Kulturë

Katër shenja se është koha ta lini punën

Kërkimi për një punë të re, na frikëson gjithmonë.

Published

5 years ago

on

“A është koha e duhur që të ndryshoj vendin e punës”? Kjo është pyetja që shumë shpesh na lind brenda vetes. Njerëzit janë gjithmonë në kërkim të një pozicioni të ri pune, normalisht më të mirë se ai që ushtrojnë. Të kërkosh rritjen tënde në karrierë, përkthehet në një besim në vetvete dhe dëshirë për rritje njëkohësisht.

Kërkimi për një punë të re, na frikëson gjithmonë. Të tilla, të frikshme, janë pjesa më e madhe e ndryshimeve. Njerëzit nuk besojnë se mund të marrin diçka më të mirë, ose kanë frikë se angazhimi tjetër do të jetë i tmerrshëm. Me pak fjalë, kanë frikë të marrin një vendim që lidhet me ndryshimet.Për shkak të kësaj, ata nuk i shohin sinjalet e qarta se diçka në punën që po bëjnë është e gabuar dhe zgjedhin të qëndrojnë në të, në vend që të gjejnë diçka që u shkon më shumë për shtat. Por nëse puna nuk ju jep më entuziazëm, nëse po sjell negativitet në jetë, nëse nuk ju bën të lumtur, ka ardhur momenti që të bëni një ndryshim.

Për shkak të kësaj, shumë njerëz humbasin shenjat e qarta se diçka nuk është në rregull me punën që ata bëjnë, dhe ata zgjedhin të qëndrojnë aty, në vend se të gjejnë një përshtatje më të mirë. Por nëse puna juaj nuk po sjell rezultatin e dëshiruar tek ju dhe po bëhet toksike, atëherë është koha për të bërë një ndryshim.

Përqëndrohuni në kërkimet tuaja dhe mësoni nga përvojat e së kaluarës, në mënyrë që ata të mos përsëriten më. Nëse po “luftoni” se edhe sa duhet të qëndroni dhe se kur të ikni, më poshtë janë katër shenja të mjaftueshme dhe të qarta që tregojnë se largimi do të ishte zgjedhja më e mirë.Nëse puna juaj po sjell toksicitet në jetën tuaj, nëse jeni të pa vendosur nëse është koha e duhur për të lëvizur, në këtë artikull ju paraqesim 4 shenja të qarta që tregojnë se është koha për t’u larguar nga puna juaj momentale dhe të kërkoni atë që ju mendoni se meritoni.

Shenjat që ju tregojnë se është koha për të lënë punën tuaj:

Ju nuk mund t’i ndryshoni gjërat që ju sjellin pakënaqësi në punë – shefin tuaj, kulturën e punës apo projektet në të cilat jeni duke punuar.

Ju keni filluar të mbani shënim ditët gjatë të cilave keni qenë të mbingarkuar dhe pas disa muajsh monitorimi, numri i këtyre ditëve është më i madh se sa numri i ditëve gjatë të cilave ju jeni të entuziazmuar dhe energjik.

Ju jeni manipuluar që të besoni se nuk do të gjeni një punë më të mirë askund tjetër.

Kur ju bëni të ditur pakënaqësitë tuaja, ju bëhen thjesht oferta për më shumë para, por asgjë tjetër.

Nëse katër pikat e lartëpërmendura ju mundojnë prej kohësh, atëherë është koha për të filluar të bëni ndryshime në karrierën tuaj. Është koha të gjeni një punë që kur të ngriheni në mëngjes të shkoni plot emocione drejt saj.

Gjetja e një pune që është e përshtatshme për ju është një aftësi, dhe ju mund të argëtoheni më shumë duke mësuar atë me një ekspert që ju tregon rrugën. Mos lejoni që frika t’ju pengojë të zhyteni, thjesht sigurohuni që të merrni ndihmën, udhëzimin dhe mbështetjen e duhur.Nëse e bëni këtë, jo vetëm që do të shmangni zgjedhjen e një pune të gabuar, por edhe të bëheni të aftë në administrimin më të lehtë të tranzicioneve të tjera.

Related Topics:
Continue Reading

Lajmet

“WALL NOT I”, projekt artistik në Muzeun e Burgut të Prishtinës

Published

5 hours ago

on

October 16, 2026

By

Një ligjëratë performative dhe videoinstalacion i frymëzuar nga vepra e shkrimtarit Samuel Beckett do të prezantohet më 16 tetor në Muzeun e Burgut të Prishtinës – Burgu i Idealit.

Projekti “WALL NOT I”, i realizuar nga autori dhe përkthyesi Idlir Azizaj dhe artisti Mentor Berisha, nis në orën 19:00 dhe ndërthur ligjëratën, imazhin dhe videoinstalacionin për të eksploruar raportin mes trupit, hapësirës, kujtesës dhe rrëfimit.

Përmes dialogut mes veprës së Beckettit dhe historisë së Burgut të Idealit, projekti trajton temat e mbylljes, mungesës së lirisë dhe rezistencës njerëzore.

Aktiviteti do të mbahet më 16 tetor 2026, duke filluar nga ora 19:00, në Muzeun e Burgut të Prishtinës./A.K/

Continue Reading

Lajmet

Ekspozita “Venetiku: Gjurmëve të një fondi fotografik” hapet në Muzeun “Marubi”

Published

5 hours ago

on

October 16, 2026

By

Historia e studios fotografike Venetiku në Korçë dhe gjurmët e saj në trashëgiminë fotografike shqiptare do të prezantohen përmes ekspozitës “Venetiku: Gjurmëve të një fondi fotografik”, e cila hapet të premten, më 16 tetor, në Muzeun Kombëtar të Fotografisë “Marubi” në Shkodër.

