Lajmet

Kampionia iraniane e shahut nuk mund të kthehet më në Iran, refuzoi kodin e veshjes

Në Iran, atë e presin letrat e arrestimit.

Published

on

Kur një nga shahistet më premtuese në botë, 25-vjeçarja Sara Khadem, vendosi të luante në një turne ndërkombëtar pa shaminë e saj në solidaritet me lëvizjen protestuese në Iran, ajo mendoi se një paralajmërim do të ishte më e keqja që mund t’i ndodhte asaj!

Në vend të kësaj, ajo nuk mund të kthehet më në Iran – në vend, e presin letrat e arrestimit dhe ajo tani jeton në mërgim në jug të Spanjës, me burrin dhe djalin e saj njëvjeçar.

Ajo dhe familja e saj i kërkuan BBC-së të mos e zbulonte vendndodhjen e saj të saktë; shqetësimi i tyre është se mund të ketë pasoja edhe mijëra milje larg Iranit.

Grave në Iran u kërkohet të mbajnë shami në publik, edhe kur janë jashtë vendit. Por disa po zgjedhin të mos e bëjnë këtë, në mbështetje të grave dhe vajzave që kryesojnë protestat brenda vendit, pas vdekjes në paraburgim të 22-vjeçares Mahsa Amini. Njëra prej tyre, alpinistja Elnaz Rekabi, u detyrua të tërhiqej dhe tani nuk dihet se si është gjendja e saj, pas kthimit në Iran, përcjell UBT News.

Sara Khadem tha se kishte një evolucion të ngadaltë të vendimit të saj për të luajtur në një turne në dhjetor të vitit të kaluar pa shaminë e saj. Konkurrentet i mbanin ato vetëm para kamerave dhe ajo e ndjeu se ishte hipokrite. Duke pasur parasysh sakrificat që po bëjnë gratë dhe vajzat në rrugët e Iranit, disa prej tyre duke rrezikuar jetën e tyre, ishte më e pakta që mund të bënte, tha ajo.

A e kishte menduar të bashkohej vetë me demonstruesit? “Po sigurisht”, u përgjigj ajo. Por djali i saj i vogël, Sam, e tërhoqi atë. “Unë kam përgjegjësi ndaj tij dhe mendova se ndoshta mund ta përdor ndikimin tim në mënyra të tjera”.

Sara Khadem ka luajtur shah në gara që kur ishte rreth tetë vjeç. Kjo nuk është hera e parë që ajo bie në kundërshtim me kodet e rrepta të sjelljes së Republikës Islamike.

Në vitin 2020, një aeroplan ukrainas i cili u ngrit nga aeroporti i Teheranit u qëllua nga, siç doli, Korpusi i Gardës Revolucionare iraniane, duke vrarë 176 njerëz. Kaluan tre ditë para se autoritetet të pranonin gabimin e tyre. Znj. Khadem tha në rrjetet sociale se po planifikonte të largohej nga ekipi kombëtar. Ajo nuk e përmendi fluturimin – megjithatë, ajo u detyrua të nënshkruajë një rrëfim duke thënë se nuk do të thoshte asgjë politike me postimin e saj.

Herën tjetër që shkoi në aeroport, i konfiskuan pasaportën. Ajo mendoi se karriera e saj kishte mbaruar.

Tani që jeta e saj ka ndryshuar krejtësisht, a është penduar ajo? Pa hezituar ajo tha “jo”.

“Më mungon familja ime, por nuk do të thoja se jam penduar për vendimin. Unë ende përfaqësoj Iranin dhe jam iraniane dhe populli i Iranit ende më sheh si iraniane”.

“Njerëzit që po protestojnë në rrugë janë frymëzues për mua dhe shumë të tjerë”, tha ajo.

Bashkëshorti i saj, Ardeshir Ahmadi, është regjisor filmi dhe prezantues i shfaqjeve në internet, i cili gjithashtu ka pasur përvojë të drejtpërdrejtë të të qenit në “anën e gabuar”. Një film dokumentar për hip hopin rezultoi me rrahjen dhe burgosjen e tij për tre muaj.

Vendimi që çoi në mërgimin e tyre, ishte një vendim i përbashkët./UBTNews/

Lajmet

Dogana: 250 kg kanabis u zunë bazuar në informacionet e AKI-së

Published

on

Një operacion i bazuar mbi inteligjencën e siguruar nga Agjencia e Kosovës për Inteligjencë, i ndërmarrë nga Dogana e Kosovës dhe Policia e Kosoves ka rezultuar me zbulimin dhe konfiskimin e rreth 250 kilogramëve të substancës narkotike të llojit kanabis, të fshehur me kujdes në një automjet transportues.

“Operacioni është realizuar gjatë orëve të pasdites, kur njësia e Antikontrabandës e Doganës ka ndalur për kontroll një kamion që po lëvizte në drejtim të Prishtinës në autostradën ‘Ibrahim Rugova’”, ka njoftuar Dogana e Kosovës.

Dogana njofton se gjatë inspektimit janë përdorur pajisjet e dhuruara nga Ambasada e Shteteve të Bashkuara të Amerikës (ShBA).

“Pas një inspektimi të detajuar, dhe duke përdorur pajisjet profesionale të dhuruara nga Ambasada e Shteteve të Bashkuara të Amerikës, zyrtarët doganorë kanë arritur të demontojnë panelet e fshehura të automjetit, ku ishin vendosur substancat narkotike. Në vendngjarje kanë dalur edhe njësia antidrogë e Policisë së Kosovës dhe Prokurorja kompetente. Personi përgjegjës është arrestuar nga Policia e Kosovës, ndërsa procedurat ligjore janë në zhvillim”, thuhet mes të tjerash në komunikatën për medie.

