Shëndet

Kjo është dieta që preferohet për moshën mbi 50 vjeç

Nevojitet një dietë e pasur me ushqime që përmbajnë pak yndyrë, ose me nivel të ulët glicemie.

Published

3 years ago

on

Problemet me shëndetin, siç janë kolesteroli i lartë, tensioni i lartë i gjakut apo diabeti i tipit dy janë tipiket për këtë grupmoshë.

Një dietë e pasur me ushqime që përmbajnë pak yndyrë, ose me nivel të ulët glicemie është mënyra më e mirë për të parandaluar dhe trajtuar këto probleme, sugjerojnë ekspertët e AgroWeb.org.

Femrat dhe meshkujt në këtë fazë të jetës kanë ndryshime hormonale, e cila shoqërohet nga një sërë simptomash, siç janë sëmundjet e zemrës dhe osteoporoza, të gjitha të lidhura ngushtë me nivelin e estrogjenit.

Ndryshimet hormonale përshpejtojnë humbjen e kalciumit nga kockat duke i bërë ato më të brishta.

Është e rëndësishme të kundërveproni dhe të hani të paktën tre racione me ushqime të pasura me kalcium dhe me më pak yndyrë në ditë.

Gjenet dhe mjedisi janë gjithashtu faktorë në reagimin që trupi ka ndaj një ushqimi. Ushqimet e pasura me fitoestrogjen përfshijnë sojën, farat e linit, bizelet, qiqrrat dhe fasulet.

Duhani dhe stili pasiv i jetesës mund të dëmtojnë kockat tuaja, andaj stërvituni. Shëtitjet, ecja e shpejtë dhe ngritja e peshave të lehta janë të rëndësishme për të mbajtur kockat të forta.

Zhvillimi dhe tonifikimi i muskujve mund të rrisin ritmet e metabolizmit. Kjo pasi një masë e zhvilluar muskulore e mban peshën në nivele konstante.

Vazhdoni të pini 6-8 gota ujë ose çajra bimorë në ditë dhe kini kujdes me kafenë. Kafeina mund të ndërhyjë në sasinë e kalciumit që trupi përthith zakonisht.

Nëse nuk arrini të konsumoni të paktën një racion me peshk në javë, duhet të merrni në konsideratë marrjen e suplementëve me Omega-3.

Çfarë duhet të hani?

Stili Mesdhetar i Ushqyerjes. Mënyra Mesdhetare e ushqyerjes bazohet tek frutat dhe perimet të të gjitha llojeve dhe ngjyrave, në mënyrë që të merrni sa më shumë vitamina dhe minerale që i bëjnë mirë zemrës.

Ushqime të tjera të sugjeruara janë drithërat e plota, mishi pa dhjamë, peshku, ushqimet me yndyrna të shëndetshme siç është vaji i ullirit.

Kontrolloni rregullisht nivelin e kolesterolit dhe të tensionit të gjakut dhe konsumoni ushqime që ulin yndyrnat në gjak.

Hiqni dorë nga yndyrnat e ngopura. Me kalimin e moshës, nevoja e trupit për energji bie. Yndyrnat depozitohen në trup nëse marrim shumë kalori dhe nuk i djegim ato gjatë ditës.

Konsumoni ushqime me yndyrna mono-të-pangopura dhe polio-të-pangopura siç janë arrorët, farat dhe vajrat e tyre duke hequr dorë nga yndyrnat e ngopura nga produktet shtazore.

Proteinat Bimore. Konsumoni 15-25 gramë proteinë soje në ditë që të ulni nivelet e kolesterolit. Konsumoni qumësht soje që është i pasur me kalcium, së bashku me drithërat tuaja.

Nëse soja nuk ju pëlqen, zgjidhni burime të tjera të pasura me proteina bimore. Këtu hyjnë thjerrëzat, kikirikët, farat e linit, patatet e ëmbla dhe mashurkat.

Acidet yndyrore Omega-3. Synoni të konsumoni tre racione me ushqime të pasura me Omega-3 në javë, sepse këto acide mbajnë zemrën dhe kockat të shëndetshme.

Mos harroni salmonin dhe sardelet, qofshin këto të konservuara. Burime të tjera të pasura me Omega-3 janë vezët dhe farat e linit./AgroWeb.org

Related Topics:
Continue Reading

Shëndet

Kafeina kundër migrenës, sa funksionon dhe çfarë duhet të dini?

