Kalon 1.5 miliard numri i vaksinave të dhëna kundër koronavirusit

Published

5 years ago

May 19, 2021

Betim Gashi

Në të gjithë botën janë dhënë së paku 1.5 miliard doza të vaksinës kundër koronavirusit, tregon një vlerësim i agjencisë së lajmeve AFP.

Sipas llogaritjes së saj, të bazuar në burime zyrtare, saktësisht janë dhënë 1,500,017,337 doza.

Rreth tri të pestat e totalit janë të përqendruara në tri vende: Kinë, SHBA dhe Indi.

Izraeli prin me përqindjen e popullatës së vaksinuar: gati 60 për qind e qytetarëve atje kanë marrë nga dy doza të vaksinës.

Në Britani, 54 për qind e popullatës kanë marrë së paku një dozë, ndërsa në SHBA 48 për qind.

Në Bashkimin Evropian, sipas shifrave zyrtare, së paku 32 për qind e popullatës kanë marrë së paku një dozë të vaksinës.

India mbetet një nga vendet e goditura më së keqi në botë nga pandemia e koronavirusit.

Ajo ka normën më të lartë të të infektuarve, pas SHBA-së, përkatësisht mbi 25 milionë raste.

Ministria e Shëndetësisë e Indisë tha se në 24 orët e fundit ka regjistruar edhe 4,529 viktima nga koronavirusi dhe mbi 267,000 raste të reja.

Në të gjithë botën, koronavirusi ka prekur mbi 163 milionë njerëz. Prej tyre, mbi 3.3 milionë kanë vdekur.

Në Evropë, vendi me numrin më të madh të rasteve është Franca, mbi 5.9 milionë, ndërsa numri më i madh i viktimave është regjistruar në Mbretërinë e Bashkuar, mbi 127,000.

Tërmet në Greqi, lëkundjet u ndjenë edhe në Maqedoninë e Veriut

Published

7 minutes ago

September 25, 2026

UBTNews

Një tërmet me intensitet prej III gradësh sipas Shkallës Evropiane të Makroseizmikës është ndier mbrëmë rreth orës 22:18 në Manastir, Resnjë dhe zonat përreth.

Sipas Observatorit Sizmologjik në Shkup, epiqendra e lëkundjeve ishte në Greqi, rreth 120 kilometra në jugperëndim të Shkupit.

Deri më tani nuk raportohet për dëme materiale apo të lënduar nga ky tërmet.

Asambleja e Përgjithshme e OKB-së, kryeministri Rama mban sot fjalimin

Published

23 minutes ago

September 25, 2026

UBTNews

Asambleja e Përgjithshme e OKB-së, kryeministri Rama mban sot fjalimin e tij në hapje të debatit

Kryeministri Edi Rama ndodhet në Shtetet e Bashkuara të Amerikës për të marrë pjesë në Asamblenë e Partishme të OKB.

Sot, në rreth 17:00, sipas orës lokale, ai pritet të mbajë fjalimin në Asamblenë e Përgjithshme të Kombeve të Bashkuara.

Rama pritet të flasë në hapje të debatit të Asamblesë së Përgjithshme. Gjatë qëndrimit në SHBA, kryeministri ka zhvilluar një takim me komunitetin shqiptar në Michigan.

Në axhendën e tij janë parashikuar gjithashtu takime me përfaqësues të politikës, ekonomisë dhe organizatave ndërkombtare.

Punimet e Asamblesë së Përgjithshme të OKB-së zhvillohen nga 22 deri më 28 shtator. Në këtë vizitë, kryeministri Rama shoqërohet nga bashkëshortja e tij, Linda Rama, si dhe nga delegacioni zyrtar.

Gjatë qëndrimit në SHBA një grup shqiptarët kanë protestuar në momentin që kalonte delegacioni shqiptar. Autoritetet amerikane qe garantonin sigurinë e kryeministrit dhe të pranishmeve te tjerë; kane ndaluar një prej protestuesve, i cili hodhi veze në drejtim të delegacionit.

Lajmet

Kanosje me thikë në Prishtinë

Published

1 hour ago

September 25, 2026

UBTNews

Policia e Kosovës ka intervistuar dy persona të dyshuar në lidhje me një rast të kanosjes, ndërsa në vendin e ngjarjes ka konfiskuar një thikë.

Pas intervistimit, me vendim të prokurorit, njëri nga të dyshuarit është dërguar në mbajtje, ndërsa i dyshuari tjetër është liruar dhe rasti ndaj tij do të vazhdojë në procedurë të rregullt. /E.A/