Lajmet

Kiçmari: Hapja e ambasadës në Jerusalem është akt politik, të bisedohet me shtetet që janë kundër

Published

5 years ago

on

Hapja e ambasadës së Kosovës në Jerusalem ka konotacione jo të lehta për statusin e Kosovës me vendet e tjera, ka vlerësuar ish-ambasadori i Kosovës në Austri, Sabri Kiçmari.

Në një intervistë për Ekonomia Online, Kiçmari thotë se hapja e kësaj ambasade atje është akt politik dhe tashmë i premtuar nga kryeministri në detyrë, Avdullah Hoti.

“Tani hapja e ambasadës së Kosovës në Jerusalem është akt politik i premtuar nga kryeministri në detyrë, Avdullah Hoti. Ai ka folur në emër të Republikës dhe ajo duhet ta regjistrojë këtë fakt si të tillë. Meqë jemi një prej vendeve të para që kemi hapur ambasadën në Jerusalem, natyrisht ka dhe konotacione jo të lehta për statusin e Kosovës në marrëdhëniet me vendet e tjera, por pikëpamja ime është që do të menaxhohet si situatë”, ka thënë ai.

Ish-ambasadori thotë se qeveria e ardhshme do të duhet të zhvillojë biseda me miqtë tjerë të Kosovës si Turqia dhe disa vende arabe që janë kundër hapjes së ambasadës në Jerusalem, siç thotë ai për t’i shpjeguar argumentet dhe elementet që kanë çuar në vendosjen e ambasadës në kryeqytetin e Izraelit.

“Miqtë tanë, Shtetet e Bashkuara të Amerikës e kanë poashtu ambasadën në Jerusalem dhe kjo e lehtëson këtë pozicionim të Republikës së Kosovës, ndërsa me miqtë tjerë pra me Turqinë dhe vendet arabe kërkohet nga ministri ose ministrja e ardhshme që do ta marrë mandatin, që të komunikojnë me diplomacinë turke dhe arabe për të shpjeguar elementet dhe argumentet që kanë ndikuar që Republika e Kosovës ta hapë ambasadën në Jerusalem, dhe jam shumë i bindur që arguementet tona qëndrojnë dhe miqtë tanë do t’i kuptojnë ato”, theksoi ai.

Tutje ish-ambasadori tha që krejt debati për hapjen e ambasadës atje ishte i natyrshëm, dhe reagimet janë mëse normale, dhe çështja është e përfunduar, ambasada tashmë ka filluar punën.

“Po tani debati ishte i natyrshëm meqë reagimet ishin të ndryshme si brenda vendit ashtu edhe jashtë saj, pra patëm deklarime publike të presidentit të Turqisë, ka pasur dhe reagime nga disa vende arabe dhe në një kontekst të tillë është e natyrshme që të ketë debate në lidhje me një vendim, i cili natyrisht nuk është i lehtë dhe bën pjesë në mesin e vendeve të para që kanë vendosur të hapin ambasadën e tyre në Jerusalem. Por mendoj që debati shkoj në kuadrin e një analize lidhur me pasojat dhe përparësitë që ka akti i vendosjes së marrëdhënieve diplomatike me Izraelin dhe pastaj dhe hapjes së ambasadës në Jerusalem. Mendoj që këto ditët e fundit situata tashmë është qetësuar. E ngarkuara e Kosovës është në Jerusalem, i ka zhvilluar takimet e para, pra çështja është e përfunduar në kontekst të marrëdhënieve ndërshtetërore dhe në kontekst të asaj se a duhet hapur ambasada në Jerusalem apo jo, tash ambasada është hapur atje dhe ka filluar punën”, tha tutje Kiçmari.

Hapja e ambasadës së Kosovës në Jerusalem është rezultat i marrëveshjes së 4 shtatorit në Washington, ku Izraeli njohu pavarësinë e Kosovës. Edhe Bashkimi Evropian ka dalë kundër që Kosova të hap ambasadë në Jerusalem.

Related Topics:
Continue Reading

Vendi

Të shtëna me armë zjarri në Pejë, dyshohet për një të plagosur

Published

5 minutes ago

on

July 14, 2026

By

Mbrëmë në Pejë ka pasur të shtëna me armë zjarri, si pasojë e të cilave dyshohet se është plagosur një person.

Rastin e ka konfirmuar zëdhënësi i Prokurorisë Themelore në Pejë, Shkodran Nikçi. Ai bëri të ditur se në vendin e ngjarjes kanë dalë dy prokurorë dhe njësitë përkatëse policore.

Deri më tani nuk janë dhënë detaje të tjera mbi rrethanat e ngjarjes apo gjendjen shëndetësore të personit të plagosur. /E.A/

Continue Reading

Vendi

Profesorët e UBT-së botojnë studimin mjekësor në revistën prestigjoze ndërkombëtare MDPI

Published

16 hours ago

on

July 13, 2026

By

Profesorët e UBT-së, Dr. Lirim Shefki Mustafa dhe Dr. Fitim Bexhet Alidema, kanë publikuar një studim mjekësor në revistën e njohur ndërkombëtare “Pharmacoepidemiology”, që është pjesë e platformës së fuqishme shkencore MDPI.