Published

16 hours ago

on

November 19, 2025

By

Kafeina, e cila gjendet natyrshëm në kafe, çaj dhe disa medikamente, njihet gjerësisht për efektin e saj stimulues.

Megjithatë, pak njerëz e dinë se ajo mund të ndihmojë edhe në lehtësimin e dhimbjeve të kokës.

Studimet tregojnë se kafeina zvogëlon dhimbjen e kokës duke ngushtuar enët e gjakut në tru duke rritur efektin e analgjezikëve si paracetamoli dhe aspirina. Konsumimi i një sasie të moderuar, 100–150 mg, që i korrespondon një filxhani kafe mund të jetë i dobishëm veçanërisht në dhimbjet e tensionit ose në fazat e para të migrenës.

Kafeina duhet përdorur me kujdes. Marrja e tepërt shkakton dhimbje koke, sidomos si pasojë e varësisë ose e ndërprerjes së papritur.

Për këtë arsye, ekspertët këshillojnë personat që vuajnë nga migrena të vëzhgojnë reagimin e trupit të tyre ndaj kafeinës dhe ta përdorin atë në mënyrë të kontrolluar. Efekti i saj është më i fortë kur kombinohet me qetësues, por gjithmonë nën këshillimin e mjekut ose farmacistit.

Për të parandaluar dhimbjet e kokës, krahas konsumit të kujdesshëm të kafeinës, është e rëndësishme të ruani gjumin, hidratimin dhe një dietë të shëndetshme. Nëse dhimbjet janë të shpeshta, kërkoni patjetër ndihmë mjekësore për trajtim të duhur. /A.Z/UBT News/

 

 

Continue Reading

Shëndet

Çfarë e bën lëngun e shegës kaq të shëndetshëm?

Published

18 hours ago

on

November 19, 2025

By

Lëngu i freskët nuk ka pse të kufizohet vetëm te variantet jeshile apo të pasura me spinaq.

Shega është përdorur si ilaç natyral që nga lashtësia dhe edhe sot po studiohet për përfitimet e saj të shumta shëndetësore.

Ky frut mund të ndihmojë në parandalimin e kancerit dhe në forcimin e sistemit imunitar.

Më poshtë janë disa nga përfitimet kryesore të shegës:

Antioksidant i fuqishëm

Kokrrat e shegës marrin ngjyrën karakteristike të kuqe nga polifenolët, kimikale që veprojnë si antioksidantë shumë potentë. Lëngu i shegës përmban një sasi më të lartë antioksidantësh se shumica e lëngjeve të tjera të frutave, madje tre herë më shumë se vera e kuqe dhe çaji i gjelbër. Këta antioksidantë mbrojnë qelizat nga dëmtimet dhe reduktojnë inflamacionin.

I pasur me vitaminë C

Një gotë lëng shege siguron mbi 40% të sasisë ditore të rekomanduar të vitaminës C, duke e bërë atë një burim të shkëlqyer të kësaj vitamine të rëndësishme.

Mund të ndihmojë në parandalimin e kancerit

Lëngu mori vëmendje të madhe pasi një studim tregoi se ngadalëson rritjen e qelizave të kancerit të prostatës. Megjithatë, kërkimet shkencore për këtë përfitim vazhdojnë.

I dobishëm për shëndetin e zemrës

Shega konsiderohet si një nga lëngjet më të mira për zemrën, ndihmon në mbrojtjen e zemrës dhe arterieve, duke kontribuar në qarkullim më të shëndetshëm të gjakut.

Përfitime të tjera

Lëngu përmirëson memorien, i pasur me vitamina të ndryshme dhe ndihmon në uljen e shtypjes së lartë të gjakut. /A.Z/UBT News/

 

Continue Reading

Shëndet

Arsyet për të ngrënë vezë çdo mëngjes

Published

2 days ago

on

November 18, 2025

By

Shumë njerëz mendojnë se tërshëra dhe produkte të ngjashme janë zgjedhja më e mirë për mëngjes, por kjo nuk është gjithmonë e vërtetë.

Vezët janë një alternativë fantastike, jo vetëm të shijshme, por edhe shumë të dobishme për shëndetin. Ato përmbajnë proteina të larta që ndihmojnë në kontrollin e peshës dhe ju bëjnë të ndiheni të ngopur për më gjatë.

