Aktualitet

Kirurgu amerikan: Kongreset si ky Klinik në Kosovë, të rëndësishëm për avancimin e kirurgjisë

Ai shprehet se ka ardhur nga Amerika për të mbështetur përpjekjet e Kolegjit të Kirurgëve të Kosovës.

Published

2 years ago

on

Krahas shumë kirurgëve shqiptarë që jetojnë në diasporë kontributin e tyre në fushën e kirurgjisë përmes ligjëratave të tij në Kongresin e Dytë Klinik ka ardhur ta jap edhe Michael Sutherland i cili përfaqëson edhe Kolegjin Amerikan të Kirurgëve.

Derisa shprehet i nderuar që ndodhet në Kosovës për evente të tilla shkencore, Michael Sutherland shprehet se ka ardhur nga Amerika për të mbështetur përpjekjet e Kolegjit të Kirurgëve të Kosovës.

“Është një nder i madh të jem këtu. Ky është një vend shumë i bukur dhe është përpjekje e mahnitshme në emër të ministrit për të themeluar Kolegjin e Kirurgëve të Kosovës. Kolegji Amerikan i Kirurgëve është një organizatë në Amerikë, e cila ka shtrirje në gjithë botën, që është mbështetëse e këtyre përpjekjeve dhe ne jemi këtu për të treguar atë mbështetje dhe për të kontribuar në aktivitetet e kolegjit këtu në Kosovë”, u shpreh Sutherland.

Kirurgu amerikan, Michael Sutherland u shpreh se organizimi i Kongreseve të tilla ndihmon në avancimin e kirurgjisë rreth përditësimeve botërore. Sipas tij përmes këtyre takimeve mjekët mund të mësojnë shumë dhe të ofrojnë kujdes më cilësor për pacientët.

Duke parë zhvillimet teknologjike që po ndodhin në botën e mjekësisë, Sutherland thotë se eventet si Kongresi Klinik që po mbahet në Kosovë është mësim që mjekët të jenë në gjendje t’i shfrytëzojnë metodat e reja të punës.

“Pra, çdo vit del një teknologji e re dhe më e rëndësishme, më e avancuar, dhe kjo është një lakore mësimi për të qenë në gjendje t’i shfrytëzojmë plotësisht ato teknologji. Dhe këto lloj takimesh u japin njerëzve mundësinë për të mësuar si nga industria që e prodhon atë ashtu edhe nga mjekë të tjerë që e kanë përdorur atë në mjedise të tjera”, u shpreh Sutherland.

Kolegji i Kirurgëve të Kosovës është ftuar nga Kolegji Amerikan i Kirurgëve për të marrin pjesë në Kongresin e tyre që do të mbahet në tetor.

Në Kongresin e dytë të Kirurgëve i cili është organizuar nga Kolegji i Kirurgëve të Kosovës dhe Oda e Mjekëve po marrin pjesë 750 profesionistë. Gjatë dy ditëve sa do të zgjasë Kongresi, do të prezantohen 155 ligjërata.

Related Topics:
Continue Reading

Bota

Sërish lëkundje të forta tërmeti në Greqi, ja ku ishte epiqendra

Published

34 minutes ago

on

January 22, 2025

By

Një tërmet i fuqishëm me magnitudë 5.1 ballë ka tronditur ishullin e Lesvos në Greqi, duke shkaktuar panik tek banorët. Epiqendra e tërmetit ishte 8 km nga Mithymna, dhe lëkundjet janë ndjerë në të gjithë ishullin, ku shumë banorë janë frikësuar dhe janë dalë në rrugë për siguri. Tërmeti kishte një thellësi fokale prej 14.6 km dhe është ndjerë gjithashtu në ishujt fqinjë, përfshirë Kion.

Sipas dëshmive të banorëve, lëkundjet kanë pasur një kohëzgjatje të gjatë, duke shkaktuar frikë dhe duke sjellë rënie të objekteve dhe pajisjeve në shtëpitë e tyre. Deri tani nuk ka raporte për të lënduar apo dëme materiale, por autoritetet lokale janë në gatishmëri për të monitoruar situatën, veçanërisht në fshatrat e ishullit.

Profesori Efthimios Lekkas, ekspert i gjeologjisë, ka theksuar se është ende herët për të dhënë një konkluzion për shkakun e lëkundjeve të fuqishme./UBTNews/

Continue Reading

Bota

Shpërthim në një minierë në Poloni, plagosen 16 punëtorë

Published

44 minutes ago

on

January 22, 2025

By

Një shpërthim ka ndodhur në një minierë në Poloni, duke plagosur 16 punëtorë. Ngjarja ka ndodhur mesditën e së mërkurës në rajonin Katowice të Polonisë jugore. Të plagosurit kanë pësuar kryesisht djegie dhe lëndime në krahë dhe këmbë. Situata është ndjekur nga autoritetet lokale, të cilat po merren me hetimin e shkakut të shpërthimit./UBTNews/

Continue Reading

Bota

Emmanuel Macron u bën thirrje vullnetarëve të rinj për të ‘përforcuar’ ushtrinë franceze

Published

53 minutes ago

on

January 22, 2025

By

Presidenti francez Emmanuel Macron ka bërë thirrje për mobilizimin e vullnetarëve të rinj për të forcuar ushtrinë franceze, gjatë një fjalimi në Komandën e Mbështetjes Dixhitale dhe Kibernetike të Ushtrisë në Francën perëndimore. Ai kërkoi nga qeveria dhe forcat e armatosura të zhvillojnë propozime për të mobilizuar më shumë vullnetarë të rinj, duke i trajnuar dhe i integruar ata në ushtri kur është e nevojshme.

Macron theksoi se ky proces nuk ka për qëllim rikthimin e shërbimit të detyrueshëm ushtarak, por synon të angazhojë të rinjtë që janë të gatshëm të kontribuojnë për forcimin e ushtrisë. Ky program ishte një nga premtimet e fushatës së tij presidenciale në vitin 2017 dhe pas kritikave, ai u realizua në vitin 2019 me formën e Shërbimit Kombëtar Universel (SNU), i cili synon të ofrojë mundësi rinore për të mësuar dhe kontribuar në ushtri.

Megjithatë, programi ka hasur në kritika lidhur me koston e tij dhe efikasitetin, duke çuar në një reduktim të buxhetit për SNU-në nga Senati francez. Ndërkohë, Franca ka një objektiv ambicioz për të arritur 210,000 ushtarakë aktivë dhe 80,000 rezervistë deri në vitin 2030./UBTNews/

Continue Reading

Bota

Trump: Nëse Elon Musk do të blejë TikTok-un e mirëpres këtë vendim pozitiv

Published

1 hour ago

on

January 22, 2025

By

Presidenti i SHBA-së, Donald Trump, ka shprehur mbështetje për idenë që miliarderi i teknologjisë, Elon Musk, të blejë aplikacionin TikTok. Gjatë një deklarate në Shtëpinë e Bardhë, Trump tha se do të ishte i hapur ndaj një marrëveshje të tillë, duke theksuar se nëse Musk do të dëshironte ta blinte TikTok-un, ai e mirëpriste këtë vendim pozitiv.

Trump përmendi se gjatë mandatit të tij të mëparshëm ishte takuar me pronarët e TikTok-ut dhe kishte sugjeruar që aplikacioni të blihej dhe t’i jepej “gjysma” e SHBA-së. Ai argumentoi se Shtetet e Bashkuara duhet të kenë një partneritet të fuqishëm me TikTok-un dhe se kjo marrëveshje mund të ishte shumë e arsyeshme për të dyja palët.

Gjithashtu, Trump nënshkroi një urdhër ekzekutiv që shtynte ndalimin e TikTok-ut për 75 ditë, duke cituar çështje të sigurisë kombëtare dhe duke u munduar të shpëtojë aplikacionin, i cili përdoret nga rreth 170 milionë amerikanë. Ai theksoi se TikTok mund të kishte një vlerë deri në një trilion dollarë, dhe se SHBA kishte të drejtën ta shesë ose ta mbyllë aplikacionin.

Në këtë kontekst, Trump pohoi se administrata e tij po punonte për të krijuar një “sipërmarrje të përbashkët” me kompanitë që mund të ishin të interesuara për të blerë TikTok-un, me Shtetet e Bashkuara si partner. Ai theksoi se shumë investitorë dhe kompani mund të kishin interes në një marrëveshje të tillë, duke e bërë TikTok një mundësi tërheqëse për SHBA-në.

Vendimi i fundit i Gjykatës së Lartë të SHBA-së miratoi një ligj që mund të ndalonte TikTok-un nëse ByteDance, kompania kineze që e zotëron, nuk pranonte investime të tjera për aplikacionin. Pas një periudhe të shkurtër pa funksionim të shërbimeve, TikTok njoftoi se ishte duke rikthyer shërbimet për përdoruesit amerikanë pas garancive nga Trump./UBTNews/

Continue Reading

Të kërkuara