Ky punim, me titullin “Comparison of Two Triple Therapy Regimens for Helicobacter pylori Eradication in Patients with Dyspepsia: A Retrospective Study from Primary Care”, ka arritur të indeksohet në rrjetet më të rëndësishme të shkencës botërore si Web of Science dhe Scopus, duke u renditur në kategorinë e lartë Q2.

Ky hulumtim i stafit të UBT-së ka një rëndësi të madhe praktike pasi ka marrë në shqyrtim plot 1,800 pacientë të rritur që u trajtuan mes janarit të vitit 2023 dhe fillimit të vitit 2026.

Qëllimi ishte të gjendej një zgjidhje më e mirë kundër bakterit të rrezikshëm Helicobacter pylori, i cili shkakton probleme si gastriti apo ulçera, në një kohë kur trajtimet klasike po dështojnë rregullisht për shkak se bakteri është bërë rezistent ndaj antibiotikëve standardë.

Nga krahasimi që u bë, doli se terapia e re e bazuar në levofloxacin funksionon shumë më mirë, duke e zhdukur bakterin në 82.9% të rasteve, përballë trajtimit të vjetër me clarithromycin që pati sukses vetëm në 71.8% të pacientëve.

Përveç se më efektiv, ky kombinim i ri solli edhe më pak efekte anësore për organizmin. Profesorët zbuluan gjithashtu se stili i jetesës ndikon shumë në shërim, pasi duhani, alkooli, obeziteti dhe diabeti e bëjnë bakterin më të fortë dhe rrisin shanset që trajtimi të dështojë.

Ky botim, i dalë zyrtarisht sot më 13 korrik 2026, tregon edhe një herë nivelin e lartë të kërkimit shkencor në UBT dhe u vjen në ndihmë direkt mjekëve për të dhënë receta më të sakta e pa i keqpërdorur antibiotikët.

Continue Reading

Vendi

KFOR-i me stërvitje speciale pranë Bondsteel-it për menaxhimin e rasteve urgjente

Published

16 hours ago

on

July 13, 2026

By

Ushtarët e Komandës Rajonale në Lindje (RC-E) të misionit të KFOR-it kanë zhvilluar një stërvitje të specializuar për reagim ndaj rrëzimit të aviacionit pranë Kampit Bondsteel.

Ky trajnim kishte për qëllim forcimin e koordinimit mjekësor shumëkombësh dhe rritjen e kapaciteteve për reagim të shpejtë në zonat operative.

Stërvitja bëri bashkë ekuazhet ajrore dhe mjekët fluturues për të ushtruar triazhin e të lënduarve, trajtimin mjekësor dhe procedurat e evakuimit urgjent.

Përmes këtyre aktiviteteve, KFOR-i mban gatishmërinë operacionale dhe aftësitë e nevojshme për të garantuar një mjedis të sigurt për të gjithë njerëzit në Kosovë.

Misioni i udhëhequr nga NATO-ja vazhdon të zbatojë mandatin e tij sipas Rezolutës 1244, në koordinim të ngushtë me Policinë e Kosovës dhe EULEX-in. /E.A/

Continue Reading

Lajmet

Burim Berisha sjell “RESIDUE”, një reflektim artistik mbi kujtesën dhe transformimin

Published

16 hours ago

on

July 13, 2026

By

Profesori i Fakultetit të Artit dhe Medias Digjitale në UBT, Burim Berisha, do të prezantojë ekspozitën e tij personale “RESIDUE”, e cila do të hapet më 18 korrik në Institutin e Artit Bashkëkohor ARKIV në Pejë.

Ekspozita është pjesë e programit kuratorial të institucionit dhe paraqet një përmbledhje të praktikës artistike të Berishës, të zhvilluar përgjatë më shumë se 25 vjetësh krijimtari në fushën e artit bashkëkohor.

Përmes skulpturës dhe instalacioneve që ndërthurin elemente si tingulli, tymi, dheu dhe materiale të ndryshme, “RESIDUE” eksploron marrëdhënien ndërmjet kujtesës, transformimit dhe gjurmëve që mbeten pas një ngjarjeje, personi apo objekti. Veprat ftojnë publikun në një reflektim mbi praninë dhe mungesën, duke e trajtuar artin si një proces që ruan dhe rikrijon kujtesën përtej momentit të krijimit.

Në këtë ekspozitë, figura nuk paraqitet në mënyrë të drejtpërdrejtë, por ndërtohet përmes materialit, shenjave të pranisë dhe hapësirës, duke krijuar një dialog mes asaj që është e dukshme dhe asaj që mbetet e nënkuptuar.

Ekspozita “RESIDUE” dëshmon për angazhimin e vazhdueshëm artistik të Prof. Burim Berishës dhe kontributin e tij në zhvillimin e artit bashkëkohor, si në Kosovë ashtu edhe në arenën ndërkombëtare.

Continue Reading

Të kërkuara