Aktualitet

KCSF nis dialogun për angazhim qytetarë në Kosovë

Drejtori i KCSF-se ka treguar më shumë për këtë program, teksa tha se nuk ka shoqëri civile pa njerëzit dhe komunitetet.

Publikuar

2 vjet më parë

më

Fondacioni Kosovar për Shoqëri Civile (KCSF), dhe misioni i USAID në Kosovë, kanë nisur sot një dialog mbarëkombëtar në kuadër të Programit për Angazhim Qytetar, dialog i cili ka filluar në rajonin e Prizrenit dhe do të vazhdojë në shtatë rajone të tjera në Kosovë.

Në ngjarjen e parë publike që u mbajt sot, për lansimin e këtij programi, qytetarë, përfaqësues nga sektori privat, institucioneve publike dhe organizatave të shoqërisë civile nga Prizreni, Malisheva, Suhareka, Mamusha dhe Dragashi, u mblodhën në Kinema “Lumbardhi”, për të diskutuar mbi mundësitë e angazhimit dhe veprimeve të përbashkëta për të ndërtuar komunitete më të fuqishme dhe mjedise më të mira jetese për qytetarët që jetojnë në këtë rajon.

Drejtori ekzekutiv i KCSF-së, Taulant Hoxha, ka treguar më shumë për këtë program, teksa ka thënë se nuk ka shoqëri civile pa njerëzit dhe komunitetet.

Sipas tij, programi do të zgjasë pesë vite, ku do të punohet për krijimin e hapësirave publike që të krijohet bashkëpunim brenda sektorit të shoqërisë civile dhe me sektorët e tjerë.

“Sot bashkë me USAID-in, e filluam një dialog me qytetarët e Kosovës se si duhet përmirësuar angazhimin qytetar në jetën publike. Programi për angazhim qytetar është një program që ka filluar në muajin gusht të vitit të kaluar dhe do të zgjasë për pesë vite, i financuar nga USAID, që do të punojë për krijimin e hapësirave, mjeteve dhe ambientit të përshtatshëm ligjor që qytetarët të angazhohen në shoqëri civile dhe me jetën publike që të krijohet bashkëpunim brenda sektorit të shoqërisë civile, e sidomos me sektorët e tjerë dhe gjithashtu për të siguruar modele të qëndrueshme të shoqërisë civile përtej financimit, prej donatorëve ndërkombëtar. Sot ka pasur pjesëmarrje shumë të mirë prej aktivisteve të qytetit të Prizrenit, organizatave të shoqërisë civile, institucioneve komunale të gjithë rajonit jo vetëm të qytetit të Prizrenit por edhe të Dragashit, Suharekës, Malishevës dhe Komunës së Mamushes”, tha ai.

James Evans Butler, ushtrues i funksionit të drejtorit të Zyrës për Demokraci dhe Qeverisje në USAID në Kosovë, ka thënë se Programi për Angazhim Qytetar përfaqëson një qasje të re të USAID në mënyrën se si mbështet dhe angazhohet me shoqërinë civile, ndërsa ka shtuar se kjo është mundësi e mirë që së bashku të bëhet një mësim interaktiv.

“E kemi një histori të gjatë të mbështetjes në Kosovë, mirëpo kjo histori ka qenë më shumë në përpjekjeje të avokimit, ndërsa qasja jonë e re është përkrahja në mbështetjen e qëndrueshmërisë në shoqërinë civile…Ne dëshirojmë të propozojmë edhe mënyra të tjera të angazhimit, meqë edhe ne jemi duke shikuar në rritjen e mundësisë që të përfshihet me qeverinë dhe sektorin privat…Është një mundësi për ne që së bashku të bëjmë një mësim interaktiv me gjithë ju”, tha ai.

Programi për Angazhim Qytetar është një iniciativë pesëvjeçare e zbatuar nga KCSF në partneritet me USAID-in në Kosovë. Qëllimi kryesor i këtij partneriteti është të nxisë një kulturë aktivizimi që e bën jetën në lagjet dhe qytetet tona më të mirë, më të kujdesshme dhe kuptimplotë. Nëpërmjet punës së tij, Programi për Angazhim Qytetar do të realizohen një numër i aktiviteteve të bazuara në tre shtylla thelbësore: Angazhimin e komunitetit, besimin ndërshoqëror dhe zgjerimin e mobilizimin e burimeve.

Etiketa
Vazhdo të lexosh

Aktualitet

Qeveria mban mbledhje elektronike

Merr dy vendime.

Publikuar

5 ditë më parë

më

23 Prill, 2024

nga

Qeveria e Kosovës ka zhvilluar sot një mbledhje elektronike, në të cilën ka marrë dy vendime.

Sipas njoftimit të Zyrës së Kryeministrit, Qeveria ka miratuar Projektligjin për Ratifikimin e Amendamentit të Marrëveshjes për Themelimin e Bankës Evropiane për Rindërtim dhe Zhvillim (“Marrëveshja”) – Neni 1.

Qeveria po ashtu ka themeluar Komisionin e Pranimit për pozitën e Sekretarit të Përgjithshëm të Ministrisë së Punëve të Jashtme dhe Diasporës, sipas konkursit të shpallur me datën 14.03.2024.

Vazhdo të lexosh

Aktualitet

Rama nis vizitën zyrtare në Paris, takim ‘kokë më kokë’ me presidentin Macron

Vizita bëhet me ftesë të presidentit Macron.

