Lajmet

Kërcënimet e deputetëve të AAK’së, Gjini mohon se është folur dalja nga koalicioni

Published

6 years ago

on

Nënkryetari i AAK’së, Ardian Gjini pas mbledhjes në parti ka thënë se sot nuk kanë diskutuar për mundësinë e daljes nga koalicioni me LDK’në e Nismën, raporton Gazeta Express.

Gjini thotë se e vetmja pikë që i ndanë me partinë e Isa Mustafës është dialogu, e se thotë se këtë do ta shqyrtojnë edhe njëherë në parti.

“Ne si Aleancë i përshëndesim të arriturat që i kemi para vetes pas marrëveshjes në Shtëpinë e Bardhë dhe falënderojmë për arritjen në këtë pikë. Ne mendojmë që dialogun si proces ta shohim edhe njëherë disa detaje do të insistojmë që të shihen edhe njëherë. Kemi kërkuar që të arrihet më shumë në dialog, e kemi ditë si pikë do të jetë njohja e ndërsjellë, pikë e cila është hjekë, ne mendojmë që duhet të jetë kjo pikë sepse është qenësore”, thotë ai, duke shtuar se Kosova në këtë proces duhet të jetë më e përgatitur.

“Ne dhe kryetari i Haradinaj mendojmë se duhet ta shohim procesin e dialogut, jemi të bindur se do të kemi edhe faza të tjera dhe Kosova duhet të jetë më përgatitur.

E vetmja pikë që është diskutuar dhe është diskutabile në koalicion me LDK’në është dialogu, pika tjerat nuk munden me shkaktu problem.

Do të ketë raund tjetër në Bruksel, dje ka qenë takim i formatit tjetër, nuk kemi diskutu për dalje, edhe pse ka pas deputet e anëtarë që kanë deklaru se mund të ketë veprime të tilla, po sot nuk kemi diskutu. Nëse ka diçka që shkakton problem edhe procesi i dialogut”, ka shtuar ai.

Gjini ka kërkuar që serioziteti në dialog të jetë maksimal, pasi që shton se pasojat për Kosovën mund të jenë fatale.

“Serioziteti duhet të jetë maksimal, pavarësisht të qenit në qeveri me shumë seriozitet do ta kishim marrë këtë proces sepse mund të sjellin dëme të pariparueshme ose nëse jemi serioz suksese për Kosovën. Dialogu dhe procesi i dialogut janë pika më e ndishme në këtë fazë, nëse ne do të kuptojmë që ka problem në këtë fazë me siguri do të mblidhemi”, shton ai.

Numri dy në AAK ka treguar para gazetarëve edhe prapavijën e diskutimit Hoti – Haradinaj – Mustafa dhe përplasjen që kanë pasur për pikën ku flitej për Ujmanin.

“Gjatë komunikimit të kryeministrit Hoti dhe ministrit Selimi me kryetarin Haradinaj unë kam qenë në tavolinë me të, ai ka treguar se nëse Serbia mbetet palë me Ujmanin atëherë do të largohen AAK’ja menjëherë nga Qeveria duke thënë se nuk do të mund të kenë marrëveshje tripalëshe. Kryeministri Mustafa ka qenë në komunikim, e di që edhe ai e ka nda të njëjtin mendim, është dashtë me shku deri në atë fazë me tregu që kjo pikë nuk mund të mbetet ashtu si është”, ka thënë Gjini./GazetaExpress

Related Topics:
Continue Reading

Lajmet

Arrestohet një person në Mitrovicë, sulmoi policët dhe kanosi me vrasje

Published

16 minutes ago

on

June 19, 2026

By

Një person është arrestuar në Mitrovicën e Jugut, pasi dyshohet se ka sulmuar një qytetar dhe më pas disa zyrtarë policorë.

Sipas raportit 24-orësh të Policisë së Kosovës, i dyshuari, mashkull kosovar, në gjendje të dehur kishte goditur një person tjetër, duke i shkaktuar lëndime trupore.

