

Sport
Keane me kritika të ashpra për Tottenhamin dhe Kane pas humbjes ndaj Chelsea-t
Published
4 years agoon
By
UBT newsLegjenda e Manchester Unitedit, Roy Keane, e ka kritikuar ashpër Tottenhamin për, siç tha, mungesë të dëshirës në humbjen e thellë 3:0 kundër Chelseat në shtëpi të dielën.
Thiago Silva, N’golo Kante dhe Antonio Rudiger shënuan nga një herë në pjesën e dytë në Tottenham Hotspur Stadium për t’ia siguruar Chelseat fitoren e katërt në pesë ndeshje e para në Premierligë, raporton Gazeta Express.
Chelsea e mbizotëroi plotësisht rivalin e vet londinez, megjithëse iu desh kohë për ta thyer akullin dhe për ta arritur fitoren e lehtë në fund.
Keane mbeti i tronditur nga paraqitja e Tottenhamit në pjesën e dytë, duke e quajtur ndeshjen “burrave kundër djemve”.
Ish-ylli i Republikës së Irlandës e kritikoi edhe kapitenin Harry Kane, veçanërisht për gjuhën e tij trupore.
“Burrat kundër djemve, nuk mund ta besoj sa të dobët ishin Spurs”, tha Kane për Sky Sports.
“Ndodh kur nuk është dita juaj dhe humb ndaj një ekipi cilësor, por mungesa e dëshirës, posaçërisht në pjesën e dytë dhe golat e fundit. Ndeshja zgjat 90 minuta dhe ideja se ekipi ka luajtur mirë për 45 minutat e parë, nuk ka fare rëndësi”, shtoi ai.
“U zemërova duke e shikuar Tottenhamin sot. Sa i përket dëshirës për ta fituar një ndeshje futbolli, lojtarët e Tottenhamit nuk i kryenin sot as detyrat themelore të një ndeshje futbolli. Përfshirë Kane, gjuha e tij trupore dhe paraqitja sot, o Zot!”
Lajmet
Carragher: Salah nuk duhet të jetë titullar në çdo ndeshje
Published
3 hours agoon
October 20, 2025By
UBT News
Forma e dobët e Mohamed Salah ka ngritur shqetësime te Liverpooli sepse legjenda e klubit, Jamie Carragher, tha se egjiptiani nuk duhet të jetë automatikisht titullar në ndeshjet jashtë fushe, pas humbjes 2-1 ndaj Manchester United në Anfield.
Salah, 33 vjeç, nuk ka shënuar asnjë gol (pa penallti) në shtatë ndeshje dhe humbi një rast të artë në derbin me United.
“Ai duhet të luajë në Anfield, por jashtë fushe nuk është më i domosdoshëm. Me formën që ka, ndoshta duhet të pushojë,” tha Carragher.
Liverpooli ka pësuar katër humbje radhazi, tre në Premier League dhe një në Ligën e Kampionëve pavarësisht investimit prej 446 milionë paundësh në merkato.
Carragher shtoi se trajneri Arne Slot duhet ta ndërtojë skuadrën rreth Alexander Isak dhe Florian Wirtz.
“Ata janë e ardhmja, kanë moshë dhe potencial, ndryshe nga Salah,” përfundoi ai.
Liverpooli renditet i katërti në Premier League me 15 pikë, katër më pak se lideri Arsenal./S.K/KP/Sky Sports/
Lajmet
Kosova në qendër të basketbollit evropian, Dushku: Po ndërtojmë të ardhmen e basketbollit
Published
4 hours agoon
October 20, 2025By
UBT News
Sekretarja e përgjithshme e Federatës së Basketbollit të Kosovës, Elvira Dushku, ka vlerësuar lart vizitën e zyrtarëve më të lartë të basketbollit evropian në Kosovë, duke e cilësuar atë si një dëshmi të besimit që FIBA Evropa ka ndaj punës dhe përkushtimit të FBK-së në zhvillimin e sportit të koshit në vend.
Krerët e FIBA Evropës qëndruan në Kosovë për eventin e FIBA U14 Get Together dhe FIBA Europe Youth Cimmision Meeting, me atë se vlerësuan lartë punën e FBK-s që po bën në zhvillimin e basketbollit, sidomos me gjeneratat e reja.
“Për Federatën e Basketbollit të Kosovës këto dy evente ndahen ne dy pjesë: e para është diplomacia sportive, ardhja e presidentit të FIBA Evropës Jorge Garbajosa brenda dy apo tre muajve për herën e dytë do të thotë shumë edhe së bashku me sekretarin e përgjithshëm apo drejtorin ekzekutiv të FIBA Evropës Kamil Novak tregon që ata me të vërtetë e vlerësojnë punën që e bënë Federata e Basketbollit të Kosovës edhe dëshmia më e mirë e krejt kësaj është fakti që kur kemi aplikuar pr herë të parë për këto dy organizime, pra për FIBA U14 Get Together dhe FIBA Europe Youth Cimmision Meeting, të dy këto shkojnë bashkë, atëherë ata pa hezitim bordi i FIBA Evropës e ka miratuar kërkesën tonë pa hezitim”, theksoi Dushku.
Dushku foli edhe për drejtimin që federata do të ndjekë në vitet e ardhshme, duke theksuar se përparësi do të ketë puna me grupmoshat e reja dhe zhvillimi i talenteve.
“Për ne është shumë e qartë, në strategjinë e re 2026/30 të cilën jemi duke e finalizuar me FIBA Botën është shumë e qartë që fokusi do të jetë në zhvillimin e gjeneratave të reja, identifikimin e talentëve dhe këtë normalisht që do ta bëjmë së bashku me ekspertët e FIBA-s, këta që janë këtu në këtë event por edhe të tjerët që do të na bashkohen gjatë rrugëtimit. Unë si sekretare e përgjithshme këto ditë jam shumë e emocionuar sepse t’i sjellim këto dy evente në Kosovë është një arritje shumë e madhe”, tha më tutje Dushku.
