Aktualitet

Kisha Protestante Ungjillore e Kosovёs kundër bartjes së shamisë në shkolla: Të ruhet identiteti jetik nacional i shkollës shqipe

KPUK ka shprehur qëndrimin e vet kundër bartjes së shamisë në shkolla, pas ringritjes së kësaj çështjeje së fundi.

Published

on

Kisha Protestante Ungjillore e Kosovёs (KPUK) ёshtё e bindur se populli shqiptar, kultura dhe shkolla shqipe kanё rrjedha tё tjera kombёtare e historike krahasuar me popujt e tjerё nё rajon dhe mё gjerё, prandaj thotë se duhet ruajtur e kultivuar këtë identitet jetik e homogjenitet nacional pa u cenuar e fetarizuar prej asnjё ane religjioze, politike dhe interesave tjera antishqiptare antishtetërore.

KPUK me anë të një komunikate për media ka shprehur qëndrimin e vet kundër bartjes së shamisë në shkolla, pas ringritjes së kësaj çështjeje së fundi.

“Qeverisё sё vendit tonё dhe opinionit publik, kёto ditё gushti, iu shtrua sёrish kёrkesa pёr lejimin e bartjes sё shamisë nëpër shkollat publike nga pёrfaqёsues e zёra tё shumtё, prandaj Kisha Protestante Ungjillore e Kosovës (KPUK) pёrmes kёsaj komunikate shprehet kundёr bartjes sё shamisё dhe ushtrimit tё fesё nёpёr shkolla publike dhe nё cilindo institucion shtetëror e publik, si dhe kundёr vendosjes sё simboleve religjioze nёpёr institucionet komunale e shtetёrore, e qё mjerisht janё tё shumta e të shpeshta kudo nёpёr Kosovё”, thuhet në komunikatë për media.

KPUK kёrkon nga Kuvendi dhe Qeveria e Republikёs sё Kosovёs qё ҫёshtjen e shamisё ose ta ndalojё me ligj pёr cilindo institucion publik, ose ta detyrojё Ministrinё e Arsimit që ta shfuqizojë udhёzimin administrativ për shaminë dhe kёshtu tё bёhet e ligjshme bartja e shamisё kudo.

“Pra o bёjeni njërën o tjetrën e jo me dy standarde! Shamia diku të ndalohet e diku të lejohet nuk ka kuptim”, thuhet në reagim.

KPUK-u thёrret secilin qytetar tё Kosovёs qё t’u nёnshtrohet ligjeve tona dhe ta respektojё Kushtetutёn e Republikёs sё Kosovёs, e tani edhe kur flitet pёr personat e mitur, si njё detyrim pёr orientimin e rilindёsve shqiptarё dhe integrimeve atlantike.

KPUK thekson se shamia nё vete nuk ёshtё njё simbol fetar pasi kjo gjendet nё tё gjitha besimet, kulturat e popujt edhe para krishterimit e islamit.

“KPUK-u ёshtё i bindur se populli shqiptar, kultura dhe shkolla shqipe kanё rrjedha tё tjera kombёtare e historike krahasuar me popujt e tjerё nё rajon dhe mё gjerё, prandaj duhet ruajtur e kultivuar këtë identitet jetik e homogjenitet nacional pa u cenuar e fetarizuar prej asnjё ane religjioze, politike dhe interesave tjera antishqiptare e antishtetёrore”, përfundon komunikata. 

Continue Reading

Bota

Kina: SHBA të shmangë tensionet dhe të ndalojnë shitjen e armëve Tajvanit

Published

on

By

Çështja e Tajvanit është në thelb të interesave themelore të Kinës dhe është vija e parë e kuqe që nuk duhet të kalohet në marrëdhëniet Kinë-SHBA, deklaroi zëdhënësi i Ministrisë së Jashtme kineze, Lin Jian.

Jiang komentoi mbi disa raporte të mediave ndërkombëtare se Uashingtoni synon të rrisë shitjet e armëve në Taipei përtej 18,3 miliardë dollarëve të arritur gjatë mandatit të parë të presidentit Donald Trump.

Pekini kundërshton fuqimisht shitjet e armëve amerikane në rajonin e Tajvanit pasi kjo çon në një përshkallëzim”, theksoi ai.

Shtetet e Bashkuata të Amerikës duhet të shmangin faktorët e rinj të tensionit me ne”, theksoi Jiang./atsh

Continue Reading

Bota

Kina do të rifillojë importet e produkteve të detit nga Japonia

Published

on

By

Kina ka rënë dakord të fillojë procedurat për të rifilluar importet e produkteve të detit nga Japonia, tha një zyrtar japonez të premten, sipas raporteve të mediave lokale.

