Kronika e zezë

Keqpërdorimi i ambulancave nga Serbia, kapet një që i takon strukturave ilegale me narkotikë

Përdorimi i ambulancave për qëllime kriminale ishte bërë nga serbët edhe vitin e kaluar në veri të Kosovës.

Publikuar

2 javë më parë

më

Serbia është ende duke përdorur ambulancat për qëllime kriminale dhe terroriste. 

Mediat serbe kanë raportuar se një ambulancë është ndaluar duke transportuar narkotikë.

Ambulanca dyshohet se i takon strukturave ilegale të Serbisë në veri të Kosovës, shkruan Geopost.

Përdorimi i ambulancave për qëllime kriminale ishte bërë nga serbët edhe vitin e kaluar në veri të Kosovës.

Organizata terroriste “Severna Brigada” kishte transportuar armë në ambulanca për të sulmuar institucionet e Kosovës dhe paqeruajtësit e NATO-s.

Mbi këtë çështje pati ngritur alarmin edhe deputetja britanike Alicia Kearns. Ajo kishte thënë se ka armë që po kontrabandohen nga Serbia në Kosovë.

Sipas saj, armët janë transportuar me autoambulanca dhe janë dërguar në kishat ortodokse.

Kearns ka thënë se për këto aktivitete kriminale të strukturave serbe në Kosovë kanë qenë në dijeni edhe ushtarët e KFOR-it nga Britnaia.

“Qeveria është e vetëdijshme, me Fusilierët [regjiment ushtarak britanik] që sapo janë kthyer nga shërbimi në KFOR, se ka armë që kontrabandohen përtej kufirit nga Serbia në kishat ortodokse me ambulanca. Kur trupat tona janë vënë në dijeni për këtë dhe janë përpjekur të marrin leje për të shkuar dhe për t’i marrë ato, procesi i lejes zgjati shumë. Në momentin kur kishte leje– ndodhi e papritura– një ambulancë veçse kishte shkuar në kishë dhe i kishte nxjerrë jashtë përsëri të gjitha armët”, ka thënë atëherë Kearns.

Etiketa
Vazhdo të lexosh

Kronika e zezë

Arrestohen dy të dyshuar në Gjakovë, u kapën me drogë

Të dyshuarit janë ndaluar për 48 orë.

Publikuar

10 orë më parë

më

27 Shtator, 2023

nga

Zyrtarët policorë në Gjakovë kanë ndaluar S.K. dhe atij i është gjetur një sasi e substancës narkotike, që dyshohet të jeta marihuanë.

Më pas, Policia e ka kontrolluar banesën e tij, ku jetonte edhe S.L. Aty janë gjetur lëndë narkotike, fara kanabisi, peshore, pesë telefona dhe një thikë.

Pesha e përgjithshme e lëndës narkotike që dyshohet të jetë marihuanë është 30,88 gr dhe 1.04 gr fara të kanabisit.

Të dyshuarit janë ndaluar për 48 orë.

Vazhdo të lexosh

Kronika e zezë

Kapet me narkotikë një person në Pallatin e Drejtësisë

Tek i njëjti janë gjetur dhe konfiskuar shtatë qese të vogla me substancë të dyshuar narkotike të llojit kokainë.

Publikuar

17 orë më parë

më

27 Shtator, 2023

nga

Është arrestuar një person në Pallatin e Drejtësisë pasi u kap me drogë.

Tek i njëjti janë gjetur dhe konfiskuar shtatë qese të vogla me substancë të dyshuar narkotike të llojit kokainë në peshë të përgjithshme 5 gramë. Në konsultim me prokurorin është bastisur edhe shtëpia e të dyshuarit, por nuk është gjetur diçka e dyshuar.

“Pallati i Drejtësisë, Prishtinë 16.09.202 – 03:10. Është arrestuar i dyshuari mashkull kosovar pasi që tek i njëjti janë gjetur dhe konfiskuar 7 qese të vogla me substancë të dyshuar narkotike të llojit kokainë në peshë të përgjithshme 5 gramë. Në konsultim me prokurorin, është bastisur edhe shtëpia e të dyshuarit, por nuk është gjetur diçka e dyshuar. Pas intervistimit, me vendim të prokurorit i dyshuari është dërguar në mbajtje”, thuhet në njoftimin e policisë.

Vazhdo të lexosh

Kronika e zezë

Kosovares ia djegin veturën me targa të Serbisë në Leposaviq

Njësitet policore janë duke hetuar rastin.

Publikuar

17 orë më parë

më

27 Shtator, 2023

nga

Është djegur një veturë me targa të Serbisë në Leposaviq. Lajmi në polici është lajmëruar nga një grua kosovare.

Lidhur me rastin është informuar edhe prokurori, ndërsa njësitet policore janë duke hetuar rastin.

“Leposaviq, 26.09.2023 – 00:00. Ankuesja femër kosovare ka raportuar, se dy persona të panjohur  i kanë djegur veturën (me targa të Serbisë) të cilën e kishte të parkuar para shtëpisë. Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në njoftim.

Vazhdo të lexosh

Kronika e zezë

Tentim vrasje në Prishtinë

Hetimet po vazhdojnë.

Publikuar

2 ditë më parë

më

26 Shtator, 2023

nga

Një person është duke u trajtuar në QKUK, pasi që dyshohet se ndaj të njëjtit pas një mosmarrëveshje verbale, një i panjohur ka shtënë me armë zjarri dhe si pasojë ka pësuar lëndime në dorë.

Rasti ka ndodhur mbrëmë në Prishtinë dhe është njoftuar prokurori, ndërsa hetimet po vazhdojnë.

Vazhdo të lexosh

Të kërkuara