Teknologji

Kampanjat britanike – Zuckerberg-ut: Facebook t’i japë përparësi mirëqenies së fëmijëve!

Atij i’u kërkuan të ndërmarrë disa hapa për të rifituar besimin.

Published

4 years ago

on

Disa kampanja në Britani i kanë shkruar shefit ekzekutiv, Mark Zuckerberg, një listë të kërkesave për të shtuar e pëmirësuar sigurinë në internet të të rinjve, transmeton UBT News.

Kjo aleancë paralajmëroi Zuckerberg se Facebook ka humbur besimin e prindërve, pasiqë, sipas tyre, po i jep përparësi fitimit komercial në vend të nevojave të fëmijëve dhe se duhet të ndërmarrë hapa për të rikthyer besimin në platformat e tij.

Pas shumë akuzave: Facebook do të rrisë sigurinë, veçmas për adoleshentët në Instagram

Themeluesit dhe shefit ekzekutiv të Facebook, i kërkohet të publikojë vlerësimet e tij të brendshme për rreziqet me të cilat përballen të rinjtë në shërbimet e tij në një letër me 59 nënshkrues, përfshirë Shoqërinë Kombëtare të Mbretërisë së Bashkuar për Parandalimin e Mizorisë ndaj Fëmijëve dhe Koalicionin e Shpëtimit të Fëmijëve në MB.

“Kompania duhet të bëjë shumë më mirë për të rimarrë besimin e prindërve dhe profesionistëve të mbrojtjes së fëmijëve, dhe më e rëndësishmja, për të siguruar që vendimet e saj të produktit të kontribuojnë në vend që të komprometojnë sigurinë dhe mirëqenien e fëmijëve”, thuhej në letër.

Letra është dërguar pas zbulimeve nga sinjalizuesja e Facebook, Frances Haugen, e cila ka akuzuar kompaninë për një qasje të dobët ndaj sigurisë gjatë dëshmisë së saj edhe në Senat, pasi kishte publikuar një mori dokumentesh në Wall Street Journal./UBTNews/

SHBA, dëshmon në Kongres kundër Facebook ish-punonjësja Frances Haugen

Disa nga hapat që atij i’u kërkohen të ndërmarrë janë:

  • Të ndahen të gjitha hulumtimet e brendshme të Facebook mbi ndikimin që kanë platformat e tij në mirëqenien e fëmijëve.
  • Përcaktoni se çfarë hulumtimi është kryer se si shërbimet e kompanisë kontribuojnë në abuzimin seksual të fëmijëve.
  • Publikoni vlerësimet e rrezikut sesi platformat [e Facebook] ndikojnë tek fëmijët.
  • Jepni detaje të një rishikimi të reputacionit të brendshëm të produkteve të tij.
  • Rishikoni nënkuptimet e mbrojtjes së fëmijëve të mesazheve të koduara.

Related Topics:
Continue Reading

Teknologji

Samsung zbulon zyrtarisht projektin “Moohan”, kufjet e reja Galaxy XR

Published

3 hours ago

on

October 22, 2025

By

Samsung ka zbuluar zyrtarisht projektin Moohan, i njohur publikisht si kufjet XR të kompanisë, të cilat pritet të lansohen me emrin Galaxy XR.

Pajisja, që u prezantua gjatë panairit CES, tani po merr debutimin e plotë në një ngjarje të dedikuar të planifikuar për orën 2 të mëngjesit.

Platforma dhe fuqia e pajisjes

Sipas detajeve të para, Galaxy XR do të funksionojë me sistemin operativ Android XR të zhvilluar nga Google, ndërsa do të fuqizohet nga procesori më i avancuar i Qualcomm, Snapdragon XR2+ Gen 2.

Samsung ka deklaruar se “Android XR është projektuar për t’u shkallëzuar në të gjitha format”, duke sinjalizuar plane më të gjera në fushën e realitetit të zgjeruar dhe pajisjeve inteligjente.

Projekte të tjera në zhvillim

Edhe pse kufjet Galaxy XR janë fokusi kryesor i këtij lansimi, raportohet se Samsung po punon në syze inteligjente dhe formate të tjera XR, pjesë e Projektit Haean dhe Projektit Jinju, që njihen si iniciativa të brendshme të kompanisë.

