Shëndeti

Kjo është lista me ushqimet që ju duhen për kocka të forta!

Në rastin e grave, Ostepororza përshpejtohet shumë pas menopauzës.

Published

on

Ostepororza është një sëmundje të pakëson dendësinë minerale të kockave dhe sjell përkeqësim të indeve duke i bërë ato më të brishta dhe shkaktuar më shumë fraktura.

Kjo sëmundje është mjaft e përhapur dhe ka tendenca të rritet me rritjen e moshës.

Osteoporoza paraprihet nga një fazë tjetër e njohur si osteopenia ose humbja e masës kockore që ndodh në çdo fazë të jetës.

Mosha është shkaktar kyç i osteopenisë dhe osteoporozës.

Pas moshës 40 vjeçare, dendësia kockore pakësohet si tek gratë ashtu edhe tek burrat.

Në rastin e grave, kjo sëmundje përshpejtohet shumë pas menopauzës.

Si gjithmonë, parandalimi është një hap shumë i rëndësishëm.

Të rinjtë duhet të mos e teprojnë me alkolin, të mos pijnë duhan, duhet të kryejnë aktivitet fizik, të mos e teprojnë me ekspozimin në diell dhe të ushqehen mirë.

Nëpërmjet ushqimit, ne mund të marrim vitamina thelbësore për kockat siç janë: kalçiumi, fosfori dhe vitamina D.

Ne kemi nevojë edhe për vitaminën K, magnezin dhe zinkun që i mbajnë kokcat të shëndetshme në çdo fazë të jetës.

Ushqyerja e duhur për kockat

Kalçiumi është përbërësi kryesor i kockave të shëndetshme.

Të rriturit duhet të marrin 1,000 deri në 1,200 mg në ditë.

Ushqimet e mëposhtme mund të plotësojnë dozat ditore të kalçiumit:

  • Frutat dhe perimet si barishtet, portokallet dhe fiqtë e thatë.
  • Produktet e bulmetit si, kosi, djathi, qumështi.
  • Qumështi i arrorëve, sojës, orizit dhe tërshëra.
  • Bishtajoret si fasulet dhe qiqrat.
  • Frutat e thata, farat dhe drithërat si bajamet, farat e suzamit, arrat.
  • Peshku, kryesisht sardelet
Osteoporoza dhe ushqimet e pasura me vitaminë D

Vitamina D është e dobishme për përthithjen dhe metabolizimin e kalçiumit.

90% e kësaj vitamine merret nëpërmjet ekspozimit në diell ndërsa pjesa e mbetur nëpërmjet ushqimit.

  • Peshku: salmoni, skumbria, trofta, ngjala, peshku ton, sardelet  vaji i mëlçisë së merlucit
  • Kërpudhat
  • Ushqimet me proteinë: vezët, produktet e bulmetit, mëlçia e viçit.
Osteoporoza parandalohet edhe me:

Vitaminën K që ndihmon shëndetin e kockave ndaj përzgjidhni barishte si spinaqi, sallata jeshile, kale, shpargu, lakrat e vogla.

Estrogjenin me bazë bimore që gjendet tek drithërat, portokalli, rrushi, çaji dhe soja.

Kaliumin që përmirëson dhe ekuilibron kalçiumin. Bananet janë një burim i mirë i kaliumit.

Këshilla të tjera

Alkoli i tepërt, duhanpirja, jeta pa aktivitet janë të dëmshme për shëndetin e kockave.

Kafeina dhe kripa kanë efekt diuritik dhe nxjerrin kalçiumin nga organizmi.

Mos pini më shumë se 3 kafe në ditë.

Proteina e tepërt shkakton sëmundje të veshkave dhe dekalçifikim të kockave.

Ajo ndikon në metabolizimin e kalçiumit, fosforit dhe vitaminës D.

Qëndroni në ambient të jashtëm të merrni vitaminë D.

Kryeni aktivitet fizik që të ruani peshën e shëndetshme, të ruani masën kockore dhe forconi muskujt.

Hani ushqime të pasura me fosfor, magnez dhe acide yndyrore omega-3.