Dogana e Kosovës ka vënë theksin tek kontributi që AKI ka dhënë.

“Dogana e Kosovës vlerëson lartë kontributin dhe bashkëpunimin e Agjencisë së Kosovës për Inteligjencë në këtë rast, dhe thekson përkushtimin e saj për të vazhduar koordinimin e ngushtë me të gjitha institucionet në vend. Ky operacion paraqet një tjetër dëshmi të vendosmërisë së institucioneve tona për të luftuar kontrabandën dhe trafikimin e substancave të ndaluara, duke mbrojtur sigurinë e qytetarëve dhe integritetin ekonomik të Republikës së Kosovës”, thuhet në komunikatë./S.K/EO/

Continue Reading

Lajmet

​Arkeologët zbulojnë një fabrikë vere 1600-vjeçare në Turqi

Published

on

Arkeologët zbuluan së fundmi një qendër të lashtë prodhimi vere pranë një kështjelle në Turqi dhe besohet se daton rreth 1.600 vjet më parë.

Qendra e prodhimit u gjet në një zonë malore në Turqinë juglindore, pranë fshatit Oymakli. Vendi përfshinte instalime për përpunimin e rrushit, së bashku me cisterna të përdorura për furnizimin me ujë dhe gurë bluarës, raporton Anadolu.

Themelet e ndërtesës lënë të kuptohet se vendi daton në shekullin e katërt pas Krishtit.

Gërmimi u nxit nga zbulimi i disa fragmenteve që konsiderohen me vlerë historike, me mbështetjen e Ministrisë Turke të Kulturës dhe Turizmit. Vendbanimi i epokës romake shtrihet në 37 hektarë dhe ndodhet pranë Kalasë Kahta, e ndërtuar gjatë shekullit të dytë p.e.s.

Zbulimi është një nga shumë zbulimet e lashta të bëra në Turqi në muajt e fundit. Në Olimp, një qytet port i lashtë në provincën turke Antalia, arkeologët zbuluan së fundmi mbetjet e banjës së madhe të një peshkopi të krishterë.

Më herët këtë verë, një banjë e lashtë romake u zbulua në Turqi, falë një kopshtari i cili më parë zbuloi një mozaik në të njëjtën zonë./S.K/KP/

Continue Reading

Lajmet

​Ngasin deri në 168 km në orë, gjobiten dy shoferë në Ferizaj

Published

on

Njësia e Komunikacionit Rrugor në Ferizaj, në dy raste të ndara ka ndërmarrë masa ndëshkuese ndaj dy shoferëve për shkelje të rënda të rregullave të trafikut.

Më datë 26 tetor 2025, rreth orës 21:10, në rrugën magjistrale Ferizaj–Kaçanik, në Fshatin Vjetër Ferizaj, në zonën me kufizim 50 km/h, është ndaluar shoferi L.B. (27), i cili po lëvizte me veturën MBW, me shpejtësi 112 km/h. Ndaj tij policia i ka shqiptuar gjobë 300 euro, 3 pikë negative dhe ndalim i drejtimit për 3 muaj.

Sot, rreth orës 14:10 në rrugën Ferizaj–Varosh–Gërlicë, ku kufizimi i shpejtësisë është 60 km/h, shoferi B.F. (18) me veturën VW Golf, është ndaluar duke lëvizur me shpejtësi 168 km/h. Ndaj tij policia ka shqiptuar një gjobë 500 euro, 5 pikë negative dhe ndalim të drejtimit për 6 muaj.

Matjet e shpejtësisë janë bërë me radar laserik, ndërsa në të dy rastet shoferët janë përjashtuar nga trafiku.

Policia Rajonale e Ferizajt apelon te të gjithë shoferët që të respektojnë kufizimet e shpejtësisë dhe shenjat e komunikacionit, duke paralajmëruar se kontrollet me radarë do të vazhdojnë me intensitet për të identifikuar shkeljet dhe për të parandaluar aksidentet rrugore./S.K/KP/

Continue Reading

Lajmet

Humb jetën një punëtor në vendin e tij të punës, ndalohet pronari i kompanisë ndërtimore

Published

on

Një 34-vjeçar ka humbur jetën si pasojë e lëndimeve të marra gjatë punimeve në një ndërtesë në lagjen “Bajram Curri” në Prizren.

Lajmi është konfirmuar nga zëdhënësi i policisë rajonale të Prizrenit, Shaqir Bytyqi.

Ai ka bërë të ditur se rasti ka ndodhur rreth orës 13:30 kur F.A. (34) nga fshati Caravik i Malishevës, ka rënë nga skelet e një ndërtese.

Viktima është dërguar në Emergjencën e Spitalit Rajonal të Prizrenit në gjendje të rëndë, prej nga është transportuar në QKUK Prishtinë, ku edhe ka ndërruar jetë rreth orës 16:30.

Në lidhje me rastin, i dyshuari N.B., pronar i kompanisë ndërtimore, pas intervistimit me vendim të Prokurorit të Shtetit është ndaluar për 48 orë, si i dyshuar për veprën penale asgjësimi, dëmtimi apo heqja e pajisjeve dhe rrezikimi në vendin e punës.

Policia e Kosovës në bashkëpunim me Prokurorinë e Shtetit, Inspektoratin e Punës dhe njësitë kompetente hetimore, po ndërmarrin veprimet e nevojshme për sqarimin e plotë të rrethanave të rastit. /S.K/KP/

Continue Reading

Të kërkuara