Kulturë

Kanye West zgjeron biznesin, së shpejti me markë për produkte elektronike

Linja e planifikuar teknologjike e do të ketë kompjuterë, orë e syze intelegjente.

Published

on

Pasi pushtoi industrinë e muzikës dhe botën e modës, Kanye West po zhvendos fokusin e tij në përpjekjen e tij të ardhshme të biznesit, transmeton UBT news.

Sipas raporteve nga TMZ dhe Rolling Stone, Kanye kohët e fundit paraqiti një kërkesë për një markë tregtare nën kompaninë e tij Mascotte Holdings, Inc. për të përdorur emrin “Donda” në një linjë të produkteve elektronike.

Linja e planifikuar teknologjike e artistit 44-vjeçar do të ketë kompjuterë, tablet, altoparlantë audio, sisteme zanore rrethuese, orë dhe syze intelegjente. Për më tepër, krijuesi i ‘perandorisë’ Yeezy planifikon të vendosë makrën “Donda” në bizhuteri të tilla si unaza intelegjente.

“DONDA është një kompani dizajni e cila do të nxit mendimtarët e mahnitshëm dhe do t’i vendosë në një hapësirë ​​krijuese për të realizuar atje ëndrrat dhe idetë”, shkroi Kanye në 2012 kur ai njoftoi markën në Twitter.

“Unë jam duke mbledhur një ekip arkitektësh, stilistësh grafikë, drejtues muzikantësh, prodhues, shkrimtarë, publicistë, ekspertë të mediave sociale, zhvillues aplikacionesh, menaxherë, stilistë makinash, stilistë veshjesh, DJ, stilistë video lojërash, botues, njohës të teknologjisë , avokatë, bankierë, nutricionistë”, shtoi ai, përcjell UBT News.

Lajmi mbërrin vetëm një muaj pasi Mascotte Holdings, Inc. paraqiti një kërkesë për markë tregtare për të përdorur emrin e tij në një linjë produktesh të dekorimit të shtëpisë, të cilat do të përmbanin perde dushi, peshqirë, perde të tekstilit, pllaka dhe një sërë batanije.

Kalimi i Kanye në botën e pajisjeve shtëpiake vjen vetëm një vit pasi Kim Kardashian njoftoi linjën e saj të mallrave shtëpiake. Shtatorin e kaluar, ajo siguroi të drejtat për KKW Home, e cila përfshinte planet për të lansuar një gamë në dyqane që specializohen në artikujt e dushit dhe banjës, si dhe orenditë dhe aksesorët e dhomës së gjumit.

Vlen gjithashtu të theksohet se në korrik 2020, Mascotte Holdings paraqiti një markë tregtare për një linjë bukurie dhe kujdesi për lëkurën, e cila do të mbulonte një numër kozmetike duke përfshirë kozmetikë, kujdesin e flokëve, pastën e dhëmbëve, hidratuesit, maskat e fytyrës, qerpikët, xhel banjo, krem depilimi, aroma, deodorant, dhe më shumë./UBTNews/

Kulturë

Petrit Halilaj fiton çmimin prestigjioz Nasher 2027 për skulpturë

Published

on

Artisti shqiptar Petrit Halilaj është shpallur fitues i Çmimit Nasher 2027 në Dallas, duke u njohur për arritjet e tij të jashtëzakonshme në fushën e skulpturës.

Vlerësimi i rëndësishëm i Qendrës për Skulpturë Nasher iu dorëzua më 2 tetor 2025 dhe shoqërohet me një çmim prej 100,000 dollarësh, që Halilaj ka vendosur ta dhurojë për Fondacionin e tij jofitimprurës, Hajde!, të bashkëthemeluar me kuratoren Hana Halilaj.

Halilaj rikujton fillimet e tij të vështira: në moshën 12-vjeçare, gjatë luftës së Kosovës në 1999, familja e tij u detyrua të largohej nga fshati i djegur dhe të shkonte në një kamp refugjatësh në Shqipëri.

Një psikolog në kamp i sugjeroi të merrej me vizatim si mënyrë shprehjeje krijuese, çka më vonë do ta udhëhiqte drejt një karriere ndërkombëtare në artin bashkëkohor.

Gazeta New York Times raporton se çmimi i Halilajt vjen pas një serie ekspozitash të shquara, përfshirë porosinë e vitit të kaluar në çatinë e Muzeut Metropolitan të Artit dhe ekspozitën personale në Hamburger Bahnhof në Berlin, e cila u hap në shtator.

Halilaj ka deklaruar se donacioni do të shkojë për Fondacionin Hajde!, që ka për qëllim rindërtimin e Shtëpisë së Kulturës së Kosovës, e shkatërruar gjatë luftës.

“Jam i fokusuar tek rihapja e saj, dhe ky çmim do të sigurojë përparimin e projektit,” tha artisti, duke parashikuar rikthimin e qendrës brenda dy viteve, pothuajse tre dekada pas shkatërrimit.

