Lajmet

Kanadaja bëhet vendi i parë që miraton vaksinën Pfizer për fëmijët 12-15 vjeç

Published

5 years ago

May 7, 2021

Betim Gashi

Kanadaja është bërë vendi i parë në botë që autorizoi përdorimin e vaksinës Covid-19 Pfizer për fëmijët e moshës 12 deri në 15 vjeç, duke e përshkruar lëvizjen si një dritë në fund të tunelit.

Supriya Sharma, një këshilltare e lartë në ministrinë e shëndetësisë, tha të mërkurën se vaksina Pfizer/BioNTech ishte e sigurt dhe efektive në grupmoshën më të re.

“Ne kemi filluar të shohim dritën në fund të tunelit”, u tha ajo gazetarëve.

Një zëdhënës i ministrisë së shëndetësisë konfirmoi se Kanadaja ishte vendi i parë që lejoi fëmijët e atyre moshave të marrin ilaçin Pfizer.

Veçmas, autoritetet raportuan vdekjen e tretë të një kanadezi nga një gjendje e rrallë e mpiksjes së gjakut pas marrjes së vaksinës AstraZeneca.

“Do të ketë raste të rralla kur do të shfaqet trombozë. Sidoqoftë, rreziqet mbeten minimale krahasuar me rreziqet, ndërlikimet dhe pasojat e mundshme të Covid-it”, tha Jennifer Russell, zyrtare shëndetësore.

Alberta do të bëhet provinca e parë që ofron vaksinat Covid-19 për të gjithë fëmijët e moshës 12 vjeç e lart nga 10 maji, tha kryeministri, Jason Kenney, të mërkurën, një ditë pasi ai vendosi ashpërsim të masave për të luftuar një valë të tretë të pandemisë.

Provinca Alberta ka normën më të lartë për kokë të Covid-19 në vend, me gati 24 mijë raste aktive dhe 150 njerëz në kujdes intensiv.

Rreth 20% e rasteve të COVID-19 në Kanada janë raportuar në njerëz nën moshën 19 vjeç.
Kanada ka regjistruar 24 mijë e 396 vdekje./UBTNews

(Arjeta Ibishi, studente në Media dhe Komunikim në UBT)

Vendi

Mbi 100 gramë kokainë dhe marihuanë kapen në Vërmicë

Published

8 hours ago

June 19, 2026

UBT News

Dogana e Kosovës, në bashkëpunim me Policinë e Kosovës, ka zbuluar dy raste të substancave narkotike gjatë kontrolleve në Pikën Kufitare të Vërmicës.

Në rastin e parë, gjatë kontrollit të një automjeti që po hynte në Kosovë, janë gjetur 104.90 gramë substancë e dyshuar si kokainë, e fshehur në çantën personale të një udhëtari.

Ndërkaq, në rastin e dytë janë zbuluar 5.53 gramë substancë e dyshuar si marihuanë, e fshehur në bagazhin e një automjeti. Gjatë kontrollit është gjetur edhe një thikë kuzhine e padeklaruar.

Rastet janë proceduar për hetime të mëtejshme nga autoritetet kompetente.

/A.K/

Vendi

Mbyten dy vajza të mitura në Tale

Published

9 hours ago

June 19, 2026

UBTNews

Një ngjarje e rëndë ka ndodhur mesditën e sotme në plazhin e Tales, ku dy vajza të mitura, të moshës 11 dhe 9 vjeçe, janë mbytur në det.

Sipas njoftimit zyrtar të Policisë, tragjedia ka ndodhur rreth orës 12:50. Pas marrjes së informatës, zyrtarët policorë kanë dalë menjëherë në vendngjarje dhe, në bashkëpunim të ngushtë me pushuesit e tjerë, kanë bërë të mundur gjetjen dhe nxjerrjen e trupave të pajetë në breg.

“Në bashkëpunim me pushuesit, është bërë e mundur gjetja dhe nxjerrja e trupave të pajetë në breg“, thuhet në njoftimin e policisë. /E.A/

Vendi

Dyshime për cilësinë: Bllokohen mbi 1 mijë e 400 infuzione në Spitalin e Mitrovicës

Published

10 hours ago

June 19, 2026

UBTNews

Shërbimi Spitalor Klinik dhe Universitar i Kosovës (ShSKUK) ka njoftuar se ka bllokuar përkohësisht 1,432 njësi të një produkti mjekësor në Spitalin Rajonal “Sami Haxhibeqiri” në Mitrovicë, pas dyshimeve se ai mund të mos jetë brenda specifikave të kërkuara të cilësisë.

Bëhet fjalë për infuzionet e llojit Compound Sodium Lactate (500 ml). Alarmi u ngrit fillimisht nga farmacistja përgjegjëse e spitalit, gjë që vuri në lëvizje Inspektoratin Farmaceutik dhe Agjencinë e Kosovës për Produkte dhe Pajisje Medicinale (AKPPM).

Pas një inspektimi të dytë të kryer më 17 qershor, autoritetet urdhëruan bllokimin e menjëhershëm të këtij kontingjenti deri në pranimin e rezultateve nga analizat laboratorike. ShSKUK ka njoftuar opinionin publik se ky është një masë parandaluese dhe se mbetet e përkushtuar për të garantuar sigurinë e plotë të pacientëve dhe cilësinë e barnave nëpër spitalet publike. /E.A/

Lajmet

KQZ gati për rezultatet përfundimtare: Përfundon rinumërimi i 185 vendvotimeve

Published

12 hours ago

June 19, 2026

UBTNews

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/