Lajmet

​Kërkohet integrimi i shëndetit mendor në planprogramin mësimor

Kështu u tha në konferencën “Kujdesi për shëndetin mendor në shkollat e Kosovës”, të mbajtur në Prishtinë.

Published

2 years ago

on

Integrimi i shëndetit mendor në planprogramin mësimor ka një rëndësi të jashtëzakonshme për një arsim dhe shkollë më cilësore. Kështu u tha në konferencën “Kujdesi për shëndetin mendor në shkollat e Kosovës”, të mbajtur në Prishtinë.

Këshilltarja e ministres së Arsimit, Donika Kastrati u shpreh se mbështetja e shëndetit mendor nuk është një detyrë vetëm për shkollat, porse kërkon një përpjekje bashkëpunuese që angazhon familjet, komunitetet dhe politikbërësit.

“Sot është një moment kyç si politikbërës profesionist, edukatorë të kujdesit shëndetësor dhe drejtues të komunitetit, ne e njohim ndikimin e thellë që ka shëndeti mendor në suksesin akademik, sjelljen dhe mirëqenien e përgjithshme të nxënësve tanë, ne e kuptojmë se mbështetja e shëndetit mendor nuk është një detyrë vetëm për shkollat por kërkon një përpjekje bashkëpunuese që angazhon familjet, komunitetet dhe politikbërësit. Unë besoj thellë se objektivat e kësaj konference janë të qarta, të synojmë të identifikojmë strategji efektive për zbatimin e integruar të qasjeve të shëndetit mendor në shkolla, të shqyrtojmë praktikat e bazuara në hulumtime shkencore rreth shëndetit mendor në shkolla dhe të përpiqemi të zhvillojmë plane konkrete të veprimit për të nxitur partneritete domethënëse. Ne si ministri do të fokusohemi në dy tema kyçe, siç janë integrimi i shëndetit mendor në planprogramin mësimor, ku intervenimi që MASHT ka bërë në këtë drejtim është nëpërmjet kornizës korrikurale për arsimin parauniversitar në Kosovë dhe krijimi i mjediseve të sigurta dhe gjithëpërfshirëse. Do të fokusohemi tek politikat e mbrojtjes së fëmijëve”, u shpreh Kastrati.

Ndërsa, kryetari i SBASHK-ut, Rrahman Jasharaj shtoi se kjo konferencë dëshmon se bashkërisht mund të ndihmojnë në ndryshimet më të mira për një shkollë dhe arsim më cilësor.

“Kjo konferencë dëshmon se bashkërisht duke krijuar një front të përbashkët të angazhimeve në shërbim të arsimit mund të ndihmojnë në ndryshimet më të mirë për një shkollë dhe arsim më cilësor, na prift e mbara bashkë”, shtoi Jasharaj.

Se është e rëndësishme që mësuesve t’iu jepet mundësia që përmes zhvillimit profesional të japin më të mirën prej vetes për të punuar për fëmijët, tha drejtoresha ekzekutive e QS, Shaëna Bader-Blau.

“Puna jonë me sindikatat, qeveritë dhe shoqërinë civile udhëhiqet nga besimi i bazuar në prova reale, mbi 100 vjet eksperimente në nivel global, se drejtësia sociale arrihet më mirë në shoqëritë me lëvizje të forta punëtore, ku punëtorët kanë një vend në tryezën e dialogut me qeveritë dhe punëdhënësit dhe në partneritet me shoqërinë civile për të ndihmuar në arritjen e një shoqërie më të drejtë për të gjithë. Kjo konferencë synon të ndajë kërkimet më të fundit dhe praktikat më të mira, si dhe shëndetin mendor, promovimin, parandalimin dhe ndërhyrjen për nxënësit mësuesit dhe familjet, dhe thekson nevojën për një agjendë të përbashkët familjare të shkollës dhe politikbërësve. Kolegët tanë nga Shtetet e Bashkuara, sindikata e mësuesve amerikanë e quajtur Federata Amerikane e Mësuesve, ne jemi këtu vetëm vitin e kaluar duke vizituar Kosovën, Maqedoninë e Veriut dhe Shqipërinë dhe së bashku diskutuam me sindikatat e mësuesve se sa e rëndësishme është jo vetëm të ketë përfaqësim në vendin e punës por edhe që në klasë, mësuesve t’u jepet mundësia përmes zhvillimit profesional përmes një vendi të mirë pune që të japin më të mirën prej vetes për të punuar për fëmijët tanë, njohuritë e tyre, përvojën e tyre, dashurinë e tyre për arsimin në klasë”, tha Blau.

Konferenca dyditore “Kujdesi për shëndetin mendor në shkollat e Kosovës”, konferenca dy-ditore organizohet nga Sindikata e Bashkuar e Arsimit, Shkencës dhe Teknologjisë (SBAShK) dhe Qendra Amerikane e Solidaritetit me seli në Tiranë.

Objektivat e kësaj konference janë të synojnë të identifikojnë strategji efektive për zbatimin e integruar të qasjeve të shëndetit mendor në shkolla, të shqyrtojnë praktikat e bazuara në hulumtime shkencore rreth shëndetit mendor në shkolla dhe të përpiqen të zhvillojnë plane konkrete të veprimit për të nxitur partneritete domethënëse.

Related Topics:
Continue Reading

Lajmet

United Hospital vendos shëndetin e gjakut në qendër të kujdesit – diagnostikim modern dhe trajtim profesional nga ekspertët e hematologjisë

Published

11 minutes ago

on

July 17, 2026

By

Prishtinë – Shëndeti i organizmit nis nga një prej elementeve më të rëndësishme të jetës sonë – gjaku. Çdo ndryshim në përbërjen dhe funksionimin e tij mund të jetë një sinjal i hershëm që kërkon vëmendje profesionale, diagnostikim të saktë dhe trajtim të përshtatur sipas nevojave të pacientit.

