Lajmet

Kampion për vitamina – Përfitimet e pazakonta shëndetësore të lëngut të koprës

Kjo përmbajtje e bën koprën një nga barishtet më të mira për shëndetin e lëkurës.

Published

on

A ju vjen ndërmend një arsye se përse duhet ta shtrydhni koprën? Së pari, në 100 gram kopër merrni 154% të dozës së nevojshme ditore të vitaminës A dhe 142% të vitaminës C.

Kjo përmbajtje e bën koprën një nga barishtet më të mira për shëndetin e lëkurës. Vitaminat A dhe C janë antioksidantë dhe luajnë një rol të rëndësishëm për qelizat e lëkurës dhe formimin e kolagjenit.

Kopra është e pasur me folat (vitaminë B12) që është thelbësore për organizmin, duke nisur nga riparimi i qelizave, mirëmbajtjen e tyre dhe ngadalësimin e plakjes së trurit.

Të dhënat e AgroWeb.org tregojnë se kopra është një barishte e shkëlqyer për shëndetin e kockave, duke qenë se ajo është një burim fantastik i kalciumit, hekurit dhe manganit.

Por nuk mjafton me kaq. Kopra lufton bakteret, rritjen dhe zhvillimin e tyre. Ajo është efikase kundër të ftohtit dhe shumë simptomave të tjera shoqëruese.

Kopra lufton bakteret dhe substancat përbërëse ndihmojnë në uljen e dhimbjeve, falë rolit të tyre qetësues.

Një arsye tjetër se përse duhet ta përfshini koprën në lëngjet tuaja është se kjo barishte përmban një vaj esencial që quhet eugenol. Ky vaj esencial ofron një gjumë të qetë dhe e ndihmon trurin të çlirojë enzima që kanë rol qetësues në trup.

Kopra plotëson dhe kombinohet mjaft mirë me produkte që zakonisht përdoren për lëngje. Ajo është një barishte ideale për shumë receta si kjo më poshtë:

Lëngu i ëmbël i perimeve dhe koprës

Përbërësit pë 2 gota:
një selino
4-5 karrota
Gjysmë ose një tufë me kopër
1 limon i qëruar
1 mollë e madhe jeshile
1 ose dy gjethe spinaqi bashkë me bishtat (nëse preferoni)

Lajini të gjithë përbërësit dhe hidhini në shtrydhësen e frutave. Kombinoni mollët dhe limonin me selinonë dhe më pas koprën me karrotat për lehtësi. Nëse keni barishte si spinaqi mund t’i shtoni sepse janë të rekomandueshme për lëngje të tilla.

Përdorimet mjekësore të koprës: Çaji i bërë nga një lugë me fara kopre ndihmon kundër mostretjes dhe lemzës. Ky çaj është përdorur me sukses për të trajtuar dhimbjet e barkut dhe forcimin e thonjve./AgroWeb.org

Lajmet

​Lëndohet ylli i Interit

Published

on

Futbollisti Henrikh Mkhitaryan është detyruar të lërë fushën në minutën e 32-të të ndeshjes kundër Napolit për shkak të një problemi fizik.

Sipas testeve mjekësore të kryera në Institutin “Humanitas” në Rozzano, mesfushori armen ka pësuar tendosje muskulore në muskulin semitendinosus të kofshës së majtë.

Interi njoftoi se gjendja e tij do të rivlerësohet javën e ardhshme, ndërsa koha e rikuperimit ende nuk është përcaktuar.

Skuadra e Cristian Chivu do të përballet të mërkurën (29 tetor) me Fiorentinën në “San Siro”, ndërsa më 2 nëntor udhëton në Verona për sfidën ndaj ekipit vendas./S.K/KP/

Continue Reading

Lajmet

​De Bruyne mbyll vitin 2025, dyshohet për një dëmtim të rëndë

Published

on

Kevin De Bruyne rrezikon ta mbyllë para kohe vitin 2025 pas lëndimit të pësuar në ndeshjen Napoli–Inter.

Mesfushori belg u detyrua të largohej nga fusha menjëherë pas shënimit të golit nga penalltia, pasi ndjeu dhimbje në kofshën e djathtë dhe më pas u pa me paterica në pankinë.

Sipas Gazzetta dello Sport, dyshohet për një këputje të rëndë në bicepsin femoris, e cila mund ta mbajë jashtë fushave për disa muaj. Napoli shpreson që dëmtimi të mos ketë prekur zonën ku lojtari u operua në vitin 2023 gjatë kohës së tij te Manchester City.

Nëse konfirmohet se bëhet fjalë për një dëmtim serioz, De Bruyne mund t’i nënshtrohet një operacioni, gjë që do ta detyronte të mungojë për pjesën e mbetur të sezonit. Edhe në rastin më të mirë, ai pritet të qëndrojë jashtë për dy ose tre muaj, duke i dhënë fund praktikisht vitit 2025.

Napoli ndërkohë mund të detyrohet të bëjë ndryshime në listën e Ligës së Kampionëve, me mundësi që në vend të belgut të përfshihet njëri mes Marianuccit apo Mazzocchit. Rezultatet e ekzaminimeve priten të përcaktojnë kohën e rikuperimit të mesfushorit./S.K/KP/

Continue Reading

Lajmet

​Juventusi shkarkon trajnerin Tudor

Published

on

Humbja ndaj Lazios i ka kushtuar trajnerit Igor Tudorit, ku klubi bardhezi ka vendosur ta shkarkojë trajnerin kroat pas një serie rezultatesh të dobëta në fillim të këtij sezoni.

Sipas La Gazetta dello Sport detyrën e përkohshme të trajnerit do ta marrë Massimo Brambilla, deri në emërimin e pasardhësit të ri.

Nën drejtimin e Tudorit, Juventusi ka zhvilluar tetë ndeshje në Serie A, ku ka grumbulluar vetëm 12 pikë dhe ndodhet aktualisht në vendin e tetë të renditjes.

Në fazën e grupeve të Champions League, bardhezinjtë kanë siguruar vetëm dy pikë në tre takime, çka ka thelluar krizën e skuadrës torineze./S.K/KP/

Continue Reading

Lajmet

Vihen nën mbrojtje Liqeni i Ujmanit dhe Mali Mokna

Published

on

Zëvendësministri në detyrë i Infrastrukturës Hysen Durmishi, ka njoftuar se kanë vënë nën mbrojtje Malin Mokna dhe Liqenin e Ujmanit. 

Ai ka thënë se javën e kaluar ka nënshkruar vendimin për mbrojtje paraprake të “Malit Mokna dhe Liqenit të Ujmanit”, i cili sipas tij është nga vendimet më të rëndësishme për mbrojtjen e natyrës në Kosovë.

“Me këtë vendim, Republika e Kosovës bëhet shteti me përqindjen më të lartë të territorit nën mbrojtje të natyrës në gjithë Ballkanin Perëndimor. Pas një studimi njëvjeçar në terren, është konstatuar se kjo zonë përbën pasuri të rrallë natyrore, me biodiversitet të pasur dhe peizazhe me rëndësi të veçantë ekologjike e shkencore”, ka shkruar Durmishi.

Ai ka shkruar se zona me sipërfaqe prej 192.19 km² tashmë vihet nën mbrojtje paraprake, siç ka thënë duke e ngritur në 12.4% përqindjen e territorit të Kosovës që mbrohet ligjërisht./S.K/EO/

Continue Reading

Të kërkuara