Të dy vendet kanë rënë dakord për ‘kërkesat teknike për rifillimin e eksporteve të produkteve të detit’ drejt Kinës“, citoi Agjencia e Lajmeve Kyodo Sekretarin e Përgjithshëm të Kabinetit, Yoshimasa Hayashi.

Sipas saj, pritet që Kina të lëshojë gjithashtu një njoftim për lehtësimin e ndalimit të përgjithshëm, i cili është në fuqi që nga viti 2023.

Kina vendosi një ndalim të plotë të importeve të produkteve të detit nga Japonia menjëherë pasi filloi lëshimi i ujit radioaktiv të trajtuar nga centrali bërthamor i dëmtuar në Fukushima, në gusht të vitit 2023.

Ndalimi u vendos për të mbrojtur shëndetin e konsumatorëve dhe për të parandaluar ndotjen e mundshme, shkruan Anadolu.

Në shtatorin e kaluar, Kina ra dakord të rifillojë importet e produkteve të detit nga Japonia me kusht që vende të treta, përfshirë edhe vetë Kinën, të marrin pjesë në monitorimin e shkarkimit të ujit të trajtuar radioaktiv nga centrali i Fukushima-s në det./kosovapress

Continue Reading

Bota

SHBA: Izraeli mbështet planin tonë për armëpushim në Gaza

Published

on

By

Izraeli ka pranuar propozimin e SHBA-së për një armëpushim të përkohshëm në konfliktin e Gazës, sipas Shtëpisë së Bardhë.

Zëdhënësja e presidentit të SHBA-së Donald Trump, Karoline Leavitt, tha se bisedimet me të gjitha palët janë duke vazhduar dhe se Shtetet e Bashkuara shpresojnë për një armëpushim dhe kthimin e të gjithë pengjeve nga Gaza.

Ajo theksoi se nëse arrihet një marrëveshje, Shtëpia e Bardhë do ta njoftojë atë, por nuk dha asnjë detaj në lidhje me propozimin aktual të armëpushimit.

Grupi ekstremist palestinez Hamas konfirmoi se ka marrë një propozim të ri për armëpushim të hartuar nga i Dërguari Special i SHBA-së, Steve Witkoff, nga ndërmjetësuesit ndërkombëtarë.

Në një deklaratë për shtyp, Hamasi tha se po e studion propozimin me përgjegjësi dhe se çdo përgjigje do të bazohet në interesat e popullit palestinez, me fokus në lehtësimin e vuajtjeve humanitare në Rripin e Gazës dhe arritjen e një armëpushimi të përhershëm.

Propozimi i ri nga Witkoff përshkruan një armëpushim 60-ditor në Rripin e Gazës që përfshin lirimin e 10 pengjeve në dy grupe brenda një jave, sipas mediave izraelite.

Hamasi do të duhet të dorëzojë trupat e 18 të rrëmbyerve që mbahen ende në Gaza, ndërsa trupat e 180 palestinezëve do të kthehen gjithashtu.

Izraeli gjithashtu do të lirojë 125 palestinezë të dënuar me burgim të përjetshëm dhe 1 111 banorë të Gazës që janë mbajtur në burgjet izraelite që nga sulmet e udhëhequra nga Hamasi më 7 tetor 2023.

Armëpushimi dymujor do të lehtësojë negociatat për t’i dhënë fund konfliktit pothuajse 20-mujor./atsh

Continue Reading

Bota

Macron: Franca do ashpërsojë qëndrimin ndaj Izraelit, nëse bllokimi i ndihmave vijon

Published

on

By

Presidenti Emmanuel Macron ka thënë se Franca mund ta ashpërsojë qëndrimin e saj ndaj Izraelit nëse ky i fundit vazhdon të bllokojë ndihmën humanitare për Gazën, gjë që po “krijon një situatë të paqëndrueshme në terren”.

Nëse nuk ka një përgjigje që i përgjigjet situatës humanitare në orët dhe ditët në vijim, padyshim që do të na duhet të ashpërsojmë qëndrimin tonë kolektiv”, tha Macron, duke shtuar se Franca mund të shqyrtojë zbatimin e sanksioneve kundër kolonëve izraelitë.

Por unë ende shpresoj që qeveria e Izraelit do të ndryshojë qëndrimin e saj dhe se më në fund do të kemi një përgjigje humanitare”,-shtoi presidenti francez.

Continue Reading

Të kërkuara