

Kontributi i tij do të jepet në kuadër të revistës akademike të specializuar “International Journal of Intelligence and CounterIntelligence”, një revistë e indeksuar në platformat më të larta ndërkombëtare të certifikimit shkencor, e cila gëzon reputacion të lartë në komunitetin akademik dhe profesional të sigurisë.

Ky angazhim i profesorit të UBT-së është një dëshmi e qartë se UBT po fuqizon gjithnjë e më shumë praninë e tij në skenën ndërkombëtare të kërkimit shkencor, duke rritur besueshmërinë e akademikëve të saj dhe duke kontribuar në zhvillimin e fushave të rëndësishme për sigurinë dhe mbrojtjen në nivel global.

Continue Reading

Aktualitet

​Kransiqi i LVV-së në KQZ me aksion simbolik pas vendimit të PZAP-së për Listën Serbe

Published

6 hours ago

on

August 25, 2025

By

Në mbledhjen e sotme të Komisionit Qendror të Zgjedhjeve anëtari i saj nga radhët e Lëvizjes Vetëvendosje, Alban Krasniqi në hyrje të mbledhjes vendosi mbishkrimin “Po pluralizmit, jo terrorizmit”. Ky veprim i Krasniqit erdhi pas vendimit të Panelit Zgjedhor për Ankesa dhe Parashtresa, i cili kërkoi nga Komisioni Qendror i Zgjedhjeve të certifikojë Listën Serbe për pjesëmarrje në zgjedhjet lokale të 12 tetorit 2025.

Gjatë kësaj mbledhje, me qëllim të përmirësimit të listave votuese, u miratua edhe largimi i 1 mijë e 514 personave të vdekur.

Arianit Elshani, udhëheqës i Këshillit i Operacioneve Zgjedhore, tha se shifra në fjalë është verifikuar bashkë me zyrtarët ekzekutiv të Komisioneve Komunale të Zgjedhjeve.

“Bëhet fjalë për 1 mijë e 514 persona të evidentuar si të vdekur të cilët në bazë të verifikimeve që janë bërë nga zyrtarët ekzekutiv të Komisioneve Komunale të Zgjedhjeve në terren, ku kanë marrë përsipër një listë të personave që janë mbi 95 vjeç dhe figurojnë në listën votuese”, tha ai.

E me kërkesë të qytetarëve të lagjes “Marigona Residence”, Komisioni Qendror i Zgjedhjeve miratoi edhe hapjen e qendrës së re të votimit në këtë lagje.

Elshani tha se kjo ka qenë kërkesë e 260 votuesve dhe se qendra e votimit do të jetë në shkollën “Internacional School of Prishtina-ISP”.

“Bëhet fjalë për shkollën ‘Internacionale School of Prishtina – ISP’ që gjendet në lagjen Marigona këta votues kanë qenë të alookuar për të votuar në një qendër tjetër të votimit në fshatin Peroc në ‘Miladin Mitiq’, mirëpo është kërkuar një numër prej 260 votuesve në këtë rast ekziston mundësia me u bartë në këtë qendër të votimit”, deklaroi ai.

Në këtë mbledhje u votua edhe udhëzimi për votimin e Personave me Nevoja të Veçanta (VPNV), i cili synon lehtësimin dhe garantimin e të drejtës kushtetuese për të votuar për të gjithë qytetarët pa përjashtim dhe ka për qëllim të përcaktojë mënyrën e regjistrimit, evidentimit dhe votimit të Peronave me Nevoja të Veçanta, të cilët nuk mund të votojnë në vendvotimin e tyre.

 

Continue Reading

Aktualitet

Kosova humb 114 milionë euro për energji, Shoqata e Prodhuesve fajëson institucionet

Published

6 hours ago

on

August 25, 2025

By

Shoqata e Prodhuesve Vendor ka reaguar ashpër pas lajmeve se Kosova ka humbur 114 milionë euro nga projektet e Bashkimit Evropian të dedikuara për fushën e energjisë, si pasojë e sanksioneve të vendosura nga BE-ja.

Përmes një reagimi në Facebook, përfaqësuesi i shoqatës, Kushtrim Ajvazi, ka kritikuar institucionet e vendit për, siç e quan ai, dështimin në ruajtjen e interesit shtetëror dhe ekonomik.