E fundit por jo nga rëndësia; parandalimi i osteoporozës kërkon kalçium që në fillim të jetës dhe shumë aktivitet fizik. Suplementët mund të përdoren më vonë kur shëndeti i kockave është më i dobët./AgroWeb.org

Shëndeti

Ushqimet që i luftojnë infeksionet në trup

Published

on

Përveç medikamenteve, në raste virozash apo infeksionesh të ndryshme rekomandohen ushqime dhe bimë mjekësore që funksionojnë më së miri.

Xhenxhefili – Përmirëson metabolizmin e lufton dëmin oksidues në trup, Përbërësit e tij janë efikasë për të luftuar inflamacionin e dëmshëm si në rastin e kolitit, veshkave, diabetit. Konsumi i 3 gramëve xhenxhefil pluhur në ditë është efikase për të përmirësuar reagimet anti-inflamatore të trupit.

Speci i kuq djegës – Ky spec përmban kapsaicinë, një substancë me aftësi të mëdha kundër inflamacionit, përmban flavonoidë e ushqyes tjerë që shënjestrojnë sëmundjet në nivel qelizor, shkatërrojnë radikalet e lira që shkaktojnë organizmin. Konsumi i 100 mg spec shërben për të korrur këto përfitime.

Kanella – Një nga përbërësit e kanellës pengon proteinat që shkaktojnë inflamacion në trup, ky përbërës njihet si cinnamaldehyde, është efikas kundër sëmundjeve që shkaktohen nga inflamacioni. Këto vlera janë të pranishme nëse njeriu konsumon 1-1.5 gramë kanellë në ditë.

Farat e karafilit – Përmbajnë eugenol që pengon enzimat që shkaktojnë reagime inflamatore në trup, vaji i këtyre farave është ideal kundër inflamacionit dhe mjafton një pikë e tij për të lyer zonën e inflamuar në trup.

Sherebela – Përmban acid carnosik dhe cornosol, dy substanca që përmirësojnë metabolizmin e largojnë radikalet që shkaktojnë inflamacion në trup. Njeriu mund të konsumojë 300-600 mg sherebelë në ditë. Nëse keni sherebelë të freskët përdorni 4 deri 6 gramë në ditë.

Rozmarina – Përmban përbërës të ngjashëm me sherebelën, por dallon falë acidit rosmarinik që luan efekt stabilizues në suplemente farmaceutikë. Përbërësit e rozmarinës pengojnë trupin të lëshojë reagime vetë-dëmtuese kundër inflamacionit. Njeriu mund të konsumojë 4-6 gramë rozmarinë të freskët në ditë kundër simptomave të artritit reumatoid. Dozat e duhura të vajit esencial të rozmarinës variojnë nga 0.1 deri në 1 ml në ditë.

Piperi i zi – Piperina që gjendet tek piperi i zi lehtëson shumë prej simptomave të artritit, një prej sëmundjeve auto-inflamatore. Doza e rekomanduar ditore besohet të 20 mg piperinë ose një majë luge çaji me piper të zi.

Çaji jeshil – Disa filxhanë çaji jeshil në ditë ofrojnë shumë lehtësim për pacientët që vuajnë nga artriti dhe zbusin simptomat e inflamacionit.

Ushqime të tjera – Ushqime të tjera të rekomanduara kundër inflamacionit janë frutat e pyllit, lakra e kuqe, fasulet, arrat, legumet dhe vaji i ullirit.

Continue Reading

Shëndeti

Këto ushqime ju mbajnë të ngopur më gjatë

Published

on

Nëse ndjeni uri menjëherë pas një vakti, duhet të mendoni për ushqimet që po hani. Domethënë, disa ushqime nuk ju bëjnë të ngopur dhe është më mirë t’i zëvendësoni ose t’i kombinoni ato me ushqime që ofrojnë një ndjesi ngopjeje.

Doktori Franklin Joseph ndau një listë ushqimesh që rekomandon për këdo që do të ndihet i ngopur për më gjatë dhe të humbasë peshë.

Ai thotë se të ndihesh vazhdimisht i uritur nuk është shenjë dobësie, por shpesh është çështje e asaj që ke në pjatë.

