Sport

Katar: Të gjithë lojtarët të jenë të vaksinuar, në të kundërtën mund të pezullohen botërori

Katari po diskuton me FIFA-n dhe autoritetet mjekësore për të arritur një zgjidhje miqësore.

Publikuar

3 vjet më parë

më

Katari mund të ndalojë lojtarët e pavaksinuar nga Kampionati Botëror i Futbollit vitin e ardhshëm.

Raportohet se Katari po bën presion për vaksinimet e detyrueshme Covid-19 për të gjithë lojtarët që marrin pjesë në Kupën e Botës 2022. Emiratet e Bashkuara tashmë ka zbuluar se kushdo që merr pjesë në turneun e nëntorit të ardhshëm do të duhet të vaksionohet dy herë, sipas The Athletic.

Sidoqoftë, dihet që pikëpamjet e lojtarëve profesionistë për marrjen e vaksinës janë të përziera.

Katari, i cili tashmë ka vaksinuar afërsisht 82 përqind e popullsisë së tij, është në diskutime me FIFA-n dhe autoritetet mjekësore në përpjekjet për të arritur një zgjidhje miqësore me ta.

Një numër i klubeve të Premier Ligës dihet se kanë lojtarë që ende i rezistojnë vaksinës Covid-19, përfshirë yllin e Arsenalit dhe Zvicrës, Granit Xhaka.

Trajneri i Manchester United, Ole Gunnar Solskjaer pranoi muajin e kaluar “jo të gjithë lojtarët janë vaksionuar dy herë“, duke shtuar “Unë i kam inkurajuar ata që të bëjnë vaksinimin, por ju nuk mund ta detyroni askënd ta bëjë këtë”.

Menaxheri i Newcastle, Steve Bruce ka pranuar se “shumë” lojtarë të tij nuk janë vaksinuar – pavarësisht se portieri i tyre Karl Darlow u shtrua në spital për shkak të virusit.

Kupa Botërore FIFA 2022 është planifikuar të jetë edicioni i 22-të i Kupës Botërore FIFA që do të mbahet mes 21 nëntorit dhe 18 dhjetorit të vitit të ardhshëm.

Kjo njëherit do të jetë Kupa e parë Botërore që do të mbahet ndonjëherë në botën arabe.

Etiketa
Vazhdo të lexosh

Sport

Konfirmohen negociatat, Mourinho me klub të ri

Publikuar

6 minuta më parë

më

20 Maj, 2024

nga

José Mourinho së shpejti do të rikthehet në stolin e trajnerit. 61-vjeçari është gati të nënshkruajë me klubin më të mirë turk, Besiktas. Hüseyin Yücel, nënkryetar i klubit, konfirmoi se ata kanë zhvilluar një takim tashmë me portugezin.

“Ne u takuam me José Mourinhon në Stamboll një muaj më parë dhe ai ishte i lumtur për ofertën tonë”, ka thënë Yucel.

“Ne kemi sqaruar tashmë kushtet ekonomike dhe do të udhëtojmë në Itali javën e ardhshme për t’u takuar personalisht”, ka shtuar ai.

Mourinho u shkarkua nga Roma në muajin janar. Që atëherë, portugezi ka mbetur pa klub. Megjithatë duket se kjo do të ndryshojë së shpejti. Do të ishte pozicioni i tij i parë si trajner në Turqi.

Vazhdo të lexosh

Sport

Tifozat Kuq e Zi protestojnë ndaj kandidaturës së Shqipërisë me Serbinë për EURO 2027

Publikuar

24 minuta më parë

më

20 Maj, 2024

nga

Tifogrupi i kombëtares së Shqipërisë të njohur me emrin si ‘Tifozat Kuq e Zi’ kanë reaguar ndaj vendimit të Federatës së Futbolit të Shqipërisë për të shpallur kandidaturën e përbashkët me Serbinë për organizimin e Euro 2027 për grupmoshat U21.

Presidenti i FSHF-së, Armando Duka, javë më parë kishte konfirmuar kandidaturën e përbashkët të Shqipërisë me Serbinë për organizimin e Kampionatit Evropian 2027 për grupmoshat U21.

Arsyetimi i të parit të Federatës Shqipëtare të Futbollit ishte se Shqipëria nuk i plotëson kushtet elementare për organizimin e kësaj ngjarje.

Ndër të tjerash, ai kishte thënë se duhet angazhim i madh i dy qeverive të dy vendeve respektive, madje e kishte cilësuar si “lajm të mirë” për të dy popujt fqinj.

Ky njoftim nuk ishte pritur aspak mirë nga tifozët shqiptarë anembanë botës dhe tani “Tifozat Kuq e Zi” kanë ndërmarrë një nismë për të shprehur mllefin e tyre ndaj këtij.

Përmes një videoje të publikuar në rrjetet sociale, shihet se si ‘Tifozat Kuq e Zi’ kanë ngjyrosur me të kuqe rrugët pranë zyrave të FSHF-së, si dhe kanë ngjitur disa fotografi të luftës dhe gjenocidit që ushtria serbe ka ushtruar në popullin e Kosovës.

“Kundërshtojmë çdo nismë që mundohet ti rregulloj imazhin një populli barbar e gjenocidal. Kundërshtojmë çdo bashkëpunim me vrasësit me ata që shkaktuan me qindra masakra ndaj shqiptarëve dhe që deportuan me miliona nga shtëpitë e tyre gjatë gjithë historisë”, thuhet në postimin e tyre në Instagram./UBTNews/

 

View this post on Instagram

 

A post shared by Tifozat Kuq e Zi (@tifozatkuqezi)

Vazhdo të lexosh

Sport

Moment historik, skuadra franceze siguron pjesëmarrjen në Champions për here të parë në histori

Publikuar

51 minuta më parë

më

20 Maj, 2024

nga

Këtë të diel kampionati francez ka mbyllur sezonin 2023/24 duke dhënë edhe verdiktet e fundit të këtij sezoni. Me Monaco-n dhe Brest që i bashkohen PSG-së për një vend në Champions League, ndërsa Lille përmes eliminatoreve do të provojë të futet në garën më të madhe për klube.

Padyshim që surpriza e këtij sezoni ishte Brest, të cilët u pozicionuan në vendin e tretë dhe me këtë ata do të jenë pjesëmarrës në Champions sezonin e ardhshëm.

Një ngjarje historike kjo për skuadrën franceze që feston gjithashtu edhe fitoren e 200-të të të gjitha kohërave në elitën e futbollit francez. Kjo shifër u sigurua pas triumfit të fundit, 0-3 ndaj Toulouse në transfertë./UBTNews/

Vazhdo të lexosh

Sport

Mësohet vendi se ku do të zhvillohet finalja e Kupës së Kosovës në futboll

Publikuar

3 ditë më parë

më

17 Maj, 2024

nga

Finalja e madhe e Kupës së Kosovës në futboll po afron, ku kanë mbetur më pak se një javë deri te zhvillimi i saj.

Të mërkurën e 22 majit Ballkani do të përballet me Prishtinën për trofeun e Kupës së Kosovës, teksa tanimë është mësuar edhe vendi se ku do të luhet ndeshja.

Stadiumi “Rexhep Rexhepi” do të jetë nikoqir i kësaj finaleje mes dy finalistëve, Ballkanit dhe Prishtinës.

Ndeshja pritet të zhvillohet me fillim nga ora 15:00.

Fituesi i Kupës së Kosovës kualifikohet për kompeticionin UEFA Europa League në sezonin e ardhshëm, 2024/2025./UBTNews/

Vazhdo të lexosh

Të kërkuara