“Për informaten tuaj, Kosova ka humbur 114 milionë € projekte në fushën e energjisë nga sanksionet e BE-së. Këto mjete ishin të destinuara për zhvillim dhe stabilitet të furnizimit energjetik”, ka shkruar Ajvazi.

Ai ka hedhur poshtë arsyetimin e institucioneve që dalja e Kosovës në tregun e lirë të energjisë ishte një kusht nga BE-ja.

“Mos e përdorni më arsyetimin se e kemi pas kusht nga BE-ja me dalë në treg të lirë, se është marre për juve”, ka përfunduar ai

Continue Reading

Aktualitet

UBT ofron Master në Psikologji me standarde evropiane

Published

6 hours ago

on

August 25, 2025

By

UBT ofron programin Psikologji në nivelin Master, i cili synon përgatitjen e profesionistëve të aftë për të kuptuar mendjen dhe sjelljen njerëzore, si dhe për t’u shërbyer individëve dhe komunitetit në fusha të ndryshme të shëndetit mendor.

Ky program dyvjeçar, i akredituar sipas standardeve më të larta evropiane, ofron njohuri dhe përvojë praktike në psikologjinë klinike, këshilluese, edukative dhe organizative. Studentët mësojnë teknika të avancuara të vlerësimit psikologjik, terapitë moderne, si dhe metodologjitë kërkimore të cilat u japin atyre kompetencat e nevojshme për t’u bërë pjesë aktive e zgjidhjes së sfidave psiko-sociale.

Misioni i programit

Programi ka për qëllim të edukojë dhe fuqizojë psikologët e ardhshëm përmes një kurrikule kërkimore, duke promovuar praktikën etike, të menduarit kritik dhe ndjeshmërinë kulturore. Theksi vihet te përgatitja e profesionistëve që do të kontribuojnë jo vetëm në shëndetin mendor dhe kërkimin shkencor, por edhe në zhvillimin e politikave të nivelit kombëtar e ndërkombëtar.

Çfarë ofron Masteri në Psikologji?

  • Kurse të specializuara në psikologji klinike, këshillim, psikologji zhvillimore dhe sociale
  • Një kurrikulë të përputhur me standardet EuroPsy
  • Praktika në institucione shëndetësore, shkolla, organizata joqeveritare dhe komunitete
  • Pjesëmarrje në projekte kërkimore dhe punë në terren
  • Përfshirje në aktivitete të komunitetit me fokus në shëndetin mendor

Karrierë dhe ndikim shoqëror

Diplomuarit e këtij programi janë të përgatitur për një gamë të gjerë rolesh profesionale, nga psikoterapia dhe këshillimi, deri te politika publike dhe hulumtimi shkencor. Ata do të jenë në gjendje të kryejnë vlerësime e ndërhyrje psikologjike, të hartojnë projekte kërkimore, të promovojnë shëndetin mendor në komunitet dhe të ndikojnë në hartimin e politikave sociale dhe shëndetësore.

Stafi dhe kërkimi shkencor

Fakulteti i Psikologjisë në UBT kontribuon në një kulturë të gjallë akademike dhe kërkimore, në përputhje me Strategjinë e Kërkimit 2024–2029. Programi synon zhvillimin e projekteve ndërdisiplinore, bashkëpunimet globale dhe botime shkencore, duke e vendosur Kosovën në hartën ndërkombëtare të studimeve psikologjike.

UBT bashkëpunon ngushtë me institucione shëndetësore dhe organizata të komunitetit për të zhvilluar iniciativa në shëndetin mendor, trajnime profesionale dhe konsultime. Deri në vitin 2029, Masteri në Psikologji synon të jetë:

  • Lider kombëtar në kërkimin dhe trajnimin psikologjik
  • Partner i njohur në Evropën Juglindore
  • Qendër e konferencave dhe botimeve ndërkombëtare
  • Promovues i mirëqenies psiko-sociale nëpërmjet arsimit cilësor dhe përfshirjes në komunitet

Struktura e studimeve

Programi ofron një kurrikulë të balancuar midis teorisë dhe praktikës, me lëndë të avancuara si Psikologji Klinike dhe Psikoterapi, Psikologji Kognitive, Psikopatologji, Psikometri, Etikë në Psikologji dhe përfundon me tezën e masterit dhe praktikën profesionale.

APLIKO TANI ONLINE!

Continue Reading

Të kërkuara