Aktualitet

Katër viktima dhe 219 raste me COVID-19 në Maqedoninë e V.

Published

5 years ago

on

Maqedonia e Veriut ka shënuar rritje të raste të të infektuarve me koronavirus.

Instituti i Shëndetit Publik të enjten ka njoftuar për katër viktima dhe 219 të infektuar në 24 orët e fundit nga testimi i 4,713 mostrave. Sipas raportit, 30 persona janë shëruar nga infektimi.

Viktimat janë dy në Shkup (61 dhe 66 vjeç) dhe nga një në Tetovë (76) dhe Kërçovë (76).

Pas Shkupit numër më të madh të të infektuarve ka në qytetin e Tetovës.

105 pacientë me COVID-19 janë shtruar në Klinikën Universitare në Shkup dhe qytete të tjera, ka bërë të ditur Ministria e Shëndetësisë.

“Më 6 korrik, kishin gjithsej gjashtë raste të trajtimit në shtëpi, por tani në qytetin e Tetovës kemi rreth 220 persona të infektua që po shërohen nëpër shtëpitë e tyre. Kemi 30, 40 dhe të mërkurën madje 60 raste pozitive për shkak të mosrespektimit të masave dhe protokolleve. Infektimet janë kryesisht nga dasmat, festimet familjare dhe kontaktet”, ka bërë të ditur shërbimi epidemiologjik në Tetovë duke i bërë thirrje popullatës për vaksinim më masiv si zgjidhje e vetme për përballje me pandeminë.

Deri të mërkurën rreth 520 mijë persona janë vaksinuar në Maqedoninë e Veriut ndërsa rreth 400 mijë prej tyre me nga dy doza.

Ministri i Shëndetësisë Venko Filipçe, ka thënë se institucionet po shqyrtojnë mundësinë e aplikimit edhe të dozës së tretë, por se vendimi final për këtë do të merret pas analizave të detajuara dhe rekomandimeve të institucioneve ndërkombëtare mbi efektin e vaksinave.

Filipçe gjithashtu ka thënë se nga shtatori mund të aplikohen masa kufizuese për çdo person të pa vaksinuar, me qëllim të parandalimit të përhapjes së virusit por edhe të nxitjes së popullatës për t’u vaksinuar.

Që nga fillimi i pandemisë në Maqedoninë e Veriut janë regjistruar gjithsej 156,926 raste me COVID-19 dhe prej tyre 150,470 janë shëruar ndërsa 5,501 e kanë humbur jetën. Raste aktive janë 955 persona.

Related Topics:
Continue Reading

Lajmet

Humb jetën një person në Prishtinë, dyshohet se ra nga një objekt

Published

38 minutes ago

on

July 21, 2026

By

Një person ka humbur jetën në Prishtinë, pasi dyshohet se ka rënë nga një objekt në rrugën “Arshi Pipa”.

Sipas Policisë, në orën 23:00 është pranuar informata se një person ka rënë nga një lartësi. Si pasojë e lëndimeve të marra, viktima nuk ka arritur t’u mbijetojë plagëve.

Vdekja e tij është konstatuar në vendin e ngjarjes nga ekipi mjekësor.

Policia e Kosovës, në koordinim me Prokurorin e Shtetit, ka nisur hetimet dhe po ndërmerr të gjitha veprimet e nevojshme për sqarimin e rrethanave të rastit.

Burimi: KOHA.

D.L

Continue Reading

Lajmet

IHMK me paralajmërim për motin sot: Priten reshje shiu, rrufe e mundësi për breshër

Published

2 hours ago

on

July 21, 2026

By

Instituti Hidrometeorologjik i Kosovës (IHMK) njofton se gjatë ditës së sotme, më 21 korrik, mbi territorin e vendit do të mbajë mot me diell dhe vranësira të pjesshme.

Sipas parashikimit, gjatë orëve të mesditës dhe pasdites pritet zhvillim i vranësirave, të cila vende-vende do të sjellin reshje lokale shiu dhe shkarkesa rrufesh.

Në zona të izoluara nuk përjashtohet mundësia e rrebesheve më intensive, erërave të fuqishme dhe paraqitjes së breshrit.

“Reshjet do të kenë karakter lokal dhe nuk do të përfshijnë tërë territorin e vendit. Për këtë arsye, në disa rajone mund të ketë stuhi afatshkurtra, ndërsa në rajone të tjera moti do të mbetet kryesisht i thatë,” sqaron IHMK.

Temperaturat maksimale pritet të lëvizin ndërmjet 31°C dhe 33°C, ndërsa era do të fryjë nga veriperëndimi me intensitet të lehtë deri mesatar, e cila mund të fuqizohet përkohësisht në zonat me stuhi.

IHMK u rekomandon qytetarëve që të ndjekin përditësimet zyrtare dhe të tregojnë kujdes gjatë aktiviteteve në ambiente të hapura në rast të stuhive apo erërave të forta.

Continue Reading

Aktualitet

Ushtria e SHBA-së kryen sulme të reja ndaj Iranit

Published

2 hours ago

on

July 21, 2026

By

Ushtria amerikane njoftoi se ka ndërmarrë një rund tjetër sulmesh ndaj Iranit për të “dëmtuar më tej” aftësitë e tij për të sulmuar anijet në Ngushticën e Hormuzit.

Këto goditje – që shënojnë natën e dhjetë rresht të sulmeve – vijnë pasi Presidenti i SHBA-së, Donald Trump, u zotua të ndëshkojë Iranin për vrasjen e ushtarëve amerikanë.