“Çelësi për të ngrënë më pak ushqim pa shqetësime është zgjedhja e ushqimeve që ju mbajnë të ngopur për më gjatë. Këto pesë gjëra funksionojnë me biologjinë tuaj, duke ju ndihmuar të ndiheni të ngopur dhe në kontroll pa pasur nevojë të numëroni kaloritë”, tha ai.

Ai shtoi se të hash më pak kalori nuk do të thotë të hash porcione më të vogla. Kjo do të thotë të zgjidhni ushqime që ju ndihmojnë të qëndroni të ngopur. Në këtë mënyrë ju humbni peshë pa luftuar vazhdimisht me urinë.

Tërshërë

Një nga ushqimet më të mira për kontrollin e oreksit. Është plot me fibra të tretshme, që ngadalësojnë tretjen e ju ndihmojnë të qëndroni të ngopur më gjatë. Beta-glukani në tërshërë gjithashtu stabilizon sheqerin në gjak, duke parandaluar rëniet e energjisë që shkaktojnë dëshirën për të ngrënë.

Thjerrëza dhe fasule

Të pasura me fibra dhe proteina bimore, thjerrëzat dhe fasulet janë ushqime që ngadalësojnë tretjen. Në përgjithësi, vaktet me bishtajore çojnë në ulje të urisë më vonë gjatë ditës, sepse ato marrin më shumë kohë për t’u tretur, për të fryrë stomakun dhe për të aktivizuar hormonet natyrore të ngopjes së trupit.

Perime të papërpunuara

Karrotat, selinoja, kastraveci dhe speci mund të mos duken si zgjedhje të mira, por ato janë një armë sekrete për këdo që përpiqet të hajë më pak. Perimet e papërpunuara kanë një sasi të lartë fibrash dhe shumë pak kalori. Kërcitja dhe përtypja gjithashtu ndihmojnë në nxitjen e sinjaleve të ngopjes në tru.

Vezë

Janë të ngopura falë përmbajtjes së lartë të proteinave. Fillimi i ditës me vezë, qofshin të ziera, të ziera pa lëvozhgë apo të fërguara, zvogëlon sasinë e ushqimit që hani gjatë pjesës tjetër të ditës.

Kokoshka

Kokoshkat u renditën në listë, por për sa kohë që nuk ishin të spërkatura me gjalpë ose sheqer sipër. Kokoshkat kanë pak kalori, por volum. Është një meze e shkëlqyer që të jep një ndjesi kënaqësie dhe të ndihmon të qëndrosh i ngopur.

Continue Reading

Shëndeti

7 karbohidratet që ndihmojnë në uljen e tensionit të gjakut

Published

on

Kur bëhet fjalë për tensionin e lartë gjakut, nuk është vetëm kripa që ka rëndësi. Karbohidratet e duhura, si bananet, fasulet, kosi, tërshëra, frutat me antioksidantë dhe lëngu i portokalli, mund të jenë aleatë të fuqishëm për shëndetin e zemrës.

Zgjidh karbohidrate me përbërje të lartë të fibrave, mineraleve dhe përbërësve bioaktivë, dhe shmang ëmbëlsirat e përpunuara dhe pijet me sheqer të shtuar, ka raportuar EatingWell.

Përfshirja e karbohidrateve në dietë ndihmon në uljen e tensionit të gjakut dhe në përmirësimin e shëndetit të zemrës.

Rreth 1 në 2 të rritur në SHBA kanë tension të lartë, gjë që rrit rrezikun për sulm në tru dhe infarkt. Kur dikush diagnostikohet me hipertensioni, këshilla e parë është “shmang kripën!”. Edhe pse kjo ka rëndësi, nuk është e vetmja gjë.

Një nga mënyrat për të ulur tensionin është dieta DASH, e cila fokusohet te drithërat e plota, perimet, frutat, bulmeti pa yndyrë, peshku, arrat dhe yndyrat e shëndetshme. Ajo përfshin shumë ushqime me karbohidrate të shëndetshme.

Bananet – Janë të pasura me kalium, mineral thelbësor për mbajtjen nën kontroll të tensionit. Shoqata Amerikane e Zemrës rekomandon shtimin e kaliumit për personat me tension mbi 120/80 mmHg. “Bananet janë zgjedhje e zgjuar për t’ia shtuar dietës së përditshme”, ka shkruar Shoqata në udhëzimet e saj zyrtare.