E kuruar nga Mikaela Minga, ekspozita sjell historinë e studios, njerëzve që e krijuan dhe e trashëguan atë, si dhe lidhjen e tyre me qytetin dhe zhvillimet historike e shoqërore të kohës.

Përmes kërkimeve arkivore dhe dokumenteve historike, ekspozita synon të rindërtojë historinë e fondit fotografik dhe të familjes Venetiku, duke u përqendruar veçanërisht te Krisanthi Venetiku, përfaqësuesja e fundit e studios.

Përveç vlerave fotografike dhe dokumentare, ekspozita trajton lidhjen mes fotografisë, kujtesës dhe historisë, duke përfshirë dokumente që dëshmojnë përndjekjen politike të pjesëtarëve të familjes Venetiku gjatë regjimit komunist.

Materialet arkivore tregojnë se si rrethanat historike ndikuan në jetën e fotografëve dhe në fatin e trashëgimisë që lanë pas.

Ekspozita organizohet në bashkëpunim me Institutin e Antropologjisë pranë Akademisë së Shkencave të Shqipërisë dhe Autoritetin për Informimin mbi Dokumentet e Ish-Sigurimit të Shtetit, me mbështetjen financiare të Ministrisë së Turizmit, Kulturës dhe Sportit.

Hapja do të bëhet më 16 tetor, në orën 18:00, në Muzeun Kombëtar të Fotografisë “Marubi” në Shkodër./A.K/

Continue Reading

Lajmet

“Dua” dhe “Shame and Money” në listën e ngushtë për Çmimet Evropiane të Filmit 2027

Published

5 hours ago

on

October 16, 2026

By

Dy filma kosovarë, “Dua”, me regji të Blerta Bashollit, dhe “Shame and Money”, me regji të Visar Morinës, janë përzgjedhur në listën e ngushtë për Çmimet Evropiane të Filmit 2027, duke shënuar një tjetër moment të rëndësishëm për kinematografinë e Kosovës.

Ndër vite, disa produksione vendore kanë qenë pjesë e përzgjedhjeve të kësaj gare, në kategori dhe faza të ndryshme.

Në kategorinë e filmave të gjatë artistikë, “Babai”, me regji të Visar Morinës, dhe “Tri dritare dhe një varje”, me regji të Isa Qosjes, u përzgjodhën në vitin 2015. Në vitin 2021, në këtë rrugëtim u përfshi edhe filmi “Zgjoi”, i regjisores Blerta Basholli.

Edhe filmat e shkurtër kosovarë kanë shënuar pjesëmarrje të rëndësishme. “Në mes” dhe “Rrugës”, të Samir Karahodës, u përzgjodhën për garën evropiane përkatësisht në vitet 2020 dhe 2024, ndërsa “I Believe the Portrait Saved Me”, me regji të Alban Mujës, ishte pjesë e përzgjedhjes për vitin 2026.

Një tjetër sukses ishte filmi “Home”, me regji të Daniel Mulloy, i cili në vitin 2016 u përfshi mes 15 filmave të nominuar për çmimin e filmit të shkurtër evropian. Në vitin 2021, “Pa vend”, me regji të Samir Karahodës, arriti në fazën finale si njëri prej pesë filmave të nominuar.

Ndërkaq, filmi “Kthimi”, me regji të Blerta Zeqirit, u përzgjodh nga Festivali i Sarajevës për garën evropiane të filmit të shkurtër në vitin 2012, por më pas u tërhoq nga gara.

Përzgjedhja e “Dua” dhe “Shame and Money” për edicionin e vitit 2027 i jep kinematografisë kosovare një tjetër mundësi për të prezantuar historitë e saj para publikut evropian dhe për të vazhduar rrugëtimin në skenën ndërkombëtare./A.K/

Continue Reading

Lajmet

“I Believe the Portrait Saved Me”, vlerësim për filmin e Alban Mujës në DOKUBAKU 2026

Published

1 day ago

on

October 15, 2026

By

Filmi dokumentar “I Believe the Portrait Saved Me” (Mua besoj se portreti më shpëtoi), me regji të artistit kosovar Alban Muja, është nderuar me përmendje të veçantë nga çmimi iHuman Award në edicionin e dhjetë jubilar të festivalit DOKUBAKU 2026, në kategorinë DOKUSHORT për dokumentarin më të mirë të shkurtër ndërkombëtar.

Juria vlerësoi mënyrën se si rrëfimi i filmit kalon nga hutimi fillestar drejt një përjetimi të thellë emocional, duke zbuluar gradualisht kuptimet e një klase të pazakontë. Filmi trajton fuqinë e artit dhe mënyrën se si portretizimi e krijimi artistik shndërrohen në instinkt mbijetese përballë barbarisë së luftës.

Sipas vlerësimit të jurisë, fotografia e filmit shmang romantizimin e luftës dhe, përmes kompozimit të kujdesshëm të kuadrove dhe trajtimit të ngjyrave, përcjell peshën e saj dramatike. Juria veçoi edhe aftësinë e regjisorit për të përmbledhur një përmbajtje kaq të thellë dhe një ndikim të fuqishëm vizual në vetëm dhjetë minuta, duke e vlerësuar filmin me përmendje të veçantë.

Ky vlerësim përbën një tjetër prezantim të krijimtarisë së Alban Mujës në skenën ndërkombëtare të filmit dokumentar./A.K/

Continue Reading

Të kërkuara