Kulturë

Kantautorja H.E.R. fiton shpërblimin e parë “Oscar”

Published

on

Ylli amerikan i muzikës, H.E.R. triumfoi në ceremoninë e 93-të të shpërblimeve akademike, duke e fituar shpërblimin e saj të parë “Oscar” në kategorinë “Kënga më e mirë origjinale”, për këngën e saj “Fight For You” e cila ishte kolonë zanore e filmit “Judas and the Black Messiah”.

Me ta pranuar shpërblimin në skenë, këngëtarja e cila shkëlqente e veshur me një kostum ngjyrë kaltër foli për rëndësinë e shfrytëzimit të artit për ta treguar të vërtetën e saj, si dhe i bëri thirrje muzikantëve dhe filmbërësve që t’i përdorin platformat e tyre me kujdes dhe përgjegjësi.

“Zot i madh nuk e prisja këtë shpërblim. Jam shumë falënderuese. Jo vetëm për këtë fitore, por për faktin se jam pjesë e një tregimi aq të rëndësishëm. Prandaj ju falënderoj nga zemra. Faleminderit Akademisë që më votuan, gjithmonë kam dashur ta them këtë frazë, dhe natyrisht u jam mirënjohëse gjithë bashkëpunëtorëve të mi sepse pa ta, kënga nuk do të ishte kjo që është sot. Më duhet ta falënderojë Zotin dhe prindërit e mi, nënën time të bukur e cila është sonte këtu me mua, dhe babanë i cili po na ndjekë nga shtëpia”, deklaroi këngëtarja para se të betohej se gjithmonë do të luftojë për drejtësi, si dhe i ftoi gjithë të pranishmit në sallë që gjithmonë ta tregojnë të vërtetën e tyre. “Dua ta them këtë gjë, të gjithë ju muzikantë, filmbërës dhe artistë, unë besoj se ne kemi mundësi por edhe përgjegjësi që gjithmonë ta themi të vërtetën, ta shkruajmë e rrëfejmë historinë ashtu siç ishte, të tregojmë si na bashkon ajo sot të gjithëve, dhe ta tregojmë atë që e shohim se po ndodhë në mbarë botën. Kam mbetur pa fjalë. Thjeshtë jam shumë e lumtur dhe mirënjohëse. Dituria është fuqi. Muzika është fuqi. dhe derisa do ta kem rastin të qëndrojë para jush si një artiste, unë betohem se gjithmonë do të luftojë për ne. Gjithmonë do të luftojë për njerëzit dhe për drejtësi. Këtë fuqi e ka muzika dhe rrëfimi i historive përmes artit tonë. Faleminderit shumë të gjithëve”.

Këngën fituese “Fight For You”, H.E.R. po ashtu e interpretoi në mbrëmjen e së dielës e shoqëruar në skenë nga disa muzikantë dhe valltarë.

Continue Reading

Lajmet

Reka dhe Çitaku diskutojnë promovimin e filmave kosovarë në garën për Oscar

Published

on

Ambasadori i Kosovës në Shtetet e Bashkuara të Amerikës, Blerim Reka, ka pritur në Konsullatën e Përgjithshme të Kosovës në Nju-Jork, Lum Çitakun, drejtor i Programeve në Qendrën Kinematografike të Kosovës. Në takim është diskutuar promovimi ndërkombëtar i kinematografisë kosovare.

Në fokus të takimit ishte filmi “DUA”, me regji të Blerta Bashollit, i cili po shfaqet këto ditë në Nju-Jork dhe është propozimi zyrtar i Kosovës për edicionin e 99-të të çmimeve Oscar, në kategorinë “Filmi më i mirë ndërkombëtar”.

Në të njëjtën kategori garon edhe filmi “Shame and Money”, me regji të Visar Morinës, i cili, sipas raportimit të Telegrafit, është kualifikuar drejtpërdrejt pas fitimit të çmimit kryesor të jurisë, World Cinema Grand Jury Prize, në Festivalin e Filmit Sundance në janar të këtij viti.