Fasulet – Përmbajnë karbohidrate, proteina bimore, magnez dhe i rezistojnë përthithjes së shpejtë, duke ndihmuar në uljen e tensionit. Fasulet janë të pasura me lëndë ushqyese që ndikojnë pozitivisht në shëndetin kardiovaskular.

Kosi – Burim natyral i kalciumit, magnezit e kaliumit. Këto minerale janë thelbësore për shëndetin e zemrës.

“Përveç kësaj, probiotikët në kos ndihmojnë në uljen e tensionit të gjakut”, thuhet në një studim.

Shalqiri – I ëmbël dhe i freskët, shalqiri ndihmon në uljen e presionit sistolik. Një analizë ka zbuluar se konsumimi i shalqirit ndihmon në uljen e tensionit te moshat e mesme.

Tërshëra – E pasur me fibra, sidomos beta-glukane, që lidhen me uljen e tensionit sistolik dhe diastolik. “Të dhënat tregojnë një lidhje mes konsumit të drithërave të plota dhe rrezikut më të ulët për hipertension,” sipas një studimi.

Boronicat – Janë të mbushura me antocianina, përbërës bimorë që u japin ngjyrën e kaltër e përmirësojnë funksionin e enëve të gjakut. Një studim ka zbuluar se një tas i mbushur me boronica në ditë ul tensionin sistolik.

“Edhe nëse janë të freskëta apo të ngrira, boronicat ndihmojnë në mbrojtjen e zemrës”, ka thënë autorja e studimit.

Lëngu i portokallit 100% natyral – Burim i pasur me kalium, përmban hesperidin, një antioksidant që ndikon pozitivisht në enë. Konsumimi i 500 ml lëng për 12 javë uli tensionin sistolik te personat me hipertension të lehtë.

Continue Reading

Shëndeti

Një shegë në ditë kundër infeksioneve të veshkave

Published

on

Infeksionet në veshka dhe ato në rrugët urinare janë të përhapura ndjeshëm.

Infeksionet nisin që nga veshkat e deri në traktin urinar duke u manifestuar me dhimbje, temperaturë e djegie. Problemet me infeksionet nuk duhen anashkaluar se i hapin rrugën problemeve të tjera që rëndojnë shëndetin.

Hapi i parë është pirja e sa më shumë ujë dhe lëngje për të nxjerrë bakteret nga organizmi. Një nga lëngjet më të mira kundër këtyre infeksioneve është ai i shegës, i cili është i pasur me antioksidantë.

Vlerat shëndetësore të shegës

E pasur me vitaminë C dhe antioksidantë që luajnë një rol thelbësor në parandalimin e akumulimit të baktereve në veshka dhe rrugët urinare. Vitamina C forcon imunitetin dhe e bën më të aftë të luftojë bakteret, antioksidantët eliminojnë toksinat. Një sistem i fortë imunitar ofron një shërim më të shpejtë të këtyre infeksioneve.

Si të përdorni lëngun e shegës kundër infeksioneve?

Për shëndetin e veshkave dhe të traktit urinar, ekspertët rekomandojnë ngrënien e një shege ose pirjen e lëngut çdo mbrëmje pas darkës. Pirja e rregullt e lëngut largon simptomat e infeksioneve dhe rezultatet vërehen shumë shpejt.

Mënyra tjera për trajtimin e infeksioneve

Përveç shegës, njerëzit që preken nga infeksionet e rrugëve urinare përdorin disa kura natyrale që ofrojnë trajtim efikas të problemit Lëngu i limonit është një prej tyre. Limoni është burim i pasur i vitaminës C dhe antioksidantësh që krijojnë një mjedis alkalin në organizëm. Lëngu i limonit pengon rritjen dhe zhvillimin e baktereve dhe nxit urinimin.

Ai nxit eliminimin e toksinave nga trakti urinar. Lëngu i boronicës së kuqe parandalon shumimin e baktereve të këqija të rrugëve urinare. Ajo eliminon toksinat dhe pengon rishfaqjen e infeksionit.

Continue Reading

Të kërkuara