Lajmet

Katër gjëra që duhet ditur për vitaminën D

Vitamina D mund të pakësojë dhe eliminojë indet dhjamore, duke kryer një veprim të fortë dobësues.

Published

on

Vitamina D, e quajtur edhe vitamina e diellit, përthithet nga lëkura kur ekspozohemi ndaj dritës së diellit. Bëhet fjalë për një substancë shumë të rëndësishme për funksionimin normal të të gjithë organizmit, e nevojshme në veçanti për shëndetin e dhëmbëve dhe të kockave. Vepron në mënyrë të dukshme për funksionimin e duhur të sistemit imunitar dhe të sistemit nervor qendror.

Edhe nëse nuk e keni lexuar apo dëgjuar asnjëherë më parë, vitamina D kryen një rol thelbësor në rënien në peshë, ndaj nëse po përpiqeni të dobësoheni, më parë duhet të kontrolloni vlerat e Vitaminës D dhe më pas të ndiqni një dietë të balancuar, të pasur me ushqime që përmbajnë këtë vitaminë.

Vitamina D mund të pakësojë dhe eliminojë indet dhjamore, duke kryer një veprim të fortë dobësues. Veç kësaj, rregullon nivelet e urisë, të cilat shumë shpesh janë të larta te subjektet, të cilëve u mungon kjo vitaminë. Stimulimi i vazhdueshëm i urisë është shkaktari kryesor i obezitetit. Ja sepse është e rëndësishme të zgjidhni gjithmonë ushqime që ju ngopin, të cilat duhet të jenë të pasura me vitaminë D, që bëjnë të mundur të mos hani vazhdimisht.

Vitamina D shton testosteronin, hormoni që djeg yndyrnat, i cili përmirëson tonifikimin e muskujve dhe masën muskulore, sidomos nëse ndiqni një dietë të shëndetshme dhe kryeni aktivitet të vazhdueshëm fizik. Kush ka nivel të ulët të kësaj vitamine, është më shumë i prirë të ketë probleme me hidratimin e trupit dhe me problemet me celulitin, të cilat janë shqetësimet më të shpeshta, sidomos te femrat.

Ata që janë shumë mbipeshë, me siguri kanë mungesë kronike të vitaminës D, për shkak se kjo substancë qëndron e ngecur në dhjamë dhe nuk përthithet ashtu siç duhet. Ndaj, kur analizat e gjakut tregojnë rënie të ndjeshme të vitaminës D, filloni menjëherë një dietë të shëndetshme dhe hani ushqime që kanë sa më shumë vitaminë D ose merrni suplement ushqimor.

Mungesa e vitaminës D përveç se ju shëndosh, ju shtyn të hyni në depresion. Në fakt, kjo substancë rregullon humorin dhe mirëqenien e të gjithë trupit, si fizike ashtu dhe psikike. Rregullon nivelin e serotoninës, e cila nëse është e ulët, është shkaku kryesor i pagjumësisë, gjumit të shqetësuar dhe të keq.

Aktualitet

Lidership, strategji dhe politika publike në një program të vetëm në Master në UBT

Published

on

Aftësimin analitik në bërjen e politikave publike dhe përgatitjen tuaj në rolet e lidershipit në rrafshin kombëtar dhe ndërkombëtar për një karrierë të bujshme, ua bën të mundur UBT përmes programit të nivelit master, Politika Publike dhe Menaxhim.

Ky program studimi iu ofron të gjitha mundësitë për të përmbushur synimet tuaja në vlerësimin e opsioneve dhe politikave për shërbimet publike, duke ndërthurur analizën e politikave publike, menaxhimin e financave publike, teknologjinë e informacionit, zhvillimin e lidershipit, menaxhimin e burimeve njerëzore dhe analizimin e të dhënave.

Studentët e nivelit master të programit Politika Publike dhe Menaxhim në UBT, do të kenë mundësi të përfitojnë praktikat më të njohura ndërkombëtare nga ekspertët dhe profesionistët më të mirë që ka vendi nga kjo fushë, e që gjenden në UBT.

APLIKO TANI ONLINE!

Continue Reading

Bota

​Rutte në Kiev: NATO mbështet Ukrainën

Published

on

Sekretari i përgjithshëm i NATO-s Mark Rutte ka siguruar presidentin Volodomyr Zelensky se Aleanca Veri-Atlantike do të vazhdojë të mbështesë Kievin zyrtar në përballje me agresionin ushtarak rus.

Ai në një konferencë për media në Kiev me presidentin e Ukrainës theksoi se ndihma e NATO-së do të vazhdojë të rritet.