Duke e vendosur kujdesin parandalues dhe trajtimin cilësor në fokus të misionit të saj, United Hospital vazhdon të zgjerojë shërbimet e avancuara mjekësore, duke ofruar kujdes të specializuar edhe në fushën e hematologjisë – një degë e mjekësisë që luan rol thelbësor në identifikimin dhe trajtimin e sëmundjeve të gjakut.

Në këtë departament, pacientët marrin shërbime profesionale nga Dr. Aferdita, e cila ofron vlerësim të detajuar mjekësor, diagnostikim të avancuar dhe trajtim për një gamë të gjerë të çrregullimeve hematologjike, nga anemitë e ndryshme deri te patologjitë më komplekse të sistemit të gjakut.

Lodhja kronike, dobësia fizike, rënia e imunitetit, marramendja apo shqetësimet me koagulimin shpesh mund të jenë shenja që organizmi kërkon një kontroll më të thelluar. Përmes ekzaminimeve profesionale dhe qasjes individuale ndaj çdo pacienti, ekipi i United Hospital synon që problemet shëndetësore të identifikohen në kohë dhe të trajtohen sipas standardeve bashkëkohore mjekësore.

Filozofia e këtij institucioni shëndetësor bazohet në një parim të qartë: kujdesi për shëndetin nuk fillon vetëm kur shfaqet sëmundja, por shumë më herët – përmes kontrollit, diagnostikimit të hershëm dhe ndërhyrjes së duhur profesionale.

Me investim të vazhdueshëm në ekspertizë mjekësore, teknologji moderne dhe shërbime të specializuara, United Hospital mbetet e përkushtuar që çdo pacient të marrë trajtim të sigurt, profesional dhe njerëzor, duke menduar për çdo detaj që ndikon në mirëqenien dhe cilësinë e jetës së qytetarëve./rajonipress/

📞 038 60 70 70 / 046 60 70 70
📍 M2 Prishtinë-Ferizaj Km7, Prishtinë-Kosovë

Continue Reading

Lajmet

Policia sekuestron armë, tetë thika dhe mjete të tjera të kundërligjshme në Skenderaj

Published

12 minutes ago

on

July 17, 2026

By

Policia e Kosovës ka sekuestruar armë, mjete të ftohta dhe gjësende të tjera të kundërligjshme gjatë një aksioni të zhvilluar në zonën e Skenderajt.

Sipas njoftimit të Policisë në Rajonin e Mitrovicës së Jugut, aktiviteti është realizuar nga Njësia për Reagim të Shpejtë (NJRSh), në bashkëpunim me njësi të tjera policore, në kuadër të masave për garantimin e rendit dhe sigurisë publike gjatë sezonit veror.

Gjatë kontrolleve të automjeteve dhe personave të dyshuar janë sekuestruar një armë zjarri, tetë thika, një radiolidhje, një maskë, tri shufra metalike, si dhe gjësende të tjera që dyshohet se janë përdorur ose ishin të destinuara për kryerjen e veprave penale.

Personat e dyshuar janë shoqëruar në stacionin policor, janë intervistuar dhe ndaj tyre janë ndërmarrë veprimet procedurale në koordinim me prokurorët kompetentë.

Policia u ka bërë thirrje qytetarëve të vazhdojnë bashkëpunimin duke raportuar çdo rast të dyshimtë përmes numrit emergjent 192, aplikacionit “Lajmëro Policinë” ose përmes adresës elektronike zyrtare./A.K/

Continue Reading

Lajmet

Vazhdojnë punimet për rehabilitimin e skarpateve në autostradën “Ibrahim Rugova”

Published

27 minutes ago

on

July 17, 2026

By

Ministria e Infrastrukturës dhe Transportit ka bërë të ditur se po vazhdojnë punimet për rehabilitimin e skarpateve në autostradën “Ibrahim Rugova”.

Sipas ministrisë, punimet janë duke u zhvilluar sipas planit dhe synojnë rritjen e sigurisë në komunikacion, si dhe mbrojtjen e infrastrukturës rrugore.

“Punimet për rehabilitimin e skarpateve po vazhdojnë sipas planit, me qëllim të rritjes së sigurisë në komunikacion dhe mbrojtjes së infrastrukturës rrugore”, thuhet në njoftimin e Ministrisë./A.K/

Continue Reading

Lajmet

Dy persona dyshohen se keqpërdorën kartelën bankare, bënë blerje rreth 200 euro

Published

31 minutes ago

on

July 17, 2026

By

Policia e Kosovës ka iniciuar një rast për shpërdorim të pasurisë së huaj, pasi dy persona dyshohet se kanë përdorur një kartelë bankare të gjetur për të kryer blerje.

Sipas raportit 24-orësh të Policisë, rasti ka ndodhur të enjten rreth orës 14:10 në rrugën “Adem Mikullovci” në Mitrovicën e Veriut.

Ankuesja ka raportuar se i kishte humbur kartela bankare, ndërsa përmes saj ishin kryer disa blerje.

Pas veprimeve hetimore, policia identifikoi dy të dyshuar, të cilët gjatë intervistimit pranuan se e kishin gjetur kartelën dhe e kishin përdorur për të blerë artikuj në vlerë rreth 200 euro.

Me konsultim të prokurorit është iniciuar rasti, ndërsa pas intervistimit të dyshuarit janë liruar në procedurë të rregullt./A.K/

Continue Reading

Të kërkuara