Carlos Basualdo, drejtori i Qendrës së Skulpturës Nasher, e vlerësoi punën e Halilajt:

“Veprat e tij janë jehonore sot për përkushtimin ndaj humanitetit të përvojës së jetuar dhe për mënyrën se si krijon hapësira takimi që tejkalojnë kufijtë artistikë, kulturorë dhe gjeografikë.” /A.Z/UBT News/

Continue Reading

Kulturë

“Art” rrugëtoi edhe në Tetovë, kjo ishte atmosfera e premierës

Published

on

Mbrëmjen e 2 tetorit, Teatri i Tetovës mirëpriti shfaqjen teatrale “Art”, një nga veprat më të njohura dhe të vlerësuara të teatrit bashkëkohor.

Premiera filloi në ora 19:00 duke ofruar një përvojë teatrale të pasur me humor, emocione dhe reflektime mbi miqësinë, perceptimin e artit dhe marrëdhëniet njerëzore.

“Art” vepër me me autore Yasemina Reza dhe regjisor, Bashkim Ramadani, kurse Kreshnike Osmani është asistente e regjisë dhe dramaturge Zoga Çeta Çitaku.

 Kjo shfaqje me aktorët: Ard Islami, Ylber Bardhi e Butrint Lumi paraqet miqësinë që përplaset kur arti sfidon çdo perceptim, dhe a mund të mbijetosh në një botë ku vlerat janë të ndryshme.

Përndryshe, adhuruesit e teatrit u argëtuan me shfaqjen në skenën e Teatrit të Tetovës. /A.Z/UBT News/

 

Continue Reading

Kulturë

Orkestra shqiptare ngjitet për herë të parë në skenën prestigjioze të Bolonjës

Published

on

Orkestra Simfonike e Teatrit Kombëtar të Operës dhe Baletit do të ngjitet për herë të parë në skenën prestigjioze të Teatro Auditorium Manzoni në Bolonjë, Itali, si pjesë e Festivalit Respighi Bologna 2025, një nga festivalet më të rëndësishme muzikore në Evropë.

Ky festival është i pari rezident i kushtuar Ottorino Respighi-t, një prej kompozitorëve më të shquar italianë të shekullit të 20-të.

Debutimi i orkestrës shqiptare më 13 tetor 2025 do ta vendosë atë në qendër të vëmendjes së një audience ndërkombëtare.

Orkestrën do ta dirigjojë spanjolli Sergio Alapont, ndërsa violinisti i talentuar Giuseppe Gibboni do të performojë si solist.

Në program janë përfshirë:

Nikolaj Rimskij-Korsakov – Ouverture, op. 28

Niccolò Paganini – Koncerti për violinë nr. 2 në si minor, op. 7 (solist Giuseppe Gibboni)

Sergej Rachmaninov / Ottorino Respighi – Cinq Études-tableaux, P 160

Igor Stravinskij – Suite nga L’Uccello di fuoco (The Firebird)

Përpara debutimit në Itali, orkestra do të prezantojë të njëjtin program për publikun shqiptar më 9 tetor 2025 në Teatrin Kombëtar të Operas dhe Baletit në Tiranë, duke shënuar një ngjarje të jashtëzakonshme për skenën muzikore shqiptare.

Violinisti Giuseppe Gibboni do të performojë menjëherë pas dy shfaqjeve të tij me Orkestrën Filarmonike të Teatrit “La Scala” të Milanos.

Në këtë projekt do të përfshihen edhe instrumentistë të rinj të Orkestrës Simfonike të Forcave të Armatosura, duke dhënë një kontribut të veçantë në performancën e orkestrës.

Si festival rezident, Festival Respighi është i fokusuar në jetën dhe veprën e kompozitorit italian, duke e zhvilluar brenda vendit të tij të lindjes dhe në kontekstin e kulturës që e frymëzoi. /A.Z/UBT News/

Continue Reading

Kulturë

Sonte mbrëmje klasike me “Orchestra of Campania” në Mitrovicë

Published

on

Sonte, në Muzeun e Mitrovicës, nga ora 19:00, publiku do të ketë mundësinë të shijojë një performancë të veçantë me “Orchestra of Campania”, nën drejtimin e dirigjentit të njohur italian, Leonardo Quadrini.

Koncerti, i organizuar nga Akademia Ndërkombëtare e Pianos në Ballkan, do të sjellë në skenë soprano Federica D’Antonino, mezzo-soprano Orsolla Russo, tenor Giuseppe Maiorano dhe bass Giuseppe Montanaro, të cilët do të interpretojnë veprat e kompozitorit austriak Sigismond Thalberg, një nga pianistët më virtuozë të shekullit të 19-të.

Ky aktivitet zhvillohet në kuadër të Mitrovica Piano Fest dhe përkrahet nga Drejtoria për Kulturë, Rini dhe Sport në Mitrovicë, duke ofruar një mbrëmje muzikore të paharrueshme për të gjithë adhuruesit e muzikës klasike. /A.Z/UBT News/

Continue Reading

Të kërkuara