Si përgjigje, Irani deklaroi se ka goditur dy anije nafte në këtë kalim detar, si dhe asete ushtarake amerikane në Bahrein, Kuvajt dhe Jordani, raportoi agjencia shtetërore e lajmeve IRNA.

Presidenti iranian, Masoud Pezeshkian, tha se Irani tashmë po përballet me një “luftë të plotë” me SHBA-në. Më herët, Trump kishte deklaruar se Irani u godit “shumë fuqishëm” gjatë natës paraprake “në nderim” të tre ushtarëve amerikanë të vrarë së fundmi – dy në Jordani dhe një në Irak.

Komanda Qendrore e SHBA-së (CENTCOM) tha se sulmet e saj më të fundit goditën “qendra të komandës ushtarake iraniane, kapacitete detare, vende të lëshimit të raketa e dronëve, si dhe sistema të mbrojtjes ajrore”.

Shpërthime u raportuan pranë qytetit veriperëndimor të Tabrizit, ku mediat shtetërore thanë se një person mbeti i vrarë dhe disa të tjerë u plagosën, si dhe në portet e Gjirit Persik në Bandar Mahshahr, Bandar Imam Khomeini, Chabahar dhe Konarak.

Pavarësisht kësaj, CENTCOM këmbënguli se anijet tregtare po vazhdojnë të kalojnë përmes Ngushticës së Hormuzit.

Nga ana tjetër, Irani pretendoi se forcat e tij goditën dy anije nafte që po tentonin të kalonin përmes asaj që e quajti “rrugë e pasigurt dhe e rrezikshme jugore” e ngushticës, me ekipet e shpëtimit që po evakuonin ekuipazhet e tyre.

Agjencia e Operacioneve të Tregtisë Detare të Mbretërisë së Bashkuar (UKMTO) njoftoi se një anije nafte në Ngushticën e Hormuzit kishte raportuar se u godit nga një projektil i panjohur, gjë që e detyroi ekuipazhin të braktiste anijen dhe të hipte në një varkë shpëtimi. Nuk është e qartë nëse kjo anije ishte mes atyre të përmendura nga Irani.

Gjithashtu, Korpusi i Gardës Revolucionare Islamike të Iranit (IRGC) pretendoi se ka goditur një qendër të të dhënave të kompanisë amerikane Amazon në Bahrein. Agjencia IRNA raportoi se IRGC “sulmoi dhe shkatërroi infrastrukturën qendrore të të dhënave të kompanisë Amazon me disa raketa me krahë”.

Jordanitë njoftuan se kishin penguar pesë dronë, pasi më parë kishte rrëzuar tre raketa. Bahreini bëri me dije se dronët iranianë kishin synuar sistemet e tij të navigimit ajror, por trafiku nuk u ndikua. Gjithashtu, forcat e armatosura të Kuvajtit njoftuan se kishin penguar dronë iranianë.

Pavarësisht përshkallëzimit, Teherani bëri të ditur se mesazhet diplomatike po vazhdojnë të shkëmbehen mes dy palëve përmes ndërmjetësve.

Departamenti i Mbrojtjes i SHBA-së konfirmoi identitetin e dy ushtarëve amerikanë të vrarë gjatë fundjavës në bazën Muwaffaq Salti në Jordani: ushtarja Isabella Gonzales, 19 vjeç nga Teksasi, dhe lejtanti Tyler James Feehan, 25 vjeç nga Havai. CENTCOM tha se një pjesëtar i tretë i shërbimit u deklarua fillimisht i humbur, por mbetjet e tij u gjetën më vonë në zonë. /BBC/

Continue Reading

Lajmet

ESTOFEX vendos Kosovën në nivelin më të lartë të rrezikut për stuhi dhe breshër të madh

Published

2 hours ago

on

July 21, 2026

By

Kosova është përfshirë në zonën me nivelin më të lartë të rrezikut (Niveli 3) sipas parashikimit të publikuar nga Qendra Evropiane për Parashikimin e Stuhive (ESTOFEX). Ky alarm paralajmëron mundësinë e motit ekstrem gjatë të martës dhe në orët e para të së mërkurës.

Sipas ESTOFEX-it, niveli 3 është shpallur për pjesë të Italisë, Kroacisë jugore, Bosnjës, Malit të Zi dhe Kosovës, kryesisht për shkak të rrezikut nga breshëri i madh, erërat shkatërruese dhe, në raste të izoluara, tornadot. Meteorologët theksojnë se situata atmosferike mund të sjellë një nga episodet më të fuqishme të motit ekstrem këtë verë në rajon.

Në analizën e tyre thuhet se stuhitë e formuara mbi Detin Adriatik mund të lëvizin drejt Ballkanit dhe të ruajnë intensitetin e tyre edhe mbi territorin e Kosovës, ku aktiviteti mund të vazhdojë deri në orët e vona të natës.

Megjithatë, ekspertët sqarojnë se Niveli 3 nuk do të thotë se çdo zonë do të goditet nga fenomene të rënda, por se kushtet atmosferike janë shumë të favorshme për zhvillimin e stuhive të fuqishme. Qytetarëve u rekomandohet të ndjekin paralajmërimet zyrtare dhe të shmangin qëndrimin në ambiente të hapura gjatë stuhive. /E.A/

 

 

Continue Reading

Të kërkuara