Gjatë takimit, Reka theksoi rëndësinë e mbështetjes institucionale për krijimtarinë filmike dhe promovimin e kulturës së Kosovës në arenën ndërkombëtare. Ai vlerësoi kinematografinë si një nga mënyrat e rëndësishme për përfaqësimin dhe afirmimin e vendit në botë./A.K/

Continue Reading

Lajmet

Vazhdojnë punimet për rinovimin e teatrit ODA në Prishtinë

Published

on

Ministrja e Kulturës, Saranda Bogujevci, ka njoftuar se po vazhdojnë punimet për rinovimin e teatrit ODA në Prishtinë, duke bërë të ditur se kjo hapësirë së shpejti do të jetë e gatshme për artistët dhe publikun.

Përmes një njoftimi, Bogujevci ka theksuar se rinovimi i teatrit ODA është pjesë e investimeve në infrastrukturën teatrore në vend.

Ajo ka përmendur edhe projektet e përfunduara, përfshirë rinovimin e teatrit të qytetit “Muharrem Qena” në Mitrovicë dhe të hapësirave teatrore në Pallatin e Rinisë në Prishtinë, si dhe ndërtimin e Shtëpisë së Kulturës në Suharekë.

Sipas ministres, punimet po vazhdojnë edhe në Teatrin Kombëtar të Kosovës dhe në teatrin “Adriana” në Ferizaj, ndërsa Qendra për Arte në Rahovec ndodhet në fazën përfundimtare të ndërtimit.

Ndërkaq, Teatri i Operës dhe Baletit në Prishtinë është në fazën e fundit të projektimit./A.K/

Continue Reading

Lajmet

“Palimpsest”, projekt artistik që rikthen në vëmendje trashëgiminë muzikore shqiptare

Published

on

Teatri Kombëtar i Operës, Baletit dhe Ansamblit Popullor ka prezantuar projektin artistik “Palimpsest”, i cili synon të rikthejë në vëmendje trashëgiminë muzikore shqiptare të viteve ’30, ’40 dhe ’50.

Përmes krijimeve origjinale dhe përpunimeve të këngëve popullore, projekti sjell vepra të kompozitorëve Antonio Muçi, Karlo Pali, Muharrem Xhediku, Koço Uçi, Ramadan Sokoli dhe Çesk Zadeja.

Në këtë mbrëmje artistike do të interpretojnë Ardita Bufaj në piano, Armando Likaj në bariton dhe Maida Resulbegoviç në soprano, ndërsa e ftuar speciale do të jetë pianistja Norena Gaxha.

Koncepti artistik, hulumtimi arkivor dhe mbledhja e partiturave janë realizuar nga pedagogia Ardita Bufaj.

Projekti organizohet në bashkëpunim me Teatrin Kombëtar të Operës, Baletit dhe Ansamblit Popullor, në kuadër të Festivalit “Netët e Muzikës Shqiptare”, me synimin për të promovuar vlerat e trashëgimisë muzikore dhe për t’i përcjellë ato te brezat e rinj./A.K/

Continue Reading

Lajmet

Kosova dhe Çekia diskutojnë bashkëpunimin në fushën e trashëgimisë kulturore

Published

on

By

Ambasadorja e Kosovës në Çeki, Albesjana Iberhysaj-Kapitaj, ka zhvilluar një takim me drejtoreshën e përgjithshme të Institutit Kombëtar për Mbrojtjen e Monumenteve të Republikës Çeke, Naděžda Goryczková, për të shqyrtuar mundësitë e bashkëpunimit dypalësh në fushën e trashëgimisë kulturore.

Gjatë takimit u diskutua për shkëmbimin e ekspertizës dhe praktikave profesionale ndërmjet institucioneve të të dyja vendeve, me fokus të veçantë në konservimin, restaurimin dhe mbrojtjen e monumenteve.

Përvoja e gjatë e Republikës Çeke në ruajtjen e trashëgimisë kulturore u vlerësua si mundësi e rëndësishme për forcimin e kapaciteteve dhe avancimin e standardeve të institucioneve të Kosovës në këtë sektor. /E.A/

 

Continue Reading

Të kërkuara