Sport

Kapiteni në rrezik: Dëmtimi i Berat Gjimshitit rrezikon pjesëmarrjen në Ligën e Kampionëve dhe Serie A

Published

2 years ago

on

Si të mos mjaftonin dëmtimet e Brojës dhe Dakut, trajneri Sylvinho ka pësuar një tjetër goditje të rëndë me humbjen e kapitenit Berat Gjimshiti për dy sfidat e para të Ligës së Kombeve.

Dëmtimi i Gjimshitit është pa dyshim lajmi më i hidhur për kombëtaren shqiptare në këtë grumbullim të parë pas “Euro2024”. Qendërmbrojtësi i Kombëtares shqiptare pësoi një tërheqje të shkallës së parë në kofshën e djathtë gjatë një seance stërvitore, duke detyruar një ndërprerje të menjëhershme dhe një vizitë në infermieri.

Pas ekzaminimeve të para në Tiranë, Gjimshiti u transferua në Bergamo për kontrolle më të thelluara dhe një diagnostikim më të saktë. Raportet e para tregojnë se dëmtimi i tij mund të ketë një ndikim të rëndësishëm në planet e ardhshme të trajnerit të Atalantës, Gian Piero Gasperini.

Ky problem shëndetësor është një shqetësim i madh jo vetëm për Shqipërinë, por edhe për Gasperinin, i cili do të duhet të përballojë mungesën e Gjimshitit në sfidën e parë pas rifillimit të Serie A kundër Fiorentinës më 15 shtator.

Për më tepër, Gjimshiti është në dyshim të fortë edhe për ndeshjen e parë të Atalantës në Ligën e Kampionëve, kundër Arsenalit më 19 shtator. Ndikimi i këtij dëmtimi do të jetë i rëndësishëm për strategjinë e skuadrës në këtë konkurrencë prestigjioze./UBTNews/

Related Topics:
Continue Reading

Sport

Fisnik Asllani pranë transferimit te RB Leipzigu, klubi gjerman gati të paguajë 30 milionë euro

Published

13 hours ago

on

July 20, 2026

By

Sulmuesi i Hoffenheimit, Fisnik Asllani, është shumë pranë një transferimi te RB Leipzigu, sipas raportimit të gazetës prestigjioze gjermane Bild.

Sipas mediumit gjerman, 23-vjeçari pritet ta finalizojë kalimin te klubi nga Saksonia para përfundimit të këtij muaji. RB Leipzigu është i gatshëm të aktivizojë klauzolën e lirimit prej 30 milionë eurosh, e cila është e përfshirë në kontratën e Asllanit dhe mbetet e vlefshme deri në vitin 2029.

Për sulmuesin kishte shfaqur interes edhe Barcelona, e cila e konsideronte atë si një alternativë në rast se nuk do të arrinte marrëveshje për objektivin kryesor, Julian Alvarez të Atletico Madridit.

Ndërkohë, edhe Borussia Dortmundi e kishte në listën e dëshirave, por klubi verdhezi duhet fillimisht të krijojë hapësirë në skuadër dhe në buxhetin e pagave përpara se të ndërmarrë hapa konkretë për transferimin e tij.

Me zhvillimet e fundit, RB Leipzigu shihet si favorit absolut për të siguruar shërbimet e Asllanit, i cili konsiderohet një nga talentet më premtues të rinj në Bundesligë.

D.L

Continue Reading

Sport

Publikohet renditja e favoritëve për Topin e Artë 2026, Lamine Yamal në krye, Mbappe mbetet jashtë podiumit

Published

13 hours ago

on

July 20, 2026

By

Pas përfundimit të Kupës së Botës 2026, është publikuar renditja e përditësuar e favoritëve për fitimin e Topit të Artë, ku vlerësohen paraqitjet individuale, ndikimi te skuadrat dhe arritjet gjatë gjithë sezonit.

Në vendin e parë është ngjitur ylli i Barcelonës dhe kampioni i botës me Spanjën, Lamine Yamal, i cili konsiderohet favoriti kryesor për të fituar çmimin më prestigjioz individual në futboll.

Një nga surprizat më të mëdha të renditjes është pozicioni i Kylian Mbappe, i cili mbetet jashtë tre vendeve të para, pavarësisht se e mbylli sezonin si golashënuesi më i mirë në La Liga, Ligën e Kampionëve dhe Kupën e Botës. Mungesa e trofeve me Real Madridin ndikoi në renditjen e tij.

Në vendin e dytë renditet Michael Olise, pas një sezoni mbresëlënës me Bayern Munich dhe paraqitjeve të mira me Francën, ndërsa podiumin e kompleton Harry Kane, i cili humbi terren pas eliminimit të Anglisë në fazën përfundimtare të Botërorit.

Top 15 favoritët për Topin e Artë 2026:

  1. Lamine Yamal (Barcelona)
  2. Michael Olise (Bayern Munich)
  3. Harry Kane (Bayern Munich)
  4. Kylian Mbappe (Real Madrid)
  5. Vitinha (Paris Saint-Germain)
  6. Pedri (Barcelona)
  7. Declan Rice (Arsenal)
  8. Erling Haaland (Manchester City)
  9. Ousmane Dembele (Paris Saint-Germain)
  10. Lionel Messi (Inter Miami)
  11. Khvicha Kvaratskhelia (Paris Saint-Germain)
  12. Luis Diaz (Bayern Munich)
  13. Rodri (Manchester City)
  14. Joao Neves (Paris Saint-Germain)
  15. Cole Palmer (Chelsea)

Triumfi i Spanjës në Kupën e Botës ka ndikuar ndjeshëm në garën për Topin e Artë, me Lamine Yamalin që shihet si kandidati kryesor për ta fituar trofeun, falë ndikimit të tij në suksesin historik të kombëtares spanjolle dhe paraqitjeve të shkëlqyera gjatë gjithë sezonit.

D.L

Continue Reading

Sport

Ferizaj pret Kampionatin Ballkanik U17 për vajza, Kosova debuton nesër ndaj Malit të Zi

Published

15 hours ago

on

July 20, 2026

By

Kosova është gati për të mirëpritur Kampionatin Ballkanik U17 për vajza në volejboll, i cili nis më 21 korrik dhe do të zgjasë deri më 25 korrik në Pallatin e Sporteve “Bill Clinton” në Ferizaj.

Turneu organizohet nga Federata e Volejbollit e Kosovës me besimin e dhënë nga Balkan Volleyball Association, duke konfirmuar edhe një herë besimin që i është dhënë Kosovës për organizimin e garave ndërkombëtare të nivelit të lartë.

Kombëtarja U17 e Kosovës ka zhvilluar përgatitje intensive gjatë javëve të fundit në Skenderaj, ku volejbollistet e reja kanë zhvilluar stërvitje të përditshme dhe ndeshje miqësore për t’u paraqitur sa më mirë para publikut vendas.

Ndeshja e parë e Kosovës në kampionat do të zhvillohet të martën, më 21 korrik, nga ora 20:00, ku do të përballet me Malin e Zi.

Programi i ditës së parë (21 korrik):

  • 15:00 – Turqia – Moldavia
  • 17:30 – Bullgaria – Shqipëria
  • 20:00 – Kosova – Mali i Zi

Kalendari i ndeshjeve të Kosovës:

  • 21 korrik, 20:00 – Kosova – Mali i Zi
  • 22 korrik, 17:30 – Kosova – Turqia
  • 23 korrik, 17:30 – Bullgaria – Kosova
  • 24 korrik, 20:00 – Kosova – Shqipëria
  • 25 korrik, 14:30 – Moldavia – Kosova

Federata e Volejbollit e Kosovës u ka uruar mirëseardhje të gjitha kombëtareve pjesëmarrëse, delegatëve, gjyqtarëve dhe mysafirëve në Ferizaj, duke shprehur besimin se kampionati do të zhvillohet në frymë sportive, me ndeshje cilësore dhe në respekt të parimeve të fair-play.

D.L

Continue Reading

Sport

 Lionel Scaloni shpërthen në lot pas humbjes në finalen e Botërorit, largohet para kohe nga konferenca

Published

18 hours ago

on

July 20, 2026

By

Përzgjedhësi i Argjentinës, Lionel Scaloni, nuk arriti t’i përmbante emocionet pas humbjes 1-0 ndaj Spanjës në finalen e Kupës së Botës 2026, duke e ndërprerë para kohe konferencën për shtyp.

Sipas raportimit të Stan Sport Football, tekniku argjentinas u shfaq i prekur teksa foli për rrugëtimin e ekipit dhe sfidën e madhe për të ndërtuar sërish një skuadër si kjo.

“Të gjithë ne në stafin teknik kemi menduar për të qenë në këtë moment. Por për të vazhduar më tej duhen shumë gjëra, mbi të gjitha të rifillosh gjithçka nga e para. Të ndërtosh sërish një grup si ky është shumë e vështirë… dhe kjo më dhemb në shpirt”, u shpreh Scaloni.

Menjëherë pas këtyre fjalëve, ai u ngrit nga karrigia, kërkoi ndjesë me fjalët “Më falni” dhe u largua nga konferenca, pa vazhduar më tej deklaratën e tij.

Pavarësisht humbjes, Argjentina arriti ta çojë finalen në vazhdime edhe pse luajti për një pjesë të madhe të ndeshjes me një futbollist më pak. Scaloni la të kuptohej se ndeshja mund të kishte marrë një tjetër rrjedhë nëse skuadra e tij nuk do të mbetej me 10 lojtarë.

Pas finales, trajneri i Spanjës, Luis de la Fuente, shprehu mbështetjen për homologun e tij.

“Më vjen shumë keq për atë që po kalon. Megjithatë, ai duhet të jetë krenar për atë që ka arritur. Ka thyer çdo rekord. Është ende i ri dhe ka shumë futboll përpara”, deklaroi De la Fuente.

Kontrata e Lionel Scalonit me Federatën Argjentinase të Futbollit skadon në muajin dhjetor, ndërsa trajneri ka bërë të ditur se do ta respektojë marrëveshjen deri në fund.

Burimi: Stan Sport Football

D.L

Continue Reading

Të kërkuara