“Tri vjet e gjysmë pas pushtimit në shkallë të plotë të Rusisë, Ukraina vazhdon të qëndrojë e fortë. Dhe miqtë dhe partnerët tuaj në NATO vazhdojnë të qëndrojnë me ju. Mbështetja jonë është e palëkundur dhe vazhdon të rritet. Përfshirë, siç thatë edhe ju, përmes Listës së re të Kërkesave me Prioritet për Ukrainën- PURL- që mbështet një rrjedhë të rëndësishme të armëve vdekjeprurëse amerikane në Ukrainë përmes financimit të ofruar nga Aleatët e NATO-s. Në më pak se një muaj, kjo tashmë ka nënkuptuar 1.5 miliardë dollarë shtesë në pajisje thelbësore, mbrojtje ajrore. Municione. Dhe më shumë. Paketa të mëtejshme do të pasojnë”, tha Rutte.

Ai shtoi se po punojnë së bashku në NSATU, komandën e NATO-s në Gjermani – për të siguruar që forcat ukrainase të kenë atë që u nevojitet.

Rutte ka folur edhe mbi takimin e së hënës në Uashington, së bashku me presidentin e SHBA-së dhe shumë udhëheqës evropianë, për të shfrytëzuar mundësinë për t’i dhënë fund kësaj lufte të tmerrshme dhe për të sjellë paqe dhe siguri pas kaq shumë vuajtjesh.

“Presidenti Trump e ka bërë këtë një përparësi – jo vetëm duke thyer bllokimin me Putin, por duke e bërë të qartë se Shtetet e Bashkuara do të përfshihen në ofrimin e garancive të sigurisë për Ukrainën. Garancitë e forta të sigurisë do të jenë thelbësore – dhe kjo është ajo që po punojmë tani për ta përcaktuar. Në mënyrë që kur të vijë koha që ju të hyni në atë takim dypalësh – të keni forcën e padyshimtë të miqve të Ukrainës pas jush. Duke siguruar që Rusia do të mbështesë çdo marrëveshje. Dhe kurrë, kurrë më nuk do të përpiqet të marrë një kilometër katror të Ukrainës”, tha Rutte.

Continue Reading

Bota

Pekini kundërshton tarifat e SHBA-së për tarifat 50% ndaj Indisë

Published

on

Ambasadori kinez në Indi, Xu Feihong, tha se Pekini kundërshton fuqimisht tarifat e larta të Uashingtonit ndaj Delhit dhe bëri thirrje për bashkëpunim më të madh midis Indisë dhe Kinës.

Xu e krahasoi SHBA-në me një ngacmues, duke thënë se ajo kishte përfituar prej kohësh nga tregtia e lirë, por tani po përdor tarifat si një “kartolinë negociuese” për të kërkuar çmime të tepruara nga vendet e tjera.

“SHBA-të kanë vendosur tarifa deri në 50% ndaj Indisë dhe madje kanë kërcënuar për më shumë. Kina e kundërshton fuqimisht këtë. Heshtja vetëm sa e trimëron ngacmuesin”, tha Xu të enjten, shkruan BBC.

Më parë këtë muaj, Trump vendosi një gjobë prej 25% ndaj Indisë, përveç tarifave prej 25% për blerjen e naftës dhe armëve nga Rusia. Shkalla e re do të hyjë në fuqi më 27 gusht.

Importet e shtuara të naftës së papërpunuar ruse të lirë nga Delhi që nga lufta në Ukrainë kanë shkaktuar një tendosje në lidhjet e saj me SHBA-në dhe kanë ndikuar në negociatat për një marrëveshje tregtare.

India ka mbrojtur blerjet e saj të naftës ruse, duke argumentuar se si një importuese e madhe e energjisë, duhet të blejë naftën më të lirë të disponueshme për të mbrojtur miliona indianë të varfër nga rritja e kostove. Ajo gjithashtu ka theksuar se administrata Biden i kishte thënë Indisë të blinte naftë ruse për të krijuar tregje botërore të energjisë.

Continue Reading

Aktualitet

​73 raste të dhunës në familje për një javë

Published

on

Zyra për Mbrojtje dhe Ndihmë të Viktimave, që funksionon në kuadër të Zyrës së Kryeprokurorit të Shtetit, ka trajtuar gjithsej 78 raste të reja gjatë periudhës 15 – 22 gusht 2025, në të gjitha regjionet e Republikës së Kosovës.

Sipas të dhënave zyrtare, pjesa më e madhe e rasteve, konkretisht 73 kanë të bëjnë me dhunën në familje, duke reflektuar edhe njëherë përmasat shqetësuese të këtij fenomeni në shoqëri.

“Përveç rasteve të dhunës në familje, janë trajtuar edhe dy raste të dhunimit, një rast i ngacmimit seksual, një rast i sulmit seksual, një rast i lëndimit të lehtë trupor”, thuhet në njoftim.

Continue Reading

Të kërkuara