Këto produkte nuk pritet të prezantohen sot, por më shumë detaje zbulohen gjatë eventit të transmetuar drejtpërdrejt. /A.Z/UBT News/

Continue Reading

Automobilizëm elektrikë

Porsche prezanton drejtuesin e ardhshëm të kompanisë

Published

21 hours ago

on

October 21, 2025

By

Bordi Mbikëqyrës i Porsche AG ka emëruar Michael Leiters si Drejtor Ekzekutiv të kompanisë, me detyrën që do ta marrë zyrtarisht më 1 janar 2026.

Leiters do të pasojë Oliver Blume, i cili ka udhëhequr Porsche për 10 vjet dhe do të vazhdojë karrierën e tij si Drejtor Ekzekutiv i Grupit Volkswagen.

Sipas Wolfgang Porsche, kryetarit të Bordit Mbikëqyrës, Blume udhëhoqi kompaninë me sukses në periudha të vështira, duke arritur rezultate rekord financiare, hyrje në tregje të reja dhe suksese të rëndësishme në sportet motorike.

Blume deklaroi se pas një dekade në krye të Porsche, ka vendosur të përqendrohet plotësisht te Volkswagen.

Ndërkohë, Michael Leiters vjen nga pozicioni i Drejtorit Ekzekutiv të McLaren Automotive, ku punoi që nga viti 2022.

Më parë, ai ka qenë Drejtor i Teknologjisë në Ferrari për mbi tetë vjet dhe ka punuar për më shumë se 13 vjet në Porsche, ku ishte përgjegjës për modelet Macan dhe Cayenne. /A.Z/UBT News/

Continue Reading

Teknologji

Meta mbyll Messenger për desktop në Windows dhe Mac

Published

1 day ago

on

October 21, 2025

By

Meta ka njoftuar se aplikacioni i Messenger për desktop në Windows dhe Mac do të mbyllet.

Që nga 15 dhjetori, përdoruesit do të duhet të përdorin direkt Facebook për të vazhduar bisedat nga kompjuteri i tyre.

Gjatë procesit të mbylljes, përdoruesit do të marrin një njoftim brenda aplikacionit dhe do të kenë 60 ditë për të përdorur Messenger përpara se të mbyllet përgjithmonë.

Meta rekomandon që përdoruesit të ruajnë historikun e bisedave para se aplikacioni të zhduket, përndryshe të dhënat mund të humbasin përgjithmonë.

Ndërkohë, aplikacioni Messenger për desktop nuk është më i disponueshëm në Apple App Store. /A.Z/UBT News/

Continue Reading

Teknologji

WhatsApp vendos kuotë mujore për mesazhe

Published

1 day ago

on

October 21, 2025

By

WhatsApp po teston një shtojcë të re për mesazhet që kufizon numrin e mesazheve pa përgjigje që një llogari mund t’i dërgojë një marrësi.

Ky kufizim synon kryesisht dërguesit që dërgojnë shumë mesazhe dhe llogaritë mashtruese.

Mesazhet e individëve dhe bizneseve do të llogariten në këtë limit, përfshirë mesazhet e shumta të palexuara që u dërgohen përdoruesve. Nëse marrësi përgjigjet, mesazhet hiqen nga kuota mujore. WhatsApp gjithashtu do të paralajmërojë llogaritë që afrohen pranë këtij kufiri.

Kompania thekson se përdoruesit mesatarë ndoshta nuk do ta arrijnë këtë limit, duke e bërë këtë një mënyrë për të parandaluar që individët t’u dërgojnë mesazhe atyre që nuk përgjigjen.

Aktualisht, testimi është i fokusuar tek bizneset dhe llogaritë mashtruese, por në javët e ardhshme do të shtrihet në disa vende.

Meta ka ndërmarrë më parë hapa për të zvogëluar mesazhet mashtruese. Vitin e kaluar mundësoi anulimin e abonimit nga mesazhet promocionale, ndërsa në gusht të këtij viti njoftoi që përdoruesit do të informohen kur dikush jashtë listës së kontakteve i shton në një grup.

Deri në gjysmën e parë të vitit 2025, WhatsApp ka ndaluar mbi 6.8 milionë llogari të lidhura me qendrat e mashtrimit. /A.Z/UBT News/

Continue Reading

Të kërkuara