Luvri, muzeu më i vizituar në botë dhe një simbol global i artit, bukurisë dhe qëndrueshmërisë ka qëndruar sot i mbyllur – jo nga lufta, jo nga terrori, por nga stafi i tij i rraskapitur, të cilët thonë se institucioni po shkatërrohet nga brenda, sipas AP.

Ishte një pamje pothuajse e paimagjinueshme: shtëpia e veprave të Leonardo da Vinçit dhe mijëvjeçarëve të thesareve më të mëdha të qytetërimit – e paralizuar nga vetë njerëzit e ngarkuar me mirëpritjen e botës në galeritë e tij.

E megjithatë, momenti u ndje më i madh se një protestë e punëtorëve.

Luvri është bërë një sinjalizues i turizmit masiv global – një ndërtesë e mbingarkuar nga popullariteti i saj.

Greva spontane shpërtheu gjatë një takimi rutinë të brendshëm, pasi punonjësit e galerisë, agjentët e biletave dhe personeli i sigurisë refuzuan të kryenin punën tyre – në shenjë proteste për turmat e papërballueshme, mungesën kronike të personelit dhe atë që një sindikatë e quajti kushte pune “të papërballueshme”.

Është një gjë e rrallë që Luvri të mbyllë dyert për publikun. Ka ndodhur gjatë luftës, gjatë pandemisë dhe në një grevë të shkurtër të stafit në vitin 2019 – por kurrë kështu: me turistë që rreshtohen në shesh, me bileta në dorë dhe pa një kuptim të qartë se pse muzeu më i famshëm në botë është mbyllur.

Kjo ndërprerje vjen vetëm disa muaj pasi presidenti francez, Emmanuel Macron zbuloi një plan gjithëpërfshirës 10-vjeçar – për të shpëtuar Luvrin pikërisht nga problemet  – rrjedhjet e ujit, luhatjet e rrezikshme të temperaturave, infrastruktura e vjetëruar dhe trafiku i këmbësorëve shumë më i madh se sa mund të përballojë muzeu.

Por për punëtorët në terren, ajo e ardhme e premtuar duket e largët.

“Nuk mund të presim gjashtë vjet për ndihmë”, tha Sarah Sefian nga sindikata “CGT-Culture”.

“Ekipet tona janë nën presion tani. Nuk ka të bëjë vetëm me artin – ka të bëjë me njerëzit që e mbrojnë atë”, shtoi ajo./atsh

Rita Ora ishte një nga emrat më të spikatur në “Capital’s Summertime Ball with Barclaycard”, që u mbajt të dielën në stadiumin Wembley.

Këngëtarja shqiptare ndezi skenën para 80,000 të pranishmëve me një performancë plot energji, ku interpretoi disa nga hitet e saj më të njohura.

E veshur me kostum lëkure të ngushtë e çizme të gjata, 34-vjeçarja tregoi stilin dhe vetëbesimin që e karakterizon. Ajo dëshmoi edhe një herë statusin e saj si një prej yjeve më të mëdhenj të pop-it britanik.

Rita ndau skenën me artistë të tjerë të njohur si Will Smith, Jade Thirlwall dhe Jessie J, si dhe me grupin JLS që u rikthye me një performancë surprizë pas 16 vitesh.

Atmosfera në stadium ishte në kulm, por ishte prezenca karizmatike e Orës që mori duartrokitjet më të forta të mbrëmjes.

Aktori i njohur, Will Smith, ka treguar se nuk ka luajtur në filmin “Inception” që regjisori Chrisopher Nolan e kishte bërë në vitin 2010, sepse “nuk e kuptonte”.

“Nuk e kam thënë asnjëherë publikisht me zë të lartë. Tani e shoh së është një nga ata filma që del jashtë realitetit, nuk përkon edhe aq”, ka thënë Smith në radion Kiss Xtra, ka raportuar HuffPost.

Nuk është bërë e ditur cilin rol ishte paraparë ta luante aktori, por kolegu, Leonardo DiCaprio, pati luajtur rolin kryesor.

Smith ka treguar se ka refuzuar të luante edhe në “The Matrix” duke thënë se këto refuzime i quan “dy lëndime të bukura”.

“Jam i lënduar nga këto dy refuzime”, ka thënë ai për rolet që refuzoi në filmat “The Matrix” dhe “Inception”.

Më herët Smith, ka postuar një video të paqartë në llogarinë e tij në rrjetin social Instagram.

“Më 1997, Wachowskit i ofruan Will rolin e Neos në ‘The Matrix’, zgjodhi ‘Wild Wild West’, duke menduar se do të jetë më i mirë. Pyetja që qëndron është: ‘Si do të ishte ‘The Matrix’ me Will Smithin si Neo?”, shkruante në videon e postuar.

Shumë adhurues menduan se videoja po paralajmëronte se Smith do të luantë në “The Matrix”, por jo nuk ishte çështja.

Filmi “The Matrix” i vitit 1999, është fantastiko-shkencor ku Keanu Reeves, luan rolin kryesor, është vlerësuar nga kritikët dhe ka fituar shumë në arkat filmike. Kurse filmi “Wild Wild West” nuk u vlerësua nga kritikët.

Justin Bieber u bë pjesë e debatit në rrjet gjatë Ditës së tij të parë të Babait, duke ndarë postime të çuditshme e provokuese në Insta.

31-vjeçari, i cili së fundmi u bë baba i një djali me Hailey Bieber, publikoi një foto bardhë e zi ku shfaqej me një mimikë serioze dhe mesazh: “Jam një baba me të cilin nuk duhet të ngatërrohesh”, i shoqëruar nga emoji i gishtit të mesëm.

Postimet e tij përfshinë foto të djalit të tyre, Jack, për herë të parë që nga lindja në gusht 2024 dhe dhurata luksoze që e kishte marrë nga Hailey – përfshirë një orë të shtrenjtë Audemars Piguet dhe çanta Prada, shkruan DailyMail.

Fansat u ndanë mes mbështetjes e shqetësimit, disa e vlerësuan sinqeritetin e tij, ndërsa të tjerë shprehën shqetësim për gjendjen emocionale, duke i bërë thirrje të kërkojë ndihmë për hir të familjes.

Postimet u pasuan nga imazhe të tjera që përfshinin kanabis, emoji provokues dhe mesazhe të nënkuptuara për “marrëdhënie toksike” me të tjerët.

Hailey nuk postoi publikisht për Ditën e Babait, Bieber sugjeroi në rrjet se ata kishin kaluar një mbrëmje romantike së bashku.

Ky është një nga rastet e shumta ku Bieber përdor rrjetet sociale për të shprehur ndjenja të forta – një prirje që ka ngjallur diskutime të përsëritura rreth shëndetit të tij mendor dhe jetës personale.