Lajmet

​Kërkohet integrimi i shëndetit mendor në planprogramin mësimor

Kështu u tha në konferencën “Kujdesi për shëndetin mendor në shkollat e Kosovës”, të mbajtur në Prishtinë.

Published

1 year ago

on

Integrimi i shëndetit mendor në planprogramin mësimor ka një rëndësi të jashtëzakonshme për një arsim dhe shkollë më cilësore. Kështu u tha në konferencën “Kujdesi për shëndetin mendor në shkollat e Kosovës”, të mbajtur në Prishtinë.

Këshilltarja e ministres së Arsimit, Donika Kastrati u shpreh se mbështetja e shëndetit mendor nuk është një detyrë vetëm për shkollat, porse kërkon një përpjekje bashkëpunuese që angazhon familjet, komunitetet dhe politikbërësit.

“Sot është një moment kyç si politikbërës profesionist, edukatorë të kujdesit shëndetësor dhe drejtues të komunitetit, ne e njohim ndikimin e thellë që ka shëndeti mendor në suksesin akademik, sjelljen dhe mirëqenien e përgjithshme të nxënësve tanë, ne e kuptojmë se mbështetja e shëndetit mendor nuk është një detyrë vetëm për shkollat por kërkon një përpjekje bashkëpunuese që angazhon familjet, komunitetet dhe politikbërësit. Unë besoj thellë se objektivat e kësaj konference janë të qarta, të synojmë të identifikojmë strategji efektive për zbatimin e integruar të qasjeve të shëndetit mendor në shkolla, të shqyrtojmë praktikat e bazuara në hulumtime shkencore rreth shëndetit mendor në shkolla dhe të përpiqemi të zhvillojmë plane konkrete të veprimit për të nxitur partneritete domethënëse. Ne si ministri do të fokusohemi në dy tema kyçe, siç janë integrimi i shëndetit mendor në planprogramin mësimor, ku intervenimi që MASHT ka bërë në këtë drejtim është nëpërmjet kornizës korrikurale për arsimin parauniversitar në Kosovë dhe krijimi i mjediseve të sigurta dhe gjithëpërfshirëse. Do të fokusohemi tek politikat e mbrojtjes së fëmijëve”, u shpreh Kastrati.

Ndërsa, kryetari i SBASHK-ut, Rrahman Jasharaj shtoi se kjo konferencë dëshmon se bashkërisht mund të ndihmojnë në ndryshimet më të mira për një shkollë dhe arsim më cilësor.

“Kjo konferencë dëshmon se bashkërisht duke krijuar një front të përbashkët të angazhimeve në shërbim të arsimit mund të ndihmojnë në ndryshimet më të mirë për një shkollë dhe arsim më cilësor, na prift e mbara bashkë”, shtoi Jasharaj.

Se është e rëndësishme që mësuesve t’iu jepet mundësia që përmes zhvillimit profesional të japin më të mirën prej vetes për të punuar për fëmijët, tha drejtoresha ekzekutive e QS, Shaëna Bader-Blau.

“Puna jonë me sindikatat, qeveritë dhe shoqërinë civile udhëhiqet nga besimi i bazuar në prova reale, mbi 100 vjet eksperimente në nivel global, se drejtësia sociale arrihet më mirë në shoqëritë me lëvizje të forta punëtore, ku punëtorët kanë një vend në tryezën e dialogut me qeveritë dhe punëdhënësit dhe në partneritet me shoqërinë civile për të ndihmuar në arritjen e një shoqërie më të drejtë për të gjithë. Kjo konferencë synon të ndajë kërkimet më të fundit dhe praktikat më të mira, si dhe shëndetin mendor, promovimin, parandalimin dhe ndërhyrjen për nxënësit mësuesit dhe familjet, dhe thekson nevojën për një agjendë të përbashkët familjare të shkollës dhe politikbërësve. Kolegët tanë nga Shtetet e Bashkuara, sindikata e mësuesve amerikanë e quajtur Federata Amerikane e Mësuesve, ne jemi këtu vetëm vitin e kaluar duke vizituar Kosovën, Maqedoninë e Veriut dhe Shqipërinë dhe së bashku diskutuam me sindikatat e mësuesve se sa e rëndësishme është jo vetëm të ketë përfaqësim në vendin e punës por edhe që në klasë, mësuesve t’u jepet mundësia përmes zhvillimit profesional përmes një vendi të mirë pune që të japin më të mirën prej vetes për të punuar për fëmijët tanë, njohuritë e tyre, përvojën e tyre, dashurinë e tyre për arsimin në klasë”, tha Blau.

Konferenca dyditore “Kujdesi për shëndetin mendor në shkollat e Kosovës”, konferenca dy-ditore organizohet nga Sindikata e Bashkuar e Arsimit, Shkencës dhe Teknologjisë (SBAShK) dhe Qendra Amerikane e Solidaritetit me seli në Tiranë.

Objektivat e kësaj konference janë të synojnë të identifikojnë strategji efektive për zbatimin e integruar të qasjeve të shëndetit mendor në shkolla, të shqyrtojnë praktikat e bazuara në hulumtime shkencore rreth shëndetit mendor në shkolla dhe të përpiqen të zhvillojnë plane konkrete të veprimit për të nxitur partneritete domethënëse.

Related Topics:
Continue Reading

Lajmet

Osmani pranoi letrat kredenciale nga ambasadori i ri i Hungarisë në Kosovë

Published

2 days ago

on

May 30, 2025

By

Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.

Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.

Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.

Continue Reading

Lajmet

Punëtorët e “Pastrimit” në ditën e nëntë të grevës

Published

2 days ago

on

May 30, 2025

By

Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.

Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.

Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.

“Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.

Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.

Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.

“Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.

Continue Reading

Lajmet

Ministria e Shëndetësisë paralajmëron 100 inspektorë të rinj për luftën kundër duhanit

Published

2 days ago

on

May 30, 2025

By

Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.

Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.

Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.

“Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.

Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.

“Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.

 

Continue Reading

Lajmet

PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë

Published

2 days ago

on

May 30, 2025

By

Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.

Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.

“Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Continue Reading

Të kërkuara