Gjatë arrestimit në vendin e ngjarjes, i dyshuari ka sulmuar një zyrtar policor. Sulmet kanë vazhduar edhe në stacionin policor dhe më pas në spital, ku ai dyshohet se ka sulmuar edhe dy zyrtarë të tjerë policorë, ndërsa i ka kanosur verbalisht me vrasje.

Po ashtu, ai ka dëmtuar motoçikletën e viktimës dhe një veturë tjetër.

Si pasojë e incidentit, tre zyrtarë policorë dhe viktima kanë pranuar trajtim mjekësor. Pas trajtimit mjekësor, me vendim të prokurorit, i dyshuari është dërguar në mbajtje.

/A.K/

Continue Reading

Lajmet

Arrestohet një person në Qendrën Korrektuese të Dubravës, dyshohet se tentoi të fuste drogë për një të burgosur

Published

18 minutes ago

on

June 19, 2026

By

Një person është arrestuar në Qendrën Korrektuese të Dubravës, pasi dyshohet se ka tentuar të fusë substanca narkotike gjatë një vizite.

Sipas raportit 24-orësh të Policisë së Kosovës, oficerët korrektues kanë vërejtur lëvizje të dyshimta mes një të burgosuri dhe një vizitori, të dy meshkuj kosovarë, në sallën e vizitave.

Gjatë kontrollit të të burgosurit është gjetur dhe konfiskuar një sasi e substancës së dyshuar narkotike të llojit marihuanë, me peshë rreth 10 gramë. Dyshohet se substanca i ishte dorëzuar nga vizitori.

I dyshuari është arrestuar dhe, pas intervistimit, me vendim të prokurorit është dërguar në mbajtje për procedura të mëtejshme hetimore.

/A.K/

Continue Reading

Lajmet

Vdes një i burgosur në Burgun e Dubravës, trupi dërgohet për obduksion

Published

19 minutes ago

on

June 19, 2026

By

Një person që po vuante dënimin në Burgun e Dubravës ka ndërruar jetë gjatë ditës së enjte.

Sipas raportit 24-orësh të Policisë së Kosovës, viktima, mashkull kosovar, fillimisht është dërguar në qendrën mjekësore të burgut dhe më pas në Spitalin e Pejës, ku mjekët kanë konstatuar se ai ishte pa shenja jete.

Lidhur me rastin është njoftuar prokurori kujdestar, i cili ka urdhëruar inicimin e rastit.

Trupi i pajetë është dërguar në Institutin e Mjekësisë Ligjore për obduksion, ndërsa hetimet lidhur me rrethanat e vdekjes janë duke vazhduar.

/A.K/

Continue Reading

Lajmet

Vrasje e rëndë në tentativë në Prishtinë, dy persona të plagosur

Published

23 minutes ago

on

June 19, 2026

By

Dy persona kanë mbetur të plagosur si pasojë e një incidenti me armë zjarri që ka ndodhur në rrugën “Papa Gjon Pali” në Prishtinë.

Sipas raportit 24-orësh të Policisë së Kosovës, rasti është cilësuar si “Vrasje e rëndë në tentativë”. Dy viktima meshkuj kosovarë kanë pësuar lëndime trupore, pasi dyshohet se janë sulmuar nga një i dyshuar mashkull kosovar me armë zjarri.

Policia ka arritur ta lokalizojë të dyshuarin, i cili kishte pësuar plagë në këmbë dhe është dërguar për trajtim mjekësor në QKUK. Nën mbikëqyrje policore në QKUK po qëndrojnë njëri nga të lënduarit dhe i dyshuari.

Sipas mjekëve, njëra nga viktimat ndodhet në gjendje të rëndë shëndetësore.

Në vendin e ngjarjes kanë dalë njësitë relevante policore, të cilat kanë kryer ekzaminimet e nevojshme dhe kanë konfiskuar veturën në të cilën dyshohet se ka ndodhur rasti.

Me vendim të prokurorit, i dyshuari është ndaluar për 48 orë.

/A.K/

Continue Reading

Të kërkuara