Sekretarja e përgjithshme e FBK-së e ka cilësuar Ministrinë e Kulturës, Rinisë dhe Sportit si partner strategjik në rrugëtimin zhvillimor të basketbollit kosovar, duke theksuar se mbështetja institucionale është thelbësore për realizimin e planit strategjik të ardhshëm.
Në fund, Dushku theksoi se përmes organizimit të eventeve për grupmoshat e reja, federata po përgatitet për qëllimin madhor- sjelljen e një turneu të madh ndërkombëtar në Kosovë në të ardhmen e afërt.
“Është e rëndësishme që të gjitha këto organizime që jemi duke i bërë të gjeneratave të reja është ideja për të fituar eksperiencë dhe për ta arritur qëllimin kryesor që është organizimi i një grupi, çoftë te meshkuj, çoftë te femrat. Kështu që besoj fuqishëm që pasi të fillojmë puna për ndërtimin e infrastrukturës ose modernizimin e infrastrukturës për Lojërat Mesdhetare, është shumë e qartë se deri në vitin 2030 do ta kemi një palestër të madhe edhe disa palestra të rregulluara kështu që Qipro çfarë ka treguar këtë verë duke organizuar një grup shumë të madh me shtete shumë të mëdha, ata kanë treguar se me një organizim të tillë edhe me një mobilizim të shtetit, federatës dhe qeverisë lokale atëherë gjithçka është e mundur”, tha në fund Dushku./S.K/KP/
Lajmet
Suedia zyrtarisht emëron trajnerin e ri
Published
5 hours agoon
October 20, 2025By
UBT News
Federata Suedeze e Futbollit ka zyrtarizuar emërimin e Graham Potter si trajner të ri të kombëtares së meshkujve. Ai do ta zëvendësojë Jon Dahl Tomasson, i cili u shkarkua pas vetëm një pike në katër ndeshjet e para të kualifikimeve për Kupën e Botës 2026, duke përfshirë dy humbjet nga Kosova.
Potter do ta marrë drejtimin e ekipit që nga 20 tetori dhe do të udhëheqë Suedinë në ndeshjet e nëntorit ndaj Zvicrës dhe Sllovenisë.
Kontrata e tij do të zgjasë gjatë kualifikimeve dhe do të rinovohet automatikisht nëse Suedia siguron pjesëmarrjen në fazën finale të Botërorit.
“Jam shumë i nderuar dhe i motivuar për këtë detyrë. Suedia ka lojtarë të shkëlqyer dhe synimi ynë është të arrijmë në Kupën e Botës,” deklaroi Potter.
Trajneri anglez 50-vjeçar ka një njohje të mirë të futbollit suedez, pasi ka drejtuar me sukses Östersunds FK nga viti 2011 deri në 2018, përpara se të kalonte në klube angleze si Swansea, Brighton, Chelsea dhe West Ham./S.K/KP/
Lajmet
Juventusi identifikon zëvendësuesit e Tudor
Published
5 hours agoon
October 20, 2025By
UBT News
Igor Tudor vazhdon ende si trajner i Juventusit, por pozita e tij është në rrezik pas humbjes së parë të sezonit ndaj Comos. Dy ndeshjet e ardhshme, kundër Real Madridit në Ligën e Kampionëve dhe Lazios në kampionat, pritet të jenë vendimtare për të ardhmen e kroatit në stol.
Drejtuesit e klubit po shqyrtojnë disa emra të njohur si zëvendësues të mundshëm, ku në listë janë Roberto Mancini, Luciano Spalletti dhe Raffaele Palladino, ndërsa një opsion mbetet edhe rikthimi i Thiago Mottas thuhet sipas “Gazzetta dello Sport”.
Ndërkohë “Tuttosport” shton kandidatët gjermanë Edin Terzic dhe Marco Rose.
Raportohet se ditët e fundit Tudor është takuar me menaxherin e përgjithshëm Damien Comolli për të diskutuar mbi ecurinë e skuadrës dhe ndryshimet e mundshme taktike. Megjithatë, marrëdhëniet mes trajnerit dhe drejtuesve nuk duken të mira, pasi palët kanë pikëpamje të ndryshme mbi mënyrën e lojës dhe drejtimin e ekipit.
Tudor do të ketë shansin e fundit për të bindur klubin në përballjet e radhës, që mund të përcaktojnë fatin e tij në Torino./S.K/KP/Gazzetta dello Sport/

Si të zgjidhni mandarinat më të ëmbla dhe më të lëngshme

Armëmbajtje pa leje dhe gjueti e kundërligjshme, tre të arrestuar në Zubin Potok

KQZ i afrohet shpalljes së rezultateve përfundimtare

Fatmir Sheholli, i dyshuar për spiunazh, kthehet në paraburgim pas trajtimit në spital

Ndërprerje e madhe globale prek Google, Snapchat, Canva e dhjetëra platforma tjera

Pse duhet t’i lini gjethet në oborr? Truku i thjeshtë që ndihmon natyrën dhe xhepin tuaj

Zelensky i gatshëm t’i bashkohet bisedimeve Trump-Putin

Basha i rezervuar, Haxhiu thotë se Kuvendi është konstituar dhe pritet votimi i qeverisë

Callum Turner zbulon detaje nga lidhja me Dua Lipën: Takimi i parë ishte si në film
Të kërkuara
-
Vendi2 months ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Lajmet3 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Rajoni4 weeks ago
Policia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet nga UBT1 month ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën