Botë

Kina organizon takim me Iranin dhe Rusinë për programin bërthamor të Teheranit

Published

on

Pekini bëri thirrje për “qetësi” dhe “përmbajtje” teksa ishte mikpritës më 14 mars bisedime trepalëshe me Teheranin dhe Moskën, në përpjekje për të gjetur një zgjidhje diplomatike për çështjen bërthamore të Iranit.

Në situatën aktuale, ne besojmë se të gjitha palët duhet të ruajnë qetësinë dhe të përmbahen, në mënyrë që të shmanget përshkallëzimi i situatës bërthamore të Iranit, apo të shkohet drejt një konfrontimi dhe konflikti”, tha zëdhënësja e Ministrisë së Jashtme kineze, Mao Ning, në një konferencë për media para takimit.

Në takim ishte i pranishëm zëvendësministri i Jashtëm kinez, Ma Zhaoxu, zëvendësministri i Jashtëm rus, Sergei Ryabkov, dhe ai iranian, Kazem Gharibabadi.

Pas takimit transmetuesi shtetëror kinez CCTV raportoi se “të tri palët shkëmbyen qëndrime mbi çështjen bërthamore të Iranit dhe çështje të tjera me interes të përbashkët”, por nuk ka detaje të tjera.

Teherani dhe Moska kanë forcuar marrëdhëniet në vitet e fundit, pasi mosmarrëveshjet e Iranit me Shtetet e Bashkuara janë rritur. Të dy vendet kanë mbajtur gjithashtu lidhje të ngushta me Kinën.

Këtë javë, të tri vendet zhvilluan stërvitje detare në Gjirin e Omanit, pranë ngushticës strategjike të Hormuzit, si një shfaqje force në Lindjen e Mesme, ku anijet pjesëmarrëse ndaluan në portin iranian të Çabaharit.

Vëmendja mbi çështjet bërthamore të Iranit është intensifikuar ditët e fundit pasi presidenti amerikan, Donald Trump, deklaroi se i ka dërguar një letër Teheranit duke kërkuar rifillimin e bisedimeve bërthamore dhe duke paralajmëruar për veprime të mundshme ushtarake nëse Irani refuzon bisedime të tilla.

Ministria e Jashtme iraniane më 13 mars tha se do të bënte një “vlerësim të plotë” përpara se të përgjigjet ndaj letrës së Trumpit.

Letra u pranua mbrëmë dhe aktualisht është duke u shqyrtuar”, tha zëdhënësi Esmaeil Baqaei, sipas agjencisë shtetërore të lajmeve IRNA. Ai shtoi se “një vendim mbi mënyrën e përgjigjes do të merret pas një vlerësimi të plotë”.

Botë

Numri i të vdekurve nga tërmeti në Filipine rritet në 72

Published

on

By

Numri i të vdekurve nga një tërmet me magnitudë 6.9 që goditi Filipinet qendrore të martën vonë është rritur në 72, ka raportuar agjencia e mbrojtjes civile.

Agjencia më tutje ka deklaruar, se sipas raportit 294 persona të tjerë u lënduan.

Ndërsa, numri i fundit i të vdekurve ishte një rritje prej tre nga e mërkura dhe të gjitha viktimat u regjistruan në rajonin qendror të Visayas, raporton Reuters.

Tërmeti goditi ujërat pranë ishullit qendror të Cebu vonë natën, duke dëmtuar linjat e energjisë, urat dhe ndërtesa të shumta, përfshirë një kishë që ishte më shumë se 100 vjeç./D.B/EO

Continue Reading

Botë

Shtëpia e Bardhë thotë se shkurtimet e vendeve të punës janë ‘të afërta’ pa asnjë fund të mbylljes së punës në horizont

Published

on

By

Shtëpia e Bardhë thotë se pushimet masive nga puna të punonjësve federalë amerikanë do të fillojnë brenda dy ditësh, ndërsa legjislatura shkëmben akuza për mbylljen e parë të qeverisë në pothuajse shtatë vjet.

Mbyllja filloi të mërkurën pasi republikanët dhe demokratët në Kongres nuk arritën të bien dakord për një plan të ri shpenzimesh para afatit të mesnatës.