Përfitimet kryesore të vezëve:

1. Ju mbajnë të ngopur më gjatë

Proteina e yndyra që gjenden tek vezët ndihmojnë në ruajtjen e energjisë dhe frenimin e urisë, duke ju mbajtur të ngopur për më shumë orë.

2. Ndihmojnë në humbjen e peshës

Ata që konsumojnë vezë për mëngjes kanë më shumë gjasa të humbin peshë krahasuar me ata që hanë bukë ose ushqime të tjera.

3. Burim i shkëlqyer proteinash

Vezët përmbajnë të gjitha aminoacidet thelbësore, duke i bërë një nga burimet më të mira të proteinave në dietë. Rekomandohet të konsumoni të paktën një vezë në ditë për një regjimi ushqimor të ekuilibruar.

4. Çmimi i tyre i përballueshëm

Krahasuar me burime të tjera proteinash si mishi i kuq, vezët janë më të lira dhe lehtësisht të disponueshme.

5. Nuk dëmtojnë kolesterolin

Edhe pse përmbajnë kolesterol, studimet e fundit tregojnë se konsumi i vezëve nuk e rrit nivelin e kolesterolit në mënyrë të dëmshme.

6. Përmirësojnë funksionin e trurit dhe kujtesën

Vezët përmbajnë kolinë, lëndë ushqyese që mbështet zhvillimin dhe funksionin e trurit, duke përmirësuar kujtesën dhe vigjilencën.

7. Mbrojnë shikimin

Antioksidantët luteinë dhe zeaxanthin që gjenden tek vezët ndihmojnë në mbrojtjen e syve nga dëmtimet e shkaktuara nga rrezet UV dhe mund të ulin rrezikun e kataraktit në pleqëri. /A.Z/UBT News/

Continue Reading

Shëndet

Nga tërshëra te avokado, super-ushqimet që pastrojnë arteriet

Published

3 days ago

on

November 17, 2025

By

Tërshëra është e njohur për aftësinë e saj për të ulur kolesterolin për shkak të përmbajtjes së lartë të fibrave të tretshme, veçanërisht beta-glukanit.

Këto fibra reduktojnë përthithjen e kolesterolit nga trupi.

Ruajtja e niveleve të shëndetshme të kolesterolit është çelësi për një zemër të fortë. Nëse kolesteroli është më i lartë se normalja, mos u shqetësoni, është e rëndësishme të dini se mund të bëni ndryshime në dietë për ta kontrolluar atë.

Më poshtë kemi listuar 7 ushqimet që mund t’ju ndihmojnë të ulni kolesterolin dhe të përmirësoni shëndetin e zemrës.

Tërshërë

E njohur për aftësinë për të ulur kolesterolin për shkak të përmbajtjes së lartë të fibrave të tretshme, veçanërisht beta-glukanit. Këto fibra reduktojnë përthithjen e kolesterolit nga trupi.

Peshk i yndyror

Peshqit yndyrorë si salmoni, sardelet dhe skumbri janë të pasur me acide yndyrore omega-3, ato ulin trigliceridet dhe të ndihmojnë në rritjen e kolesterolit “të mirë” HDL.

Arra

Bajamet, arrat dhe kikirikët përmbajnë yndyrna të pangopura, që ndihmojnë në uljen e kolesterolit LDL, të pasura me fibra e antioksidantë.

Vaj ulliri

Veçanërisht vaji i ullirit ekstra i virgjër, është i njohur për aftësinë për të ulur kolesterolin LDL duke ruajtur ose rritur kolesterolin HDL. Gjithashtu përmban antioksidantë që mbrojnë zemrën.

Bishtajoret

Thjerrëzat, qiqrat dhe bishtajoret e tjera janë të pasura me fibra të tretshme që ulin kolesterolin LDL. Ato përmbajnë proteina dhe janë të ulëta në yndyrna të ngopura.

Ushqimet me soje

Të tilla si tou, qumështi i sojës, të pasura me proteina e të ulëta në yndyrna të ngopura. Proteina e sojës është treguar se ul kolesterolin LDL.

Avokado

Me yndyra të pangopura e fibra që ul kolesterolin LDL, përmban beta-sitosterol, që redukton përthithjen e kolesterolit. /A.Z/UBT News/

Continue Reading

Të kërkuara