Publikuar

3 javë më parë

më

11 Prill, 2024

nga

Kryeministri Edi Rama nisi sot një vizitë zyrtare dyditore në Paris me ftesë të presidentit francez, Emmanuel Macron, ku do të zhvillojë një sërë takimesh të përqendruara kryesisht në promovimin e potencialeve dhe klimës pozitive që Shqipëria ofron për zhvillimin e investimeve të huaja, si dhe në perspektivën e bashkëpunimit mes dy vendeve në fushën e teknologjisë dhe inovacionit.

Konkretisht, ditën e premte në orën 8:30, kryeministri Rama do të zhvillojë një mëngjes pune me Unionin e Sipërmarrësve të Francës MEDEF, nën drejtimin e z. Jean-Paul Agon, president i grupit L’Oréal dhe i komitetit Francë-Shqipëri në MEDEF, me pjesëmarrjen e 35 përfaqësuesve të kompanive prestigjoze franceze, si dhe të ftuar të tjerë nga bota e biznesit. Gjatë takimit do të prezantohen disa nga fushat prioritare për investime në Shqipëri, me interes të ndërsjellë për të dy vendet dhe më pas kryeministri Rama do të zhvillojë takime individuale me drejtues të sipërmarrjeve pjesëmarrëse, shkruan Top chanel, transmeton KosovaPress.

Të premten, në orën 12:30, do të zhvillohet ceremonia zyrtare e mirëseardhjes, e më pas në orën 13.00, Kryeministri Rama do të mbërrijë në Pallatin Elysee, ku do të mikpritet nga Presidenti francez Emmanuel Macron me të cilin do të mbajnë edhe një deklaratë për shtyp.

Më pas, në praninë e Kryeministrit Edi Rama dhe Presidentit francez Macron do të nënshkruhen disa marrëveshje ndërqeveritare dhe memorandume mirëkuptimi mes vendeve.

Në orën 14:45, Kryeministri Edi Rama dhe Presidenti Francez Macron do të zhvillojnë një takim kokë më kokë mes tyre.

Axhenda do të vijojë në orën 16.00 me vizitën dhe takimet në STATION F, inkubatori më i madh në botë i startup-eve dhe inovacionit, si dhe me mbledhjen inauguruese të Këshillit të Inovacionit Francë-Shqipëri –CIFA, ku do të marrë pjesë edhe Sekretarja franceze e Shtetit për Industrinë Numerike, përfaqësues të ministrive franceze të Jashtme dhe të Ekonomisë, si edhe operatorë të ndryshëm franceze e shqiptarë në fushën e inovacionit.

Së bashku me Kryeministrin Rama pjesë e delegacionit qeveritar do të jenë Ministrja e Arsimit dhe Sportit Ogerta Manastirliu, Ministrja e Turizmit dhe Mjedisit Mirela Kumbaro, Ministri i Ekonomisë, Kulturës dhe Inovacionit Blendi Gonxhe, Ministri i Shtetit për Pushtetin Vendor Arbjan Mazniku, si dhe Ministrja e Shtetit për Administratën Publike dhe Antikorrupsionin Adea Pirdeni.

Vazhdo të lexosh

Aktualitet

​Vdes ish-gazetari Arben Rugova

AGK-ja i shpreh ngushëllime familjes, miqve dhe komunitetit. 

Publikuar

1 muaj më parë

më

19 Mars, 2024

nga

Asociacioni i Gazetarëve të Kosovës me pikëllim ka marrë lajmin për vdekjen e gazetarit, Arben Rugova. Në njoftim thuhet se ai ka punuar në sektorin e arsimit dhe të politikës në disa media si Koha Ditore, Gazeta Express, Telegrafi, Gazeta Lajmi e të tjera.

Rugova punonte së fundi si Zyrtar për Qasje në Dokumente Publike në Ministrinë e Jashtme dhe të Diasporës. Për vdekjen e gazetarit Rugova, kanë njoftuar familjarët e të ndjerit në rrjetet sociale.

AGK-ja i shpreh ngushëllime familjes, miqve dhe komunitetit.

Vazhdo të lexosh

Aktualitet

Shpërthim në Lushnjë: Raportohet një i vdekur e gjashtë të plagosur, mes tyre deputeti i PS

Gjashtë të plagosurit nga shpërthimi në Lushnjë janë nisur drejt spitalit të Traumës.

Publikuar

2 muaj më parë

më

1 Mars, 2024

nga

Një shpërthim i fuqishëm ka ndodhur në një magazinë në ndërtim në Lushnjë. Një person humbi jetën, shtetasi R.H. Gjithashtu raportohet për gjashtë persona janë plagosur, mes tyre edhe deputeti i PS, Bujar Çela.

Gjashtë të plagosurit nga shpërthimi në Lushnjë janë nisur drejt spitalit të Traumës.

Ministri i Brendshëm Taulant Balla ka mbërritur në spitalin e Lushnjës, ndërkohë që ende nuk dihet gjendja e të plagosurve. Ndërsa ajo që dihet deri më tani është se deputeti Bujar Çela po i nënshtrohet një ndërhyrje kirurgjikale. Në ndihmë po vijnë dhe mjekë nga spitali i Fierit dhe Beratit, bashkë me autoambulanca.

Ende nuk dihet shkaku i saktë i këtij shpërthimi, ndërsa dyshohet se gjatë punës në fabrikë, një vinç ka prekur linjën e tensionit të lartë dhe për rrjedhojë ka pasur një shpërthim.

Vazhdo të lexosh

Të kërkuara