

Lajmet
Kiçmari: Hapja e ambasadës në Jerusalem është akt politik, të bisedohet me shtetet që janë kundër
Published
4 years agoon
By
Betim GashiHapja e ambasadës së Kosovës në Jerusalem ka konotacione jo të lehta për statusin e Kosovës me vendet e tjera, ka vlerësuar ish-ambasadori i Kosovës në Austri, Sabri Kiçmari.
Në një intervistë për Ekonomia Online, Kiçmari thotë se hapja e kësaj ambasade atje është akt politik dhe tashmë i premtuar nga kryeministri në detyrë, Avdullah Hoti.
“Tani hapja e ambasadës së Kosovës në Jerusalem është akt politik i premtuar nga kryeministri në detyrë, Avdullah Hoti. Ai ka folur në emër të Republikës dhe ajo duhet ta regjistrojë këtë fakt si të tillë. Meqë jemi një prej vendeve të para që kemi hapur ambasadën në Jerusalem, natyrisht ka dhe konotacione jo të lehta për statusin e Kosovës në marrëdhëniet me vendet e tjera, por pikëpamja ime është që do të menaxhohet si situatë”, ka thënë ai.
Ish-ambasadori thotë se qeveria e ardhshme do të duhet të zhvillojë biseda me miqtë tjerë të Kosovës si Turqia dhe disa vende arabe që janë kundër hapjes së ambasadës në Jerusalem, siç thotë ai për t’i shpjeguar argumentet dhe elementet që kanë çuar në vendosjen e ambasadës në kryeqytetin e Izraelit.
“Miqtë tanë, Shtetet e Bashkuara të Amerikës e kanë poashtu ambasadën në Jerusalem dhe kjo e lehtëson këtë pozicionim të Republikës së Kosovës, ndërsa me miqtë tjerë pra me Turqinë dhe vendet arabe kërkohet nga ministri ose ministrja e ardhshme që do ta marrë mandatin, që të komunikojnë me diplomacinë turke dhe arabe për të shpjeguar elementet dhe argumentet që kanë ndikuar që Republika e Kosovës ta hapë ambasadën në Jerusalem, dhe jam shumë i bindur që arguementet tona qëndrojnë dhe miqtë tanë do t’i kuptojnë ato”, theksoi ai.
Tutje ish-ambasadori tha që krejt debati për hapjen e ambasadës atje ishte i natyrshëm, dhe reagimet janë mëse normale, dhe çështja është e përfunduar, ambasada tashmë ka filluar punën.
“Po tani debati ishte i natyrshëm meqë reagimet ishin të ndryshme si brenda vendit ashtu edhe jashtë saj, pra patëm deklarime publike të presidentit të Turqisë, ka pasur dhe reagime nga disa vende arabe dhe në një kontekst të tillë është e natyrshme që të ketë debate në lidhje me një vendim, i cili natyrisht nuk është i lehtë dhe bën pjesë në mesin e vendeve të para që kanë vendosur të hapin ambasadën e tyre në Jerusalem. Por mendoj që debati shkoj në kuadrin e një analize lidhur me pasojat dhe përparësitë që ka akti i vendosjes së marrëdhënieve diplomatike me Izraelin dhe pastaj dhe hapjes së ambasadës në Jerusalem. Mendoj që këto ditët e fundit situata tashmë është qetësuar. E ngarkuara e Kosovës është në Jerusalem, i ka zhvilluar takimet e para, pra çështja është e përfunduar në kontekst të marrëdhënieve ndërshtetërore dhe në kontekst të asaj se a duhet hapur ambasada në Jerusalem apo jo, tash ambasada është hapur atje dhe ka filluar punën”, tha tutje Kiçmari.
Hapja e ambasadës së Kosovës në Jerusalem është rezultat i marrëveshjes së 4 shtatorit në Washington, ku Izraeli njohu pavarësinë e Kosovës. Edhe Bashkimi Evropian ka dalë kundër që Kosova të hap ambasadë në Jerusalem.
Aktualitet
6 vjet nga shpërndarja e legjislaturës së gjashtë të Kuvendit të Kosovës
Published
13 minutes agoon
August 22, 2025By
UBT News
Deputetët e Kuvendit të Kosovës më 22 gusht 2019, me 89 vota për, një kundër dhe dy abstenime, kanë votuar për shpërndarjen e legjislaturës së gjashtë, duke e çuar vendin në zgjedhje të parakohshme parlamentare.
Propozimi i deputetëve për shpërndarjen e Kuvendit pasoi dorëheqjen e Ramush Haradinajt nga pozita e kryeministrit më 19 korrik, pasi ai mori ftesë nga Gjykata Speciale në Hagë për t’u intervistuar në cilësinë e të dyshuarit për krime lufte.
Deputeti i PDK-së, Memli Krasniqi, në emër të 98 deputetëve që kanë kërkuar seancë, tha se mocioni për shpërndarjen e legjislaturës së Kuvendit është në pajtim me të gjitha grupet parlamentare.
“Në bazë të nenit 82, paragrafi 1, pika 2, Kushtetutës së Republikës së Kosovës propozojmë për shqyrtim në këtë seancë mocionin për shpërndarje të legjislaturës së gjashtë të Kuvendit të Kosovës. Ky mocion është në pajtim me qëndrimet e shprehura nga të gjitha grupet parlamentare në mbledhjen e Kryesisë, me kryetarë të grupeve parlamentare të iniciuar nga kryetari i Kuvendit, Kadri Veseli”, tha Krasniqi.
Deputeti i partisë opozitare Lidhja Demokratike e Kosovës (LDK), Avdullah Hoti, tha se kjo legjislaturë ka qenë arenë konfrontimesh pozitë-opozitë për të ruajtur ligjshmërinë dhe Kushtetutën e Kosovës, e jo debat për avancimin e politikave në interes të qytetarëve.
“Si opozitë, kemi pasur përballë një koalicion prej 24 partive, por që përfaqësonin vetëm 1/3 e elektoratit, një koalicion pa legjitimitet, jo profesional, me vendimmarrje ad-hoc të bazuar në interesa politike dhe të grupeve të interesit. Si rezultat, është realizuar vetëm 30 për qind e agjendës legjislative, dhe atë nga vullneti i opozitës për të mbështetur disa ligje specifike”, theksoi Hoti.
Ndryshe, që nga shpallja e pavarësisë së Kosovës, asnjë qeveri nuk arriti ta përmbyllë mandatin kushtetues prej katër vjetësh.
Aktualitet
11 vjet nga vendimi i Kushtetueses rreth krizës së zgjedhjes së kryetarit të Kuvendit
Published
19 minutes agoon
August 22, 2025By
UBT News
Janë mbushur njëmbëdhjetë vjet që kur Gjykata Kushtetuese e Kosovës publikoi vendimin për kontestin ndërmjet PDK-së dhe LAN-it. Vendimi final i Kushtetueses nuk dalloi nga njoftimi i datës 22 gusht 2014 ku zgjedhja e Isa Mustafës për kryetar të Kuvendit të Kosovës u cilësua antikushtetuese.
Kushtetuesja vendosi në favor të PDK-së, duke publikuar të plotë vendimin e saj në ueb-faqen e saj përkitazi me vlerësimin e kushtetutshmërisë së vendimit për zgjedhjen e kryetarit të Kuvendit të Kosovës, të votuar nga 83 deputetë të Kuvendit, më 17 korrik 2014.
Në vendimin final Gjykata Kushtetuese nuk jep sqarime nëse në rast të dështimit të zgjedhjes së kryeparlamentarit nga një grup parlamentar, e drejta t’i kalohet grupit tjetër, që rrjedhimisht askund në Kushtetutë nuk parashihet që dështimi në zgjedhjen e kryetarit të Kuvendit do të shkaktonte mbajtjen e zgjedhjeve të reja parlamentare.
“Është e drejtë dhe detyrë e të gjithë deputetëve të Kuvendit që të gjejnë mënyrën për të zgjedhur kryetarin dhe nënkryetarët e Kuvendit, në pajtim me dispozitat kushtetuese në lidhje me rregulloren relevante të Kuvendit dhe ta bëjnë Kuvendin funksional”, thuhet mes tjerash në arsyetimin e Gjykatës Kushtetuese.
Në një deklaratë për media, blloku i partive në koalicion LDK-AAK-Nisma, vlerësoi se me aktgjykimin e Kushtetueses, të publikuar më datën 26 gusht 2014, hapej rruga për krijimin e institucioneve nga blloku LDK-AAK-Nisma dhe partnerët e tjerë.
“Aktgjykimi, në veçanti në pikat 126 dhe 127, saktëson të drejtën dhe detyrimin kushtetues të deputetëve për të gjetur mënyrën për të zgjedhur kryetarin e Kuvendit, i cili zgjidhet me shumicën e votave. Koalicioni LDK-AAK-Nisma, bashkë me partnerët, do të vijojë punë për të finalizuar ndërtimin e institucioneve të reja të Republikës së Kosovës, në përputhje me vullnetin e të zgjedhurve të popullit të Kosovës. Koalicioni dhe partnerët janë të përkushtuar që institucionet të ndërtohen sa më parë, me qëllim që të jenë në funksion të interesave të qytetarëve te Kosovës”, thuhej në reagim.
Gjykata Kushtetuese në vendimin e saj ka konstatuar se seanca konstituive e filluar më 17 korrik 2014, nuk është realizuar plotësisht, nuk janë zgjedhur kryetari dhe nënkryetarët e Kuvendit.
Kuvendi duhet ta përfundojë seancën konstituive, duke zgjedhur kryetarin dhe nënkryetarët në pajtim me nenin 67 (2), në lidhje me nenin 64 (1), të Kushtetutës dhe me Kreun III të Rregullores së punës që zbaton këto nene dhe në pajtim me këtë aktgjykim.
Aktualitet
Vdes një person në vetëaksident në Jabllanicë të Gjakovës
Published
30 minutes agoon
August 22, 2025By
UBT News
Një person ka humbur jetën tragjikisht në një vetëaksident të ndodhur në Jabllanicë të Gjakovës.
Sheremet Elezaj, zëdhënës i policisë rajonale për Gjakovë, ka konfirmuar se rasti ka ndodhur rreth orës 15:50.
“Policia i është përgjigjur rastit, ku ngasësi i një automjeti dyshohet të ketë humbur kontrollin mbi automjetin dhe është vetaksidentuar. Për pasojë ngasësi, mashkull i moshës madhore, ka humbur jetën, vdekjen e të cilit e ka konstatuar ekipi mjekësor”, tha Elezaj.
Rasti është duke u trajtuar nga Njësia Rajonale e Komunikacionit Rrugor.
Bota
Avioni luftarak merr flakë pas ngritjes në Malajzi
Published
33 minutes agoon
August 22, 2025By
UBT News
Një avion luftarak i Malajzisë është përfshirë nga flakët pas ngritjes nga pista në shtetin Pahang.
Forcat Ajrore Mbretërore të Malajzisë kanë konfirmuar se një incident që përfshin një nga avionët e tyre luftarakë F/A-18D Hornet ndodhi në orën 21:05 sipas orës lokale (13:05 GMT) në Aeroportin Sultan Ahmad Shah në Kuantan, sipas gazetës lokale Star, duke cituar një deklaratë.
“Po ndërmarrim veprime të menjëhershme dhe do të përditësojmë mbi zhvillimet e fundit”, thanë forca ajrore.

Bebe Rexha: Shumë njerëz më kanë pyetur, por albumi i katërt nuk është ende gati për publikim

6 vjet nga shpërndarja e legjislaturës së gjashtë të Kuvendit të Kosovës

11 vjet nga vendimi i Kushtetueses rreth krizës së zgjedhjes së kryetarit të Kuvendit

Vdes një person në vetëaksident në Jabllanicë të Gjakovës

Avioni luftarak merr flakë pas ngritjes në Malajzi

Shpërthim në Pakistan, të paktën 34 të plagosur

Bosnja ka shënuar 33-vjetorin e masakrës së 224 viktimave

Ryshfet me patentë-shoferë, ndalohen dy persona zyrtar

SHBA vendos sanksione të reja mbi tregtinë e naftës së Iranit
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit