Aktualitet

Kina mbyll transportin për shkak të variantit Delta

Published

5 years ago

August 5, 2021

Betim Gashi

Kina ka forcuar në mënyrë dramatike kufizimet e udhëtimeve në përpjekje për të kontrolluar shpërthimin më të keq të vendit me Covid-19 ku me qindra raste të variantit Delta janë raportuar vetëm së fundmi.

Deri më tani janë infektuar 400 persona në 25 qytete, përfshirë edhe kryeqytetin e Pekinin, por edhe Wuhan aty ku për herë të parë është shënuar rasti i parë me Covid-19.

71 raste të tjera të transmetuara në vend janë konfirmuar vetëm të martën i cili është numri më i lartë ditor që nga muaji janar.

Përveç anulimit të të gjitha fluturimeve të brendshme në disa qytete edhe Pekini ka pezulluar 13 linja hekurudhore.

Qendrat e banuara përfshirë edhe më shumë se 10,000 persona që jetojnë në Pekin, janë mbyllur për t’ju nënshtruar testimeve masive. Autoritetet gjithashtu kanë filluar testimin e të gjithë 11 milionë banorëve të Wuhan .

Qeveritë e të 31 provincave u kanë bërë thirrje qytetarëve të kenë kujdes dhe i kanë këshilluar ata të shmangin largimin nga rajonet e tyre nëse nuk është e nevojshme dhe të qëndrojnë larg rajoneve me rrezik të lartë.

Autoritetet kineze janë munduar të kontrolluar këto shpërthime përmes testimit masiv, bllokimeve të rrepta të lokalizuara dhe kufizimeve të udhëtimeve.

Sidoqoftë, transmetueshmëria e lartë e variantit Delta ka bërë që numri i rasteve të rritet me shpejtësi dhe të përhapet së tepërmi.

Vendi

Inspektorati Qendror i Punës ndalon punimet në 12 vendpunishte në pesë komuna

Published

19 minutes ago

August 21, 2026

UBTNews

Inspektorati Qendror i Punës (IQP) ka ndërprerë punimet në 12 vendpunishte në komunat Skenderaj, Mitrovicë, Vushtrri, Prizren dhe Ferizaj, pas kontrolleve të kryera për zbatimin e legjislacionit të punës dhe sigurisë në punë.

Gjatë inspektimeve, zyrtarët konstatuan shkelje të rënda ligjore që vinin në rrezik të drejtpërdrejtë jetën dhe shëndetin e punëtorëve. Për këtë arsye, punimet janë bllokuar deri në eliminimin e plotë të parregullsive dhe plotësimin e standardeve të sigurisë.

Sipas njoftimit, ky aksion synon parandalimin e aksidenteve në punë, ndërsa rifillimi i punimeve do të lejohet vetëm pas verifikimit të ri nga inspektorët. Inspektorati paralajmëroi se kontrollet do të vazhdojnë me intensitet të lartë në të gjithë vendin./E.A/

Lajmet

Plagoset një grua nga plumbi qorr në Lipjan, dërgohet në QKUK

Published

49 minutes ago

August 21, 2026

UBTNews

Një grua është plagosur nga një plumb qorr mbrëmjen e së enjtes në Lipjan.

Sipas raportit 24-orësh të Policisë së Kosovës, ngjarja ka ndodhur rreth orës 21:00, ku e dëmtuara është qëlluar në trup.

Për shkak të lëndimeve të marra, ajo është dërguar menjëherë për tretman mjekësor në Qendrën Klinike Universitare të Kosovës (QKUK).

Policia e ka cilësuar rastin si “Shkaktim i rrezikut të përgjithshëm” dhe po punon për zbardhjen e plotë të ngjarjes. /E.A/

Vendi

Të shtëna me armë para një lokali në Prishtinë

Published

54 minutes ago

August 21, 2026

UBTNews

Policia e Kosovës ka nisur hetimet për një rast të përdorimit të armës, i cili ka ndodhur mesnatën e së enjtes në Prishtinë.

Sipas raportit 24-orësh të policisë, një grua ka njoftuar se një burrë i panjohur ka shtënë tre herë me armë zjarri në ajër përballë lokalit të saj dhe më pas është larguar me shpejtësi.

Njësitet policore kanë dalë në vendngjarje, ku kanë gjetur dhe sekuestruar tri gëzhoja. Rasti po hetohet nga organet e rendit./E.A/

Lajmet

Arrestohet një person në Lipjan: Mashtroi një familje me bileta aeroplani

Published

1 hour ago

August 21, 2026

UBTNews

Policia e Kosovës ka arrestuar një person në Lipjan, i cili dyshohet për veprën penale “Mashtrimi i konsumatorëve”.

Sipas raportit 24-orësh të policisë, i arrestuari i kishte marrë një shumë parash një familjeje, duke u premtuar rrejshëm se do t’u siguronte bileta udhëtimi me aeroplan.

Pas intervistimit, me vendim të prokurorit kujdestar, i dyshuari është dërguar në mbajtje për procedua të mëtejshme ligjore./E.A/