Ka pak shenja se secila palë është e gatshme të bëjë kompromis, dhe votimi për t’i dhënë fund mbylljes dështoi vetëm disa orë pasi ajo filloi, shkruan BBC.

Senati është mbyllur që atëherë, duke ngritur frikën se mbyllja mund të zvarritet dhe të kërcënojë qindra mijëra vende pune, si dhe të rrezikojë t’i kushtojë ekonomisë amerikane miliarda në humbje prodhimi.

Në një konferencë për shtyp në Shtëpinë e Bardhë të mërkurën pasdite, Zëvendëspresidenti JD Vance bëri një paraqitje të rrallë së bashku me Sekretaren e Shtypit Karoline Leavitt dhe akuzoi Demokratët se po luajnë lojëra politike.

“Nëse janë kaq të shqetësuar për efektin që kjo po ka tek populli amerikan, dhe duhet të jenë, ajo që duhet të bëjnë është të rihapin qeverinë, jo të ankohen se si reagojmë,” tha ai.

Ndërkohë, Leavitt tha se shkurtimet masive të vendeve të punës do të ndodhin brenda dy ditësh. “Ndonjëherë duhet të bësh gjëra që nuk dëshiron t’i bësh,” tha ajo, duke shtuar se “Demokratët na kanë vënë në këtë pozicion”.

Ky ishte sulmi i fundit në atë që ka qenë një lojë e hidhur fajësimi midis të dyja partive, me demokratin kryesor të Senatit Chuck Schumer që më parë akuzoi Republikanët se po përpiqen të “ngacmojnë” Demokratët që të pranojnë planin e tyre të financimit./D.B/KP

 

Continue Reading

Botë

Ari arrin nivel rekord pas mbylljes së qeverisë amerikane

Published

on

Pas mbylljes së qeverisë amerikane, çmimi i arit u rrit me 0.9% duke prekur një rekord historik prej 3,895.33 dollarësh. Negociatat për buxhetin midis Presidentit Donald Trump dhe demokratëve dështuan, duke shkaktuar pasiguri në tregje.

Gjatë 12 muajve të fundit, pricemimi i arit me 45.9%, duke luhatur mes 2,536.91 dhe 3,819.80 dollarësh.

Edhe pse mbyllja nuk nënkupton menjëherë krizë ekonomike, ajo krijon ndërprerje serioze në jetën publike amerikane.

Shumë punonjës federalë do të detyrohen të punojnë pa pagë, ndërsa të tjerët do të vendosen me leje të detyrueshme derisa të miratohet një buxhet i ri.

Ndërkohë, përveç pajtimeve rreth mbylljes së qeverisë amerikane, çmimet e arit vazhduan trendin e tyre në rritje, të udhëhequr nga rreziku gjeopolitik, shqetësimet mbi ekonominë globale, kërkesën e arit të bankave qendrore dhe ciklin e uljes së normave të Fed./S.K/KP/Aletihad/

Continue Reading

Botë

​Oktoberfest në Gjermani mbyllet përkohësisht për shkak të kërcënimit me bombë

Published

on

Autoritetet gjermane kanë mbyllur përkohësisht Oktoberfest në Munih për shkak të kërcënimit me bombë në një letër të shkruar nga një i dyshuar i akuzuar për vënien e zjarrit në një shtëpi, njoftoi policia lokale.

I dyshuari akuzohet për vënien e zjarrit në një ndërtesë në një mosmarrëveshje familjare ku mbeti i vdekur njëperson vdiq në atë incident.

Policia e Munihut tha në X se terreni i Oktoberfest, Theresienwiese, është kontrolluar plotësisht dhe nuk është gjetur asnjë rrezik, prandaj edhe Oktoberfest rifilloi pas orës 17:30.

Kryebashkiaku i Munihut, Dieter Reiter, tha se mbyllja e festivalit pasoi një autor që kërcënonte Oktoberfestin.

Oktoberfest, i njohur si “Wiesn”, mbahet nga 20 shtatori deri më 5 tetor dhe është festivali më i madh i birrës dhe muzikës folklorike në botë./S.K/KP/DW/

Continue Reading

Të kërkuara